اريد حلاً...محتااااره

[Om froos]

المشكله هو من عيونه انا عارفته هو حاس انه في شي وميت ويعرف ايش هو وانا اضحك مسويه الوضع عادي بس من جوا اغلي وغير كذا كل مامسك جواله وهو يقرا يرفع عينه يطالع فيني ونظرته باين انه خايف من شي عشان كذا ودي ابرد غليلي وانفجر فيه وودي اقول له تراني حلمت حلمي المعتاد واذا فيه شي لاتخليني اكتشفه لأن اللي فيني مكفيني واخليه يوسوس وودي اسكت عشان لما ينام اقرا باقي المحادثات يعني اليوم ايش قالوا خصوصا انه فيه مباراه فريق هم الاثنين يشجعونه فأكيد فيه سوالف واخاف ارمي عليه سالفة الحلم ويحرص ويصير يمسح وراه مع اني حاسه انه خايف..مدري شسوي ولا ودي انزل نفسي لها واكلمها ولا ودي بكره تنقلب السالفه ضدي وتروح تقول لزوجي وهو يقلب علي فهمتيني؟؟

 

[بلقيسيه تحبكم]

الله يكون في عونك

عسى بنات الحرام البط في كبودهم
وانتي الله يحل ضيقك ياااارب ويسخر لك زوجك

 

[نهآية البدآيه]

والله يآقلبي مآعرفنآ لك :24:

سوي اللي يريحك بس توقعي اي شي يصير يعني لاتفكرين كيف ترضين نفسك وتنسين العوآقب

موفقه :32:

 

[نور نجمة]

الله يعينك ويصبر قلبك

واذا فية مجال تروحين معة من باب تغيير جو وتعيشون مع بعض ي

 

[نور نجمة]

الله يعينك ويصبر قلبك

واذا في مجال تروحين معة من باب نغيير الجو وتعيشون مع بعض يومين

يعني حجة وحاجة

وبصراحة ما اعرف لية خنقتني العبرة وانا اقرا قصتك

فحاولي تكوني معة وين مايروح والله يعينك

 

[Om froos]

اقول الى متى نداري خاطرهم ونضغط على نفسنا عشانهم انا بتوكل على الله وبواجهه بس مو اليوم بشوف سوالفهم حقت اليوم وبكره بواجهه...

والله احنا مساكين نداري ولايستصغر نفسه ولايزعل انا بفجر القنبله وبكيفه هو الغلطان ونا اللي اداري؟؟
والله ماهو نافعني ان جاني سكر او ضغط..اهم شي ابرد قلبي وبحلف يمين ان دريت عن شي غير كذا تراني والله بايعه انت وولدك اهم شي راحتي وراحة بالي..وبقهره بضيف اخوانه عندي بالبي بي وخله يحس بالحرقه اللي احسها..وبخربكم بكره ايش يصير معاي..واللي عندها نصيحه لاتبخل خواتي..

 

[bnota*sugar]

حبيبتي انا رايي ليش ماتواجيه وتقوليلو

ترا الموضوع مرا خيسلي مزاجي

انا من رايي تواجههي بالموضوع وفي نفس الوقت حطي للموضوع حد
لا تخلي يتمادى اكتر من كدا وانتي بطريقتك يعني انتي ادرى بزوجك
وبالطريقه الي ممكن تردعه

والله يهديلك هوا ويسخرلك هوايارب

 

[طموحة إلى العلى]

حبيبتي اذا كان هو راح يسافر مع اصحابه مافيه داعي للخوف انه راح يروح لهم وبعدين اذا جاء تأكدي من جوازه وإذا صار راح لهم قولي له عن المحادثه لانها معك وازعلي بس هذا اذا تأكدتي انه راح عندهم ..
أما اذا ماراح يمكن كان يسكتها ويمشي الموضوع وطبعا لا تسكتين عنه سوي زي ماسوى معك واذا قال شي قولي له اذا هذا الشي مايرضيك أكيد مارح يرضيني انك تسويه وبكذا تكونين علمتيه انك عارفه وقولي ماراح احذف اخوك الا اذا حذفت بنت عمتك وابغاك تكون مقتنع وقولي انا مازعلني الا انكم تتكلمون عن امور خاصه .

 

[Om froos]

طموحه قصدك اصبر الى ثاني العيد؟؟

يمه بنبط مني قادره..وبردتي قلبي تأيديني بأني اضيف اخوه؟؟

الله يقدم اللي فيه الخير والله احس اني بنفجر وكل مااكتب لكم ابرد شوي وكل ماتكلمت معاه احس اني ودي انط بحلقه بس امسك نفسي..

 

[نهآية البدآيه]

سبحآن الله تضيفين اخوه ليه ..؟؟

طيب البنت شوفي كيف تكلمتي فيهآ وسبيتيهآ ولاخليتي عليهآ كلمه تجين الحين تسوين مثلهآ وتضيفين اخوه؟؟

لاتصلحين الغلط بغلط

لان السآلفه جد بتنقلب عليك وبيقول لاهلك انك ضآيفه اخوآنه عندك وتسولفين معهم !!!!!!!

 

[نهآية البدآيه]

وتذكري ان هالشي حرآم قبل انه يكون عيب وغلط بحقك لان اخوه مو محرم لك

 

[بلقيسيه تحبكم]

لا .. طبعاً ماتضيفين اخوانه ولا جدانه
اعملي بأصلك وخليك دوم رافعه راسك بأدبك واحترامك لنفسك
ولاتصغرين نفسك عشان بس تقهريه

 

[تعبت حبيبي]

ام فروس لا تضيفي اخوه لا تصححي الخطا بالخطا
ولا تواجهيه واجهيها هي واخبري حد من اهلها الي بتعمله مع زوجك

 

[مرجـــانه000]

الله يفرج همك ** اكثـــــــــــــــــــــــــــــــــــــــــري الاستغفار000
انا من رايي ماتقولين شي لكن دقيه بالكلام دامك تقولين تحسينه خايف دقيه بالحكي اللي يحسسه انك عارفه وهو مومتأكد
ما أدري يأيدووني خواتي بقولي والا لا ؟؟؟

وكــــرري
(اللـــهم اني استودعتك قلب زوجي فلا تسكنه احد غيري ** اللهم اغنه بحلالكعن حرامك)

قلبي معك الله يفرج همك يالغلا

:32: وتقبلي مروري :32:




اللــهــم صلي وسلم على نبينا محمد

سبحان الله والحمد لله ولااله الا الله والله أكبر

أستغفر الله العلي العظيم لي ولوالدي ولمن له حق علي وللمسلمين والمسلمات والمؤمنين والمؤمنات الأحياء منهم والأموات

 

[تؤام روحي وقلبي]

الله يسهل عليك

 

[زوجةاسير]

عليك بالدعاء وكثرة الاستغفار ولا تستعجلين تهدمين بيتك وزوجك علشان وحده ماتستاهل

 

[طموحة إلى العلى]

أنا لم أقصد ان تحادثه فقط تضيف أحد باسم ولد أخت أو صديقة لأن يمكن هذا الشيء يأدبه ..

لاتفتحين معه الموضوع لا تلميح ولا تصريح حتى يرجع من السفر وتتعرفي على مدى صدقه معك ومدى العلاقة التي بينهما ..

فيمكن أن تكون محادثات عاديه وتلك كانت مجرد لعبه وكما يتضح من كلامك انه من بيئه منفتحة فلا يحس بخطأ مايعمل به فحتى لو أضفت أخيه يحس انه شي عادي وهذا يرجع الى تربيته المنفتحة ..

غاليتي لاتفقدين حياتك المستقره فهو كما يتضح لي انه يحبك ويحترمك ولا يريد منك الزعل عليه ويعطيك جميع حقوقك المادية والمعنوية فحافظي على هذه النعمه ..

وأنصحك بعد مايرجع من السفر لمحي له بذكر قصص حول هذا الموضع وجعليه يبدي رأيه وابدي انت رأيك أيضا حتى يتعرف هو بنفسه على مدى خطأه وهذا بعد أن تتأكدي من تصرفاته اثناء السفر وهذا هو التلميح أو التصريح وهو كما ذكرت تضيفي أحد باسم ولد وتقوليه بعدين انها اختك او صديقتك بس سويت كذا علشان يحس باللي يسويه انه خطأ وانك مستحيل تسوين هالحركات لانك تخافين من الله أولا ثم لحترامك لزوجك وابنك ..

أهم شي لا تزعلين كثير فيكون زعلك مثل رضاك ويتعود على ذلك ..

وهذه عاجلا أم أجلآ ستتزوج هذه القريبه وينتهي الأمر فلا تخربين حياتك من اجلها ..

امدحيه وقولي انا عارفه انك ماترضى هذا الشيء لا لي ولا لبناتك في المستقبل بعد ذكر قصص من هذا النوع فيمكن ان يحتقر نفسه ..

وآخيرآ حافظي على حياتك المستقرة ولا تفقدين الثقة بنفسك أولا ثم بزوجك ثانيآ ..
الله يسخر زوجك لك ويبعده عن المحرمات ماظهر منها ومابطن وكل من تقرأ الكلام .. اللهم آميين ..

 

[سيره ضعفي]

والله المفروض يحذفها ولا تسمحين له ابدا انها تكون بجواله خصوصا انها وسخه وكلامها مو محترم وتحاول تجذب الرجال فيه اذا انتي تخافين على زوجك خليه يحذفها بالمرررررره ....والله يسخره لك ان شالله

 

[Om froos]

طموحه المشكله اني مره سويتها اضفت بنت خالي وخليتها تمثل انها اخوها...وذيك المره سويتها لأنه كان ضايف بنت عمته اللي هي اخت الحاليه والبلا اني ماكملت تمثيليتي كلها يومين واعترفت له وهو قال لي اصلا ادري انه مستحيل تسوين كذا قلت له يعني مانقهرت قال الا بس من جوا مستيقن مليون بالميه انها ياأما تمثيليه او تكذبين لاني واثق مليون بالميه انك ماتسوين كذا وهذا اللي قاهرني انه حاط في بطنه بطيخه صيفي من هالناحيه مع انه غيرته الشديده تبين العكس...عشان كذا فكرت اضيف اخوه بكذا بيتأكد من الطرفين ووالله انه صغير وادري غلط بس شسوي ودي اذوقه اللي يذوقني اياه...ولو يوم واحد والله مدري شسوي دارت فيني الدنيا وادري الموضوع مايستاهل وادري انه يحبني ومستحيل يفكر بذيك بس كلامها مايطمن وابليس مامات...

 

[مهوره]

الله يفرج همك