helwaya
New member
- إنضم
- 26 نوفمبر 2006
- المشاركات
- 221
اسمحولي خواتي كل ابوكم اعطيتو رايكم من طرف واحد
مع اني قريت القصه عدة مرات
شلون اقول رايي في قصه اخاف اكون هدمت بيت بظلم
لاحظت تناقضات كثيره
1 ) كيف الزوج كان زين وامها تحبه ذاك الوقت
بعدين صار شذي ؟ ؟ ؟ قد تكون الزوجه لها دخل ! ! !
2 ) تقولين ان الزوج وضعه ركيك في شغله
وتبين اختش تسكن بيت جديد وعفش جديد و طلبات ثانيه ؟ ؟ ؟
لازم تعرفي ان الزوجه الصالحه اللي تحفظ زوجها بنفسها وبماله مثل ما قال الرسول
3 ) اظن ان زوج اختش مو لعوب لانه اذا قتر على نفسه فهو صريح يقول ابغى ابني بيت
ما قال ابغى اتزوج
بعد هو طبيب لو انه يبغي يمتع نفسه بفلوسه ماحد يقوله شي
وساعته تشوفين الحريم حواليه و اختش تندب حظها
لكنه يحاول يعمل شي لمستقبل اختش مو وحده غريبه
4 ) شلون اختش صبرت عليه وعندها منه اولاد مادري كم
والحين تذكرت ابوها
ليش ابوها ما راعا حق زوجها في قراره في من يدخل بيته
تقولين ابوها شيخ
شلون الشيخ يسمح لنفسه الاهانه وهو يعرف ان الشرع مع الزوج
طالعي خطبة الوداع للرسول في حجة الوداع
((( الزوجه ما تدخل احد يكرهه الزوج لبيته دون رظاه)))كما قال الرسول (ص)
اظن ان ابوش غلطان وهو يبي يهدم بيت بنته
5 ) في المشكله الاولى تقولين ان الزوج رفض فصل غرفة النوم عقب قلتي رفض يفصل البيت
عقب قلتي طلع امه وخلى البيت كله لختش ؟ ؟ غريبه يرفض السبق ويرضى باللاحق ؟ ؟
اظن ان زوج اختش يحبها باخلاص لاكن اختش ما قادره تفهمه
6 ) شي ثاني وهو علاقة الزوج بالاب ليش اختربت ؟ ؟ انا ماقدر اعطي تعليق
لاني ما اعرف المشكله وعلى مين الحق
طبعا اتي بتكونين مع ابوش وظد الزوج لاكن انا شوي اشك فصحة رايش
7 ) مبين على زوج اختش انه اصيل لانه ماحرمها من اهلها روحي شوفي غيره شيساوون
بحريمهم من طق و ظرب وهواش وسب الاهل
يعني اشوف ان الى سواه زوج اختش ممكن يكون قاسي في هالنقطه
لاكنه حقه و اسالي عن السبب ؟ ؟ علشان شذي باسال عن مشكلته مع ابوش
لان الزوج شنه ماقصر مع اختش لاكنه قصر مع ابوها ؟ ليش ؟ ؟ كان اجدر انه
يبهدل اختش في كل حياتها لاكنش تقولين انه كان ممتاز معها ؟ ؟ ؟
8 ) اما هو دكتور ويعرف اكثر منا كلنا في علاج اولاده
خصوصا انش تقولين انه يحبهم وايد اكيد ما يرضى عليهم المرض
كثير اروح للاطباء واقول لهم عن مرظ فيني ويعاجوني بدون فحص حتى
واستغرب منهم واروح واتركهم واتعالج بالبيزات ويطلع نفس الدوا والعلاج
واكون خسرت بيزاتي بس عباطه
9 ) اما الفيران , صراحه اغلب لبيوت فيها وعلاجها سهل من البلديه
وبعد اقول كل البيوت خرت من المطر غير العادي ذا العام
يعني هاذا شي مو غريب ! ! !
10 ) تقولين انه يحصل على معاش كبير ويظيعه على هله واخوانه ويصرف عليهم
عقب كل هاذا تقولين عنه بخيل ؟ بخيل ؟ بخيل ؟ ؟
والله ما ادري ويش تعريف البخيل عندش
اللي يصرف على اخوانه و يالله الكفاف (بخيل)
اما تبينه يصرف على اختش ويرمي هله عشان تقولين عنه كريم
والله اذا فعلها انه يكون خسيس (انا اربي ولد ويرميني وصرف على زوجته؟ ؟ )
استحلفك بالله قصر معها في الثياب, في العلاقه الزوجيه, في الحب,
في النهايه اقول ان زوج اختش يبيله من يجلس معاه ويفهمه
وخل اختش تترك عنها الخرابيط وما تكون طماعه
شن اختش متزوجته لانه دختور مو لانها تحبه
وهاذي الانانيه من اختش هي سبب المشاكل
ياخواتي لا تزعلو مني وتقولو هاذي شتقول ؟ ؟
لاكن لازم تحاولو انكم تحافظو على بيت اخت حبيبتنا
مو تشجعوها على الطلاق وظياع الاولاد
توقعون ان اللي سوته صحيح
تترك بيتها واولادها مع ان زوجها ما ساوا الا انه طالب بحقه
من منع الاب دخول البيت بسبب المشاكل
مثل ما اعطا الزوجه حقها في السكن بعيد عن الام
تذكرو ان الام كبيره مريظه وهو طبيب
لاكن اطر ينفصل عنها لانه حق زوجته شذي
والله اظن ان الزوج مظلوم و انه يحتاج منيفهمه
والله اعلم
نصيحه لاختش ترد بيتها واولادها
وهي ادرا بطبع زوجها وشلون تتعامل وياه
ما اتعدى عليش استاذه ناعمه
يعل الله ينصرش لانش تساعين الناس
والله اعرف ناس ساعدتيهم و يتمنون يبوسون ايدينش
اقولها انش انقظتيهم منالظياع
الله يوفقش
:surrender: رد جميييييييييييييييييييييييييييييييييييييييل يحتاج الى وقفة من صاحبة المشكلةةةةة :icon30: