اختي و مشكلتها في الوزن [you]

[إأإلصـمـ صدى ـت]

السلام عليكم .. كيف الحال .. انشاءلله مرتاحين

ما بطول عليكم بدخل في صلب الموضوع .. المشكله مب معايه مع اختي .. عمرها 27 سنة متزوجه . عندها 3 اولاد و بنت الله يخليهم لها .. تشتكي من وزنها .. و تقول من ولدت بالبنت وهذا وزنها ما يطلع ولا ينزل من سنتين و نص وزنها 65 و طولها 155 و تبا تكون طبيعيه بمعنى جسم مثالي بس مب عارفه شو اسوي .. و ع فكره هي ما تحب الشوكليت واااايد .. ماشاءلله عليها ما حفظه على صيامها يعني السنن مثلا الاثنين و الخميس و تاسوعا و عاشورا و هذيلا يعني .. و مب من النوع اللي ياكل واااااايد .. بس وجبتها الرئيسيه ان كان غداء و لا عشاء رز أبيض و صالونه .. و تبا الحل و يا وزنها لأن زوجها يباها توصل لــ 55 و ما تعرف كيف .. ؟؟ ممكن اتساعدونها ؟؟

 

[shouq123]

هلا حبوبة حاولي تشربي ماي قبل الأكل لأنة بيشبعج وما بتاكلي وايد

 

[بنوتة مزيونة]

والله حتى انا تعقدت من الوزن الزائد

حتى ما أكل كثير وامشي وااااايد

بس بعد ما أخسر وزن

سبحان الله هو الجسم نفسه ما يحرق ودهون وما تخسرين

وزن بسرعة

تحاول تعتمد على الخضروات والفواكهة

هاااي كل الي اقدر اساعدج فيه أختي

تحياتي

 

[التقوى نجاة]

ياحبيبتي خليها دايم تشرب موية حارة يعني موية مغلية بدل الموية الباردة وتبطل من الغازات وتستبدلها بعصيرات

والشئ الثاني تشرب مغلي الهرد اللي هو الهرد أو الكركم الطازج تغلية وتشربة مفيد أيضا للمتزوجات تؤدي إلى

تضيييق (( المنطقة )) يعني كأنها بكر ماأتزوجت ..

 

[أحاسيس طفله]

خليها تسوي رياضه وإن شاء الله تنحف ل55

 

[safeerth]

نفس بنت عمي

وهي راحت اخصائية تغذيه وكان عندها نفس المشكله بسالها ورد عليك

 

[لب لب]

هذي مشكلة الجميع والكل يعاني اما من زياده اونقص في الوزن ونصيحه مثل ماقالت اختي التقوى نجاة لاتشرب غازات وبعد تكثر من شرب الماء لانه يساعد في حرق الدهون وتشرب شاي اخضر طبعا من غير سكر وتحاول تمشي اذا كان ممكن وتبتعد تقلل من الحلى والسكريات .

 

[لمسة احساسـ]

ياقلبوووو احس وزنها معتدل مو زايد واجد

لاكن مدام زوجها يبيها تنزل خل يسجلها بنادي صحي

 

[اَحـ؛؛؛؛لام]

انا رايي مع البنات وبعدين الثقه بالنفس اهم شي

ولازم تشارك في نادي او تمارس الرياضه بالبيت

 

[كافيتشينو]

انا اشوف انها تجرب تبتعد عن الاشياء اللي تحبس الموية فجسمها وتسبب لها السمنة وهذه الاشياء تعرفها من فصيلة دمها وان شاء الله بنزلها فموضوعك عشان تستفيد اختك وكل من يحتاجها تمنياتي للجميع باجسام مثالية

 

[هدى عثمان]

هلا اختي شو اخباركم والله مشكلة اختك جدا سهلة والحمدلله انها ما سمينة مرة عليهاباتباع سنة الرسول صلى الله عليه وسلم بالاكل أن تقوم عن الطعام غير شبعانة ولا تأكل الأكل الا اذا جاعت والله انا عايشة بالطريقة هذي وعندي 5أولاد الحمد لله اكبرهم متزوج ما شاءالله وجسمي رشيق ووزني 55 كيلو ما يزيد ابدا اتبع هذا النظام في الأكل وفي الليل قبل ما انام اشرب كاس من اي نوع من الزهورات واتمنى لكم التوفيق والصحة

 

[ام العميد]

حبيببتي : ما حد ينزل وزنه إلا إذا اتبع حمية أو نظام معين مع التمارين الرياضية ..
من تجربة : كنت أخفف وكذلك أصوم وأحيانا أمشي ولكن وزني إذا مازاد يثبت,,, في أشياء كثيرة ما تخلي الوزن ينزل :
1- لازم شرب 8 أكواب يوميا ,,والأفضل 2 منهم على الريق وتكون دافية .
2 - شرب 3 أكواب شاي أخضر في اليوم .
3 - عدم الأكل بعد الساعة السادسة مساء .
4 - اتباع حمية معينة .
5 - ممارسة التمارين الرياضية .
6 - كسر النظام بين فترة وأخى حتى ينزل الوزن لأن الجسم إذا تعو على نظام معين لا ينزل .
هذا اللي عندي وإن شاء الله أكون افدتك .

 

[إأإلصـمـ صدى ـت]

يسلمو حباااااااااااااااااااااااااايبي .. و انشاءلله يفيدها هالشي .. بس ليتها تعرف تدخل المنتديات مشان تستفيد .. بس شكلي انشاءلللله بخربها و بخليها تدخل هههههههههههه ..

 

[Mmloo7ah]

عليها بالاتي 00
1ـ شرب الماء بكثره
2ـ الابتعاد عن النشويات
3ـ اكل السلطه والاكثار فيها لانها لاتعمل على زياده الوزن
4ـ الاهتمام بالرياضه وخصوصا رياضه المشي 00
5ـ اهم شي العزيمه 00

 

[بنت منى]

السلام عليكم
هلا حبيبتي
شوفي قلبي شكل اختك عندها مشكلة في الهرمونات والأفضل تسوي فحص عام للجسم
وأهم حاجة الغدة الدرقية لأنها تلعب في الجسم لعبب
والله يسخر لها زوجها ويحفظ لها عيالها وتنحف على خير يااارب

 

[نبره شجن]

والله منكم نستفيد وهذي مشكله منتشره عندنا بالخليج واااااااااايد
ولو سمحتي اللي ذكرت الكركم كيف تستعمله
الف شكر وتقلبوا مروري
أختكم /نبرة شجن

 

[دفى يدينك]

يا اهلين ....اول شي ياعزيزتي ومن خلال تجاربي للوصول للوزن المطلوب..تغيير كل العادات اللي اكون عليها وقت الزود في الوزن ومع الوقت كلش يصير تماااااااام...
بالنسبةلاختك ياحبيبتي لول خطوة هي ان تترك الرز الابيض...وبعدتقولين ممكن يكون عشا!!!!!!!!!:essen::essen:هذا اكبر شي يعمل على زيادة الوزن موبس ثبلته
واذا حيييا متعلقة بالرز ففيه بديل وهو الرز البني ويكون غدا بسسسس والعشاء سلطات اوخضار او فواكه وياليت انه قبل النوم اقل شي بساعتين ولاتنام ماتمشي لونص ساعة
وتكككككككثر من شرب الماء والسوائل بشكل عام وتراها من اكبر اسباب النزول السريع للوزن وعن تجربة
وطبعا المشي الجاد والحركة ....وتشدعلى نفسها بدووووون تراخي حتى تصل لاحلى وزن في فترة قياسية باذن الله
انصحها كذلك ببذرة الكتان م صغيرة مجروشةعلى الريق وقبل النوم...مفيدة وراااااائعة في التنحيف وصحية جداجدا
هذا اللي عندي ودمتي بكل خير:icon31:

 

[ام سهررر]

شوفي حبيبتي انا مثل اختك وزني ماينقص بسااااهل سويت رجيم ومشي ومانفع
بعدين اتبعت رجيم الفصائل مع المشي لمدة ساعة والحمد لله نقص وزني
خليها تعرف شو فصيلة دمها وتتبع نظامه من المسموح والممنوع

 

[إأإلصـمـ صدى ـت]

يسلمو انشاءلله ببلغها بكلااامكن .. بس ليتها تفهم هههههههههه .. تقولي انزين هن ما قالن شي ان وزني ثابت من سنتين و نص .. اقولها يقولن ويقولن .. كل الكلام الللي قلتوه .. و على آآخر المكالمه قالت اها الحين فهمت .. بس يوم بتين بيت امي بنتفاهم في السالفه ههههه .. أظني عندها اختلال في الهرموونات خخخ

 

[reallove]

خليهااااا تمشي الصبح قبل الساعه 9 ساعه

وبعد العصر ساااعه

وتكثر الماي على الريق خصوصا

وتشرب الشوربه الحاارقه لدهون واهي انواع
وانا اسويها
الملفوف ( الكرفس ) تقطع وتسويه مثل الشوربه مع كوسا
واي خظاار بالثلاجه واحط اشوي ملح وبهااار واشربها مع الغداء والعشاا



والله يسهل عليهاااا وعلينااااا