احترت معه .....

[وحده منكم]

بحكي لكم قصتي انا تزوجت من شاب وللاسف اكشفت انه منحط اخلاقيا عديم الصلاه بعد زواجي باسبوعين جاني البيت سكران وجلس يكسر البيت والاثاث ويصارخ ويتفل بوجهي ويسب باهلي بصراحه انصدمت لما شفته ماتوقعت كدا بيصير معي هربت لهلي اتصلت عليهم وجو وشاف المنظر ابوي وقال مستحيل تجلسين عنده رحت اسبوع ورحعت قلت بنفسي عيب ماكملت شهر توني متزوجه والناس وكلامها وهو جاء واعتذر وقال غلطه ماراح اعيدها الموهيم صار يروح اسبوعيا يسكر ويجي ريحته طالعه واسكت مره ثنتين تعود علي صار يوديني لهلي وهو يرجع بالبيت يسكر هو واصحابه ويوم جاء صار يضربني بالعقال لما ابوس رجله يتركني وهو وقتها صاحي اذا تكلمت معه بهالموضوع وانصحه ومره كفوف بالسياره لين شق فمي 4 شهور على هالحاله لما يضربني ماكنت اعلم اهلي خايفه من المشاكل جاني مره سكران واخذني غصب من البيت ومسك بي خط سريع يفحط فيني بسرعه جنونيه توقعت اني اموووت وقررت اني اذا رجعت سالمه اهرب لهلي ومعاد ارجع له وهربت طلع لدوامه سكران ولميت عفشي وهربت جلست شهر الا هو يصل علي يقول تطوعت وجاء لهلي وشفته مربي اللحيه ورجعت معه صار يصلي بالمسجد حتى الفجر رحنا مكه الرجال مره التزم غيرنا البيت والاثاث عشان النفسيه جلس شهرين غلى هالوضع الشهر الثالث بدا بالتهاون بالصلاه طفشان متوتر اكتشفت انه حاجز بيطلع برى يهيص مع اصحاب السوء وكان قبلها يلمح لي يقول اللحيه بخفف منها ومن هالكلام الدخان مااقدر اتركه يهدي اعصابي كان يخفف منالدخان بس بالاخير صار يحرق فيه ولما وداني لبيت اهلي قال يومين واسافر مع المطاوعه اتصلت بالمطاوعه قالو له اسبوع مايكلمنا واحنا سافرنا دعوه وماندري عنه انصدمت عرفت انه رجع لطريقه الاول رحت لبيتي لميت عفشي كله ورجع عرف انه دريت عن وضعه مطوع الحاره قابله قال انه رجع لطريقه الفاسد وحلق لحيته وماصار يصلي بالمسجد هذا غير اسلوبه معي بالبيت غير محترم مافي لفظ وصخ مايقوله لي مخليني انا سبب مشاكله بالحياه عرفت من كلامه يحط لنفسه عذر انه بيرجع للشراب مره قال لي انه 12سنه يشرب ماراح اتركه عشانك ومره قال تطوعت عشان ارتاح من المشاكل الان انا قررت اني ماعاد ارجع له هربت لهلي 5 مرات لما صارو يعايروني فيه وهو مايبي يترك شي عشان حياتنا اعطيته فرص وقلت له قبل مايسافر المح له الي انا حاسه فيه وهو ولا كانه يسمع انا ببيت اهلي الان وقراري اننا نفصل مدام ربي مارزقنا باطفال لان من شب على شي شاب عليه وقلت له ذنبي برقبت اهلك الي يخطبون لك وهم عارفين ولدهم كيف وذنبي باهلي بعد لانهم ماعرفو يسالون علما انه مايقرب لي وفارق تعليمي بيننا كبير هو متوسط وانا جامعيه ودايم يعايرني بشاهدتي اني مااستاهلها الحين ابي رايكم قراري صحي ولالا احترت بنفسي وتعبت ... ردو علي تكفون

 

[غلا الوجدان]

قرارك سليم ميه بالميه

انفصلي منه وربي يعوضك ان شاء الله

اما تجلسين تغيرين منه على حساب حياتك غلط

عزمي على رايك ولاتضعفين

 

[يافعيه]

قرارك صح انفصلي والله يعوضك باحسن منه انتي سويتي الي عليك وزياده

 

[دمعتي خانتني]

اللهم لك الحمد مابينكم أطفال
كان تضحين علشانهم !!
أولاً استخيري ربك والله يخير لك الأفضل
ثانياً من ترك شيء لله عوضه الله خيراً منه
قولي : اللهم إإجرني في مصيبتي وخلفلي خير منها
ودمتي بصحة وعافيه..​

 

[نشضن]

قراااار رااااااائع وسليم لا تتراجعي إنفري بجلدك من عنده طبعا لازم الاستخاره في كل المور شوفي العالم هذا في ناس يستاهلونك كثييييييييير دام ما خلفتي منه وربي بيعوضك على صبرك وتعيشين مع واحد هني ويرزقك الذريه الي تقر عينك

 

[اه يادنيا]

نصيحتي. خليك على قرارك. هذا ماتضمنيه على حياتك لو بكره ورجعتي وصار وحملتي أيش راح يصير. بالمسكين إلي جاء على الدنيا وماله ذنب. بكره الناس وأصحابه بيعايروه. بأابوه. عارفه اني أبعدت بس أنبهك للي راح يصير في المستقبل. لاترجعي عن قرارك إلي يسكر مخه مغيب بكره يسوي فيك شيء مدام يجيب أصحاب السوء للبيت يأما سمعنا رجال أجبرو حريمهم على الدعاره. علشان المزاج حقه انتي الحين أبدي حياه جديده أتوضفي أو سوي مشروع مابتقعدي طول عمرك تهربي من بيته لأهلك

 

[نشضن]

قرااار سليي وراااائع لا تتراجعي طبعا لازم الاستخاره في كل الامور شوفي في الدنيا ناس كثيييييييييير يستاهلونك أحسن منه وربي يعوضك على صبرك وتعيشي حياه حلوه زي الناس مع واحد أحسن منه وتشوفي ذريتك وتتهني

 

[سيره ضعفي]

والله ياقلبي احسن شي سويتيه لحقي على عمرك قبل لايجيلك عيال وتبلشين صدق عاد وقتهاوانتبهي تفكرين ترجعين له ولا بحال من الاحوال والله يعوضك باللي احسن منه ان شالله
وييسر امورك يارب..

 

[الجروح]

استخيري ربك قبل كل شيء

بعدها انفذي بجلدك وصوني نفسك وأهلك قبل لاتجيك عيال

وقرارك سليم

وأسأل الله العلي العظيم أن يعوضك بالزوج الصالح التقي النقي الغني​

 

[hadifa]

انت أعطيته فرص كثيرة مو فرصة واحدة انقذي نفسك من هذا المريض قبل لا تكوني ضحية

حتى وان كان عندك أطفال ما تنلامي على قرارك

الله يعوضك بمن هو أفضل منه​

 

[حلمي ما أكتمل]

لاحول ولاقوه الا بالله .. يارب الطف بحالي وبحال البنات المجروحات يارب

أسمعيني اول شي إستخيري الخالق في قرارك ....

ثاني أقتنعي انه ماينفع يصير زووووج ويصير أبو

يضربك ضرب الين تبوسين رجوله ويتركك !! جعل رجله وإيده الشلل

أستغفر الله ..

الله يفرج لك همك ويعضو صبرك خيييييييير يارب

ان لله وان اليه راجعون​

 

[الشتاء الدافئ]

ليست مسئوليتك فساد اخلاقه وليست مهمتك اصلاحه وتحمل العذاب والاذى الجسدي والنفسي في سبيل ذلك ..ماخلقتي لهذا ..انعم الله عليك بعدم الانجاب منه فانفذي بجلدك واتركيه ..
ولاتنسي الاستخاره ورددي اللهم اجرني في مصيبتي واخلفني خيرا منها واحسني الظن بالله انه سبحانه سيعوضك خيرا منه

 

[راجية عفوك]

نصيحة مجربه

حبيبتي لا عاد تفكرين بالرجوع له لو يحلف لك بالحرم ولو يوصل دقنه ركبه الي يمشي بذا الطريق مايرجع الا ان يشاء الله ودام الله يحبك وما بلاك منه بعيال تضحين عشانهم لالالالالا والف لا لاترجعين مهما حصل وربك بيعوضك هو مانحكم على مصيره الله يهديه ويهدي من يشاء لكن لا تجازفين بشي يمكن يصير او ما يصير ارحمي نفسك وادعي ربك يعوضك دوري لك شغل اشغلي نفسك وانسي ماضيك معه وتتعدل نفسيتك وتستعيدين ثقتك بحالك لين الله يرزقك بافضل منه يارب​

 

[النجمة الامعة]

حبيبتي قرارك صح ولا تترددي والحمدالله انك ماجبتي منه عيال اختي مثلك بس عندها بنت وولد صبرت الين نفسيتها دمرت وذلحين ببيت اهلي على وشك الانفصال وماخذ عيالها منها وقلبها بيتقطع عليهم اتمنت انها ماجابت منه عيال كان اهون واحمدي ربك على مصبتك اهون من غيرك والله يعوضك بالي احسن منه ويستاهلك ويرزفك الذرية الصالحة

 

[شموخي هوعزوتي]

استخيري وربي يسرها لك ويفرج همك ........

 

[سماء المحبة]

من ترك شيئاً لله عوضه الله خير منه ...اتركيه لعدم صلاته اتركيه لشربه المسكر وسيعوضك الله من هو أخير منه ...​

 

[دانة الشام]

قرارك صح صح صح ...ربي يعوض صبرك خير ويفرّج همك ويجبر خاطرك..

 

[وحده منكم]

ربي يسلمكم

الله يجزاكم خير كنت محتاره ومحتاجه اسمع رائي احد غير اهلي تسلمووون لي

 

[اولادي كل حياتي]

أختي الحمدلله انه ربي مارزقك منه بأطفال وطلعتي من عنده سليمة معافة
ـ بعضهم يالطيف لما يسكر يضرب زوجته لحد مايكسرها ويجيب لها عاهة مستديمة
ـ او بعضهم يدخل عليها اصحابه يغتصبونها لانهم يالطيف مو بوعيهم سكارى
ـ انتي اللي سويتي عين العقل واتركيه وربي بيعوض بالافضل منه بس انتي لاتفكري ترجعيله ابدا
ـ والله يكتب لك الخير

 

[أحاسيس وطنية]

قرارك صائب مليون في المية

انت باول الطريق والحياة والفرص قدامك

مافيه صفات تشجعك على الاستمرار

سارعي بالانفصال والله يعوضك خير منه