احبه حتى اموت

[قويه بايماني]

:icon1366::icon1366:تزوجته رغما عن امي التي رفضته بسبب اقامته بعيدا عنا مدينته تبعد عنا 4 ساعات قبلت به لاتخلص من ضغط امي واخواني وتسلط اخواتي لان شخصيتي مسالمه جدا بل ضعيفه بعض الشئ
عندما تزوجته عشنا قصة حب عظيمه الكل يحسدنا عليها ،،،،،
انجبت ثلاثة أطفال والتحقت بوظيفه معلمه واحتجت لخادمه تساعدني فاحضر لي زوجي خادمه اندونيسيه جميله /تجيد اللغة الانجليزيه .. اكرمناها وكانت مثل اختي (نظرا لابتعاد اهلي عني ) ذهبت ذات مساء الى مركز الجاليات واخذتها معي لان زوجي واخي في المنزل ولا استطيع تركها معهم هناك تعرفت على مديرة الجاليات واخذت رقمها من دون علمي وصارت بينهن اتصالات ..فجاتني ذات يوم تقول انني ساعمل في الجاليات يومين في الاسبوع فرفضت .ذهبت وطلبت الطلب من زوجي فوافق لها :icon28: لكني اصريت على رأيي وقلت لها لا
بعد ذلك قالت لي انا اريد منكم نقل كفالتي للجاليات وسأعمل بالجاليات فوافقنا على طلبها وتم نقل الكفاله لهم . بعد شهرين وبينما انا جالسه مع أطفالي جائني عند الظهر وقال لي سامحينس انا تزوجت
- ليه
- من حقي
- ايش قصرت معاك فيه
- ولا شي ولكن من حقي انني اتزوج وبغاك تساعديني ابروح اجيبها . عرفت انه تزوج من الشغاله
رحت معاه وجبناها وحطيناها بالكراج وسكرت عليها جلست معاه وحكا لي كل شي انه تزوجها عرفي المهم تسامحنا وسفرت الشغاله من بكره وسكرنا الموضوع ..
بعد اربع سنوات سافر مع امه للشام وجلس معاها شهر هناك بين سوريا ولبنان والاردن وبعد ماجا اكتشفت ان له علاقه بعدة بنات ، وتجيه ارقام غريبه في اوقات مزعجه باخر الليل والفجر ومره كان نايم ورديت وردت بنت..
سكت وما واجهته
كثرت سفراته لهناك ويقول لي مره رايح للكويت ومره للبر مع اصحابي واكتشف انه في الشام
في العيد قال تعالو نروح لللبنان وكنت حامل بالشهر السادس وعندي طفله رضيعه فقررت اني اروح معاه وما اتركه يسافر بروحه استخرت الله وبالليل جا لبنتي اسهال عظيم ادى لتنويمها بالمستشفى مع ذلك اخذ اولادي الكبار وسافر وتركني بالمستشفى لحالي لما رجع طاحت بيدي صور مع وحده يلعب معاها بالثلج
سكت وما تكلمت بس المكالمات كثرت ومصخت الدعوى فقلت لاهله انكرو انهم يعرفون شي وهم فعلا ما يعرفون شي .. قرر يبيع بيتنا الملك وسألته ليه قال عندي ديون الدنيا وما فيها شي لو بعت البيت وخمس سنين وابني لك قصر يليق بك وفعلا نقلنا من بيتنا الى بيت اسوا الدور الارضي مو مكتمل والمطبخ مو جاهز ثلاث شهور واحنا ع هالحال قربت ولادتي ورحت لاهلي اولد
جبت بنت .. صار عندي 4 بنات وولد
الله يحفظهم
وطلعت من النفاس ورجعت لدوامي واول شهر من المدارس قال عندي دوره بتركيا ( اي دوره بتركيا عمرها ما صارت دوره بتركيا )وفعلا سافر والبيت ماترتب ولا اكتمل ولما سافر اكتشفت انه راح يتزوج وتركيا كانت شهر عسل
المهم واجهته يوم رجع قال لا انا متزوج من زمان وهي حامل
بكل هالبساطه :icon1366:

 

[قويه بايماني]

هذ كله واهله مايدرون تخيلوأ
وصار كل يومين ينط عنهم اما بالطيارة وبالسياره ويم تعب جابه للبحرين لانه ماحصل على موافقه على زواجه منها وهنا قال لاهله ...فطلبت منه انه يعطيني رضاوه قدام اهله ووافق اعطاني طقم ذهب ب4الاف ريال وطلبت يكتب البيت باسمي ووافق قدام أهله وكتب ورقه انه لما يتم امتلاك البيت رح يكتبه باسمي ( لانه اقساط)
وبعد فتره اتصل علي وقال بلهجه قويه روحي دكتورة نسا ء وجيبي لي تقرير انك فيك اي مرض عشان يعطوني موافقه على زواجي منها تعبت من كثر الروحات للبحرين ارحميني .....طبعا انا رفضت وبكيت بحرقه (لها الدرجه اخذت مكاني )
فيزتها بالبحرين شهرين ولما خلصت الشهرين سافرت وصار يسافر لها كثير وكثرة سفراته ادت الى فصل من العمل ...( وجهها مو فال خير ،، سبجان الله من تزوجها وهو من جفره لدحديره سرق اللاب توب ماله وفلوسه وجواله / وانكسرت سيارته / وصارت له حادث ثلاث مرات / واخيرا فصل من العمل )صار يروح عندها شهر وعندي شهر وبعد اربعة اشهر لقاله وظيفه وجابها بفيزة شغاله ..نسيت اقول لكم انه صار عندها بنت وحامل
دخلها ع اهله غصب لكن سوء معاملتها مع ام زوجي خلتهم يرفضون وجودها وانا رفضت اني ازورهم دامها موجوده وفعلا لبو رغبتي وفضلوني عليها هذا الشي خلا زوجي يرحمها ؟سكنها بشقه في منطقتهم تبعد عني ساعه
وصار يشتغل هناك ... بعد سنه انفصل من شغله الثاني ما ادري وش السبب؟؟؟

 

[قويه بايماني]

هذ كله واهله مايدرون تخيلوأ
وصار كل يومين ينط عنهم اما بالطيارة وبالسياره ويم تعب جابه للبحرين لانه ماحصل على موافقه على زواجه منها وهنا قال لاهله ...فطلبت منه انه يعطيني رضاوه قدام اهله ووافق اعطاني طقم ذهب ب4الاف ريال وطلبت يكتب البيت باسمي ووافق قدام أهله وكتب ورقه انه لما يتم امتلاك البيت رح يكتبه باسمي ( لانه اقساط)
وبعد فتره اتصل علي وقال بلهجه قويه روحي دكتورة نسا ء وجيبي لي تقرير انك فيك اي مرض عشان يعطوني موافقه على زواجي منها تعبت من كثر الروحات للبحرين ارحميني .....طبعا انا رفضت وبكيت بحرقه (لها الدرجه اخذت مكاني )
فيزتها بالبحرين شهرين ولما خلصت الشهرين سافرت وصار يسافر لها كثير وكثرة سفراته ادت الى فصل من العمل ...( وجهها مو فال خير ،، سبجان الله من تزوجها وهو من جفره لدحديره سرق اللاب توب ماله وفلوسه وجواله / وانكسرت سيارته / وصارت له حادث ثلاث مرات / واخيرا فصل من العمل )صار يروح عندها شهر وعندي شهر وبعد اربعة اشهر لقاله وظيفه وجابها بفيزة شغاله ..نسيت اقول لكم انه صار عندها بنت وحامل
دخلها ع اهله غصب لكن سوء معاملتها مع ام زوجي خلتهم يرفضون وجودها وانا رفضت اني ازورهم دامها موجوده وفعلا لبو رغبتي وفضلوني عليها هذا الشي خلا زوجي يرحمها ؟سكنها بشقه في منطقتهم تبعد عني ساعه
وصار يشتغل هناك ... بعد سنه انفصل من شغله الثاني ما ادري وش السبب؟؟؟
المهم حالته الصحيه اتدهورت نظرا لعدم وجود الوظيفه ارسلها لاهلها لانه مايقدر يدفع اجار شقتها وولدت له بنت ثانيه بدات الاحظ عليه الضعف الجنسي والجسدي وصار ياخذ فترات بيت كل جما واخر ممكن يكون شهرين او أكثر وصار يسافر لها كثير المهم ولدت البنت الثالثه ..جابها للسعوديه وأجر لها بيت ولاحظته عنده مشروع بيع البيت اللي احنا ساكنين فيه ...وين وعدك لي انه ينكتب باسمي ؟؟
قال مايصير اكتب لك بيت وهي لا لازم اعدل انا ماأقدر اكتب لها شي .....
ياعيني ع العدل ::المهم باع البيت من غير ماأعرف وسكننا ببيتها اللي كان مأجر لها اياه ( هي كانت عند أهلها هالفتره)
وبعد شهرين ع سكنا باليت قال انه بيجيبها عشا تولد هنا .طيب وين تسكنها : قال بغرفه البنات ورح يبني لها غرفه ثانيه وفعلا جابها وشرطت عليه اني ما ابي اشوفها ولا اقابلها بس هي صارت تتحرش فيني وتتعمد انها تقابلني ولما قلت له زعل الاخ وقال ما فيها شي المهم ان اولادي مو متقبلينا ابدا لان ابوهم متغير عليهم وهذا الشي خلاه يزعل مني في ليله من الليالي جلست تهاوش وتعلي الصوت بسبب اني قفلت باب المطبخ عنها وانا جالسه فيه اطبخ وزوجي بهاللحضه سوا نفسه نايم جلست بنتي الكبيره تسمع لها الا انتبه لها ابوها وخاصمها وقال روحي ذاكري قالت اسمع وش تقول هذي ..قال ماعليك منها روحي المهم الحين ماتدخل المطبخ الااذا انا بالعمل او نايمه

المهم في اجازة العيد الماضي ولدت وجابت البنت الرابعه
البيت كله ازعاج وريحة الحلبه مزعجتنا
نسيت اقول لكم انه احنا من زمان حارمنا من التلفزيون كل مره يدخله ويعدين يشيله
وهي عندها دش وتعلي الصوت لما تجي مسلسلات حلوه عشان نسمع الصوت


تعبت من الكتابه راجعه مره ثانيه بس ساعدوني باي شي لو بالدعاء بظهر الغيب
ولكم جزيل الشكر

 

[قويه بايماني]

:icon1366::icon1366::icon1366::icon1366:[

 

[أميرة بأخلاقي]

عزيزتي



زوجك تزوج مرات كثيره و طلق مرات كثيره و اقام علاقات مع نساء كثيره ..

فأيــن تصرفك الحــازم تجاه هذا الموضوع ..!!


فماذا كنتي تنتظريــن أكثــر ..!!


ايــن موقفك القوي من هذا الموضوع ..!!



زوجك انسان غير مبالي بك و لا يقدرك او يحترمك ابدا ..

و شخصيتك الضعيفه أساس لأزدياد مشاكلك و توسعها ..


عزيزتي هذه الانواع من الرجال لا تنفع معهم الشخصيه الضعيفه المسالمه .. و لا تنفع معهم الطيبه و السكوت فهي تمهد لهم الطريق للتمادي و التمادى



كلميــه واجهيه قولي له انا زوجتــك و انا انســانه لي كيان و لي كرامه و كرامتي لا تسمح لي بأن أعيش حياتي و أفني شبابي مع هكــذا أنســان و لست مجبورة على هذه الحياه فأما ان تحفظ لي كرامتي و تقدرني و اما عن أختار حياتي بنفسي ..



فلست انت كبش الفــداء في كل مره يتزوج فيها .. أنتي زوجــه و كرامتك فوق كل شيء فأذا اردت ان تحفظي كرامتك و مكانتك فــ واجب ان تطالبي انتي بــه و بحقك فيــه و لا تنتظري من هكذا رجــل بأن يحفظ لك حقوقك ..


لا تعطيــه المجال بأن يتمادى أكثـــر بل قفي في وجهه بكل قوة و ثبات و حزم و قولي له اما انا و امــا نزواتــــــــك الغير منتهيـــه ..




و كملحوظــه لك بأن عنــوان موضوعك جـــزء من مشكلتك فما فائــده الحب القوي من طرف في حال ان الطرف الثاني متمادي في اخطــائه و غير مبالي بالاول ..


و ان بقيتي و استمريتي على غرامك و هيامك بــه و سكوتك و صبرك عليه , ثمادى و لم تنتهي علاقــاته و لن تضعي حــد لنزواتــه ..







أميـــــــــــرة بأخلاقـــــــــــي ​

 

[الدكتورة نبضة قلب]

غاليتي

أرى انه يفعل ويفعل ويفعل
وهي ايضا تفعل

وانتي ؟؟؟؟

اين دورك؟؟
​

 

[قويه بايماني]

انا عندي 5 أطفال وخايفه عليهم اني اروح بيت أهلي ياخذهم ويخليهم شغالات عندها وهي ما تسوى رجولهم وانتم بكرامه ..غير كذا رح اخسر وظيفتي وهي مصدر عيشتي بعد الله ولو رجعت لاهلي ما رح افتك من اخواني وزوجاتهم رح اكون شغاله عندهم ....بعدين هو خسران كل شي وظيفته وبيته ومتورط ب 8 بنات وولد ويبغى وحده مننا تتنازل هالفتره الذات عشان يفتك من المصاريف فليش اكون انا ؟؟
اخواني يساعدونب بفوسهم لكن مايبون يتدخلون ويقولون اما ارضي بوضعك او الطلاق وطز بالعيال

 

[قويه بايماني]

انا ما اعتقد ان الموضوع فات علي لاني اسمع مشاكل وأقرأها في منتداكم وتنحل وواثقه بالله ثم منكم انكم تساعدوني ...ومشكلتي اني ساكنه بالسعوديه وماأقدر ازور د. ناعمه فكيف اتواصل معاها او مع أحد المتخصصات


ارجوكم ساعدوني
قبل لا انهار

 

[J.j.D]

:questionmark::questionmark::questionmark:الله يكون بعونك وعون كل الي كذا حسبي الله والنعم الوكيل

 

[روزاليندا]

الله يكون بعونك حبيبتي ويرجع لك زوجك زي اول واحسن

 

[candle*]

الله يكون بعونك ..

طيب اذا صعب الطلاق ليه ما تطلبي من اخوانك يستأجرولك بيت و تسكني فيه وانتي موظفة اتوقع تقدري تصرفي نفسك ومعتمدة على نفسك لانه واضح انه زوجك غير موجود ...

الله يفرج همك و صدقيني لو استمريتي بسكوتك بيستمر هو في تماديه عليك ...

 

[زمرة مشاعر]

انزين اختي تكلمي عن حياتك الجنسيه مع زوجك

يمكن هالشي هي تتميز عنك فيه

عشان نقدر نساعدك
تحياتي

 

[مرتع الغزلان]

فرج الله همك

الله يعينك أختي معقوله صرت أشوف كل الرياييل مافيهم أمان كل ما اقرى مشكله أفقد ثقتي في زوجي صرت كئيبه بالمره
أنصحج بالدعاء والإستغفار وصلاة الإستخاره في جميع أمورك

 

[الدكتورة نبضة قلب]

على الاقل لو قدرتي هالفتره تفصلين في سكن لوحدك​

 

[الجذابه]

سبحان الله..امرك غريب..

هذا كله..وساكته..

خايفه تروحين لاهلك انت وعيالك.. وانت مدرسه..

حرقة اعصاب ونرفزه...و...و...

انا ابفهم انتي اذا عصبتي وزعلت وش تسوين؟؟ تاكلين بنفسك وبس..

مااقول الا سبحان الله..

ولله في خلقه شئون..

والله بجد بجد مستغربه..

الله يعينك.. فيما ابتلاك والحمدلله..على كل شي..

مابيدي شي الا اني ادعيلك.. الله ينولك اللي في بالك..والله يريحك انتي وعيالك..

 

[ملاذ الخير]

الله يسخره لك ويرده لك ويبعده عن كل انثى غيرك يااحي يااقيووم

 

[ضـــ القمر ـــي]

الله يكون في عونك ويفرج همك
حبيبتي لاتسكتي على وضعك اللي مثل زوجك ماينفع معاه الطيبة صدقيني
خليك قويه زطنشيه ومدام معك وظيفة يعني ان شاء الله انه مانتي محتاجه له
يمكن اذا سويتي كذا يجيك يركض
طمنينا حبيبتي دانه

 

[قمراء الخليج]

مرحبا ..

شوفي يالغاليه .. اول شي خليك على طول الخط حلوووهـ وشكلك مغري <<لزوم ترفعين ضغطها

وذبّي عليها كلام وزوجك مش موجود إذا جاء خليك حمامة السلام

دلعيه بزيادهـ ووفري له الجو الهادي والدلع عشان يفكر يتخلص منها

عذبيها بكل شي خليها تندم على هالزواج وكرّهي اولادك فيها

وزوجك حاولي تعزلينه عن المشاكل يعني لما يروح لها تحكي فيك لكن لما يجي لك يحصلك هااااديه وحبوبه بيكره زوجته الثانيه

بعدين لاتنسين تعايرينها بـ ريحتها هههههههههه ايه تستاهل النذله

امممم

وإذا مرتّبك يكفي لأنك تستآجري بيت لوحدك استأجري



الله يعينك يااااااارب ويفرجها لك

 

[star 5]

مرحبا اول خطوة بيت مستقل وثاني خطوة طوري نفسك لا تسيرين شخصيه ضعيفه خلي لك هيبه عنده راح تتعبين في البدايه بس بعدين راح ترتاحين لا تقولين احبه ادعسي علي قلبك وسوي مثل ما قلت اول ماراح تشو فين النتيجه راح تدعين لي ولذريتي0

 

[قويه بايماني]

جزاكم الله خير
مشكوره لكل من ردت علي ..ماقصرتوا عساه بميزان حسناتكم وان شاء الله ماحد يشوف اللي انا شفته لا انتم ولا ذرياتكم.........
انا فعلا اذا عصبت اكل بنفسي /وانا طلبت من اخواني يشترون لي بيت بس العقار غالي وجالس يغلا زياده وخايفه اطلع ببيت مستقل يروح يعاندني باولادي لانه يقول اني خربتهم عليه واني كرهتم فيه واني عودتهم على الاتكاليه واني علمتهم كيف يخشون عن ابوهم واني أعطيتهم جوالات من غير اذنه ......رغم انه كل هذا باطل الجوال اعطيتهم اياه بعلمه وهم فعلا صارو يكرهونه بسبب تصرفاته المزعجه معاهم وانا عندي ثلاثة مراهقين ،بنتي الكبيره تدعي بالصلاة ان الله ياخذه ويريحنا منه ...بيني وبينكم ما ودي تتعلم تدعي على احد من الحين فما بالكم بابوها البنت عمرها 17 سنه محتاجه لحب ابوها عشان ما تروح تدوره عند أحد ثاني محتاجه تسمع كلام حلو من قريب لها عشان مو اي احد يجي ويقول لها كلام حلو تصدقه وهو بس يحب يضايقها ..الحين معاند ع العبايه لازم تلبس عباية راس مو كتف طيب هي من صحت ع الدنيا وهي تلبس عبايه كتف وما فيها اي نوع من الزينه ، وبعدين تبغاها تلبس عباية راس اقنعها بهدوء من لام وغصب وما تروحين الا كذا اوعساك ما طلعتي ..تخيلوا فات عليها موعدين اسنان والسبب العبايه ....المشكله زوجته عبايتها مخصره والشيله قصيره /ويوم سألته اشمعنى هي عبايتها كذا ..قال لها انتي مالك دخل ان شاء الله البسها مني جوب وتمشي فيه بالشارع انتي مالك دخل تلبسين اللي انا ابغاه ....
ياعالم اخاف بنتي تضيع مني ..بسبب عناد ابوها صارت متسلطه ع اخوانها مثل ما ابوها متسلط عليها

والله رح اجن ...تعبت ساعدوني الله يخليكم