اارجوكم حسوا فيني زوجي بيتزوج بنت عمه

[بنوتة.]

الله يعينك وعليك بالاستغفار والدعاءوحافظي على بيتك واذا تزوج فعلا فماهي نهايه العالم اهتمي بنفسك وبعيالك وزجك بالنهايه راح يرجع لك

 

[الياسمين2009]

حبيبتي لو انا مكانك والله مااجلس في البيت ولا دقيقة
قوليله ياانا او هي على الاقل بيخاف يخسرك ويبطل
ولو تزوج من جد روحي بيت هلك مستحيل يرتاح معها وهي اكبر منه وانتي صغيرة حتى افكارها بتكون مو زي افكارك

 

[SoO CuTe]

والله مو عارفه شقوول لج مهما قلنا ماراح نقدر نسوي شي قلوبنا معااج ادعي اختي وادعي وادعي وادعي ولا تيأسين وصدقيني يقول المثل ((دقه بدقه)) والي خربت عليج بهالشي بيصيرلها اخس منج وربي بيبلاها ..وينها قبل لا ياخذج جان اقترحت عليه هالاقتراح الجهنمي ولا شفتيه ولا عرفتيه قوليله هالكلام لو هالشي فيه خير لك كان انصحوك فيه قبل لا تاخذني بس الحين الموضوع شخصي وهالزواج انا المقصوده فيه ولا تلوومني على اي تصرف او شعور يبدر مني بعدين انت اخترت وانا بعد باختار راحة بالي وما اقدر اجزملك اني ببقى معاك وشوفي ردة فعله احساسي يقولي اذا يحبج ومرتاح معاج بيشووف هل الموضوع يستحق انه يضحي فيج وبعياله وبيرجع عن قرااره .....
ومثل ما قالو الخوات الله يجبر بخاطرك ويصبرك ويعوضك ويحنن قلب زوجك عليك وينتقم من الي بتخرب بيتك وأكثري من الاستغفار والصدقه​

 

[راجية المغفره]

الله يستر من اللي يشجعونج على ترك بيتج

 

[جامعيه عاطله]

الله يعينك

 

[من اجل غدي]

الله يعينك حبيبتي بس لا تقعدين تتفرجين لازم تاخذين موقف
وتدافعين عن بيتك وزوجك لآخر لحظه ..حتىماتلومين نفسك بعدين
واذا خلاص الموضوع خرج من يديك ذاك الوقت لك تصرف ثاني

الله يهدي لك زوجك ويسخره لك

كلام سليم وعين العقل

لا تتخاذلي ابداااااااااااااااااااااااا

ودافعي عن حقك بيديك ورجلينك لين يكتب الله الفصل من عندة

اهم شئ الدعاء والاستغفار اكثيري منهم والله الزواج شئ موب سهل

احنا ياللي درسنا الدنيا و شفنا فيها العجب انهرنا من زواج ازواجنا علينا وشفنا

انواع القهر والغبن

كيف انتي ياقلبي توك صغيرة ومن قلبي تعاطفت معاك بس لا تحزني الله معاك وصدقيني اللي كاتبة ربي عليك بتشوفينة

لا تتخاذلي والدعاء يرد القضاء

أسال الله لك الفرج الواحد الاحد يسر امرك ويشرح صدرك ويرد من اراد بك كيد في نحرة
انة ولي ذلك والقادر علية

 

[مجنونة ميدو]

الله يكون بعونك حبيبتي واخذتي الراي الصائب بكلامك معاه بالموضوع وطمنينا

 

[من اجل غدي]

لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

تتركين بيتك والله انتي الخاسرة


تبين تحرينهم جميع الرجال مايتحمل مصاريف بيتين

ولو قدر صدقيني ان راعي الثنتين شقياااااااااااااااااااااااااااااااااااااااااااااااااااااان

 

[طبعي صراحتي]

الله يفرج همك ويهون عن الزواج

 

[المحبة لربي الله]

وينج اختي ليش ما طمنتينا عليج

على فكرة انا مريت بنفس ظروفج واخس انتي على البر على الاقل

انا الفاس كان خلاص بيظرب بس رب العباد فوق

كلهم نفس الكلام ابتغاء الاجر ((خريط اميمع تعال واتسمع))


مادري شو صار على موضوعج بس اذا السالفه بعدها عندي افكار ممكن تفيدج

 

[سنوات الضياع]

الله يجبر بخاطرك ويصبرك ويعوضك ويحنن قلب زوجك عليك وينتقم من الي بتخرب بيتك وأكثري من الاستغفار​

 

[هـدوء انثـى]

الله يعينج .. مالج غير الصبر والدعاء
وحسبي الله عليها اخت زوجج

 

[دمعة المظلوم]

مسوي نفسه خاايف عليهم

هو انسااان متزووج وزوجته مو نااقصهاا شي ليش يتزوج عليهاا خاايف محد ياخذهااا

قول له لا تخاااف بيااخذونهااااا خل عمه يدور لهااا رجااااال زين يزوجهااا

 

[jasmine]

الله يعينك و يصبرك
بس أنت حاولي تفهميه أنه مرته و أولاده أولى بمعروفه و أنه بهذه الطريقة بيخرب بيته

 

[البلادي]

كان الله في عونك بس ما اعتقد ابد ان الزواج حيستمر

 

[ام ميساء]

يا قلبي عليك اسال الله العلي القدير في هذه الساعه المباركه انه يكنسل زواجه من الثانيه ويسعد حياتك معاه
قلبي معاك والله بس اعطينا اخبارك
​

 

[ام ميساء]

حبيبتي الحزم في رفض الزواج من اخرى +لا تتركين بيتك في كلا الحالتين
يارب يارب فرج همها

 

[Shmoo5]

الله يكون في عونك ويصبرك..والله أني حاسه فيك..ماأقدر أتخيل أن فيه وحده بتشاركني في زوجي..بس بقولك نصيحه..تحملي تخسرين زوجك عشان هالسالفه وبيني له أنك معاه على طول الخط..وأنك راح تصبرين على زواجه لأنك تحبينه وشاريته..وإذا شافك كذا بأذن الله راح يرجع لك ويملها..ومالك إلا الصبر والدعاء لله سبحانه وتعالى..وإن شاء الله ربي بيفرج كربتك

 

[Al-horeya.1]

الله يعينج اختي والله من جد كسرتي خاطري
انا مريت بهالحاله تزوجت كان عمري 17 وزوجي عمره 26وبعد خمس سنوات تزوج علي والحين كمل اربع سنوات من تزوج
والله اني حاسه فيج الموضوع صعب صعب صعب الله يصبرج
مع ان زوجي ملتزم ويخاف ربه ويعدل بينا بس الغييييييييييييييره موجوده
نصيحتي لج لالالالالالاتتركين بيتج واللي يشجعونج على طلب الطلاق ماراح ينفعونج اذا حملتي لقب مطلقه وتشتتوا عيالج ونحرموا من ابوهم
يابنات اتقوا الله من كان يؤمن بالله واليوم الاخر فليقل خيرا او ليصمت
ولاتنسوا الحديث لعن الله من خبب (يعني خرب) امراة على زوجها
لاتخربون المرة على زوجها وتخلونها تطلب الطلاق هذي شرع الله الرجال ماسوى شي حرام
وانا مع الاخت اللي قالت ان هو اصلا يبي يتزوج (يروح بالحلال احسن من يروح بالحرام)
ياخذها مدام كفتج راجحه عليها احسن من ياخذ غيرها

انتي الزوجه الاولى انتي الاساس مدام زوجج يحبج لاتخسرينه(مالحب الا للحبيب الاول)
الله يصبرج ويجبر بخاطرج ويرده لج رد جميلا
انايوم قرب زواجه ماقدرت اقعد في البلاد رحت مع امي حق جدتي في البحرين والله في يوم زواجه من اللي فيني ماقدرت اصيح تخيلي مانزلت مني دمعه وحدة مع اني قبلها وبعدها صحت لين شبعت
عليج بالدعاء
ربي يشرح صدرج ويفرج همج

 

[قلبي للبيع]

الريايل كلهم ملعن لو ما يبا يعرس كان ما عرس
مهما اخته تكلمت فيهم قدامه ...~

دام انه هو حاطها ف باله
بيتزوج
و بيدور اي عذر ...