إمرأه لاتنسى أرجوا الدخول00 لعل الفرج على يدج00

[البسمة العذبة]

ما ادري

شتبين بواحد تحبينه وهو مايحبك ؟؟؟

شكله يتسلى فيك مثل اي بنت يكلمها ويحسسها انها ملكة قلبه ؟

كل الرجال كذا ااا

اليوم تطلبين استشاره ترجعين بكره تطلبين استشاره تفتكين من الخيانات !!!

اختك مجربه مرارة الخيانة والضرة والله أقسى على قلبي من الصخر صدقيني لو اني بس عرفت ان زوجي مايغض بصره ما اخذته

رايي غير عن البنات كلهم
بس ما ابي اتعاطف معك يمكن اكون انا الوحيده اللي شايفه الموضوع صح ؟؟

صدقيني يتلاعب فيك لما حقرتيه وماكلمتيه سأل عنك وطلب يردك ويحط لك شقه بعدين لما كلمتيه غير كلامه !!!

قولي لي وش نوع علاقتكم الهاتفيه ؟؟؟؟

فيه كلام حميمي ؟؟

اذا كذا خلاص ياخذ منك رغبته واذا انتهى غير رايه

 

[أطيب_قلب]

مشكووووره حبيبتي ع المرور والأهتمام


والله يكوون في العوون

 

[دلع بلقيس]

حبيبتي..
الله يردك لزوجك وبصراحه ردود الأخوات جدا رائعه وهي اللي في خاطري اقوله.
بس فيه شي لازم تتأكدين منه ... انه لما طلقك هل يعتبر طلاق او لأ..
انتبهي من هالنقطة وتأكدي من شيخ فاهم وعالم بالشرع زين.
والله يوفقك يارب وتراني لو مكانك بروح للأستاذة ناعمة لو على رجولي امشي..
موفقه

 

[أطيب_قلب]

تسلمييييين حبيبتي ع المرور والنصيحه

والله ياااليت أقدر أروح للأستاذه ناعمه بس مابليد حيله والله

وأتمنى من أحد الأستشارياات الردعلى موضوعي

 

[أطيب_قلب]

أخوااااتي الأستشاريااااات ماعليكن أمر ياليت تردن على موضوعي

 

[الدكتورة نبضة قلب]

ان شاء الله ترد عليج الاستشاريه

تأثرت لقصتج

احسج فرفوشه من الخاطر ههههه

غاليتي

اول شي
تأكدي انه اللي كاتبنه الله خير

سواء رجتيله او ما رجعتيله

حبيبتي

زجج متذبذب

بينج وبين اهله
بين اطيب قلب الياهل الدلوعه..وبين اطيب قلب العاقله الرزينه

انتي كلمتيه
وجربتي تتوددين له
وللاسف ما نفع

هل نستخدم نفس الاسلوب ونتوقع انه بينجح ؟؟ لا

لازم نغير اسلوبنا

واعتقد انه اسلوب التطنيش هوالصحيح مع اسلوب اختنا ورد

يعني لا تطرشين له مسجات

كأنه موضوع ثاني شاغلنج عنه
وفعلا اشغلي نفسج بشي ثاني
دراسه
هوايه
طلعات

ولا تتواصلين وياه الا عن ولده
واذا قدرتي تخلين حد ثاني يكلمه عن ولده افضل
بحيث يحس انه فقدج وفقد صوتج

هذا يعتبر امتحان
ان كان يبغيج
ترى بيدق الباب
وان كان عايش في عالم ثاني

فانتي لا تعلقين نفسج بامل كاذب
وارسميلج طريج لحياتج

​

 

[أطيب_قلب]

ان شاء الله ترد عليج الاستشاريه​

تأثرت لقصتج​

احسج فرفوشه من الخاطر ههههه​

غاليتي​

اول شي
تأكدي انه اللي كاتبنه الله خير​

سواء رجتيله او ما رجعتيله​

حبيبتي​

زجج متذبذب​

بينج وبين اهله
بين اطيب قلب الياهل الدلوعه..وبين اطيب قلب العاقله الرزينه​

انتي كلمتيه
وجربتي تتوددين له
وللاسف ما نفع​

هل نستخدم نفس الاسلوب ونتوقع انه بينجح ؟؟ لا​

لازم نغير اسلوبنا​

واعتقد انه اسلوب التطنيش هوالصحيح مع اسلوب اختنا ورد​

يعني لا تطرشين له مسجات ​

كأنه موضوع ثاني شاغلنج عنه
وفعلا اشغلي نفسج بشي ثاني
دراسه
هوايه
طلعات​

ولا تتواصلين وياه الا عن ولده
واذا قدرتي تخلين حد ثاني يكلمه عن ولده افضل
بحيث يحس انه فقدج وفقد صوتج​

هذا يعتبر امتحان
ان كان يبغيج
ترى بيدق الباب
وان كان عايش في عالم ثاني​

فانتي لا تعلقين نفسج بامل كاذب
وارسميلج طريج لحياتج​

​

حبيبتي صارلي فتره مقاطعتنه وماأتصل ولاأطرش مسجااااات:no:

والحبيب ولا هو مفتكر << عااايش حياااته :clap:

عى كل حااال أنا ألحين اللي أطلبه من ربي أنه يشيله من بااالي خيييييير شر ,, عشااان أرتااح

وولدي بيتربى ف حضني أن شاااء الله وهذا أهم شي

وتسلمييييين غناتي ع الكلاام الطيب


والله يقدر اللي فيه الخير

 

[أطيب_قلب]

ياربيييييييي والله تعبت



صارله كم يوووم يلمحلي أنه عنده عشيقه وأنه منشغل وياها

مدري هالشي صدق او أنه يبا يشوووفني وأنا ميته من الغيره عليه


أدعوولي ياخواتي أن الله ياخذه من باااالي مثل ماخذه من دنيااااي

 

[أطيب_قلب]

أمممممممممممممممم



خواتي أنا مستغربه من شي



ريلي ماتزوج للحين ومحاول حتى يخطب


مع أنه مقتدر ماديا"


في رايكن ليش ؟؟

 

[جويريه]

الله المستعان
الاخوات الله يحفظهن ما قصرن في تقديم النصايح

وما بزيد عليهم في شي ..

الغاليه .. ريلج يحبج ويباج

لكن من كلامج عن طبعه حسيت انه كرامته منجرحه من يوم خليته
وفيه غيض منج على هالشي
يعني انتي جرحتي كرامته وخليته ويباج اتردين بنفسج
اوحس كلامه عن البنات يبا يثير غيرتج ويباج اتردين بنفسج
انا اقولج لا تتنازلين عن ريلج واتمسكي فيه
اتواصلي وياه بس على خفيف
حنني قلبه على ولده
خليه ايي ايشوفه وخليه يشوفج وانتي باكمل زينتج بس لا اطولين وياه يعني اتغلي شويه
كتبيله مسجات بروحج عن شوقج وحبج وغلاته
بس لا اتثقلين عليه
اتصرفي بحكمة وياه اذا اتصل وقال لج شي عن علاقاته اليديدة اسكتي ولا اتردين عليه
وانهي المكالمة وخليه يحس انج زعلانه
قطعيه شوي تراه اذا يحبج بيحس وبيتصل

على فكرة ريلج من نوع الرجال المكابرين اللي يعاندون مشاعرهم عشان كرامتهم

ويتنازلون عن اغلى شي لانهم انجرحوا منه

وبصراحة طبعج كان لا يحتمل والريال بطبعه ما يحب هالشي

والادهى انج دخلتي الاهل بينكم وهذا اكبر غلط

عسى ربي يهدي سركم ويصلحكم ويجمعكم على خير يارب

الجئي لربج .. ادعيله .. واكثري من الاستغفار

عسى ربي يوفقج يارب

 

[ورده حمراء]

أختي أطيب قلب أتوقع أنه للأن يحبك بس يكابرو ويحاول يشعل غيرتك و يبين أنه مستغني عنك
بس بقولك شي انشاء الله يحل مشكلتك هو الدعاء في الثلث الاخير من الليل واستمري عليه وانشاء الله يرد لك زوجك
يبوس رجليك عشان ترجعين له
اللهم من ردت يوسف لابيه ردأطيب قلب إلى زوجها​

 

[أطيب_قلب]

الله يسلمكن خواتي ع الرد والدعاااء الطيب



الله لايحرمني منكن يااااارب

 

[أطيب_قلب]

يانااااااااااس أنا تعبت من هالأنساااااان



قااعد يهددني أنه ياخذ الولد مني


بس أنا ردعته وقلتله ماتقدر تشله لو تسوي اللي تسويه مو من حقك تشله وسكرت الخط ف ويهه



هالشي اللي سويته صح ولاغلط ؟؟؟

 

[أطيب_قلب]

ياكثر المشاهداااات

والردووود ماشي ؟؟؟

 

[أطيب_قلب]

ياربيييييييي أشكثر أتمنى أن واحده من الأستشاريات ترد على موضوعي


والأخوااات العضوااات فيهن الخير والبركه تكفيني دعووووه صادقه من قلوبكن !!!

 

[@بنت أبوها@]

هلا حبوبه وفرفوشه (من رمستج الواحد يحس أنج جيه)
المهم يوم أتصل وهدد وقالج باخذ الولد
جان قلتيله سبقتني كنت بقولك أتي تاخذ الولد لاني أنخطبت وبفكر بمستقبلي والولد أنت أبوه وما بتقصر فيه وبتربيه أحسن تربيه
المهم الحين ما شئ فايده تقولين جيه
*طرشي مسج وقوليله شو قلت عن الولد بتخليه عندي أربيه
*لا تقولين أنخطبتي عشان ما يقول من قلت باخذ الولد قالت أنخطبت
*أكيد بيرد بيقـــــــــــــــــــــــــــــــــــــول باخذه
*قوليله الحضانه من حقي ويوم بيني نصيبي يصير خير (يعني تـقدر تاخذه)
والله يصلح من بينكم
الله يرده لج ولولدج
نصيحه أستخيري
وهذا دعاء الأستخاره ويمكن تقولين ليش كتبت (انفصالي مب رجوعي لزوجي)لانه الي صايرأنكم أنفصلتو من عقب الأستخاره( إذا الله رايد يردلج بيردلج )
اللهم أستخيرك بعلمك وأستقدرك بقدرك واسألك من فضلك العظيم...اللهم أنت تعلم ولا أعلم وتقدر ولاأقدروأنت علام الغيوب
أن كنت تعلم أن (أنفصالي عن زوجي)خير لي في ديني ومعاشي وعاقبة أمري( فقدره وبارك لي فيه)
وأن كنت تعلم أن (أنفصالي عن زوجي )شر لي في ديني ومعاشي وعاقبة أمري فصرفني عنه وأصرفه عني(ثم أرضني)
وتقدرين تقولين وأقدر لي الخير من حيث ما تشاء​

 

[zenah]

اهااااا

شفتي وشلون يوم لمحلك ان عنده عشيقه شغل بالك
عااامليه بالمثل

طبعا كذب بكذب
يعني اذا دق مررره رردي وقولي معليش بقفل لاني انظر مكالمه مهممه ولا ابيها تفوتني

قولي مرره انك بمشغل تنتفين وتتصلحين لان عندك مشواااااااار مهم

ارسلي رساله بالغلط مثلاا((انتظر اتصالك))-((انتظرك بالمكان الفلاني))-(( وينك))-وبعدها علطول ارسلي له ((سوري ارسلتها بالغلط))
(((ملا حظه مهمه:الرسايل لازم تكون بصيغه تنفع للذكر والانثى علشان انشالله باذن الله اذا تصالحتم تقولين له انها لصديقتي او اختي)))
طبعاا وهو اذا اتصل وسال مين اللي تنتظرين او مين اللي مرسله له قولي بدلع:اممممممممممم وانت وش يهمك

شغلي كيد المراه عندك

في نفس الوقت من جهته هو طنشششششششششششششيه مرررره
ولاتستعجلين عالنتيجه خليك صبورة

فيه رسال حلوه بعد ممكن ترسلينها بالغلط((ابفكر بالموضوع))هذي حلووووه يبي ينجن
واذا سالك وش موضوعه قولي:موضووع يخصني


بس شووفي الرسايل اللي بالغلط لا تكثرين منها مرره وحده بس علشاان لايشك انك متعمده


واهم اهم اهم شي حبيبتي
الدعاااااااااااااااااااااااااااااااااااااء

والله يسعدك ياارب

 

[أطيب_قلب]

تسلمييييين فديتج على نصيحتج ودعائج

أممممممم أنا فرفوشه!!!!!!!!


كنت فرفوشه بس ألحين الكل صار مستغرب من عصبيتي وطبعي اللي ماينطاااق

الله يفرج الهم

 

[أطيب_قلب]

زينه حبيبتي يزااج ربي الجنه على الكلاام الطيب

بس هو من النووع الشكااااك( كل اللي يسووون الغلط جي)


أدعيلي بأن الله يفرجها علي

 

[ام لوليتا]

حبيبتي الله يرده لك ويهديكم لبعض ..ومافيه احد بيحس بمعاناتك حتى اخوك الله يهديه ........والولد مابيصبر عليه غير ابوه اذاصارشاب
.............يارب يجمع بينكم على طاعتة.............