السلام عليكم ... كيف حالكم خواتي... أنا الله يسلمكم قصتي قصة وسالفتي سالفة والله اني تعبانة وايد وموحاسة باي سعادة أو راحة نفسية احس مالي نفس اعيش ولا عاد شيء يمتعني اويسعدني ابدا والسبب علاقتي مع زوجي ...والمصيبة انه زوجي انسان طيب وحنون ويلبي لي كل طلباتي ومو مقصر علي في معظم الأمور ... بس مع الأسف انا غير متقبلته ابدا ولا احس باتجاه باي انجذاب او رغبة او حب فقط احترمه واوده .... مايجذبني ابدا لا اسلوبه ولا كلامه ولا شكله ولا اي شيء بل اني احس بالاشمئزاز احيانا اذا قرب مني مع انه الكل يمدحه ... انا زعلانة عليه واتمنى اسعده بس مو قادرة احسه مو عاجبني ابدا... وطبعا بسبب هذا الشي دايما اقعد له على الحبه واي غلطة يسويها مااسكت له مما فاقم مشاكلنا الزوجية وزادت الهوة بينا وكم مرنا فكرنا بالطلاق فعليا...انا الحين بكمل خمس سنوات زواج وعمري 25 وزواجنا كان تقليدي بس من الخطوبة ماحسيت باي انجذاب له بس اهلي قالو مو ضروري بعدين بتحبينه ولا حبيته ولا هم يحزنون دايما افكر بالطلاق واحس انه الحل لوضعنا ... والله اني تعبانه وايد شورو علي ..؟؟!!