أنا وهو...والخيار الصعب ((هل أطلب الطلاق؟؟))

[femme]

واستخيييييرري كثييير.

 

[مالكة الاوراق]

عزيزتي بصراحه انتي مررررررررررره شايفه نفسك ودخلتينا تفاصيل مالها داعي الله يهديك وش اللي علامات غضب ممزوجه بعلامات الانوثه
وكأن مصطلح انثى جديد علينا
بصراحه انتي جدا تبالغين في مدح نفسك ويمكن وصلته رساله انك من النوع اللي يمدح نفسه وانك ممكن تشوفين نفسك عليه عشان كذا متردد انه يكلمك وهذا اللي خلاه يبتعد فتره
واكره ماعلى الرجال اللي تمدح نفسها واهلها وماتعطيه اعتبار وتحسسه انه شي ثانوي بحياتها
الان ياكثر الجميلات والمثقفات وبنات العوايل وياما ملكات جمال طاردهم شبح العنوسه والسبب الغرور هذا مو جنتل هذا ماودي مطاعم هذا قروي
الوحده ياعزيزتي هي تاسس حياتها الرجال مثل الاطفال انتي غلطتي انك طنشتي اتصالاته ومن باب الذوق كان ارسلتي رساله من جوالك اسفه ماكنت جنب الجوال او اي عذر
انا اشوف انك تقللين من غرورك شوي والرجال مو كل مازعلتي راضاك وقالك يابجومتي الرجال انتي في البدايه تراضينه وتحسسينه انك موجوده وبكل ثقه مش غرور وفيه فرق بين الثقه والغرور وصدقيني راح تلقين بعدين كل اللي يسرك اعرف واحد يقرب لنا متزوج لبنانيه جميله وانيقه ومهتمه جدا وست بيت وكاااااااااامله من شوفت نفسها عليها تزوج عليها وحده مطلقه واقل من عاديه في كل شي لكن وربي انه يعشقها وحتى العدل والله مايعدل عاد الله يسامحه
انتبهي لنفسك عزيزتي سواء لهذا او غيره
ولاتزعلين مني الغرور كان شي واضح ويحق لكل وحده انها تمدح نفسها وتفتخر بالهبه اللي ربي عطاها لكن بحدود ا

 

[مرام الحب]

يابنت الحلال شو فيج ليش شاله عليه كل هذا يمكن الريال محرج يستحي مب راعي يوالف الحريم هاذي واكبر مثال مر جدامي وهو اقرب صديقاتي كان زوجها بهاذي الطريقه وظلت تقول بطلق وهذا ما يهتم فيه وما يسأل عني ومن هالكلام قلتلها عشان ما كلمج ولا اتصل بتطلقين ليش؟
على فكرة هي حلوة ودلع وجامعيه ويحليلها ياما حاولت فيه ومافيه فايده وياما نصحتها لكن بنظرها الطلاق حل لهذه المشكله التافهه طبعاً هي تفكر وتقرر لكن في التنفيذ لا لأن اخوانها مالهم في سوالف ما يكلمن وما دري شو طبعاً اليوم هم متزوجين وصارلهم 4 سنوات والله ريلها مع الوقت اكتشفنا انه حبوب يحليله لكنه واحد دايركت لكن هي اليوم علمته يستوي رمانسي لها لا وبعد يسوي حركات الشموع والأجواء الرومانسيه الله يهنيهم ولا يغير عليهم وطبعاً مب معناة كلامي هذا ان ما تصادفهم مشكلات لا تطلع حسب الظروف لكن بوجه عام الريال اخلاق

هاي تجربه يمكن تشجعج وانتي ارسلي له مسجات جمعه هذا اقل شي بيشوفها حلوة منج انج تذكرينه وتدعين له ومسجات رومنسيه على الخفيف ونصيحتي طرشيله المسج بليل لأن احلى المشاعر بتلقينها في انتظارج وجربي

 

[another day]

كلامك كثيييييييييييييييييييييييييييييييييييييييييييييير وبالتفصيل
انت غلطانه من ساسك لراسك ومغروره جدا جدا ترا الرجال ماتفرق معه شهادتك ولا جمالك ولا اهلك عند اخلاقك
واذا ماكلمك وقت الملكه بتطلبين الطلاق ؟طيب اذا تزوجتيه وطلع استراحه مثلا ولاسافر وماقالك وش بتسوين؟
ناس تدور المشاكل وضيقة الصدر

 

[عروسة ليبيا]

<P>القصة   طولت   وانتي    مزلتي  مو عارفة  تتعاملي معاه    عزيزتي  لو  بتكملي  بي هالمكااااااااابرة    بعدين  كزوجه   بتنهاااااااااااارين  من  خياناته  لك مع  اقل  النساء وابسطهن    اتمنى  تحددي  موقفك   ا%

 

[عروسة ليبيا]

القصة طولت وانتي مزلتي مو عارفة تتعاملي معاه عزيزتي لو بتكملي بي هالمكااااااااابرة بعدين كزوجه بتنهاااااااااااارين من خياناته لك مع اقل النساء وابسطهن اتمنى تحددي موقفك اذا تبيه اتصلي عليه واحكي له الي ف خاطرك ببساطه وتواضع مثل ما حكيتيه هنا وفهميه انك تعودت من العمل التعامل مع الرجال بترفع ومو فاهمه مع الزوج الامور تختلف قولي له انك عاتبه عليه وانك تتمني تغيري اسلوبك معاه وتبي منه تواصل بينكم عشان تعرفين تتعاملي معه وتتفهمي طبعه وهو بيتفهم الكلام هذا لانه صدق وطالع من قلبك ولا تحطي ف بالك انا فلانه اتنازل ولا تقولي انه احقرك وانه طنشك لالالالالالالالالالا عزيزتي هذا التصرف السيلم الي يوضح كل الامور لك وله بلالالالالالالالالامسجات بلالالالالالالالالالالالاعزايم انتو لازم تتصاااااااااااااارحون والله العظيم كذا احسن انت بس اتكلمي بعفويه وود وهو ح يتجاااااااوب معك ما تنسي سبق وكان له مبادرة صريحه برغبته ف الاتصال لما ارسل الجوال والخط لك وكان مفروض رديتي عليه وقتها حتى لو بالليل كنتي سويتي روحك نايمه ومستغربه كااااااااااان صوتك النعساااااااااان ذوبه وكسر حواجز كتيرة تصرفك ياهمس هو سببها حددي الامر بسررررررررعه ما مليتي ؟؟ حبيبتي بسطي الامور واحسمي موقفك ومافيه مما قلت لك اى انقااص لحقك او انوثتك بالعكس اختي ملينا ننصحك وانتى غرورك او مكابرتك مانعتك من ادراك الصح من الغلط ؟ تقبلي كلامي بمودة

 

[عالية SS]

حبيبتي همس المشاعر ، قصتك تذكرني بقصتي كثيرا فأنا مررت بما مررت به في فترة الملكة ، وقدمت من التنازلات الكثير ، بحجة انه غير رومانسي ولا يفهم التعامل مع المرأة ، ثم تم الزواج واستمريت بالتنازل وبدأ يستضعفني ويهددني بالطلاق دائما ، وحصل وطلقني وبقيت في بيته ورجع لي في نفس اليوم الذي طلقني فيه ، واستمريت بالتنازلات واستمر باستضعافه لي ، الى ان انفجرت في احد الايام وذهبت لبيت اهلي ولم يتصل ليحل الموضوع ولكنه كان يتصل فيني يريد مكالمتي لانهاء الموضوع بعيدا عن أهلي ، مع العلم انه احبني كثيرا ولكنه لايريد ان يقدم اي خطوة لانقاذ هذا الحب ، وانا الان ما زلت معلقة في بيت اهلي ، واتمنى يرجع اليوم الي كنت اقدر اطلب فيه الطلاق منه بدون ان اخسر اي شيء اقصد في فترة الملكة ،
استفيدي من تجربتي ، فانا والله يا اختي ارى فيكي نفسي ، واتمنى انقاذك .
وطمنيني عن اخبارك لاني دائما افكر فيكي .

 

[همس الياسمين]

مرحبا ،،

أتعلمين هناك شيئ مشترك بينك وبين زوجك ،،، أنكما لم تتوصلا لطريقة للتعامل مع الطرف الآخر ،، بمعنى لم يحاول أحدكم التنازل عما يؤمن به ولو قليلا ..

اعلم كم أنت مشوشة الذهن ... لكنني أحسست من خلال كلامك أن الله قد رزقك زوجا له من الاحاسيس والعواطف ما لا يمتلكه الكثير ... وحتما هذا ما تتمنينه ...

كل واحدة منا رسمت مخيلتها الكثر عن الحياة الزوجية وفترة الخطوبة ،، لكن الواقع قد يصدمنا أحيانا ... الأمر بحاجة لصبر وصبر وصبر .. لا يعني الصبر تقديم التنازلات وإنما معرفة حقيقة الأمور ودوافعها

الصعوبة في الأمر تكمن في تحقيق اللقاء الأول ... المكالمة الأولى والتي من خلالها تتضح الأمور ... لذا استمري في المحاولة لتلتقي به


تريثي عزيزتي ... فالأمر لا يحتمل ظنون وشكوك ...
أنتظر أخبارا حلوة​