غزالة
New member
- إنضم
- 16 فبراير 2007
- المشاركات
- 28
عندي لكم قصة عجيبه وغريبه ممكن تكون من قصص ألف ليله وليله بطلها شهريار المهوس بالحريم لكن بالنسبه لي هي حياتي وقدري اللي عايشته وضقت معه المراره وصاحبت الصبر اللي أحس ان الصبر نفسه مل قصتي تبدأ من عشر سنوات عام 2000م تخرجت من الكليه وتوظفت وتعرفت على واحده سبحان الله ما ارتحت لها لكن هي حبتني وطلبتني لأخوهامن كلامها ارتحت له وتعاطفت مع مشكلته هو من نجد وانا من الشرقيه اكبر مني بسنوات مجرب قبلي زوجتين عاش معهم لمدة عشر سنوات وطلقهن لظروف مرضيه وافقت وخاصتن انه صاحب دين وملتحي (...........) تزوجنا بسرعه خلال اسبوعين لأنه مستعجل على قولته وحيد في بيته هو ساكن بيت حكومه مفروش من العمل نفسه وكان ساكن مع احد زوجاته فيه طلبت منه يغير غرفة النوم بس هو طلبي الوحيد لأنها قديمه ومستعمله وطلبي كان بدلع زي أي عروس للأسف رفض على قولته العمل يرفض بتاتا رضيت مع اني حاولت لكن مارضى وافقت وافقت على كل طلباته حبا له لكن للأسف لقيت الضر من أول يوم كان بالفندق عاملني وكأني أشين واحده يعيب على لابسي على قولته وع سواء ملابس النوم او لبس البيت اوالسهرات يقول مااعرف اختار ولا اعرف اطبخ طبخي يفشل وانا معروفه بأناقتي وذوقي راقي بكل شي ملابسي احسن الماركات فساتيني من تصميمي الكل يسألني عن موديلاتي وكيف أختارها طبخي حلو الحمدلله الكل يسألني عن طبخي وطريقته لكن للأسف مع الزوج غير
الحمدلله كما يقال عني جميله ومتواضعه ومتعاونه ومحترمه ومنظمه ومرتبه في عملي وفي كل شي
بدأت حياتي مع هذا الرجل السريع الغضب هو الصح الذي لايخطأ أبدا الفهيم المناقشه معه تتحول الى مشكله
المهم سافرت معه شهر العسل لا انكر فرحت مره وصبرت كثير تقاضيت عن كل زله منه المهم مرت الأيام وحملت بولدي ولم يفرح بحملي وانقلب الوحم صار هو اللي يتوحم فيني ويهيني ويذلني ازعل وما ألقى اللي يراضيني واراضيه واعيش معه وكأني استعطف الحب منه ولدت الولد اللي يتمناه وبدأت مشواري معاه مشوار السفر وانا في النفاس وكله عمل انتداب وتلفونات سريه وجلسات بالسياره للمكالمات واستغرب وكان بعيد عن بالي الزواج واثقه فيه مع معاملته القاسيه
وحاط هو في بالي انه عمل سري لحد مااكتشفت بعد سنتين من الزواج وانا حامل بنتي بالصدفه ناسيه اعزكم الله نعال ولدي بالسياره وكان بيسافر العصر وانا رايحه للدوام فتحت السياره وكانت الصدمه ...........................
التعديل الأخير بواسطة المشرف:
