أسراار وفنوون التعاامل مع الرجل الشرقي

[احلم بالسعاده]

السلام عليكم ورحمه الله
اختي حالمه ...جزاكي الله كل خير
على هذا الموضوع الرائع والمفيد..والذي اتمنى
ان يكون خطوه لتقدم الى الامام لاجد السعاده في حياتي الزوجيه
وان احاول ان اتجنب كثره المشاكل اليوميه وآلطبيعيه بين الازواج

 

[احلم بالسعاده]

انا زوجي من النوع الذي ما يرضى زوجته تكون فهمانه اكثر منه
وعصبي كتير...واحيانا كتير بيفسر كلامي غلط...اكون قصدي شي ثاني وهو يفهم الموضوع مقلوب
وابدا ما يحب يشوفني زعلانه
لازم ديما ابتسم واضحك..حتى لو تمثيل
مع ان الحياه شمس ومطر ليل ونهار....اما انا فلازم اكون ديما مبسوطه ورايقه

احيانا ازعل من دون سبب...هيك طبعي كيف اغيره....وحاسه اني لحالي
فالزوج في شغله واحيانا لما يرجع للبيت برده بيتطلع اما عشان لوازم البيت او يشوف صديقه....
وانا اكون لحالي...فانا متزوجه منذ 3 سنوات ولسا مارزقني رب العالمين بالحمل

 

[غاية الروح]

روح ورايحين

نحن معك بس ابدي انتي
والله يرجع الحالمه بالسلامه

 

[أم مروج العسوله]

لاحول ولاقوة الا بالله
والله الحالمه جعلتنا في حيره تركتنا في نص المشوار ياريت نلاقي احد مثلها تساعدنا ونكمل المشوار الله يردك لنا ياحالمه فين الاخوات الي كانو يردو مع الحالمه نبغاهم يجاوبو على اسئلتنا ويعطونا المشوره

 

[أجامل بإبتسامة]

الله يردك حبيبتنا الحالمة ولايحرمنا منك

ويطمن قلوبنا عليك
:32:
والله يابنات اها إنسانة قلبها كبير وماقصرت مع أحد

الله يحميها من كل شر:3:

 

[غاية الروح]

صباح الخيرات للوردات العسولات زوجات الشوش

يارب رد لنا الحالمه وصخر لها امورها يارب​

 

[مفاتيح السعاده]

يارب احنا حيل محتاجين لها

 

[мιѕѕ gυccι]

وين التكمله؟؟؟؟؟؟؟؟ تعلقت بالنص .. ماني عارفه باقي الاسرار وانا فعلا متشوقه اعرفهاااا كلها...

 

[روح ورياحين]

صباح الورد والجوري

انقطعت لظروف طارئه وكنت اتمنى من كل قلبي ارجع والقى الحالمه منوره الملف

والله اني محتاجه اتطمن عليها اضعاااف حاجتي لبقية الدروس

يكفي انها تطل وتطمنا عليها والدروس والاسرار لاحقين عليها

ربي يعلم هالانسانه انقذت كم زوجه وكم بيت وكم حياة حولتها من ضيق ونكد وحيره لاطمئنان وهدوء..

أسأل الله العظيم رب العرش الكريم ان يحفظها من كل مكروه ويجعلها قرة عين لأحبابها

ويردها لنا وهي في احسن حال.

وأشكر كل من ردت وأبدت الموافقه والحماس

وأحب أذكر ان اللي راح نسويه الحين مجرد تذكير ومراجعه للدروس السابقه سواء في هذا الملف او الملف السابق

ونحاول قد مانقدر نخلي الدروس عمليه ونطبقها ونتابع تطورات التطبيق

لأن مجرد القراءه والفهم ماااتكفي ابدا

ضروري يكون فيه تطبيق عشان نلقى نتائج حتى لو كانت بطيئه

والاخت اللي تقول قريت الدروس كلها وحسيت التطبيق صعب جدددا

أحب أقولك ان مع العزيمه والاصرار وبحسب الهدف اللي انتي حاطته ببالك

بيكون التطبيق سهل وممتع بعد

صحيح ان النتائج بطيئه بحكم ان الشرقي مايتقبل التغيير بسرعه

ويحتاج وقت عشان يستوعبه

لكن النتائج والله تستاهل وتستحق الصبر وتجرع المر

وأكيد كلنا هدفنا المشترك والأسمى هو رضا الله عز وجل واعمار بيوتنا على تقوى الله سبحانه...وبيوتنا ماراح تكون هادئه ومستقره طالما فيها صراعات وخلافات

قبل لا نبدأ المراجعه

ودي أذكر نفسي وأذكركم بحاجه مهمه

هي بااالغة الأهميه مع كل الناس وخصوصا خصوصا مع الزوج

وهو تقديم حسن الظن في جميع امورك وتعاملاتك مع الشرقي

لأننا وأنا أولكم قبل فهم الشرقي كنت اسيء الظن فيه كثير

وأفكر انه شخص أناني ويفكر بالماده وعنده مبدأ الربح والخساره

وانه انسان متحجر وقاسي ومرييييض وركزوا على هالكلمه زييين لأنها تكررت كثير من زوجات الشرقي واولهم استاذتنا الحالمه

وكنت افسر كل تصرفاته على هالأساس

مما اتعبني نفسيا وصارت علاقتي فيه في تدهور مستمر

وتخيلي كم الافكار السلبيه اللي يتشبع بها قلبك وعقلك وانتي تفسرين كل تصرفاته على هالاساس

حسن الظن يريحك انتي في المقام الاول..ويعطي مجال كبييير لتحسين العلاقه بينكم

ويخلي بينكم وفي البيت بشكل عام جو من الموده والرحمه والطمأنينه

بضرب مثال لحسن الظن وسوء الظن عشان توضح فكرتي اكثر...

مثلا

كلنا نشتكي من رفض الشرقي لموضوع التمشيات والطلعات والمشاوير

في حال طلبت منه ورفض

لما اكون سيئة الظن ونكديه ونظرتي للأمور سوداويه

بقول في نفسي

هذا الشخص في قمة الأنانيه

مايفكر الا بنفسه

خايف يخسر فلوس اذا طلعني من البيت

معنى كذا ان الماده عنده اغلى مني ومن سعادة عائلته

انا آآآخر اهتماماته

والنتيجه نفسيه دمااااار..ملامح متجهمه وبوووز شبرين..عجز تااام عن العطاء وعجز عن تقبل اي عطاء اخر...والأهم ضااااع يوم من عمرك..بسبب شخص آآخر غيرك انتي..يعني خليتيه يتحكم بحياتك ونفسيتك بدون ماتحسين..وهو مثل ماهو ماتغير وانتي ماقدرتي تغيرينه او حتى تأثرين عليه

وكل كل هذا نتيجه طبيعيه للأفكار السلبيه المسمومه اللي غذيتي نفسك بها




لكن لما اكون حسنة الظن وفرفوشه والأهم اني مو معلقه سعادتي وانبساطي بالشرقي واني اقدر اخلق جو من السعاده والمرح بنفسي ولنفسي

بقول بخاطري

هذا هو الشرقي

شخص استرخائي

قمة المتعه بنظره انه يجلس ويريح عالكنبه ويطالع التلفزيون

هذا هو ببساطه

والأمر مو متعلق فيني شخصيا

والنتيجه هدووووء اعصاب..ملامح رااايقه..عقل متفتح ونشيط قاااادر على العطاء او تقبل اي عطاء اخر.. ومستعد لتقبل تغيير الخطه واستبدالها باخرى ممكن تكون اكثر امتاع...
ممكن انشغل باي شي بعيد عنه..واذا كنت مو مستعده لأي نشاط ثاني..ممكن ببساطه...اجهز لي اي حاجه احبها..وأهيء جو خاص فيني حتى لو كنت معه بنفس المكان..واصيييييييير اقوى واخطر منافسه للشرقي على الاسترخااء..وبكذا يكون هاليوم من حياتي راح وانا مرتاحه ومسترخيه وربحانه كثير وابسط شي ربحته صحتي..وانا الوحيده اللي تحكمت بمسار يومي ومزاجي



وبالنهايه


مع تطبيق دروس الحالمه في هذا الموضوع بالذات

راح اقدر اجيب راسك يالشرقي

واخلي طلعتك معي حاجه انت تتمناها وتستمتع فيها اكثر من اي شي ثاني

ضروووووووري نراقب تفكيرنا وحديثنا الداخلي لأنه سبب رئيسي في ردات فعلنا

وتقبلنا للأمور

وانا هنا ما ادعو للاستسلام ابداااااااااااااا

انا ادعو للتحكم بردات فعلنا

اللي هي اساس في كل تصرف سليم او احمق بحياتنا

والكلام هذا عن تجربه خاصه بحته بعيد عن كلام الكتب والدورات والدروس

ياااما وياااما ضاعت ايام من حياتي مستحيل اقدر ارجع منها ولو ثانيه

والسبب انا....انا ووبس

انا اتحمل مسؤلية مشاعري وردة فعلي

وانا اتحمل مسؤلية تغييرها للأفضل واتحكم فيها

ادري طولت عليكم

لكن حبيت انبه على هذي الامور بالذات لأنها اساسيه في التطبيق

اتمنى التوفيق والسعاده للجميع

واسال الله ان يفرج همي وهم كل مسلم

​

 

[روح ورياحين]

هذا تذكير بدرس النقاش والحوار مع الشرقي

انا اختصرته وحطيته على شكل نقاط عشان يكون استيعابه اسرع

اولا

احذري من نقاشه عن امور تخص شخصيته.مثلا تشتكين له بانه قليل الكلام معك او انه يتأخر في تلبية الطلبات ظنا منك ان النقاش سيوصلك الى حل معه وانه سيبدي استعداده للتغيير .. بدلا من ذلك سيأخذ النقد بشكل شخصي

والانتقاد يرسل له رساله مفادها:هناك خطأ ما في شخصيتك

وقتها راح يضطر يدافع عن نفسه بطريقته اللي اكيد ماراح تعجبك

وليكن النقاش فقط في امور تخص حياتكم بشكل عام مثل شراء بيت او قضاء اجازه او تربية الاطفال..

ثانيا

افضل وقت للنقاش هو عندما يكون متفرغ ذهنيا وجسديا بشرط ان لايكون وقت نومه..
والا تحملي تجاهله او عدم اصغائه او حتى معارضتك او مهاجمتك

ثالثا

يكررره العناد لأنه يراه بعيدا عن الانوثه...والعناد يظهر له انك ند له وهذا اكثر شيء يكرهه الشرقي في زوجته..وهي النديه

ثالثا

يحب الدلع مع(السناعه)

رابعا

لااايحب الصوت العالي..ويعشق الصوت الهادئ والناعم...وانتبهوا..مو الصوت المااايع
لأن التصنع واااضح فيه..يكفي انك تخفضي صوتك وراح تظهر النعومه تلقائيا لأنك بالنهايه انثى

خامسا

كوني مستمعه جيده ومطيعه ولاتقاطعيه...

وهذي حاجه مهمه جدا

اذا حس انك مطيعه له في كل شي بيبدأ يثق فيك ويحس بالأمان معك

وتدريجيا بيصير يرجع لك في كل كبيره وصغيره لأنك كسبتي ثقته

وفيه طريقه جدا رااائعه طرحتها استاذتنا الحالمه في هذا الملف

يعني تكونين مطيعه وفي نفس الوقت تقولي رايك بكل ثقه

وهي"اذا كنتي في نقاش مع الشرقي وقال حاجه ما اعجبتك او قرر قرار ضايقك

اسكتي وخليه يكمل للأخير واظهري موافقتك عن طريق لغة جسدك

وبعد ماينتهي النقاش ويتغير الموضوع..اجلسي فتره بعدين قولي رايك بكل صراحه وثقه

بكذا ما تكوني اظهرتي اعتراض على كلامه

وظهرتي بصورة الزوجه المطيعه

وقلتي رأيك كااامل وبكل ثقه

جربوا الطريقه هذي وصدقوني راح تذهلكم النتائج

سابعا

انتهجي نهج الحكمه في التصرف معه ليحس بذكائك وانك لماحه فيثق فيك ويعتمد عليك

يعني في تعاملك مع الشرقي خلي قلبك وعواطفك يناموا شوي

وتصرفي بعقلك وبس

يعني عامليه بنفس اسلوبه

وبكذا تكسبي ثقته

لكن لما يشوفك عاطفيه داائما

وفي كثير من المواقف

ماراح يقدر يعتمد عليك او يلجأ لك

ثامنا

يحتاج للمدح..حسسيه دائما انه سندك وحبيبك واعتمادك عليه بعد الله سبحانه وطبعا بدون ماتقللي من قيمة نفسك

تاسعا

ليرى شخصيتك القويه امام أهلك وأولادك فقط...تكسبي بذلك احترامه وتقديره وثقته

عاشرا

يفضل الشرقي النقاش في المواضيع التي تجعلك معجبه به وتظهر فخرك واعتزازك به

وتذكري"الشرقي يحب المدح الصادق ويميزه عن المدح الكاذب لأنه دقيق ويعتمد على الملاحظه بصمت..لذلك انصح بالابتعاد عن المبالغه في المدح..والحرص على ان لايرتبط مدحك له بتقليلك من قيمة نفسك او اظهار جهلك وقلة علمك وفهمك

الحادي عشر

عوديه على المدح بشكل مستمر ولاتربطيه باوقات الحاجه والطلب

ليكون للمدح قيمته وتأثيره على الشرقي

ايضا احرصي على المدح قبل العلاقه وبعدها


راح اكتفي بهذا القدر اليوم

وياليت نفيد بعض

هل قدرنا نطبق شي من هذي النقاط

وكيف؟؟وماذا كانت النتيجه؟؟

وهل اخذت منا وقت طويل او كانت نتايجها سريعه

واذا فيه حاجه ماطبقناها

خلونا نسوي خطه ونطبق الدروس خطوه خطوه بهدوووء

عشان تكون خطانا ثابته باذن الله

وتأثيرها أقوى

لأن اللي يجي بسرعه وعشوائيه يروح بسرعه

وأحب أفيدكم ان كتابة اهدافنا وخططنا ودروسنا هي اول خطوات التنفيذ

ولا تنسون اذا تعلمتوا اي درس او مر عليكم اي معلومات

قولي اللهم اني استودعك ماحفظت وتعلمت اللهم اخرجه لي وقت حاجتي له يامن لاتضيع ودائعه
ولاتنسون الاستعانه بالله سبحانه وتعالى في عمل اي شي لأننا بدون الاستعانه بالله

ماراح نقدر نوصل لأي نتيجه

واستحظروا النيه الخالصه لوجهه الكرييم

ملاحظه..نقلت الدورس بتصرف بسيط مني

مع ضرب امثله عشان يسهل وصول المعنى

انتظر تفاعلكم

وتطبيقكم

ومراجعاتكم للدروس السابقه واستفادتكم منها

الله يوفقني واياكم لما يحب ويرضى

ويجمعني بكم تحت ظل عرشه يوم لا ظل الا ظله

ويجعل كل مانقوم به ونطبقه مع الشرقي خالصا لوجهه الكريم

أسأل الله ان يفرج همي وهم كل مسلم
​

 

[روح ورياحين]

بسأل ا لأخوات اللي محتاجات للمزيد من الدروس والاسرار

انتوا طبقتوا الدروس السابقه كلها؟؟؟

اذا طبقتوها ياليت تفيدونا بتجاربكم

واذا لاااا

ياليت تشاركونا بالمراجعه والتطبيق

لأنه ياخذ وقت طويييييييل

وجهد وصبر وطولة بال وتمرييين

وصدقوني راح يكون جدولكم ملياااان وبتكونون مشغولين عالآآخر

وباذن الواحد الأحد اذا رجعت الحالمه

بتلقى زوجات شرقي محترفات

ومستعدات لتطبيق المزيد من الدروس والاسرار

صدقوني على كثر التعب والمجهود اللي يحتاجه التغيير

الا ان التعب هذا كله مايعادل لذة الانتصار على كسل واستسلام نفسك اولا
ثم الانتصار على الشرقي العزيز

من كلام استاذتنا الحالمه

كيف توصلي لمراحل عميقه بقلب الشرقي...تكون لك مكانه كبيره عنده؟؟؟

في الأول لازم تفهميه جيدا و تتقبليه وتتقبلي كل طباعه من غير اي تذمر وشكوى

حتى لو بينك وبين نفسك..

ولازم تخدميه بكل شي وتطيعيه وتدوري على راحته وتهيئيله جو مريح وهادئ داائما

الرجل الشرقي عشان تاخذي منه لازم تعطيه..بس كيف يكون العطاء؟؟

هو العطاء بلا حدود

هو العطاء اللي ماننتظر له رد فعل مباشر

العطاء اللي يدوم سنوات بدون كلل او ملل لأن الرجل الشرقي رجل حنون جدا و
يقدر عطاء الشخص اللي معاشره

(عاشريه عشره طيبه وحبيه حتى بسلبياته بتعيشي معه ملكه

صحيح البدايه مع الشرقي متعبه كثير لكن النهايه سعيده جدا

بشرط

افهميه واحبيه بكل مافيه وأطيعيه


أسأل الله العلي القدير

ان يجعل في كل حرف من هذه الكلمات

الف حسنه لاستاذتنا الحالمه

يعلم الله كم افادتني وكيف انقذتني تلك الكلمات​

 

[ياسمينه بيضا]

روح ورياحين
يسعدك ربي على هالحماس والاهتمام بافادة اخواتك
ربي يردلناالحالمةويحفظهامن كل شر
وربي وحشتناووحشتنانصايحهاواسرارها
وانااللحين بس حابةاتطمن عليهاحتى لوماكملت الدروس
بالي مشغول عليهامررررةوكل شوي ادخل اشوف رجعت ولالا
يارب تردهاسالمةغانمةوتطمنابصحتهاوعافيتهاوكل حبايبها
والله هالانسانةفضلهاعلي كبيرواقل حق لهادعوات في ظهرالغيب
واكيدمراجعةدروسهاواسرارهاراااااح يفرحهاوان شاءالله يكون صدقة جارية لها00
روح اختصارك للدرس رووعةوواضح انك صرتي شاطرةولهلوبة
وبالنسبة لي هالدرس فادني مرررةوالحمدلله طبقته وبدت تظهرالنتايج
عندي اضافات كثيرةبس يعلم ربي اني طايحةفي الفراش بسبب الانفلونزاوالتركيززيرو
لمااتعافى ان شاءالله شويةراح اكون معك حبيبتي واشارك بتجربتي لعل وعسى احديستفيد
حابةمرة طريقتك وفهمك للدروس وراح اكون معك باذن الله على طول الخط وهذااقل واجب نرده لحلومتناربي يحفظهاويسعدهاوين ماهي00
استمري يالغاليةربي يوفقك انتي وكل البنات00

 

[غاية الروح]

روح ورياحين والله صدقتي انه الحالمه بفضل من الله ثم منها قدرة تصلح بيوت والله الحمد والله يجازيها خير ما عملت والله يرجعلنا ايها بخير وعافيه يارب


بخصوص دروس الحالمه انا بستمرار مطبقه لها وبذكر الفوائد من الدروس وصارلي شهرين ونص عايشه مع الشوش ومطبق الدروووووس::::::::::​

أولا:


هههههههههه لحد الحين أسالله ليش ما تتكلم طوووووول الوقت ساكت ويبا يرتاح مرات اطفش لاني شماليه غربيه خخخخخ :22:​

ثــانيا:


هذا الشرط اطبقه بالحرف الواحد والحمدالله:22:​

ثالثا:


ما اعاند أبدا مع اني عنيده حاولت اي شي يقولي اياه اسمع كلامه بس مب من المره الاولى واسويه خخخخ و اقوله نسيت او ما اتذكر انك قلتلي اعطي اعذار لنفسي بس ما اعاند واضاربه واذا صار وزعل مني اعتذر واروووح عنه وما ارد واسويه ألي طلب مني ما اسويه​

ثالــــثا:


يحب الدلع ونظرات العيون واللسان ألي يطلع بدلع وانا من يوم ما عرفني دلوووعه بس بسنع يعني تعلمت الدلع عشانه بس​

رابعا:


خخخخخخخخ إلا الصوت العالي ما قدرت اودره ههههههههههههه مرات اتفشل احاول اخفضه وانجح بس اكثر المرات افشل وصوتي يعلى خخخخخخ​

خامسا:


بالضبط طبقة هاي الدرس والحمدالله فااادني كثير ---احبج حلومه​

سابعا:


احاول اكون صريحه وحكيمه بس مرات افشل هههههه بس لا للفشل نعمل للمحاوله ههههههههه ما اخليه يهزمني دايما اعزز من نفسي والحمدالله صار يقولي احسك واثقه من نفسك وهذا الشي حلو فيك....​

ثامنا:


ما توصي شغاله مدح ووالله اتذكر الحالمه ع طول لما تقول انه الشرقي ماعنده ثقه في نفسه يحتاج تعززيها بالمدح والاخت شغاله مدح هههههههههه فديييييييته الشوش​

تاسعا:


دايما أحسه يراقبني لما اتعامل مع الناس بكذا اكون حريصه اني كسب ثقته يعني اكون مثل ما يحب هوه بالضبط بس ما امحي شخصيتي بالعكس افرضها​

عاشرا:


مطبقينه بالحرف الواحد في جميع الامور​

الحادي عشر:


شغالين مدح بكل ثقه لا توصوا حريص ههههههههههه بس كيف امدحه قبل العلاقه استحي وما يعطيني مجال احسه ما يحب الحنس كثير اذا باله مشغول في شي او اذا تعبان وهوه طول الوقت تعبااان........!!!!!!!​

فديتك روح وراياحين والله حلوه الفكره واتمنا جميع الخوات يشاركوا بفايدتهم من الدروس​

 

[الملكة الراقية]

روح ورياحين

جزاكي الله خيرا على الخلاصة المفيده لأسرار الشرقي

الله يكتبه في ميزان حسناتك

 

[اميرة اليمن]

كفيتي ووفيتي اختي روح وريحان

اه طبع الشرقي صعب ملييييييييييت

 

[كاتمة الاسرار]

روح يعطيك الف عافية ماشاء الله عليك ذكرتيني بحالمه
عسى لله يحفظها من كل شر بجد هالانسانه انقذت كثير من الزوجات والكثير استفاد منه
وقلبها كان كبيير وتحملتنا الله يطمنا عليه يارب احفظها والله انشغلت عليييه ومانبيه تكمل الدروس اهم شي نتطمن عليه هالانسانه لها فضل كبييير علينا الله يردها لنا بالسلامه افتقدتك ياحالمه

ومراجعة الدرووس كانت فكره حلوووه وماشاء الله عليك اختصرتي الاشياء المهمه
للاسف انا صبري قليل والشرقي يبي لها صبررررررررر وطولة بال
يعني تمر علي ايام اكون صابرة ومتحمله شي بسيط يهزني ويخلني ارجع من جديد
بس الان راح التزام بطبيق الدروس بشكل صحيح واخذت لي دفتر سجلت فيه الاشياء المهمه علشان كل يوم اطلع عليه
طبعآ انا استفدت اكثيير من حالمه الله يحميها من كل شر
بمساعدته قدرت اتخلص من مسالة الزعل المتكرر والزعل على اتفاه الاسباب
وقدرت امسك نفسي لما الشرقي يعصب بس ساعات انسى روحي خخخخخخخخخخخ
من التحقت بهالموضوع وحياتي في نمو التغير بس الله يلهمني الصبر هذا اللي اتمناه علشان اكمل المشوار ومااخسر من جد وجديد ابي احصل على ثقة وحب الشرقي
وبفضل الله وثم تجمنا هذا ان شاء الله احقق حلمي روح جزاك الله كل خيير آ
لما قمتي بيه والله يرد لنا حالمة بالسلامه
بس عندي مشكله موقادره اتخلص منه الصوت العالي هههههههههههه
صراحه وودي اتعلم اتكلم بهدوء حتى لما اعصب بس عندي اولاد الله يحفظهم مايخلون للهدوء مكان
شلون اتخلص من هالشي ساعات ابي اتعلم اتكلم بهدوء وبدون صراخ بس مايستمر اوقات اتحرج من زوجي بسب صوتي المزعج

 

[الظروف ضدي]

روح ورياحين ,, ابدعتي وبدأت ثمار الاستفاده من اختنا الحالمه ,,ربي يرجعها لنا سالمه وان يكون في تأخيرها خيرة ,, بالفعل بدات اقلق ,,فكم استفددت كثيرا في فهم زوجي ,, ولكن ردود الفعل منه تحبطني كثييرا ,, أريد أن أكون انسانه مررحه وفرفوشه مثل ماكنت ساابقاا لكن الهم والغم اثقلني كثييرا كثييرا ,, لكن اتمنى ان تكوون الظرووف معي داايما ولييست ضددي ..اصبحت مكسووره من الدااخل اريد ان ينجبر كسسرري لاني خسرت اغلى انسااان عندي,, ربي يرده لي ردا جمييلا,, أسفه لااقصد ان أحزن القلوب ولكن حبيت افضفض لكن لااقل ولااكثرر

 

[سوسوأم شوشو]

بارك الله فيكن
عندي استفسار
الشرقي الجنوبي هل تصلح معه الزوجة الموظفة؟؟
​

 

[نفسي طموح]

بارك الله فيكن

عندي استفسار
الشرقي الجنوبي هل تصلح معه الزوجة الموظفة؟؟​

من تجربتي الشرقي بصفة عامة يحب الزوجة تقعد في البيت له وبس أنا حاليا موظفة طبعا بعد طلوع الروح وأتوقع إنه بأي يوم راح أترك الوظيفة لأنه مو متقبل الفكرة , طبعا كل وحدة لها وضع مختلف لازم تتفهمي اسبابه ووجهة نظره وتتعاملي من خلالها والله يكتب الخير للجميع

 

[غاية الروح]

سوسوأم شوشو

يعتمد الشوش مالج ع اي بيئه متربي يعني عنده خوات موظفات او لا
من خلال اهله تقدري تحكمي :19:
بعض الشرقين ما يحبوا الحرمه ألي تشتغل والبعض الاخر ما يحبها جالسه كذا وما تنتج

يعني يعتمد ع الشوش والبيئه المحيطه فيه .....هاي ألي اعرف انا :20:



حرام الموضوع يوصل لصفحه ال3!!!!!!!! :30:


لرفع لتعم الفائده:14: :3: