مرحبـــا أختي الحالمة ..
أخيراً وجدتكــ .. كنت ابحث عن عمدة الشرقي !!
بحكي لكــ قصتي أنا عروسة زواجي قريب و محتارة بنمط زوجي
رحت لعمدة الشمالي و عمدة الجنوبي ... ساعدوني قد ما يقدرو لكن ما يزال نمطه مجهول بالنسبة لي
و حدة منهم حولتني لكـــ ... و أنتي أملي الأخير
زوجي متأكدة أن فيه شرقية ... لكن عجزت أعرف هل هو شمالي شرقي أو جنوبي شرقي
لهذا بكتب لكــ كل الصفات الي كتبتها لعمدة الشمالي و عمدة الجنوبي قبلكــ
و أتمنى تجاوبيني ... هل تظنين أن نمطه الغالب شرقي أو لا
و سواء كان غالب أو لا ... وش يطلع ... شرقي شمالي أو شمالي شرقي
شرقي جنوبي أو جنوبي غربي ..
و أتمنى ما تطلبي مني حل اختبارات البوصلة
لأن الي قبلك طلبوا مني و ما توصلنا لنتيجة ..
زوجي محير البشـــر
الصفات الي كتبتها سابقاً
..............
أنا قرأت أن الشرقي مرتب و منظم
أنا ما اعرف هو مرتب و منظم أو لا
بحكم اني ما عشت معه
لكن سيارته مو دايماً ينظفها
أحياناً تكون كلها غبار ... مو لدرجة لا تطاق
و مرات اروح غرفته القاها فوضى
حتى السرير مو مرتب
و مرات يترك علبة العصير مكانها أيام و لا يشيلها
كريم أو لا ؟
هو ما يقصر معي .. في كل مناسبة يجيب لي هديه
بس اخر مره .. أكتفى بورد .. بحكم قرب الزواج و المصاريف
و يشحن جوالي دايماً
و يعطيني مصروف كل شهــر
بس لو طلبت شيء غالي .. يقول لا .. غالي علينا
يعني نوعاً ما حريص في ادارة أمواله
مب مسرف
و أحياناً نروح محل .. و نلقى شيء يعجبنا
يقول هذا المحل غالي بنشريها من غيره بسعر أقل
و يشتريها من غيره
من ناحية الأطفال
ما اعرف .. بس دايماً يتكلم عن ولد صاحبه
و أنه دوم يخوفه و الولد يبكي بسرعة
و مرات أشوفه يلاعب بنت أخته
بس ولد أخوه .. دوم متهاوش معه .. حسب كلامه
مع ان الولد صغييير لسه بالحضانه
يقول ما يحب الأولاد الصغار
بس البنات الصغار يحبهم
التلصق
أنا جنوبيه غربية و أحب التصق به
بس صار يحب الأحضان ... و أحياناً هو يبادر و أحياناً يطلبها
بس بصراحة
ما اعرف هو يحبها أو أنا عودته عليها
و زياراته كانت مره كثيرة .. كان تقريباً كل يوم في بيتنا
و كل يوم يتعشى معي .. يعني ممكن طوال الأسبوع ما عدا يومين و أحياناً ما عدا يوم
بس الحين بحكم قرب الزواج قطعنا الزيارات
و هو يقول عن نفسه
صحيح يأجل أمور لكن في امور يسويها فوراً و بسرعة
يعني على حسب طبيعة الشيء < هذا كلامه ..
كمان يحب الهدوء و ما يتحمل ازعاج الأطفــال < حسب كلامه
.........
في صفة أستغربتها
لما أزعل منه و نكون متهاوشين أول شيء يراضيني
و ينسيني الزعل .. و بعد ما ارضى يعاتبني و يلومني ... و ينكد علي
بالنسبة للأهل
هو .. يحبهم و ما يرضى عليهم
بس برضوا الشمالي ما يرضى عليهم
بقول لك مواقف مع أهله
من البداية قال لي .. أنا حاجة و أهله حاجة ثانية
و أنه ما يحب أحد يتدخل في حياتنا سواء أهله أو أهلي
و بما انا حنسكن معهم بنفس العمارة
قال لي .. أن أهله ماله خص فينــا .. و حنا طالما بشقتنا لنا خصوصيتنا
كمان في ذلكـ الوقت
سمعت أمه تقول .. أنه قال لها .. ما يبغاني انزل لها تحت
ما اظن جد .. بس الوقت الي قال لأمه هذا الكلام
كنت مره متخوفه من مشاكل السكن مع اهله
و هو ماقال لي .. بس امه الي قالت كلامه
برضو كنا رايحين شقتنا و قال لي أروح أسلم على أهله
لأن لو مارحت راح يقولوا جاب زوجته و لا جابها لنــا
برضو مره كان عندهم حفلة " بنت خالته "
و أمه طلبت منه يوديني للحفلة
و هوا عارف ما ابغى اروح
قال لأمه أنا مشغول و ما اقدر أوديها < كذبة
بالنسبة لأصحابه
الجنوبي يقدسهم حسب ما سمعت
انا زوجي أصحابه كلهم من أقاربه .. و واحد منهم قريب منه منذ الطفولة
أظن هو الوحيد الي قريب منه مرره
هوا يحبهم و يطلع معهم .. بس مرات يوعدهم أنه بيروح و يخلف
و مره كنت معه و كان المفروض يروح لهم .. و لا راح علشاني
يمكن حب يثبت لي اني اهم من أصحابه .. ما ادري
بالنسبة للأحضان و الاتصاق
يضمني دايماً و يقول بكرا بننام في حضن بعض
هالشيء خلاني ما اظنه شمالي
لأن الشمالي على حد علمي يكره الالتصاق و الاحضان
و الورود و الشموع
بس ما اشوف خطييبي يكره هالأشياء
بالنسبة للكسل و حب النوم
هو ما ينام كثير .. يعني ساعات نومه قليله
بس برضو يقول انه يحب النوم
و مرات كثيرة ينام عندي ساعة أو أقل
يجي نعسان و ينام !!
خاصة و أن زياراته كانت تقريباً كل يوم
كسول أو لا .. ما اعرف
هو يأجل اشياء ... و في اشياء يعملها بوقتها < هو يقول عن نفسه كذا
و برضو أنا شفته كذا
مثلاً غسالتنا جربناها و طلع فيها خلل و قال بكره بشوفهـا
يوم ثاني راح يشوف ايش فيها و ضبطها
بس برضو أحياناً يوعد و لا ينفذ
كنا بنروح مكان بالشتاء و جا الصيف و لا رحنــا
و قال حنا مع بعض .. السنة الجاية بنروح
مثلاً كان في اكياس بشقتنا المفروض يشيلها و يرميها
ظلت مكانها تقريباً أسبوع !!
بالنسبة للملابس
ما اعرف ايش يعجبه اكثر شيء بحكم أني ما عشت معه
لكن مرتين لبست له عاري و قصير و مررره عجبه
و دايماً يقول يحب القصير و العاري أكثر
بس لسى ما تم الزواج و لا شافني بلبس عاري كثير
و هو فيه شرقية يمكن الشرقي يحب المستر
كان عندي تي شيرت كم وفتحة الصدر واسعة مررره تعجبه
< لونها اسود
و كمــان .. أنا أحب الأحمــر
و هو يقول أحلى لون علي الأحمر و الأسود
< لكن أنا أعرف اللونين يناسبوا لون بشرتي
يحب ألبس بلايز طويلة مع سروال ماسكــ " سترتش "
مره من المرات طلب مني أتغدى معه بالبلوزة الطويلة و بدون السروال !!!!!!
حسيت طلبه غرررررررريب غررررريب
و ليش وقت الأكل !!!!!!
أيش كمـــان ..
عادي يرسل مسجــات فيها كلام قوي .. يعني " جنس "
و أبغى أسوي كذا و كذا
و عادي يمسكـ يدي بالسوق
و يعمل حركات نص كم بالسيارة و هو يسوق ..
كمان قال لي أن أكثر حاجة يكرهها
اني استغفله أو أسوي شيء من وراه ..
و
غالباً يحلل الأمور بأسلوبه و يطلع تحليله غلط بس يصر على رأيه
يعني مثلاً .. أنا زعلانه .. وهو ما يعرف ليش ... يطلع سبب من دماغه
و أقوله مو هذا السبب و لا يصدق .. يقول أنه السبب الي في باله صح مئة في المئة
مع انه مب صحيح
مثلاً ... كلمته في موضوع مضايقني ..
يقول لي .. انا ادري انك تلفي حول هذا الموضوع الأيام الي فاتت ..!!
مع ان الموضوع ما كان في بالي و لا لمحت له
يقهرني هذا الأسلوب فيه
أرجوك ردي علي
مره خايفة من معاملته غلط
لأن قريت كثير عن الجنوبي و تعلمت عن الجنوبي
أخاف يكون شمالي فعلاً
ما ابغى حياتي تخرب ... بتصرفات خطأ
