السلام عليكم ورحمة الله وبركاته
والله يابنات اني انا الي فاقدتكم كل ماقريت كلامكم احس تعطوني امل ودافع مع ذا الشرقي
فرحت بوجودكم وهمتكم ونشاطكم في ذا الملف
ياسمينة بيضا حياك الله عزيزتي
انا ذا اليومين نفسيتي دمار من شرقيي بيننا شويت مشاكل وتوتر بسبب مشكلة صارت من اهله
مع اني في فترة علاج لكن سبحان الله احس المشاكل ماتجيني الا فترة العلاج مدري ليش
قبل يومين صار بيننا نقاش حاد قال لي كلام حطمني اكثر ما قهرني انوا كل كلامه اتهام وكذب
قالي انتي اهلي مخدوعين فيك انتي بوجهين ونياتك خبيثه و و و و كلام جارح جدا
وانا والله اني صادقه مع الكل وهو عارف الشي هذا بس حب انه يهينني ويقهرني
لما قال لي هذا الكلام انا رحت ابكي في الصاله وهو راح ينام ولا كأنه هامه شي
قلت حتى انا مايهمني كان الوقت بعد نص الليل قمت فرشت سجادتي وصليت ركعتين ودعيت ربي في السجود
واستغفرت لحد مانمت ( بنات والله والله ان افضل حل وافضل علاج لاي مشكله صلاة اخر الليل نصيحه اسمعوها مني وربي انها مجربه ونفعت معاي)
مو بس تصلي وتدعي وتقولي ربما تستجاب ربما لا ,,,,,,,,, احذروا خلو نياتكم وثقتكم بلله كبيره
انا بعد ماصليت في نيتي وكنت واثقه 100% ان ربي مارح يخليني ان الله كريم ياربي لك الحمد حتى ترضى
المهم اليوم الثاني صحيت مالقيته كان طالع من قبل الظهر مارجع الا المغرب كان مشغول وافضل له لاني ماكنت طايقته اصلا وفي هذي الفتره
ارسلت له رساله قلت ( في شي محيرني وسؤال مالقيت له جواب مادام انا سيئة لهذي الدرجه ونياتي خبيثة والناس مخدوعين فيني وانت بعد مخدوع فييني
على حسب كلامك ليش مخليني على ذمتك ؟؟ لا تقول اني راغب فيك لانه هذا مو سبب بعد الكلام الي قلته فيني )
شي طبيعي من الشرقي انه مايرد وانا كنت عارفه انه بيطنش بس بغيت اوصله كلام وهو فهمها ,,, ارسل لي رساله يسئلني عن شي ماله دخل في المشكله
بس حب انه يستفزني ويبين لي انه مو مهتم بس حتى انا طنشته ولا رديت عليه
المهم ياحبيباتي لما رجع على طول جا عندي واعتذر عن الي صار وترجاني اني ارضى عليه واسامحه انا ما اعطيته وجه قلت له ماجاوبت على سؤالي ؟؟؟
قال مارح اجاوب انا ندمان على الكلام الي قلته ,, قلت له ليش تقولي كذا انت ماخذ عني فكره سيئه ,,, قال كله منك انتي عصبتيني ( وانا فعلا عصبته عاد الحريم هههههه)
وهو يحاول يراضيني وانا اتدلع عليه قالي بكره بطلع بدري من الدوام ونطلع سوى نروح السوق ونتمشى قلت له بفكر اول شي اني اسامحك او لا عاد انت وشطارتك
هذا من فضل ربي سبحانه
بس انا باقي نفسيتي تعبانه من بعد الكلام الي قاله ومصدومه ايش رايكم بنات هل استمر في الدلع عليه ما اسامحه ولا ارضى واعتبر انوا خلاص ؟
لانوا يتكلم معاي ويسولف ماكأن شي صار
انا مارح اذكره بللي صار ولا رح اسئله عن المشكله لاني عارفه بيعصب بس هل ارجع طبيعيه زي اول ولا اطنشه ؟؟
