أخيرا" .. بــنرد لبعض باذن الله تعالى !!!

[المعلمة الراقية]

:icon30: الله يوفقك وييسر امرك :sly::no:
:shutup: :exclamationpoint: :idea:
​

 

[أطيب_قلب]

طفح الكييييييييييييييييييييييل ...

تعبت منه .. قاعد يطرش لي مسجاااات انه خلاص اللي بيننا أنتهى .. ولازم أنساااه .. طرشتله مسج قبل البارحه وقلتله كلام والله لو كااان حجر بيحس .. وهو والله لارد ع المسج ولا حس .. مطنشنييييي .. والله ميته قهر منه هالأنساااان ..

أدري بتقولو لي طنشيه ولا تعطيه ويه بس أنا مصررره ألا أييب رااااسه واذوقه اللي ذوقني اياااه ^^ << فديتني أول مره أعرف اني شريره

يلا يااابنااات همتكن أبغي كيدكن وخططكن ^^

أتريااااكن ^^ لاتنسوني من الدعااااء ..

 

[أطيب_قلب]

وين الردووود ..؟

 

[candies girl]

حبيبتي اطيب قلب .. انا ادري انج تحبينه وتموتين فيه .. لكن اثقلي .. انا لاحظت من كلامج ان انتي اللي كل مره تتصل واتطرش مسجات .. حبيبتي هو من النوع اللي يحب يركض ورى البنت مب البنت اللي تركض وراه..

والله حاسه فيج واعرف شعورج لاني مريت بهالشي .. وانا متابعه المنتدى من بعيد وما اشارك ابدا .. لكني يوم قريت قصتج عورني قلبي لاني احس فيج واعرف عن وشو تتكلمين ..
حبيبتي خلي اعصابج بماي بااااااااااااااارد.. شوفيه هو لأي درجه مستهتر حتى يقولج بلسانه ان اكلم بنات ويشوفج ساكته وترجعين اتكلمينه ولدرجة انه تجرأ وقالج بكلمهم حتى لو رجعتج ..

كل يوم صلي وادعي .. مو مشكله اذا نمتي كل يوم ودمعتج على خدج .. شعور طبيعي لانج تحبينه .. لكن انتي شيلي هالفكره من بالج .. قولي خلاص انا مابي ارجع له .. حطي هالشي في بالج زين .. تذكري انه كل شوي يقولج انا اكلم بنات واكلم بنات .. لاتحطين في بالج انه بيرجعج .. لانه لو مارجعج بتنصدمين ويمكن يصير فيج شي ياقلبي .. اهم شي خلج قويه وجدامج السجاده واقري قرآن كل يوم واكثررررررررررررررررررررررررري من الدعاء ياقلبي .. وطنشييييييه .. وبدل مايقولج مابيج انتي اللي قوليله ما ابيك .. انتي قوليله وماراح تخسرين .. طرشي مسج فيه كلام واضح وصريح .. لاتصيحين وانتي تكلمينه ولا اتكلمينه وابيج توعديني انج ماتكلمينه .. لانه جي يفكر انج ميته فيه ويبي يذلج زياده لدرجة انه يقولج توني مسكر من عندها وسويت لي ليله حمرا.. اتذكر مقاله للاستاذه ناعمه .. قالت فيها ان المرأه اللي تسمح لزوجها بهالشياء .. بيجيب عشيقاته وينومهم في بيته وعلى سريرها .. خلج قويه واتخذي موقف .. وقفيه عند حده .. طرشيله مسج قوي .. مسج مافيه صغف وحزن .. بيني له اني بك وبدونك بخيييييييييييير وبأحسن حال .. واكتمي الألم في صدرج .. وبعد هالمسج اقطعيه .. انسيه .. لاتدخلين مسنجر ولا اي شي اخذي وعد .. وصبري نفسج اذا ضعفتي وقولي حسبنا الله ونعم الوكيل .. واكثري من الدعاء ..

وصدقيييييييييييييييييييييييييييييييييييييييييييييني وقولي كانديس قيرل قالت .. بيرجع بعد فتره (ولاحظي يمكن الفتره تطول بس ماعليه تصبري) وبيقولج ابي ارجع لج وبيركض ورااااااااااااااااااااج لين ماتوافقين فيه ... وحتى لو فالفتره اللي اقطعج فيها اتصل .. لاتردين خليه يكلم نفسه وقوليله لاتتصل لان بقول لأهلي او قولي اي شي يخليه يحتاااااااااااااااااار شلون يتواصل معاج عرفتي قصدي؟؟؟ لاتردين على طول وتستانسين وتضعفين وترجع حليمه لعادتها القديمه ويرجع هو يقهرج بالبنات اللي يكلمهم؟؟؟!!!!! تحملي تغلطين ..

وفي شي مهم .. حتى فالمسج .. حاسبي تقولين له اذا تبيني عندك باب البيت اما انا ماراح اكلمك بعد اليوم .. لاتقولين جي .. لان مادام قلتي تعال بيتنا معناتها انج ميته تبينه .. ف خلي المسج يكون انج ماتبينه .. او الخيار الاحسن والافضل انج تقطعينه فجأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه جمدي قلبج ياعمري .. وفي شي بقوله .. لاتحطين في بالج ان بقوله هالكلام وبجمد قلبي وبقطعه عشان يردلي .. تحملي .. اقنعي نفسج بأن هالشي انتي تبينه .. وانتي ياعمري عليج صغيره وألف واحد يتمناج .. ادري بتقولين ما اتخيل نفسي بدونه .. لكن انتي ماتدرين الخير وين .. يمكن غيره يكون احسن منه بألف مره.. انتي ماجربتي غيره عشان تحكمين اذا ماتبين غيره او لا .. يمكن يجيج اللي يحبج ويحترمج ومايخلي اهله يسيطرون عليه وعلى مرته.. وبالعكس يمكن اهله بيحطونج فوق روسهم .. ماتدرين يمكن هالشي خيره .. واذا على سالفه الولد .. ترى يمكن ترجعين له وتحملين بالثاني والثالث .. وبعدين يطري على اهله ويقولون له طلقها ويطلقج..شبتستفيدين حزتها ..؟؟

ماتدرين يمكن لو رجعتي له بيقعد مع هالبنات يكلمهم وجدامج .. ذيك الساعه شبتسوين ؟؟؟؟؟؟؟؟؟؟؟ وابي اقولج شي بس متردده واتمنى انج ماتزعلين .. مثل ما انتي تعرفين ان الاستاذه ناعمه فهمتنا ان مافي رجل يكلم امرأه الا عشان الجنس .. يعني ياقلبي الموضوع واضح .. بس انتي لانج تحبينه معميه عن هالاشياء .. انا ليش اقسى عليج بهالكلام؟ لاني مابيج تضعفين وكل شوي ترجعين تتصلين فيه واتطرشين مسجات وهو ولا هامه !!!!!!
وبسألج حبيبتي .. هو اذا قالوا له اهلها طلقها بيطلق واذا قالوا له رجعها بيرجعج ؟؟؟؟؟ ليش انتي بضاعه ياخذج وبعدها يخليج وبعدها يردج مره ثانيه وبعدها يخليج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني مادري بس هل هو شخصيته ضعيفه؟؟ لدرجه اهله يتحكمون فيه وفي زوجته وعياله؟؟؟؟؟؟
آآآسفه يابعد قلبي طولت عليج بس من حرقت قلبي عليج واتمنى اني ماثقلت عليج بهالكلام لكن والله ياقلبي من حرتي عليج وبشريني بالاخبار ...


أختج
candies girl

 

[أطيب_قلب]

أشكرج على كلامج العسل .. والله أنج وايد ريحتيني .. حسيت انه حد حااس فيني ..

أنا هذا اللي ناويه أسويه .. ومستحيل اخلى المسن عشااانه .. بسويله بلوك وديليت وبفك عمري


وترى كلامج مااايزعل بالعكس عين العقل والله .. اشكرج ع النصيحه ^^

 

[أطيب_قلب]

سبحآآن الله وبحمده .. سبحآآن الله العظيم

 

[fleure]

اختي الحبيبة شدني موضوعك و قررت اني ارد عليك لاني جنوبية و زوجي شمالي و ربما افيدك بس تحملي الي يجيكي مني( بامزح معيك :shiny: )
انتي جنوبية و زوجك ايضا جنوبي محض ,بغض النظر عن النمط دون الغالب و تعليلي في ذلك ان امه متحكمه فيه و هي بدورها شمالية
حبيبتي, الجنوبي يعشق المراة التي تطنشه و تتحكم فيه عيني عينك. لانه اتعود على ذلك من امه.
هو يحتاج الى من يسيره و ليس العكس لذلك يقول لك انت طفلة افهميها لا يعتمدعليك من وجهة نظره. وهذا ما اراه فعلا 3 سنوات و انت معلقة ليه؟ كان لازم تبيني له انك مش لعبة في يده اما او اما لانك لسه صغيرة و بدك تعيشي حياتك اما معه او غيره,لكي يتحرك و يقوم بخطوة ايجابية. اما انك تتركيه على راحته و الله بعد 10 سنوات و ما يتحرك(انا ايضا جنوبية ارتخائية :wink
لما يقولك بنات و ليلة حمراء طاخ سكري التلفون ولا تستادني منه و لو اتصل لا تردي هو كان بده يشوف تمردك على الوضع. في اكثر من انه يقول لك ليلة حمراء ماذا تنتظرين ان يسجل المكالمة ويبعتها عشان تحسي؟
لما ترجعو لبعض راح يجيبهم عندك البيت لانك انتي رضيتي.ضعي حد للموضوع الان و اذا ما عاجبه مع السلامة.
لازم تحمدي ربك ان اهلك في صفك وليسوا متضايقين من جلوسك عندهم. ماذا فعلت في الثلاث سنوات؟ لا شيء سوا البكاء. لماذا لم تتابعي دراستك او تشتغلي او تفعلي شيء يملئ فراغك؟لا تقضي و قتك في انتظاره.
كما قالت لك الاخت كوني جديه في قرارك و طنشيه و عيشي حياتك. قولي له احب ان يكون زوجي رجل يعتمد عليه في قراراته حياتنا نقررها نحن فقط.
والله يا اختي في قريب لينا ايضا جنوبي زوجته اكبر منه وهي التي تخطط لحياتهم و تقول له لازم تفعل كذا و تترك كذا لا و هو مقتنع و فرحان و زوجي يقول لي هو لازم له وحده زي امه عشان تسير حياته لانه وحده ما راح يعرف يعمل شي. فهمتي اختي؟
و اتمنى لك السعادة و سامحيني على كلامي القاسي الملخبط لاني جنوبية وابدئي حياة جديدة طمنينا عنك

 

[اميرة مملكتي]

الله يردكم لبعض ويسخرك له ويسخره لك

 

[أطيب_قلب]

لا اله إلا الله وحده لا شريك له .. له الملك وله الحمد وهو على كل شي قدير ..

 

[❥~S]

،‘


يااااااااااااااااااااااااارب اتردوووون لبعض سمنـ ه‘ على عســل
وماتتزاعلوون موول
وبشوفج اتكررين هالشي واتردين بيت اهلج

،‘

 

[روز 2008]

الله يسخركم لبعض ويوفقكم:shiny:
وفي هذا المنتدى الرائع الكثير من الخبرات اللي تفيدك

 

[وفية زمن]

طمنينا عليك يااطيب قلب شنو جديدك الله يفرجها عليك عن قرررررررررررررريب

 

[الملكه اماني]

الله يريح باللك ويذلل لك كل صعب ان ربي لسميع عليم

 

[أميرة قصري]

الله يعينج اختي على بلواج .... اهل العين كل ولا عندهم الكرامة لا البنت تتطلق منقود .. ولا الحل ويرجعون الحرمة لاااااااااا كله ولا الكرامة ما حد يتنازل ... حبيبتي زوجج يبيج تكوني عاقل وهو يشوفج الين هالحين مسن وايميلات اسفة عالكلمة كانج ياهل صراحة بعدج وقاطة نفسج عليه وااااااااااااااااااااااااايد .. المفروض انج انتي ام والظروف اللي مريتي فيها تعلمج الجدية ومو مسخرة المسجات واتصالات وانتي ما راعيتي ردة اهلج اذا عرفوا انج تكلمينه وهو عادي عنده فرحان بنفسه (دونجوان) زمانه اسمحيلي اختي ولا تزعلي مني انتي بغيتي الحلول منا ومساعدتك والاخوات اجمعن انج لازم تقاطعيه ولا تتصلين فيه ولكن الظاهر انتي يعجبك العيش في هذا الحلم والتلذذفي الحب و الكلام الحلو ( انتي وطليقج يهال ) كل واحد يقعد في بيت اهله الين تعقلون شوي وتثقلون يعني انتي مطلقة ياختي ما لازم تكلميه يعتبرغريب عليج .. واذا ما وقع الطلاق ليش هالمسخرة وتيبون لعماركم الرمسة وتامة معلقة ........في محاكم خليهم ولا يطلقون ولايرجعون وبشروطج اللي تبيها ،بنات العرب مو لعبة حتى لو كانوا من العايلة.. حبيبتي لازم تكوني صارمة والله العمر يمر و3 سنين موب شوية هو لاهي بحياته ريال ما ينعاب واخوانج كل واحد ملتهي بحرمته وعياله وامج عندها ابوج وعيالها وانتي الوحيدة اللي عايشة وولدج شو تترين غير الشفقة والنغزات عليج وعلى ولدج ... صح يحبوج اهلج بس لازم تكون عندج استقلالية في بيت وطلعات وخصوصيات وتعيشي شبابج سواء مع طليقج او مع غيره .. احسمي الامر واظغطي على قلبج واصحي من احلام اليقظة وقوليها لاي حد كبير يكلمه ( اباه يطلقني في المحكمة ) بيسال وبيستغرب ليش وليش قولي كرامتي وعزة نفسي فوق كل شي وبس لا زيدي ولا تعيدي ... اانتي طبعا السبب عارفتنه لانه يلعب بمشاعرج وبسنين عمرج وانه ماعنده شخصية كلمة توديه وكلمة تييبه... وذا قال لا خلاص برجعج ذيك الحين اشرطي شروطج اللي تبينها بس بعد تفكير واهم شي تسكنين في بيت روحج على اساس انج انتي اللي طالبة البيت موب هم اللي ما يرغبون فيج وجي تكوني رديتي كرامتج وتبتعدي عن المشاكل ... ثاني شي اهلج خلاص ما دخليهم في مشاكلج <<<<<<<توبة>>> ولا تخلي نفسج علجة في حلوج الناس<< شو سويتي ويا ابو الشباب<< ليش رايحة بيت اهلج .... افتحي صفحة يديدة في حياتج من هالحين سواء رديتي لطليقج ولا لأ
تملؤها الاستغفار وقراءة القرآن وتربية ولدج تربية صالحة ان شاء الله ... اسمحيلي ان كنت ضايقتج بس صراحة قهرت وغيض فيني منكم كلكم والولد اللي طايح فيها وحليله.

 

[! فطفوطة !]

الله ايسر لج الغاليه وترجعين لريلج وربي يصلح بينكم ان شاء الله

طمنينا عنج ^^

 

[ليلاس2009]

الف الف مبروك أختى
وعقبال ماتكتبين لنا وأنتي ببيتك
والله العظيم أني فرحة لك من قلبي
اسئل الله الكريم أن يرد لك زوجك رداً جميلاً ويسخره لك ويسعدك بالدارين

 

[أطيب_قلب]

مشكورااات على الردوود .. بس انا حاليا مقاااطعته خير شر ومااابرد اتواااصل وياااه باي طريقه من الطرق بأذن الله

 

[أطيب_قلب]

لا اله إلا الله .. محمد رسووول الله

 

[بنت مكه 1100]

الله ييسر الامور ويصلح جميع الرجال ويهديهم

 

[أحاسيس وطنية]

الله يجمع بينكم بخير ويسخره لك

عامليه بلطف وحنان

الابتسامة ماتفارقك

املي عينه واشبعيه من كل النواحي

اياك ورفع الصوت وعند الغضب الزمي الصمت وابعدي عنه بس واصلي خدمته وانت ساكته

عاد لاتلصقين فيه مررررررة ترى يمل

لك اعمال ..هواية..انشغلي فيها خليه يدورك

الله يوفقك ويحفظك