السلام عليكم ورحمة الله وبركاته
خوية إشلونج عساج بخير ... اشلونكم بنات ...
عزيزتي زوجك و الله العالم فيه شي أكيد ما قلت شي جديد لكن بسألك أهلك لما وافقوا عليه سألتوا أهل إلي مطلقه عن سبب الطلاق ولا اكتفيتوا بكلام أهله ... و على حسب كلامك إنكم اكتفيتوا بالي قالوا .. أختي حاولي تحصلين على اسم البنت و عنوانهم و تواصلي معاهم عن طريق أحد تثقين فيه و شوفي سبب الطلاق وشو مو منطقي كلام أهله البنت اتهستر و تصارخ و هو رحمها و طلقها ... اتوقع في شي ... و بعدين مدامك الحين لحالك حاولي اتفتشين بأغراضه القديمه و شوفي إذا له علاقات قبل الزواج يمكن أحد عامله سحر و لا شي ... و الله يا الغاليه أعرف وحده نفس طريقتك الريال فجئة جفا ... جفا .. وبعد و بعدين قال بطلق و انا أحبها و اعزها و ما قط حبيت وحده مثلها بس بطلق و بالفعل طلق يا أختى الله لا يكتب لك هالنصيب بس دوري و شوفي لأنه ارتباكه في أول ليله مو شي طبيعي .. جفا بعده اسلوبه سفره بدون ما يسلم كل هالأمور مو طبيعيه و انت تشوفينه و اكيد إنت أدرى تصرفاته هذه تحسينها طبيعيه ... دوري وراه و قعدي مع خواته و جرجريهم بالحجي يمكن وحدة من أهله كانت تبيه أو بينهم حب و لما تزوج سوت له سحر ولا شي القصد من الحجي لا تستسلمين ومن جهة ثانيه لا اتعورج كرامتج وايد و تقولين ما يبيني ,, ومن هالكلام لأنه إذا كان زوجك مو طبيعي و مسحور فما ينوخذ على كلامه و عاملي كلامه معاملة المريض و الفاقد للأهليه أما هو عامليه عادي .... و بعدين من جهة ثانيه نطري شوفي تصرف أهله لما يرد دام قالوا لما يرد هم يتدبرون أمره نطري وشوفي ... و نصيحه لك في الوقت الحالي لما تتكلمين معاه خليج عاديه كلميه طبيعي مو مثل إلي شايله في خاطرها و زعلانه من هالحجي ... لآنه إذا هو مسحور كل مشاعرك هذه ما توصل له و يكون كارهك أو يشوفك مثل ما قال مثل أخته ... على الأقل حافظي على خط الوصل بينكم يكون عادي ...ولما يقول لك ترى بطلق قولي له لما ترد يصير خير و غيري الموضوع ...
وفعلا لكل حادث حديث ...
إيه وقولي لأبوج عن كل شي حتى إلي حصل في أول ليله و الماي إلي شربج إياه لأنه الرياييل بعد يعرفون بهالأمور و قولي له لا يتعجل و لا يبين له لأنه إنت قايلت له إنج ما قلتِ لبوج ...
و في الأخير إذا ما نفع كل هذا و قريتوا عليه و طلع لا سحر ولا ش و هو مازال على رأيه .. يا حبيبتي ربي يكتب لك الأخير و الأصلح ..
و حبوبه ما أوصيج بسورة البقرة خليها شغاله طول الوقت في البيت و اقريها بعد و ربي ايسر لك أمرك و يصلح لك زوجك و يرده لك ردا جميلا