آخر التطورات

[غاليه]

السلام عليكم اخواتي

اتصلت عليه وقلتله تعال ابي اتكلم معك في موضوعنا قال طيب

هذا الكلام قبل 5 ايام وماشفته ولاجاء البيت ولا يرد على اتصالاتي
وقبل يومين اتصلت على مكتبه وكلمني وقالي اذا عندك كلام قوليه في التلفون اقوله ماينفع لازم نتواجهه مو راضي

انا كتبتله رساله طويله فيها كل شي
كتبتله اني ماابيه وانه مافي ثقه بيني وبينك وان شاء الله يعوضوني عيالي

المهم انا تركت الرساله ودفتر مذكراتي على التسريحه ورحت يوم الاربعاء عند اهلي
هو اتصل في الليل على ولدي( 11سنه)وسأل احنا في البيت ولما عرف اني ماني موجوده
راح البيت واليوم رجعت ولقيته قرأ الرساله اللي كتبتها ومقطعها وراميها
اتصل على ولدي وقاله انت وامك روحو معي مكه
انا مارضيت وهو والولد راحوا

ماني عارفه ليش يتصرف معي كذا
انا قلتله انت تتهرب مني وهذا يأكد انك غلطان

وهو يقول خلينا نرتاح فتره مانتواجهه الان
هو في باله اني بعد فتره راح احن واضعف واسامحه مثل المره اللي فاتت
لكن انا لازم اخذ موقف عشان يتأدب

حسبي الله ونعم الوكيل

 

[الأسطـــــورة]

عزيزتي غاليه
الله يوفقك ويسخرلك زوجك تأكدي ان الرجل اللي يبغى يحافظ على اسرته مايضحي فيهم من اجل نزوات
وانت ماشاء الله موقفك ماعليه غبار تنازلتي وحاولتي المحافظه قدر ماتستطيعين على اسرتك
اشوف ان زوجك يستنزف طاقتك ارتاحي في بيت اهلك حاليا واتركي التفكير واستمري بالدعاء له في الايام في المباركه

 

[احلى خريجه]

لاحول ولاقوة الابالله
حاولي تحلين موضوعك بحكمه
اجلسي مع زوجك جلسه هادئه
تناقشي معه بالموضوع
شوفي ماهي الاسباب التي دفعته لتلك العمله
ثم حددي ماتردين

 

[غاليه]

الاسطوره
انا الان في بيتي ماخرجت الا آخر الاسبوع زياره فقط
وماراح اخرج من بيتي ولا افكر ابدا

وهو مااشوفه ولا يجي يشوف عياله
انا كذا مرتاحه لكن متى ماجاء البيت انا راح اواجهه واكون قويه في وجهه

انا كتبتله انا الانسان يعيش مره وحده وانا ماابي اعيش حياتي كلها هموم
ان شاء الله كلامي يجيب نتيجه معه ويحس

 

[أحلى عسل]

الله يهدي زوجك ويسخره لك

 

[نبت الخزامى]

الله يعينك ويهدي زوجك لطريق الحق .
بما انك واجهتيه فلازم تحزمين امرك ولا تتراجعين
وهو باين خايف وما عنده استعداد يفرط فيكم علشان كذا يتهرب من المواجهة
انتي لما تتناقشي معاه تناقشي معه باسلوب هادي وبينيله جدية الموقف وحزمك
اهم شيء ازنقيه وخليه يحدد موقفه الان ومافيه مجال للتهرب
وبعدين ترى حد الزنى في الاسلام القتل للمحصن يعني هو يرتكب جرم عظيم اذا متهاون فيه
وقوليله اذا انت تبغى تتزوج على عيني وراسي اذا بالحلال
علشان مايكون له حجه .

وعليك بالدعاء والصلاة والالحاح على الله بالدعاء ..فهو الهادي والمعين .

 

[*سندرلا زوجها*]

غالية ليش ماتستفيدين من قصص الاستاذة ناعمه احس راح تفيدك كثير جربي ماراح تخصرين

 

[يخون الود]

يالغالية زوجك شكله من طينة زوجي الكلام يدخل مع اذنه اليمين ويخرج مع اذنه الشمال اشغلي نفسك انفصلي روحيا عنه فكري ببيتك وعيالك وان مرده بيجيك بيجيك طنشي الافعال ابلغ من الاقوال لاترسلي له اثقلي لاتحني لاتحني لاتحني اقرئي هالموضوع بيفيدك وهونيها وتهون ماضاقت الا وبعدها يجي الفرج كل انفعالاتك هذي عشانك تحبينه اهدي ووكلي امورك لله وبيرد لك احسن من اول باذن الله

http://www.niswh.com/vb/showthread.php?t=21949

واكثري من قراءة سورة البقرة اسال الله لك راحة النفس والبال وان يرده ويسخره لك عاجل غير آجل وادعي على من ظلمك وطمنينا عنك

 

[زاد المعاد]

كان الله في عونك حبيبتي والله احزني امر الرجال واستهتارهم الى متى ؟مامصير الام ؟الابناء؟
الله المستعان وعليه التكلان......
حبيبتي ابحثي في المنتدى عن قصص شبيه لقصتك حلتها الاخت والاستاذه ناعمه وطبقيها على نفسك اقرئي بتامل وكرري القراءه حتى تستلهمي منها حل لمشكلتك خذي ماايناسب مشكلتك وابدئي الان بالتطبيق لاتتاخري يكفي استهتاره بالامر هداه الله وسخره لك ولابنائك
لااملك لك غير الدعاء بكشف الضر عنك وان يوفقك الله لما يحب ويرضى ورد اليك زوجك اليك ولابنائك ردا جميلا

 

[واثقة بنفسي]

استغفر الله ما نخلص من مشاكل اعيالهم الا ويطلعون لنا بسوالف ماصخة...

حدهم فاضين............

وهذي حالتنا من نتزوج واحنا بشقا في شقا؟؟؟؟؟؟؟؟؟؟؟

الله يفرج اهمومنا وهمج اختي الغالية............

 

[طلة قمر]

حبيبتي غالية لاتتهورين وتضايقين نفسج محد يستاهل هو مرتاح وانتي التعبانه تر ى عيالج اولى ..اشغلي نفسج فيهم هو مرده لج وهو يحبج مووووت... علشان كذا مب قادر يواجهج...لانه ماله وجه...اهم شي اختي لاتطلعين من بيتج تحملي...وادعي في صلاتج واهم شي قيام الليل لان الله سبحانه هو الوحيد اللي بساعدج..الله يسخر لج زوجج ويصب محبتج في قلبه..قولي "اللهم اجرني في مصيبتي واخلف لي خيرآ منها واجعلني قويه ياارحم الراحمين "...واكثري من قراءة(سورة البقرة)..ادعيلي الله يسخرلي زوجي ويرده لي راغبآ نادمآ..والله محتاجه الدعاء.....

 

[غاليه]

الله يجزاكم الجنه على دعائكم لي ويسخرلكم ازواجكم

اختي طلة قمر الله يسمع منك يارب

الله يفرج همومنا في هذا الشهر الفضيل

 

[umm_reem]

طالما انج خلاص واجهتيه ..ودليلج قوي...اذن لازم يكون موقفج وايد قوي.....يخوفه ويأدبه....

ولأهم انج على حف والله بينصرج ان شالله...الجأي الى الله وادعي دعاء المظلوم...وصدقيني ربي ما بينساج....
ماله داعي تطلعين من بيتج ...في ردات فعل تكون اقوى من طلعة البيت ومن العصبيه..والله يسخرلج زوجج ويهديه

 

[غاليه]

مشكوره اختي ام ريم

وانا للان في بيتي وماابي اخرج منه

بس هو مطنش او انه مايقدر يواجهني

الله يفرج عن الجميع ان شاء الله

 

[غاليه]

خلاص يابنات انا قررت اني اطلب الطلاق

لان زوجي شارد من البيت ولا همه شي وانا تعبت

 

[شمس مصباحي]

لاتطلبي الطلاق عشان عيالك
وطنشيه

انت ضلي بالبيت ومصيرة يرجع لك نادم


الله يفرج لك همك ويسخر لك زوجك

 

[بيونه]

الطلاق لن يكون الحل ,,,,, بل هو الهدام الوحيد والفاصل الي يقسم ظهر أبناءك ....
إتركي الوضع كما هو .... صدقيني أرحك لك ولأطفالكي ...
أتركي الوضع لبعض الوقت وسينال الله منه ومنهن ,,,,, خاطبي ربك بقلب مسكور ,,,, وطلبي منه سبحانه وتعالى ان يفرج لكي همكي وان يسخر قلبه لكي ولبيتك وعيالكي ...
غاليتي لم يبقى من العمر قد ما مضى ,,,, لذلك لا تختمي حياتك بالطلاق في أمور يستطيع الإنسان حلها ...
،عم هذا أمر بسيط يستطيه من حولك وانتي أن تغيرونه وتحلونه .......
إبدأي من جديد وعيدي حسابات الماضي ولما تحول زوجكي وانت تقولين بأنه لم يكن هكذا ,,,, صيغي حياتك وضعي لها جدوله جديده تغير منك وتجعل منك مجنونته ,,,,,
هذا ما تمناه ولكي التوفيق من رب العالمين :sadwalk:

 

[محبة الاخره]

حسبنا الله ونعم الوكيل والله ياغاليه تالمت كثير لاالمك فرج الله همك عاجلا غير اجل صدقيني الطلاق ليس الحل ابدا الجي الى الله وبثي له ماوجعك فهو الطبيب وهو القادر على اصلاح امرك واقرائي في قسم القصص والحكايات حتى ترين كيف ان التاني افضل من العجله في هذه ةالامور من اجل ابنائك بارك الله فيك والهمك الصبر امين

 

[نسائم ود]

اللهم ارزقها الطمأنينة ونزل عليها السكينة واهدها الى الصواب في الافعال والأقوال ،،،،،،اللهم ارها الحق حقا وارزقها اتباعه وأرها الباطل باطلا وارزقها اجتنابه،،،،،،،،،،
أكثري حبيبتي من الاستغفار وادعي (ربنا هب لنا من أزواجنا وذرياتنا قرة أعين )

 

[مساء الحب]

لاحول ولا قوه الابالله ----------------------

اسأل الله العظيم ان يفرج كربتك يارب ------------------------------