السلام عليكم،
حبيباتي كيفكم مرة وحشتوني . تصدقو لو قلتلكم اني في الفترة الفاتت مالقيت ذرة زمن ادخل المنتدى و اكتبلكم؟ الحمد لله ربنل يشغلنا بطاعته.
لو فاكرين اخر حاجة قلتلكم عليها انو الشوشو المغرور راح بنفسو لوالدي عشان يشكيني ليه.
طبعا انا ماني قايلا لحد سبب المشكلة بس انو صار بيننا مشكلة و صعب نكمل مع بعض لانو انا خلاص فاض بي.
لما جلس مع والدي الاخ ما ذكر ليا حسنة و تقريبا ملخص كلامو انو انا زوجة فاشلة و هو مسكين مستحملني. طبعا معظم الي قالو كدب في كدب و هروب من المشكلة الحقيقية. يعني اعطيكم مثال للخرابيط اليقالها، انو وحدة تقربلو من بعييييد انا شفتها مرة وحدة و انا عروس ماتت من كم سنة الله يرحمها ، قال لوالدي ما كلفت نفسها مرا تسأل عن عيالها ايش صاير عليهم ?.
من بعدها حس بالذنب و انا اعرف زوجي لما يحس بالذنب يبان من عيونو و لاول مرة من اسبابيع رجع و نام في غرفتنا .
لما حسيت انو بدا يرخي و يراجع نفسو انا كنت محضرة كلام كتييير مرة جلست معاه و قلتلو شوف بقولك على كم نقطة اعرفها كويس اول شي انت ظلمتني لما اعطيت هذه الانسانة بالحرام ماهو حق لي بالحلال ، من اهتمام و خرجات و الخ ، هذا ظلم لي. و ربي ما يرضى بالظلم و مصيرك تتجازى على فعلتك هذه. و اسوأ ما فعلت انك قارنتي فيها لاتسولك نفسك ابدا تقارن الذي هو ادنى بالذي هو خير. يكفيني شرف اني حافظة نفسي و بيتي و انت تعرف كدا بس انت مكابر. انا لن اقبل اني اكون معاك دقيقة لو في يوم اكتشفت انك كررت فعلتك دي . زوجي انا اعيش ملكة على قلبو و ما اقبل بغيري لا بالحلال و لا بالحرام. ? و انا تراني لسة صغيرة (اصغر منو ب ١٠ سنين) اذا سبتك الف من يتمناني و انت تعرف كدا كويس مافي شي يغصبني اعيش مع شخص انا مو مكفياه.
طبعا حاول ينكر و اصلا ما اعترف بس قالي في الاخير انو ماهو اول رجال يخش بعلاقة. و لا تهدديني انك تسيبيني. قلت انا ما اهددك بس بوريك ايش حيكون موقفي . في الاخير قالي اصلا اليوم الافكر فيه اشوف و لا اتزوج وحده غيرك حتموني وقتها مو زوجتي.
بعدها استقصدت اهرب منو و اختفي و كنت مشغولة مرة بالفرح و ما نشوف بعض الا على الليل.
كان مشتاق ليا و تغير معي تماما . يرمقني بنظرات طول اليوم. يجي عند اهلي و يندهني عشان يسلم على الاولاد. المهم انو تغير في الفترة بعد المواجهة.
صحيت يوم و لقيتو باعتلي قلوب و ازهار على جوالي و هو ليه زمممن ما ارسل.
بس انا يا بنات فقدت الثقة تماما. صراحة صرت مرة شكاكة . و هو مع انو تغير بس كمان كان في فترة كان جدا حريص على جوالو خايف اني افتش وراه.
المذكرة حقتي ما وقفت اكتب فيها ، اعتبؤها صديقتي المقربة كل شي بتمناه امتبو فيها. اول امس نسيت و تركتها على التسريحة و اظن انو قرأها لاني كنت كاتبة اني بتمنى يقول مع السلتمة قبل لا يخرج لانو متعود يخرج من غير ما يتكلم. و الاخر صارلو يومين يقولي مع السلامة قبل الدوام ?
ارائكم، كيف اتعامل معاه في هذه الفترة؟ كيف اتغلب على الشك لانو بجد صعب صعب صعب تكوني عايشة بشك و عدم ثقة؟