ممكن تحدي نمط خطيبي
هادي جدا ومايحب الصراخ واول مايصحى من النوم مايحب احد يكلمه ولايحب يشم البخور سالته ليش قال يكتمني عشان الربو
يقول نفسي اتعلم الطبخ
يحب امه حيل لكن مادري هل كثرة حبه لها بسبب النمط او لانه قد مرت امه بظرف وفاة امها وابوها وهو اللي كان يشوف نفسية امه وهيتعبانه وصار متعلق فيها لهذا السبب
يقدر خواته وهو اللي يروح بنفسه يخلص اوراقهم بالدوائر الحكوميه ويروح يوديهم للمستشفيات بالرغم ان عندهم سواق حتى للسوق يوديهموينزل معهم يهتم في امه وخواته بزيياده
اذا مرضت اخته مايرتاح لين تتشافى بذات اذا مرض نفسي
يحب الزراعه وتربية الحيوانات
يحب الكوره
يحب دوام الليل
مايعصب بسرعه مرات اقول ليه ماتعصب علي يقول ما اعرف ؟ بس يمكن لان انا اتحاشى ماسوي شيء يعصبه لان مابي المشاكل ماعرفصراحه
يعصب اذا تنرفز من شيء قوي
نوعا ما منجز وغير بطيء
مايمدح نفسه كثير ويحب المنافسه لدرجة اذا لعبت معاه لعبه ما يوقف لين يفوز علي انا اتعمد العب معاه العاب عشان اصير نفس ازملاءهمو بس زوجة فقط وينبسط اذا مدحته واذا قلت له يابطل يروح فيها
اذا عندي مشكله يسالني عنها دايم ويتمنى يحلها لي بس انا ارفض
اذكر مره خيرته بين البساطه وبين السفر
قال بالرغم من حبي للسفر بس بختار البساطه
عنده مخيم خاص له ويتفنن فيه ويرتبه ويحط فيه اشجار ويزرع فيه ينظمه ويخطط فيه مو مكركب ويحب يزرع فيه خضار وشجر قد زرع نخلبس باعه يقول يحتاج عنايه كثيره ومقابل مابيه
وحاط فيه طيور وماعز
ويتمنى امنيه ان تكون عنده مزرعه حتى لو صغيره
الاحظ انه مرات يحب يجلس لحاله يتذكر طفولته ويتذكر الماضي ويتذكر ازملاءه ووش صار عليهم
اذا سافر يحب يسولف مع الناس بالدوله اللي يروح لها يقول احب اعرف ثقافتهم حتى لو اجلس بالساعات اسولف مع نفس الشخص
و اذا وحده من خواته قالت سفرني وسفرتك ع حسابي يوافق ويروح حتى لو السفره مليانه بزران مع انه مايحب البزران في السفر
اغلب لبسه ثياب
ويحب الكوره ويحب يلعبها
اكثر شي يزعلني منه انه يتاخر عن الدوام بسبب انه مايصحى بسرعه
بس اذا عنده مواعيد يحرص عليها مايتاخر
مايحب الظلم ومايحب يجرح احد قد قال لي انه اخذ مني صفة انني قبل اسوي شيء افكر اكثر من مره واستفاد منها
ويحب الروز والبجايم اللي فيها رسمات حيوانات وتكون طقم شخصين
مادري وش قصة حله للروز !! احد يعرف ؟
يحب الهدايا المجانيه
عاطفي يتاثر بذات للمظلومين واللي مايقدرون يدافعون عن نفسهم والمسلوب حقهم
ويحب الشعر الطويل ومرات يلفت نظره الشعر القصير ويحب العييوون
نادر ينتقد واحيانا ينتقد الاشياء اللي يشوف انها خطأ
يهتم بالامور الدينيه
حريص ولو حس بتعب علطول يروح يفحص بالمستشفى
اصدقاءه تقريبا محدودين وغالبا يطلع من البيت ونادر يجلس فيه احس مرات يخطط للمستقبل بس ما يبدأ
ومايصرف كثير ونادر يشتري لنفسه اشياء وملابس جديده جواله ماغيره الا يوم جاه هديه بس مو بخل اتوقع حرص زايد
