مروة عبدالله
Active member
- إنضم
- 13 مايو 2017
- المشاركات
- 231
السلام عليكم عندي مشكله مع اخواتي و كان الموضوع تقريبا مبهم و كنت قلقانه كثير و اخيرا عرفت السبب الرئيسي لكل هذي المشاكل اني كلما تضايقت من اخواتي اروح افضفض لأمي و اشتكي لها و امي مرات تروح و تدافع عني قدامهم انا و الله ساعات من قهري و عدم معرفتي و تصرفي كذا اسوي و الله غصب عني صارو خواتي مأخذي مني موقف و صارت بيني و بينهم فجوه كبيره بسبب هذا الشي اني اشتكي لأمي و ابوي تعبت نفسيا من كل هذا اخذو عني فكرة اني أغير فكرة امي و ابوي عنهم اخذو عني فكرة اني اعبي راس امي و ابوي عليهم و وحده من اخواتي صار لها تقريبا سنه زعلانه و رافضه تكلمني و انا اضطريت ادخل ابوي و لو ابوي ما تدخل ما عرفت الموضوع امي الله يهديها و يهديني ساعات تشتكي لي منها بالواتساب و انا ارد اتحلطم عليها تخيلو يعني امي ساعات تقول لي أختك تأخذ فلوس و تأخذ و تأخذ و ما تعطيني كنت مرات اقول لها من قهري على امي يما خلاص لا تعطينها .. او عطيها بس مو بكل مره و اختي قرت الواتساب او يمكن قرت بالغلط المهم صار عندها علم اني اتكلم مع امي عنها و غير كذا اخواتي قالو لي لو دخلتي امي و لا ابوي ما راح نكلمك و انا عشان اختي اللي من سنه ما تكلمني تكلمت معاها بكل الآشكال و هي ترفض رفض تام قبل امس قالت بالقروب انا بروح لأبوي اليوم الفلاني و قررت انا اروح لأبوي بنفس اليوم عشان احاول اتكلم معاها و فعلا دخلت عليهم و كانت حتى السلام ترفض ترد علي ،، اكتشفت ان هي زعلانه تفكر ان انا خليت ابوي ما يدخلها البيت ، ( امي و ابوي منفصلين و هي ساكنة مع امي عشان ما تبقى لحالها ) و تروح تزور ابوي بين فتره و الثانيه و ابوي مره من المرات عصب عليها عشان مشكله و قال لها ما ابيك تجين البيت و انا و الله والله مالي يد بالموضوع هذا نهائي .. و ابوي حلف لها ٣ مرات اني ما سويت كل هذا .. غلطتي اني لما امي تشتكي لي منها اصير اتكلم عنها بطريقه ما هي حلوه من قهري على امي و قالت لأبوي ان حاليا انا ما اقدر اصالحها او ارضى خلي هالشي للوقت و اخواتي شكلهم عرفو بالموضوع اللي صار و صارو ما يتكلمون معاي ، بس والله اني ما دخلت ابوي الا اخر شي و الدليل اني سنه كامله و انا مطنشه قلت مع الايام بينحل ،، الحين لما حاولت أحله كلمن قلب ضدي كيف ارجع ثقة اهلي فيني صار الكل ما يتكلم معاي و تعبت نفسيا انا غلطانه غلطانه و ندمانه فوق ما تتصورون و ابي اخواتي والله ابيهم حولي من جديد
حاجة ثانيه انا متزوجة من سنتين و بسبب هالمشاكل دخلت حالة اكتئاب و كرهت كل شي و مو عارفه اعيش النوم صعب الأكل صعب حامل بالشهر التاسع كارهه الحمل و كله يتخيل لي ان زوجي بيطلقني و انا صرت انفر منه ... ما اقدر ابعد مشاكل خواتي عني و افصلهم عن حياتي حاولت حاولت لكن مافيه فايده زوجي مراعيني بس صار بعيد عني مو مثل السابق
عايشه حالة قلق ان بعد الولادة بيصير لي شي مو كويس
حاجة ثانيه انا متزوجة من سنتين و بسبب هالمشاكل دخلت حالة اكتئاب و كرهت كل شي و مو عارفه اعيش النوم صعب الأكل صعب حامل بالشهر التاسع كارهه الحمل و كله يتخيل لي ان زوجي بيطلقني و انا صرت انفر منه ... ما اقدر ابعد مشاكل خواتي عني و افصلهم عن حياتي حاولت حاولت لكن مافيه فايده زوجي مراعيني بس صار بعيد عني مو مثل السابق
عايشه حالة قلق ان بعد الولادة بيصير لي شي مو كويس
