شماليته أعلى من جنوبيته خاصة لما وصفتيه..
عامليه بصفاته و ليس فصيلته..
قاعدة اتخيل لو عاملتيه على أساس أنه غربي اكيد كنتوا بتشدون شعر بعض و آخر شي واحد منكم يطير من البلكونة
للأسف القرية أثرت عليه كثير و ايضا أمه كانت شديدة عليه <<قريت لك رد من قبل
هو ممكن يتأثر و يتغير لكن محتاج إلى سنوات و عشرة بينكم !
أهم شي لا تخلينه يطمس شخصيتك كلها .. و كوني لك كيان مستقل عنه لكن بالهداوة و الصبر مش بالعناد !
احلى شي في الغربيين انهم مرحين و يغيروا الروتين و يعرفوا كيف يعيشوا حياتهم بتفاؤل و فرح
اشكرك اشكرك اشكرك من كللللل قلبي ?
فعلا امه كانت قاسيه جداً حتى الآن
افدتيني والله ونورتي بصيرتي انا كنت اظنه جنوبي واتعامل معه بضعف ولاحظته استقوى علي يحب يسيطر علي كلما شاف ضعفي !
كنت قويه لكني امثل قدامه اني الانثى الضعيفه ظنيته جنوبي !! وهالشي اثر عليه صار يمنعني من اشياء بدون داعي يقول يضرك ؟!
حسيت نفسي بنته
ويحب يوجهني يقول انتي ماتعرفيني رغم اني اعرف اكثر منه بس امشيها واسكت وبالنقاشات دايما تصير ازمه لانه يناقشني واذا قلت اراء مختلفه عنه يعصب ويقول رايك لازم يقول نفس راي زوجك !! انت مالك رأي اذا قلت لك شي قولي امرك كيف كذا ?
يعني انا لازم امحي نفسي ورأيي من الوجود عشان حضرتك ؟؟
خاصه ان النقاش غالباً مايخص حياتنا عشان يتحكم يعني مثلا تناقشنا عن عاده معينه بمكان معين من العالم هو له نظره وانا لي نظره مختلفه تماماً يعصصصصب ويقنعني بنظرته عشان اقتنع واذا مااقتنعت يعصصصب يقول مسكت نفسي عشان ماضربك !!!! تضربني ليش? يقول لانك تراددين هههههه طيب حنا نتحاور يقول لاا انا متعود احاور الناس واسكتهم وانتصر عليهم والناس كلهم يقولون عني ان مخد يغلبني بالحكي
طيب ياحبيبي اختلاف الرأي لايفسد في الود قضيه عادي يتوقف الحوار عند نقطه مااقنعتك ولا اقنعتني واحيانا تقنعني واحيانا اقنعك عادي يقول لاااا الحرمه السنعه يكون رايها من راي زوجها ?
انا مو امه ولا جاريه عندك
انا انسانة كاملة الأهليه لها كيانها الخاص والمنفصل تشاركك حياتك ماتملكها وتلغيهاا
واخته معروفه انه مرادديه درجه اولى ولسانها سليط عشان تسكت الناس وتفتخر تقول انا محد يغلبني بالحكي ؟! تعرفين الحديث لما قال الرسول صلى الله عليه وسلم ( شر الناس عند الله يوم القيامه من تحاشاه الناس اتقاء فحشه في الكلام ) فعلاً هي كذا واتوقع زوجي فيه هالطبع وبدا يظهر !! قلت له طيب ليش لازم الجم الناس؟ واسكتهم واقمعهم؟ هذي مو قوه ممكن الناس تسكت اتقاء الفحش وانحدار مستوى النقاش قال لا انا الكل يمدحني اني اسكت الجميع وسكتت وتركته عسى ربي يهديه
لاحظته صار مايمدحني ابدا ابداً وبما اني عندي لغتين غير العربيه ولا مره تفلسفت فيهم مره كنا بمحل ومحد يتكلم عربي وانا تكلمت وتفاهمت معهم واخترنا طلبنا وطلعنا قال تعرفين لغه ؟ قلت نعم وسكتت ماحبيت اتفاخر او اقول شف انا اعرف منك مااحب هالاسلوب
بعدها اشوفه يحطمني يقول اللغات ولاشي حتى الطفل يعرفها ويضحك
واذا طبخت ينتقد طبخي كنت اصدقه واسمع ملاحظاته الى ان وصل لمرحله يقول شاوريني بكل شي يخص الطبخ انتي ماعندك سالفه؟
قلت له انا طباخه ماهره وعند اهلي ومعارفي اذا جبت طبق الكل يدور على الطبق اللي سويته انا حتى خواته مدحوا له طبخي قبل الزواج
كان يمدح جمالي وصار يحطمني ويحطم اختياراتي ويتحكم بطريقه لبسي وايش اقول ومااقول وانا ارفض طبعاً ويزيد تسلطه علي
اذا اخترت نوع كوفي معين يسخر مني يقول وش عرفك وانا اعرفه من زمان ؟! واخترت به عظر واعجبه وراح اختار غيره يقول انا اعرف انتي ماتعرفين شي ! مره اخذت كيكه لخواتي بمناسبه معينه ويقول ان كيكتي تفشل وانا مااعرف اختار وانا وانا مع ان الكل اعجبته وقلت له هالكلام
واذا كنا بمحل اختار حلويات ويختار غيرها يقول ماتعرفين انتي انا اعرف كل شي طيب الموضوع مو قصه معرفه بس النفس تشتهي
يحب يعزلني عن المجتمع كله انا معروفه والناس تعرفني واذا سمع هالشي يرتفع ضغطه
يشوف اخواته ايش لابسين يقول البسي مثلهم عشان محد ينتقدك
وش علي منهم انا واثقه بنفسي واناقتي ليش اقلدهم خاصه ان خواته -وانا احبببهم مررره - لكنهم عايشين ف قريه ولبسهم قديم شوي ويشترون من محلات شعبيه يقول اشتري مثلهم ورفضت والكل مدح اناقتي ف مناسبه معينه عندهم وانبهر وسكت وبعدها ماتكلم بلبسي
مايشوف شي علي الا اذا مدحوه الناس
ويحب اني مااتميز بشي وانا بطبعي احب التميز
يحب يحطمني ويحسسني اني بدونه ولا شي
قال مره وريني حسابك ف تويتر لما فتحته له انبهر شوي وعصب بعدها قال تسوين نفسك مثقفه وضحك قال امسحي كل شي كتبتيه ورفضت وسكت يحب يلغيني من الوجود كللللله ويحطمني بس انا ماعلي منه امدح نفسي قدامه بكل شي حلو فيني واقول له عن كلام الناس فيني
اذا حب يقنعني بشي معين يستعمل اسلوب الشده والقسوه ودايما يرد تبين تتحكمين فيني
مثلا ضايق صدري ابي مكان معين يقول لاا مهو على كيفك على كيفي انا قلت عادي على كيفك المهم اشم هواء ويطلعني واحيانا يتركني ويطلع
واصحابه ومجتمعه مرررره متخلفين وفاضين من داخلهم همهم القيل والقال واسئلتهم كثيييييره وافكارهم قديمه متخيله ان اصحابه يتزوجون بنات اميات ! ويختارونهم اختيار علشان مايتوظفون او يزعجونهم بثقافتهم !! مع احترامي لكل الاميات ورسولنا امي صلى الله عليه وسلم
اذا شافني اقرا كتاب يحطمني يقول كتب فاضيه
دايم يحب يفرض نفسه علي ويلغي كياني
اختار فلم اكشن ع ذوقه مايتابعه يقول انا اعرف وهو مايعرف بصراحه ويختار فلم اخراجه سيء ويتململ واذا رحت مثلا لاهلي اشوفه يتابع الافلام اللي انا اخترتها يعني المشكله تحطيم بشخصي ومحاوله لفرض نفسه والغاءي
طلبته ادوات رسم ورفض يقول اشياء فاضيه
حاسه بفراغ كبير نفسي وعاطفي معه
اللي يعجبه اني الغي نفسي واكون متخلفه فارغه لا راي لي ولا شخصيه ولا كرامه ولا حريه
وهذا لا يمكن يكون
عشان يزيد تسلط وتحكم بي
دايما يقول انا كيفي مو كيفك واذا قلت له كيفك يزيد تسلط واذا قلت رايي يعصب ويعاند
اذا عصب يقول انا فلان بن فلان انتي من تكونين عسان تناقشيني انتي مره ولا شي وانا رجل
ضحكت قلت انت متخلف واذا انت فلان ابن فلان ف انا فلانه بنت فلان وزوجة فلان ابن فلان وسكت
> خفت يضربني ?
طولت عليك مره ادري بس مالقيت احد يفهمني ويفهم اللي عايشته وحابه اسير بحياتي معه لبر الأمان خاصه انه عنيد ومتشدد ومتخلف حبتين ومايثق ف احد وغامض ومحطم نفسياً وخجول اجتماعيا وغير واثق بنفسه ومتكبر احياناً واسلوبه جاف وقاسي احياناً حسب مزاجيته
لاحظت شخصيته شخص متقلب يتسلط على خواته الضعيفات اما خواته القويات يحترمهم جداً ويمدحهم ويحب امه وينظر لها انها المراه المثاليه مع انها سبب اعتلاله النفسي !!
لاحظته متقلب حسب شخصية اللي معه اذا كان قوي عليه ينقلب نسخه منه يعني ماقدرت اعرفه حتى الآن !
للامانه احيانا يكون رائع لكن اي حوار افتحه معه يعصصصب ويطلق الفاظ مثل الالفاظ اللي يسمعها من امه !! وامه تقريبا مثله ماتقبل اي نقاش وكلامها ينفذ حرفيا واللي يعصيها او يناقشها تضربه ضرب مبرح !!!
ملاحظه: زوجي عاش طفوله قاسيه جداً
انا اسفه اني طولت الرد ف موضوع مخصص لتحديد الانماط لكني تعمدت الرد هنا لكي تشخصينه عن قرب وتوجهيني علشان ارتاح واريحه ونعيش بسلام وحب باذن الله ?
واجرك عند الله مايضيع وماانساك من دعواتي ?
