من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !كما تدين تدان ...
سمعت كل الحكايه من اولها الى اخرها ... وعندي حل ممكن انه يرضيها بس يتطلب منها ان تكون قويه ( اقصد بحديثي هذا الزوجه وليست العشيقه ) ...
لازم هنا توقف مع رجلها !! عارفه بتقولين ليش توقف معه وهو خاينها وزاني بنفس الوقت !!
توقف معه وتخليه يستر على البنت مو يتزوجها يعني يملك عليها ويسوي العرس ويجيب لها بيت (( مو هاذي غلطته))وبعدها يطلقها لحال سبيلها لانها مو كفو ترتبط برجل هاذي رخيصه وعار على المجتمع وكمان تكون مو كفو تجيب لعياله اخوان من ابوه وهاذي امهم بايعه عمرها ....... يعني يتزوجها يومين ويطلقها ولو تبي تفضح راح تفضح عمرها اصلا ....
عشان لو طنشها اللحين بكرى يصير بعياله وعيالها كذا يعني مثل اسمك (( كما تدين تدان )) قولي لها الحكي هاذا عشان بناتها بكرى ما يأخذون ذنب ابوهم ..!!
يصلح الغلطه ويتزوجها مو لازم ينام معها لانو الاخ نايم معها وهم ما تزوجوا وهذا يكفــــــــــــــي بنظري !!
وخليها تتمسك برجلها لانو باين انها تحبه وهو شكله يحبها بعد لانو متمسك بها وخايف عليها .....
مثل ماقلت لك اختي قولي لها الحكي هاذا ...
وشكلها هي مثل حكايه ام بسمه بملف الاستشارات خليها تتبع خطوات كيف ما قالت لها بالزنا وتتبع خطواتها
اتمنـــــــــــــــى من الله ان تستقر حياتها وتتسهل امورها يارب
التطورات ...... الرياااال اتفنش من شغله بسبب غير متوقع كانه عقاب من رب العالمين ومعاملته للاولى واايد اوكيه يجاملها ينافقها الله اعلم .... والعشيقة رجعت نص مهرها عشان يأثثلها شقتها وما بيسويلها حفلة عرس بس مجرد عشاااء ..........
ادعوا للاولى وجزاكم الله ألف خير[/quo
ياهلا بالغاليه
استغلي كل شئ لصالحك
ولاتستعجلين في شئ
والله معاكي
أنتي أهم منهم كلهم
السلام عليكم الله يكون معج اختي وانا من رايي ما تسوين اي شي لانه من ستر على مسلم ستره الله في الدنيا والاخره وانتي ما تسوين هالشي عشان هالحقيره ... بل عشان الريل طبعا لانه في النهايه ابو عيالج وعلى فكره بن ادم مب معصوم عن الغلط .... المهم خلي الزواج يتم على خير وصدقيني اللي يزني تراه يتلعوز في الدنيا ولا يشم ريحه الجنه وانتي دايم ادعيله بالهدايه وشو عرفج يمكن هالزواج في اخر لحظه او عقب ما يتوفق لانه اللي تخون اهلها تخون ريلها هالشي الكل يعرفه..... ويمكن هو ما له رغبه في هالزواج يمكن يتزوجها عقب يطلقها ....المهم انتي واجهيه بانج تعرفين كل اللي صار بس لا تعطينه مجال انه يعتذر واذا حس بالغلط اللي مسوينه اكيد بصلحه ......الله يهديه ويرجعه لج ولعياله ويبعده عنها
أخواتي ما رأيكن في زوجين كانا في أتم السعادة وفجأة وبسبب الزوج ونزواته والشيطان فوق رأسه وبدايتها من الانترنت ثم الهاتف ثم اللقاء تعرف على واحدة .... وهذه قد تمسكت فيه وأصرت أن تتزوجه وبسسبها دخلت المشاكل بينه وبين زوجته .... وفترة كان يعدها بترك العشيقة وبعد فترة يرجعلها ...... المهم بعد سنتين .... وقع في الزنا مع عشيقته وطبعا العشيقة بنت عرب وناس وقالت مستحيل تفضح عمرها وما رضت تتزوج ورفضت كل الخطاب ولدرجة انها كانت مالجة ورفضت اتكمل العرس .... طبعا سالفة الزنا هذا من احساس الزوجة الاولى من المواقف اللي صارت لزوجها ومن مكالمة من صديقة العشيقة تقول لها لن تترك زوجها حتى يتزوجها لكي يصحح غلطته الكبيرة اللي توقع فيها معها ..... والآن بعد صبر الزوجة الأولى وسترها عليها .... كتب الزوج كتابه على العشيقة وطبعا محد يدري انه كان يعرفها ... أهلها يتحسبونها أشرف بنت في العالم ما كانوا يدرون من ثلاث سنوات وهيه تضارب بنت الناس على زوجها ودفعلهم المهر وباقي العرس ...... ورفض انه يطلق زوجته الاولى ويقولها ان العشيقة ابدا مش احسن عنها والاولى افضل منها شكلا وجسما .... ويحاول يرضي الاولى بأي طريقة بس بشرط تصبر عليه عشان العيال ويوعدها انه يكون للأفضل ...... والاولى محتارة شو تسوي في البداية انهارت وطاحت سب فيهم وخاصة انه بيتزوج وحدة نغصت عليها لفترة طويلة بس على فكرة الزوج ما يدري انه الآولى كشافه موضوع الزنا ...... والاولى ما واجهته بالسالفة هذه على امل يصحح غلطته ويرتكها ....
لكن الان شو رايكم تسوي الاولى ... هل تستر عليها ... او تفضحها وتطلب من اهلها ان يفحصوها بس قوية بخصوص زوجها الحركة هذه ...... يعني لازم تقلل من قدرها جدام اهلها لان بعد العرس صعب تتطلب هالطلب محد راح يصدقها
السالفة طويلة والاولى شبه منهارة .... والزوج محتار كيف يرضيها ويقولها اصبري واللي تبينه بيصير بس طلاق ما اقدر اطلق الثانية مصر يسوي العرس ويجهزلها البيت .... وعلى فكرة الاولى شكت بموضوع الزنا من هالحالات :: مرة ياها ويصيح ويقول غلطة غلطة كبيرة في حياتي وقالتله توب وان الله غفور رحيم وما سألته عن شو الغلطة
ثانيا :: صديقة العشيقة اتصلت بالزوجة وقالتلها بسالفة الزنا وفقدان غشاء البكارة وانها لن تتركه
ثالثا ::: ايام ملجة العشيقة اللي هيه الزوجة الثانية من زوجها السابق وطبعا كانت ملجة فقط ولم يدخل عليها زوجها وقبل حفلة العرس كان الزوج دائما يسأل زوجته الأولى عن موضوع ترقيع غشاء البكارة كانه يحاول يخلي عشيقته تسوي الترقيع وتعرس وما راح يكشفها زوجها وفي النهاية والله اعلم كان يقول ما في في الدولة ترقيع عشان جذيه ما رضت اتكمل حفلة العرس وطلقها زوجها الاول ... وخطبوها كثير ولكنها ترفض تريد المتزوج ....
ماذا تفعل الاولى ما تقدر تواجه لانه صعب تواجه بموضوع مثل هذا .... تخليه يكمل عرسه والدنيا دواره .... بس مستغربه كيف بيرضى بوحدة طلعت معاه وزنت تربيله عياله .....
الموضوع معقد ..... والاعقد الزوجة ما تعرف زوجها حق شو مخطط بالضبط مع الثانية لا يكون بينسالها غلطها وبيرده على نفسه وبيعيش متهني معاها وبتغيره على بيته وعيالها .... او بيشك فيها ولا شو
الاولة عندها قناعة بكما تدين تدان .... يعني بييها مثل سوت فيها لان اللي سوتها فيها مب شويه ابدا
تختلف طبيعة الريال من شخص لشخص ....
شو الحل ؟؟؟ شو تسوي الاولى ؟؟؟ وكيف تعامله ؟؟؟؟؟
أستاذه ناعمة و استاذة موزة نريد رايكم قبل حفلة العرس .... قبل حفلة العرس شو بالضبط تسوي
وكيف اتعامل زوجها هالايام غير انها تهتم بنفسها زيادة والاصعب انها اذ فتحتله الموضوع في الفترة هذه يصير وحش يعني الحوار معاااه عقيم .......... ويريد الاولى تثق فيه غصبن عنها
شو الحل ؟؟؟