السلام عليكم
الله يسعدكم يارب
اتمنى القى عندكم الفائدة لما وجدته من ردودكم بالحكمة والرأي السديد.
وابي تقولون لي شلون اتصرف وهل تصرفي صح او غلط
انا عروس لي 3 شهور ونص
زوجي شمالي شرقي او شرقي شمالي
شخص طيب محترم يحبني يدللني مراعيني حيل لا اطبخ لا اغسل هدايا ومصرف وغيره
اول ايام عرسي طبعا كنا خجولين لكن فيه حب كبير بينا لان نعرف بعض بالملكة ، شخص مايعبر بالكلام ويقول الحب مو كلمة الحب فعل شوفي افعالي ويسألني شنو تحسين بافعالي قلت تحبني!! قال انا ابيج دايما تشوفين تصرفاتي لاني انحرج لما اعبر
اما انا كنت اعبر اتدلع اسولف .. كان مايطلع من البيت كله معاي نشوف افلام نسولف نطلع ..
المهم المشكلة في ( الجنس ) ..
زوجي من اول يوم ماجاني
ثاني يوم فشل الانتصاب عنده فجأة يضعف وهو ينصدم .. يحاول مرة مرتين لين يفشل يتضايق
يجي اليوم الثالث تحسن حيل بس هم يتعب
قال لي بخليج ترتاحين يوم
جا اليوم اللي بعده نفس الشي انا ماكنت افهم .. بس مادري ليش اهو جذي
المهم كل مرة يقل جماعه .. بس ما اعرف شالسبب
مهما البس مهما اقرب منه .. انتصابه ضعيف
لكن مايزعلني يقول لي دايما اذا مقصر بشي مو بيدي.. ومهتم فيني
مرة كان متضايق حيل سألته شفيك
قال في شغلات قاعد احاول اصلحها موراضية تتصلح وبقى اخر حل والله يجعله خير .. واكتشفت بنفس اليوم انه شاري حبوب للضعف الجنسي
من عقبها الضيق قام يزيد عنده حتى من التفكير صار فيه صخونة .. وصار كله ساكت وكله سرحان واكتئاب
مرات يقط علي كلمة فأسكت واروح الغرفة الثانية يجي بعد خمس دقايق يحضني يقول السموحة نفسيتي تعبانة هالفترة لاتتضايقين مني.
انا قدرت وسكتت .. الخلاصة انه ضيقه كل ماله يزيد و الظاهر الحبوب مانفعت وياه لانه جيكت عليها لقيته ماكل حبه ..
امي قالت لي يمكن فيه عين كلمته قلت يمكن عين وانا متفهمة ان العين حق بس بسألك انت متضايق من شنو! من البيت او مني .. قعد يحن علي اسكر الموضوع بس انا اصريت .. قال منج
انهرت وقلت خلاص بروح بيت اهلي وقعد يدق علي ما ارد ويرسل لي لاتروحين انا مبتلي وابي احد يقرا علي والله العظيم مو بيدي وانتي قلتي متفهمه وترا حياتي انقلبت فوق تحت وصابر عشانج وانتي بظرف ساعة تخليتي عني انطريني لين اتعالج وتحملي
قلت انا محتاجة اقعد يومين وبرجع ولما رحعت لقيته قايل للخدامات ينظفون البيت كله ويبخرونه مع انه يكره البخور وانا اعشقخ فاستغربت غير الديباج مغيره جايب جديد ..
والغريب صار يقعد بالبيت
انا كلمت ابوي ابوي يدري عن كل شي لان امي تقوله واهو عنده حكمة ماشاءالله فقال لي رايه انه عنده ضعف ويكذب لما يقول تجيني ضيقة .. يبرر لنفسه وقال هو نفسيته تعبانه انطريه يتعالج من هالكلام
المهم مر الوقت .. لين مرة انا كنت بفصخ دراعتي فلابسة تحتي شورت ضيق وبلوزة ضيقة ومبطلة شعري وكنت منشغله فشافني وتضايق وسكتت وقتها كان عنده دوام وانا بنام عند اهلي .. رديت البيت سولفت معاه عن موضوع المهم نفسته كانت زفت الزفت ( بس ما يسب )
فاخر الكلام فتحنا موضوع ضيقته وقال انا منضايق من اول عرسنا والسبب مقدر اجيج بالفراش!! انتي مافيج شي والف من يتمناج بس مقدر احسج مثل اختي!!
بنات هالكلام اقسم بالله طعنة شوية عليه !! قلت وين حبك وشوقك وغيرتك شلون مثل اختك قال ماجذبت بولا كلمة قلتها قلت جذاب
انهرت ..
المهم قلت شالحل شنو تبي قال انا افكر فيج اكثر من نفسي واخاف انتي تحتاجين هالشي ومقدر اوفره لج !! قلت ليش تزوجتني قال انا شدراني هذا بيصير عبالي بعيش طبيعي حالي حال غيري ..
واخاف اظلمج هذا حقج الشرعي واخاف تحتاجين غيري
بعدين قلت له روح دكتور
عصب قال انا طبيعي مافيني شي حتى اخاف اني اخونج ومومحتاج دكتور شنو بيعطيني الدكتور؟! وليش ماليش
قلت اجل ماكو الا الله يعوضني واللله يعوضك
بعدين قال لا في حل
قلت شنو
قال اروح لشيخ يقرا علي .. يمكن عين او نفس بس دكتور لاتفتحين هالموضوع مرة ثانية لان قلت لج انا مافيني شي وطبيعي
مدري اصدقه ولا لا!!!
على فكرة شهرين كاملين ما قرب مني وانا كنت حاسة انه في شي من اول ايام الزواج
المهم قلت له انت دمرتني وظلمتتي ولازم تتعالج عصب حيل قعد يصرخ قال ظلمتج بشنوو تكلمي بشنوو محد مظلوم غيري انا حطيت اللي لي اللي علي قرض كبير عشان ابني واسوي لج احسن عرس وخسرت كل شي خسرتج اول شي وخسرت حياتي الزوجية اللي تمنيتها وخسرت اشياء مادية كبيرة !! وكل هذا غصب عني موبيدي .. ولاتفتحين موضوع العلاج انا اعالج نفسي ومحد يتدخل ..
وبيتج ردي له والله يفرجها لين اروح لمطوع
واهلي بيرووحون اوربا فحجز لي من حسابه مع انه معطيني مصروفي وقال روحي استانسي غيري جو وانا بشوف نفسي .. واذا مانفع العلاج صدقيني مابي الطلاق بس مابي اظلمج
ورديت بيتي .. وهذا اهو مكتئب ..
وصار العيد ولا حتى كلمة حلوة وساكت بس زين سلم على اهلي وجامل
وبعصر العيد كنت بنام واهو كان بينام بس انا كنت حااااااسة بالعيد كان حيل حيل متضايق حاسة في شي بيصير
لما رديت البيت اول ماشافني طلع
اول مرة اسويها بس دقيت عليه قلت ليش طلعت اول ما شفتني لهالدرجة ما تبيني جان يقول ماراح اجاوبج سؤالج سؤال جهال! قلت جاوب اخر شي قال انا ما ابي نفسي وحالتي وياج مو قادر اقدم شي ولو في امل ويتصلح والله جان صبرت بس المشكلة مافي امل كلش ولو واحد بالمية .. يعني زوجتي مقدر اتمتع فيها! وانا تعبت ابي اعيش طبيعي قلت انا شنو اسوي الحين قال سوي اللي تبين تبين تقعدين اقعدي هذا بيتج تبين تروحين بيت اهلج روحي قلت بهالسهولة تقولها قال قلت لج مابي شي ولا ابيني !
تضايقت حسيت اني صبرت شكثر قال لي تحملي اصبري بس هالمرة حسيت مالي مكان ببيتي .. الله يشهد انه زين بس مدري شفيه .. مرات اسمعه يبجي قبل لا ينام وكله يقولي اذا تضايقتي تاكدي اني متضايق اكثر منج .. مدري شسوي
المهم رحت بيت اهلي والله مابيدي حيلة .. دزيت له رسالة قلت انا بقعد عند اهلي فترة كبيرة وبعطيك وقت ترتاح وتنسى كل شي وترد طبيعي وتقرر فيه تتركني او تردني وكل شي قضاء وقدر حتى لو هالشي مانبيه اثنينا والحمدلله على كل حال
رد علي انا اليوم بروح لمطوع .. والله يكتب اللي فيه الخير ومثل ماقلتي كل شي قضاء وقدر
مارديت
بعد يومين قلت له رحت مطوع؟ قال سلمي اول مارديت عليه .. بعدين قال لا المطوع مشغول
بعدين كلمته قلت صار شي قال لا
بعد اربع ايام كلمته شلونك رد بخير الحمدلله
بعدها بيوم قلت شنو صار معاك ! لي متى جذي ؟ ومافكرت تسأل تسلم معقولة كل شي انتهى فجأة
قال كنت بروح اليوم مطوع وراحت علي نومة .. وبعدين صورالي الشاشة يوم يقولي سلمي ومارديت عليه قال شوفي هذا ردي على السلام
والحين مدري شسوي انا بسافر بعد اسبوع وشي وبالي حيل راح يكون مشغول .. مدري شنو فيه ضعف او عين او ماني عارفة
شلون اتصرف! بشكل ما يخليني اخسر كرامتي
ابوي وده يكلم ابوه اللي اهو اخوه بس ماودي ..
الله يسعدكم يارب
اتمنى القى عندكم الفائدة لما وجدته من ردودكم بالحكمة والرأي السديد.
وابي تقولون لي شلون اتصرف وهل تصرفي صح او غلط
انا عروس لي 3 شهور ونص
زوجي شمالي شرقي او شرقي شمالي
شخص طيب محترم يحبني يدللني مراعيني حيل لا اطبخ لا اغسل هدايا ومصرف وغيره
اول ايام عرسي طبعا كنا خجولين لكن فيه حب كبير بينا لان نعرف بعض بالملكة ، شخص مايعبر بالكلام ويقول الحب مو كلمة الحب فعل شوفي افعالي ويسألني شنو تحسين بافعالي قلت تحبني!! قال انا ابيج دايما تشوفين تصرفاتي لاني انحرج لما اعبر
اما انا كنت اعبر اتدلع اسولف .. كان مايطلع من البيت كله معاي نشوف افلام نسولف نطلع ..
المهم المشكلة في ( الجنس ) ..
زوجي من اول يوم ماجاني
ثاني يوم فشل الانتصاب عنده فجأة يضعف وهو ينصدم .. يحاول مرة مرتين لين يفشل يتضايق
يجي اليوم الثالث تحسن حيل بس هم يتعب
قال لي بخليج ترتاحين يوم
جا اليوم اللي بعده نفس الشي انا ماكنت افهم .. بس مادري ليش اهو جذي
المهم كل مرة يقل جماعه .. بس ما اعرف شالسبب
مهما البس مهما اقرب منه .. انتصابه ضعيف
لكن مايزعلني يقول لي دايما اذا مقصر بشي مو بيدي.. ومهتم فيني
مرة كان متضايق حيل سألته شفيك
قال في شغلات قاعد احاول اصلحها موراضية تتصلح وبقى اخر حل والله يجعله خير .. واكتشفت بنفس اليوم انه شاري حبوب للضعف الجنسي
من عقبها الضيق قام يزيد عنده حتى من التفكير صار فيه صخونة .. وصار كله ساكت وكله سرحان واكتئاب
مرات يقط علي كلمة فأسكت واروح الغرفة الثانية يجي بعد خمس دقايق يحضني يقول السموحة نفسيتي تعبانة هالفترة لاتتضايقين مني.
انا قدرت وسكتت .. الخلاصة انه ضيقه كل ماله يزيد و الظاهر الحبوب مانفعت وياه لانه جيكت عليها لقيته ماكل حبه ..
امي قالت لي يمكن فيه عين كلمته قلت يمكن عين وانا متفهمة ان العين حق بس بسألك انت متضايق من شنو! من البيت او مني .. قعد يحن علي اسكر الموضوع بس انا اصريت .. قال منج
انهرت وقلت خلاص بروح بيت اهلي وقعد يدق علي ما ارد ويرسل لي لاتروحين انا مبتلي وابي احد يقرا علي والله العظيم مو بيدي وانتي قلتي متفهمه وترا حياتي انقلبت فوق تحت وصابر عشانج وانتي بظرف ساعة تخليتي عني انطريني لين اتعالج وتحملي
قلت انا محتاجة اقعد يومين وبرجع ولما رحعت لقيته قايل للخدامات ينظفون البيت كله ويبخرونه مع انه يكره البخور وانا اعشقخ فاستغربت غير الديباج مغيره جايب جديد ..
والغريب صار يقعد بالبيت
انا كلمت ابوي ابوي يدري عن كل شي لان امي تقوله واهو عنده حكمة ماشاءالله فقال لي رايه انه عنده ضعف ويكذب لما يقول تجيني ضيقة .. يبرر لنفسه وقال هو نفسيته تعبانه انطريه يتعالج من هالكلام
المهم مر الوقت .. لين مرة انا كنت بفصخ دراعتي فلابسة تحتي شورت ضيق وبلوزة ضيقة ومبطلة شعري وكنت منشغله فشافني وتضايق وسكتت وقتها كان عنده دوام وانا بنام عند اهلي .. رديت البيت سولفت معاه عن موضوع المهم نفسته كانت زفت الزفت ( بس ما يسب )
فاخر الكلام فتحنا موضوع ضيقته وقال انا منضايق من اول عرسنا والسبب مقدر اجيج بالفراش!! انتي مافيج شي والف من يتمناج بس مقدر احسج مثل اختي!!
بنات هالكلام اقسم بالله طعنة شوية عليه !! قلت وين حبك وشوقك وغيرتك شلون مثل اختك قال ماجذبت بولا كلمة قلتها قلت جذاب
انهرت ..
المهم قلت شالحل شنو تبي قال انا افكر فيج اكثر من نفسي واخاف انتي تحتاجين هالشي ومقدر اوفره لج !! قلت ليش تزوجتني قال انا شدراني هذا بيصير عبالي بعيش طبيعي حالي حال غيري ..
واخاف اظلمج هذا حقج الشرعي واخاف تحتاجين غيري
بعدين قلت له روح دكتور
عصب قال انا طبيعي مافيني شي حتى اخاف اني اخونج ومومحتاج دكتور شنو بيعطيني الدكتور؟! وليش ماليش
قلت اجل ماكو الا الله يعوضني واللله يعوضك
بعدين قال لا في حل
قلت شنو
قال اروح لشيخ يقرا علي .. يمكن عين او نفس بس دكتور لاتفتحين هالموضوع مرة ثانية لان قلت لج انا مافيني شي وطبيعي
مدري اصدقه ولا لا!!!
على فكرة شهرين كاملين ما قرب مني وانا كنت حاسة انه في شي من اول ايام الزواج
المهم قلت له انت دمرتني وظلمتتي ولازم تتعالج عصب حيل قعد يصرخ قال ظلمتج بشنوو تكلمي بشنوو محد مظلوم غيري انا حطيت اللي لي اللي علي قرض كبير عشان ابني واسوي لج احسن عرس وخسرت كل شي خسرتج اول شي وخسرت حياتي الزوجية اللي تمنيتها وخسرت اشياء مادية كبيرة !! وكل هذا غصب عني موبيدي .. ولاتفتحين موضوع العلاج انا اعالج نفسي ومحد يتدخل ..
وبيتج ردي له والله يفرجها لين اروح لمطوع
واهلي بيرووحون اوربا فحجز لي من حسابه مع انه معطيني مصروفي وقال روحي استانسي غيري جو وانا بشوف نفسي .. واذا مانفع العلاج صدقيني مابي الطلاق بس مابي اظلمج
ورديت بيتي .. وهذا اهو مكتئب ..
وصار العيد ولا حتى كلمة حلوة وساكت بس زين سلم على اهلي وجامل
وبعصر العيد كنت بنام واهو كان بينام بس انا كنت حااااااسة بالعيد كان حيل حيل متضايق حاسة في شي بيصير
لما رديت البيت اول ماشافني طلع
اول مرة اسويها بس دقيت عليه قلت ليش طلعت اول ما شفتني لهالدرجة ما تبيني جان يقول ماراح اجاوبج سؤالج سؤال جهال! قلت جاوب اخر شي قال انا ما ابي نفسي وحالتي وياج مو قادر اقدم شي ولو في امل ويتصلح والله جان صبرت بس المشكلة مافي امل كلش ولو واحد بالمية .. يعني زوجتي مقدر اتمتع فيها! وانا تعبت ابي اعيش طبيعي قلت انا شنو اسوي الحين قال سوي اللي تبين تبين تقعدين اقعدي هذا بيتج تبين تروحين بيت اهلج روحي قلت بهالسهولة تقولها قال قلت لج مابي شي ولا ابيني !
تضايقت حسيت اني صبرت شكثر قال لي تحملي اصبري بس هالمرة حسيت مالي مكان ببيتي .. الله يشهد انه زين بس مدري شفيه .. مرات اسمعه يبجي قبل لا ينام وكله يقولي اذا تضايقتي تاكدي اني متضايق اكثر منج .. مدري شسوي
المهم رحت بيت اهلي والله مابيدي حيلة .. دزيت له رسالة قلت انا بقعد عند اهلي فترة كبيرة وبعطيك وقت ترتاح وتنسى كل شي وترد طبيعي وتقرر فيه تتركني او تردني وكل شي قضاء وقدر حتى لو هالشي مانبيه اثنينا والحمدلله على كل حال
رد علي انا اليوم بروح لمطوع .. والله يكتب اللي فيه الخير ومثل ماقلتي كل شي قضاء وقدر
مارديت
بعد يومين قلت له رحت مطوع؟ قال سلمي اول مارديت عليه .. بعدين قال لا المطوع مشغول
بعدين كلمته قلت صار شي قال لا
بعد اربع ايام كلمته شلونك رد بخير الحمدلله
بعدها بيوم قلت شنو صار معاك ! لي متى جذي ؟ ومافكرت تسأل تسلم معقولة كل شي انتهى فجأة
قال كنت بروح اليوم مطوع وراحت علي نومة .. وبعدين صورالي الشاشة يوم يقولي سلمي ومارديت عليه قال شوفي هذا ردي على السلام
والحين مدري شسوي انا بسافر بعد اسبوع وشي وبالي حيل راح يكون مشغول .. مدري شنو فيه ضعف او عين او ماني عارفة
شلون اتصرف! بشكل ما يخليني اخسر كرامتي
ابوي وده يكلم ابوه اللي اهو اخوه بس ماودي ..
