قصة طلاقي وكيف قدرت اتجاوزه وابدا من جديد
- بادئ الموضوع حساسة ^_^
- تاريخ البدء
يمكن حبيباتي تساءلتو وين اهلي بكل اللي مر علي
احنا اسرتنا مقسمة بين شمماليين وجنوبيين
الوالد جنوبي والوالدة شمالية
والمشكلة انهم ما يعرفون يعبرون
ماعندهم ثقافة الحضن والمواساة واللي خلاهم كذا
انهم اثنينهم تيتمو بمرحلة مبكرة
واثنينهم اتغربو وعانو واضطرو يواجهو صعوبات الحياة لحالهم رغم صغر سنهم
الفرق بينهم انه ابوي حنانه يبين بعيونه وبمواقف كثييييييرة
بس امي تعبر بافعالها وبطريقة احيانا تكون قاسية شوي
بس الأكيد انه مافيه اهل ما يحبوا بناءهم وما يتمنوهم الخير
والاكيدين انهم اعطونا كلللل اللي يقدرون عليه سواء بالقليل او الكثير
لاتنسو ان اللي يمر علي كان يمر عليهم دبل
لانهم كانو يعانو من ضغوط المجتمع
وبنفس الوقت شايفين بنتهم تصارع بهالحياة ومو قادريين يسوون شيء
كنت احيانا لما انزل الاقي الوالدة بغرفتها اشوف الحزن الشديد بعيونها
اسالها وش فيك ما تحب تبين وترجع لشغلها
ارجع لقصتي لما كانت درجة اكتئابي توصل الى درجة مو محتملة
اللي خفف عني كثييييييير هو صلاة الليل وقراءة القران
واذكر كويس اني مرة حبيت ادعي ربنا
ونظرا لظروفي قلت مستحيل دعائي يستجاب يعني كيف حتنفك الامور!!
شفتو مداخل الشيطان؟ وكيف يوسوس للبني ادم؟
بس بنفس اللحظة استغفرت ربي قلت انا بالثلث الاخير من الليل
وربنا سبحانه وتعالى يقول ادعوني استجب لكم
انا بدعي ان شاء الله بيقين واخلي الكيف هذي له هو سبحانه وتعالى
وفعلاااا دعيت بيقيييييييين ان الله بيفرج عني وان الامور راح تنحل سواء عاجلا او اجلا
واستمريت على كذا
لحد ما رحت لاحد الدكاترة ووجهني بدوره لدكتورة نفسية
اللي كان يروح معي هما والدي ماكانو يرضو يخلوني اروح لحالي
عطيت للوالدي عنوان العيادة , ركن السيارة وراح يدورها
أول ما رجع لي قلي بس هذي دكتورة أمراض نفسية؟
قلتله هذا اللي نصحني الدكتور فيه
وقف من غير لا يحس وظل يطالعني وبعيونه نظرات لها تفسيرات كثيرة.....
لما دخلت على الدكتورة كاني ما صدقت الاقي احد قدامي
جلست احكي واحكي وكلامي ما كان منظم ابد
عطتني علاج وكانت الجلسة الجاية بعد اسبوعين
يوم رجعت للسيارة كنت احس احد يراقبني
وكل ما رفعت عيوني لقيت ابوي يطالعني بس علطول ينزل عيونه
استمريت على العلاج والجلسات ودعاء الليل قبل اي شيء
كنت اقول للدكتورة ماابغى اظل على حالي ابي تغيييير
ابي ارجع لحالي قبل الزواج واحسن
قالتلي وين الافعال ؟ اشوفك بس لازم ولازم
الكلام ما يغيير شيء
علمتني شوية اساليب
وقالتلي التطبيق ونتايجه راجعين الك
قلتلها طيب دكتورة اول شيء ابغاك تكلمي اهلي
ابتسمت وقالتلي ابشري
واستدعتهم اثنينهم كلمتهم لفترة مو قصيرة
أول خطوة كانت اني لازم اغير حياتي ومااظل ضعيفة رحت لابوي
مع العلم انه بالعادي هو انسان جداا منطوي ولما نكلمه هي كلمة ورد غطاها
قلتله عطني مصروف ناظرني مستغرب لان العادة امي تكون واسطة بينا
قلي والفلوس اللي عطيتك * مع العلم انه ابدااااا مو بخيل ولا حتى حريص بس بعد طلاقي تغير معي*
قلتله خلصو وابي فلوس دبل اللي كنت تعطيني
ما ابي كل ما احتاج احس نفسي طرارة
انتو ما شاء الله كل واحد فيكم له مصدر دخل ومستقل ماديا
مستحيل تحسون بلي فيني............
كنت كثير منفعلة مع اني اول ما دخلتله حاولت اني اكون هادية بس ما قدرت
ولا قدرت اكمل كلامي طلعت على طول لغرفتي
مدري ليه الدموع ما رضت توقف كل ما مسحتها وقلتلها خلااااااص وقفي ردت تنزل وتنزل
بعد شوي جتني اصغر خواتي وعطتني فلوس دبل اللي طلبته ^_ ^
ظليت احاول اني اطلع من عزلتي ولما تجينا ضيفة البس واتكشخ وانزل لها
بس سبحان الله حريمنا مدري ما يفهمون مدري يتعمدون انا احكي عن البعض طبعا
كل شوي تجيبلي خبر عن طليقي وانها سمعت انه راح يخطب
والثانية تقولها سمعت انه مشتري عفش جديد للبيت
والثالثة تقولي لساتك صغيرة روحي سوي عملية ترميم *تقصد غشاء البكارة* وبترجعي مثل اول والف من يتمناكي .........>> بالله هذي كيف تفكر
وانا قدامهم جالسة استمع وقلبي ينحرق من جواا.......كان هالكائن ما صدق يتخلص مني
ومرة الايام وبمرة حسيت افكار الاكتئاب بدت ترجع واني برجع انكتم رحت علطول لغرفة امي
ابي اغير تفكيري والهي نفسي باي شيء الا تمسكني وتحكيلي عن اغراضي اللي خليتهم ببيته وليش ما جبتي كذا وكذا
قلتلها حرام عليكم ما صدقت على ربي اني احاول انسى ترديني خطوة لورى ليه
حرام عليكي كل شيء يروح بالطقاق ما همني ابي انسى ابي انســـــــى
والله يا أمي لو تفتحين راسي بتلاقين دود بداخله وعلى عالكلمة طلعت من الغرفة
الا اصدم باحد قدامي كان ابوي واقف ويستمع لكلامنا
رديت لغرفتي والدموع ردت تنزل قلت بانفعال الله يلعنك وقفي وقفي خلااااااااص الا بدخلة اخوي
وقف مشدوه وانا اجتني ضحكة مدري ليه ضحكت من قلببب على شكله وقف مفجوع يحسبني جنيت
المهم الصباح امي بعد ما راح ابوي لشغله دخلت علي زي الاعصار والضحكة من هني لي ن هني
تقولي ابوك يقلك اذا تبين تشتغلين حضري نفسك باخذك على شان نطلع اوراقك ووو
تصدقون ورب الكعبة ما فرحت !!!!!!!!!!
ما حسيت بشيء
رجعت لفراشي التميت فيه وقعدت زي البليدة اتسال طيب هذا اللي كنتي بتموتين نفسك عليه
ليه منتي فرحانه
وتذكرت شيء قمت فزيت علطول توضيت وصليت ركعتين حمد وشكر لله
ورديت كمان لفراشي
تدرون بنات احساس اللي يكون يبي شيء بقوووووووووووة
ودايما يصطدم بكلمة لا لا لا لا
لحتى تموت هذيك الرغبة جواته ويبدى يحاول يعود نفسه
تدرون وش كان شعوري لما اقوم من نومي وكللل اخواني وخواتي
اللي بشغله واللي راحت لبيت زوجها وعيالها واللي واللي
الا انا ...... ما عندي شيء اسويه ......
كان الدنيا حكمت علي اني اظل مرمية بالرف.......
فعلشان ما افكر بشيء اروح بسرعة لفراشي
التم فيه بطريقة عجيبة حتى راسي مااحبه يطلع
واكثر شيء كان راحمني بهالدنيا هو النوم
ماكان يخليني اتعذب كثير علطول ياخذني لعالم الراحة النفسية والبدنية
وعلشان ابسطها اكثر تخيلو احد مرمي بالصحراء تعبااااااااااان
عطشان وجوعان .......يبي ياكل............. يبي ماي
والناس من حوله تاكل وتشرب وعادي
واول ما خلاص بيموووووووت ويبرمج مخه على فكرة الموت خلااااص
يجيه احد منهم يديله كاس مي !!!!!!!!! هل بيفرح؟ هل بيفز على طول ويشربه؟
هذا كان احساسي وقتها
رحت مع ابوي والحمد لله ربنا يسر اموري وجتني وظيفة
صحيح مدخولها مو ذاك الزود بس على الاقل تغنيني عن ذل السؤال وتخليني مستقلة ماديا عنهم
بشغلي كونت صداقات جديدة وبديت شوي شوي اتحسن عن قبل
وطبعا اول ما استلمت الراتب صرت ارفض اخذ فلوس الجلسات والعلاج من ابوي
وكنت احس انه مو راضي واحس فيه كلام يدور بقلبه بس مستحيل ارضى اخذ شيء بعد اللي صار
والحمد لله صرت كل مااروح لجلسة واحكي الدكتورة تفرح جدا لتطوراتي
تقولي يسرني جداا تكوني اول وحدة افتتح فيها يومي
تحسسني ان شغلي مهم ويجيب نتيجة
رجعت اهتم بجسمي وبشرتي مع العلم ان علاج الاكتئاب يزيد الوزن
لازم دايما يكون معه نظام غذائي كويس وممارسة الرياضة
اهتميت بحالي من جميع النواحي و رجعت ثقتي بنفسي
بدت ترجع فلانة الاولية واحسن كمان
فلانة مرجع اخوانها لما تستعصي عليهم الامور ويبون اللي يوجههم
هالتجربة قربت جداااا بيني وبين اخوي المراهق وقربتني لابوي
حتى الوالدة بدى يتغير تعاملها مو لدرجة كبيييييرة بس اهم شيء فيه تغيير
ما صرت اخاف المواجهة ابدا ابدا
وعلى فكرة طليقي الى ساعة كتابة هالحروف يبي يرجعني
يقولهم انا ندمااان..... كان عندي كنز وفرطت فيه
قولولها اني تبت وانها تبشر بلي تبيه المهم ترجع
وأحيانا أشوفه واقف يوم ابي اروح لشغلي بس اتظاهر اني ما شفته
قلبي عافه خلاص ولو يشعل اصابعه العشرة مستحيل افكر فيه
جوني خطابين بس انا حاطة شروط معينة يستحيل اتنازل عنها
واذا ما لقيتها الله يعوضني بالجنة ولا ارجع اشوف اللي شفته
التجربة هذي علمتي الصبر
وان الدعااااااء وسهام الليل مستحيل تخيب
وان اللي يرجع لربنا سبحانه وتعالى مستحيل يخيب ضنه
علمتني ان الطلاق مو نهاية العالم
بالعكس بتطلعي منه انسانة جديدة صبورة لها خبرات كثيرة وتجارب بالحياة
واذا تبين حياتك تتغير لازم تغيري نفسك وطريقة تفكيرك بالاول
لان الحياة لابد فيها من مشاكل
ولابد تمر عليكي ايام صعبة وقاسية بس الذكية هي اللي تعرف كيف تكون كيسة ومرنة
تدرون وانا اكتب هالسطور وكل ما تذكرت بعض المواقف احس بعصرة بقلبي
لكن الحمد لله رب العالمين على كل شيء
هذي قصتي بنات اتمنى اتكونو استفدتو منها ولو بشيء قليل
لوليتا2015
Member
- إنضم
- 4 أكتوبر 2015
- المشاركات
- 37
برافو عليك الله يقويك يارب ويفتح عليك قسم قصتك تفتح النفس الحمدلله ربنا عوضك بنفسك احسن من الف رجال احلى شي لما الواحد يرجع لنفسه يحبها ويهتم فيها ويعالجها الله يعوضك خير يارب
لؤلؤة نادره
New member
- إنضم
- 7 أكتوبر 2014
- المشاركات
- 11
والله برافو عليك اعجبتني
Umyousif89
New member
- إنضم
- 15 أكتوبر 2015
- المشاركات
- 12
خيره من رب العالمين والله
عسى ان تكرهو شيء وهو خيراً لكم..
الله يكتب لك اللي فيه الخير أن شاءالله
عسى ان تكرهو شيء وهو خيراً لكم..
الله يكتب لك اللي فيه الخير أن شاءالله
ونعم بالله
اللهم امين تسلمين حبيبتي
واياك غلاي
صدقتي الشغل ساعدني جداااا على التطور
اللهم امين
مشكورة على الرد القيم
