حسب ما فهمت ان الشخصية الالماسية ...تتصف بايجابيات كل الانماط...لكن بشخصيتي...بعض سلبيات الشمالي...ساحاول محوها فقد حفزتيني بوصفك...
وعيبي الذي اغالبه ويغالبني....لساني....للاسف اختك ثرثارة...ولساني مركب ذلووووووول...
اعتذر لمن علمتني يوما قبول الاطراء...والمديح...
لكني احب الاعتراف بعيوبي.امام نفسي لاحميها من الغرور.و.لاتغلب علي ما اعترفت به من عيوب...
اما المضمرة...فيتولى ربي سترها
حبيبة قلبي مافي انسان كامل و كل واحد فينا عنده سلبيات بس انت عندك قابلية كبيرة تصيري شخصية الماسية .. شوفي انا شرقية جنوبية و الشمالية عندي تكاد تكون 4 او 5 بالكثير و الغربية كذلك فصرت شرقية جنوبية متطرفة خخخخ من سلبيات نمطي اني روتينية لحد كبير و خجولة جدا فعشان كذا مرات تضيع حقوقي بسبب هالخجل و كذلك ثقيلة ماعرف اضحك فالشخص ممكن يصاب بالملل اذا قعد معاي لانه سوالفي ما تعجبهم و احب اقرأ الكتب و القصص و الروايات و الافلام الوثائقية موو كلها بس ع حسب الموضوع اللي يتكلمون عنه فتحسين اني عايشة بعالم ثاني غير الواقع هههه .. و كسولة احب النوم بسبب نمطي الجنوبي و رقيقة و حساسة بسرعة ابكي حتى لو شفت كرتون ع التلفزيون بمشهد حزين عيوني تدمع ههههه والتسويف اكبر مشاكلي و الثقة مهزوزة عندي شوي .. هذي سلبياتي و ناوية اتخلص منهم و بديت الحمدلله بالخجل الحين مع الدوام لساني اشوفه انطلق من حاله هههه يعني اعرف اتكلم و ارد ..
صار عندي طموح و الكسل شوي قدرت اتغلب عليه و الثقة بالنفس قاعدة الحين اقرأ كتب تعزز من ثقتي بنفسي ... قبل ما كنت اجتماعية و الاقي صعوبة في التعرف الحين خلاص صار عندي اصحاب و صرت اضحك و اتكلم عادي .. و التردد خف صرت اتخذ قراراتي بنفسي بعد تمحيص و تفكير ...
الحين باقي لي الحساسية هذي اللي مو قادرة اتخلص منها و بعض الاشياء البسيطة .. و ناوية اشتغل عليهم ان شاء الله ..
تعرفين من ايجابيات بوصلة الشخصية اني صرت اتقبل الناس بشخصياتهم سواء الإيجابية او السلبية و اعرف انه هذي طبيعتهم و اتصرف بعدها على اساس انهم ما راح يغيرون طبيعتهم عشاني فلازم اتقبلهم كلهم .. !
