ميزوثيرابي

[الكوخ الرومنسي]

مرحباااااااااا

شحالكن يا حلوت ....

انا سويتها عند عيادات كوزموسيرج في ابوظبي

واااااااااااااااايد ممتازات / سويتها قبل سنتين ....حق البطن والظهر واليدين وايد حلوات

والكورس اعتقد على 1600 درهم

 

[لازورديه]

السلاام عليكم .. شحالكن خواتي .. عساكن بخير.. انا ابي اسوي هالابر في البطن والارداف والفخوذ

يعني كم بيطلعلي المبلغ .. لاني انا سمعت ان الابره الوحده تقريبا ب500 درهم.. يعني على كل مكاان بيحسبون

قيمه ابره.. يعني في الكورس 1500 درهم تقريبا.. انا فهمت صح؟.. وانا من بوظبي واريد اسويهااا

بس اريد دكتوره تسويها لي مب دكتور.. تنصحوني في اي مكاان في بوظبي.. ويكون شغلهم زين ومب غااالي

لان عندي اكثر من منطقه.. اريد اسويهاا.. تكفن ردن علي.. من زماان خاطري فيهاا.. انا سمعت ان مركز

الخليج يسويها في بو ظبي بس ماادري اذا كان شغلهم زين ولا لا.. اسفه ع الاطاله..

 

[توتة في المريخ]

السلام عليكم
آنا استخدمت هذي الابر في منطقة الراس لان شعري كان يطيح بعد الولادة والرضاعة والحمد لله النتيجة عجييييييبة (آسفة داشة عرض):blush-anim-cl:
بس حبيت أسأل تنفع الابر هذي حق الرياييل؟ لان زوجي يعاني من الكرش والبتاعة على قولتج

 

[^^ غرور أنثى ^^]

انا عندي كرش و جسمي حلو ,, شجعتوني اسويها ,,

من سوتها بالرياض ؟؟ تعلمني اي مكان ؟؟

 

[سحر الرؤى]

الحبيبة disconnected

ممكن تقوليلي جم كان وزنج ؟

وجم ناوية توصلينة ؟

وشنو اخر النتايج ؟

وشلون السالمية كلينك ان شاء الله زينين ؟

لانج شجعتيني اسوي
ا
نا وزني 86 وكلة متمركز تحت

فشرايج؟؟؟

 

[دلوعه ممنوعه]

وانا معكم ودي اسويها انا من السعووووديه من الشرقيه اللي تعرف عن مركز يسويها ابيها للتنحيف ووزني متركز

فالجزء الاسفل تكفووووووون وزني 84 ومتوهقه عندي البطن وارداف ..

هل هي تشد الجسم بعد ما تنحف.............؟؟

............................................


بنات انا طلعت من الموضوع ورجعت ادخل هي اذا نحفت مالها اضرار ومو ممكن انها تستمر تنحف مايوقف مفعولها لين تموّّّت ..؟؟

وش رايكم ..ههههههههههه

صرااااحه خفت لان مادري لها اضرار جانبيه او لاااا

 

[الأميره لولي]

أنا عضوه جديده وهذي أول خطوه لي بالمنتدى :clap:
يا بنات السعوديه الحلوات وجده خاصه اللي أخذت الأبر تقولي وين وبكم :icon30:
أنا عندي منطفة الأرداف والفخذ بس ودي أنحفهم:showoff:
ومشكورين:bye1:

 

[متى تشرق الشمس]

مرحبا :a200: انا جربت الابر عند اكبر مركز للتجميل ومشهور عالميا بصراحه تفيد بس بالسنتيمتر وبغيييييييييييييييييييت اروح فيها بس الله ستر سببت لي حساسيه شب جسمي نار واختنقت بعد مااخذها تقريبا بنصف ساعه:crazy: ورحت الطبيب وقالي انها سببت حساسية كانت قويه على جسمي المهم ثاني يوم زالت الحساسيه واتصلت بالمركز وعملت هوليله :icon28: ودزولي مسج بمكونات الابره وكانت مكونه من مواد طبيعيه منها الكافايين وغيرها .... هههههه من بعدها طلعلي بطن:thumbdown:

على فكره مره حضرت مقابله لاكبراستشاري ووضح ان الابر تضعف بالسنتيمتر فقط ويحتاجونها الناس اللي عندهم شوي دهون

مع تحياتي،،،،:shiny:

 

[جنون الشوق]

اختي disconnected ..خالتي عملت ريجيم مع الابر ونحفت نحف مو طبيعي للنصف وهي نفس حالتك الارداف والزنود.. وانا انشالله باعملها.. وعلى فكرة هي خذتها بس بمنطقة الزنود ونحف جسمها كله

حبيبتي كيف سوت خالتك ؟؟؟؟
هل كانت تتبع رجيم و رياضة .......... وفي أي مركز اخذت الابر

خبريني الله يعافيك:icon1366::icon1366:

 

[البارونا]

تصدقوا انا الدكتورة نصحتني بيها وخفت والله والان قرات الردود عجبتني بس بصراحه رد الاخت متى تشرق الشمس خوفني انا جسمي حساس جدا من اي شي بس نفسي اعملها

 

[الباحثة عن الحب]

الاميره لولي واميرات جدةانا راح اسويها انشاء الله في العيادات المثالية بالتحلية بجدة اللي قريبة من فيفا وتكلفة البكج 3900ريال وانا واثقة من الدكتورة اللي بتسويها لي لانهم عيادات محترمةوما يجيهم الا كبار الشخصيات ادعو لي اني اتوفق لاني مشكلتي زي الاخوات بس من تحت والله يعينا:flex:

 

[البارونا]

اعرفها العيادات المثاليه يااختي بس صدقيني لا تثقي في احد اسالي احد جربها عندهم على العموم قولي لنا كيف التجربه

 

[شعلة نشاط]

بنات الي من الرياض وسوتها ياليت تفيدنا
في اي عياده ؟
وبكم ؟
وكيف طريقه العلاج؟
وش الاثار الجانبيه ؟
الجلد ينشد ولا يكون مترهل بعدها؟
وياليت تعطينا فكره اذا رحتي يعطونك ابره وبس تروحين ولا فيه شي ثاني ؟
معليش اسئلتي كثيره علشان ودي اسويها بس ماعندي معلومات كفايه...
وينكم بنات الرياض ؟

 

[lily5454]

مرحباااااااااا

شحالكن يا حلوت ....

انا سويتها عند عيادات كوزموسيرج في ابوظبي

واااااااااااااااايد ممتازات / سويتها قبل سنتين ....حق البطن والظهر واليدين وايد حلوات

والكورس اعتقد على 1600 درهم

هلا حبيبتي انا من قطر. حبيت اسال... انتي قلتي انج سويتيها قبل سنتين... طيب... الاثر موجود ولا يختفي؟؟؟ واشكثر ايشدلج بنسبة واضحة؟؟؟

 

[الأميره لولي]

معليش حبيبتي الباحثه عن الحب أنا مافهمت يعني كم مره راح يعطوكي الأبر:icon1366:
بهذا السعر فقط الأبر ولا فيه شي ثاني :showoff:
وفيه غير هذي العيادات في جده تسويها
بليز ردي:blushing:

 

[طفله حلوووه]

السؤال الأول - ماهو حقن مواد اذابة الدهون ؟
هي طريقة بديلة لعمليات شفط الدهون وذلك عن طريق حقن مواد مذيبة للدهون وهذه المواد عبارة عن مزيج من الفيتامينات والأنزيمات ومادة الفوسفاتيدايل كولين . وهي مادة طبيعية مستخلصة من الصويا ويتم حقنها في التجمعات الدهنية فتذيبها .

السؤال الثاني - هل لهذه المادة تأثير سلبي ؟
بالطبع لا فأن مادة الفوسفاتيدايل كولين كانت تستخدم منذ زمن بعيد في علاج مرضى القلب وكانت تستخدم عن طريق الحقن بالوريد وكانت تتطلب حقن كميات كبيرة يوميا دون أثر سلبي يذكر .
ولكن في حالة أذابة الدهون يتطلب حقن كميات أقل مره كل عشرة أيام .

السؤال الثالث - كيف يتم الحقن ؟
يتم الحقن بواسطة طبيب مختص ذو خبرة لضمان ظهور النتائج المرغوبة . فيتم الحقن بواسطة أبرة رفيعة جدا على عمق معين تحت الجلد تكون على مسافات وكميات معينة . لذلك فان هذه الطريقة غير مؤلمة وتمثل أبسط الطرق للتخلص من الدهون الزائدة .

 

[طفله حلوووه]

السؤال الرابع - هل يمكن حقنها في أي منطقة ؟
أن حقن مواد أذابة الدهون أظهر نتائج ممتازة في حالات التجمعات الدهنية الصغيرة الى المتوسطة الحجم بالجسم . مثلا في ( الخدود - اللغد - الرقبة - المعدة - الخصر - ثنايا الظهر - الأرداف - الفخذين - الذراعين ) باختصار جميع التجمعات الدهنية في جميع أجزاء الجسم للجنسين .

السؤال الخامس - كم من الوقت يستغرق العلاج ؟
تتراوح فترة العلاج من أربعة الى عشرة جلسات منتظمة وذلك يعتمد على حجم المساحة التي يلزم علاجها . ويتم الحقن كل مره كل عشرة أيام بانتظام علما بأن جلسة الحقن لا تتعدى بضع دقائق .

 

[طفله حلوووه]

السؤال السادس - هل يؤدي الى حدوث ترهلات بالجلد ؟ متى تظهر النتيجه؟
من أهم مميزات الحقن أن النتيجة تظهر تدريجيا وذلك يؤدي الى أنكماش تدريجي في الجلد خلال فترة العلاج وبالتالي لا تحدث ترهلات في الجلد . أما عن عودة الدهون مرة أخرى فأن قدرة الجسم على تخزين الدهون في المنطقة التي تم علاجها تقل ولا يمكن أن تعود الى ما كانت عليه قبل الحقن .

منقوووول وتعزي الكاتبه هذه الاسئله والاجوبه الى
مقالة كتبها الدكتور هاني نبيل أخصائي جراحة وتجميل السمنة

 

[البارونا]

شكرا يااختي بس ماهل اثار جانبيه للي مجربتها مثل الاخت اللي حست بااختناق ان عندي تحسس من اي شي مررة ضربوني ابره كالسيوم في الورد كنت خلاص ح ودع العالم

 

[ام توته]

تكفوووووون يا بنات أفيدوني
انا جسمي كان منيكان وقبل أتزوج بشهور انترست
يعني يوم جت الحزه إللي بستانس بجسمي..... خرب :crazy:
وإللي زاد الطين بله عقب ماجبت بنتي :icon1366:
والله قاعده أكتب لكم ومو نايمه التفكير بجسمي ذبحني
وكل ما قلت بسوي رجيم زاد الوزن ويجيني شعور بالجوع مو طبيعي
والله متضاااااااايقه حييييييييل حييييييييل قبل فتره كنت بعرس وكل من شافني قال شفيج بتنبطين
صراحه إحباط :blushing: بعد ما كان جسمي حديث الساعه
آخر شي فكرت فيه إبر الميزو ثيرابي وسألت أوباجي عنها وقالوا لي الأبره بـ 50 دينار
انا الحين وزني 63 تقريبا وأكثر شي الدهون متجمعه بالكرش والأرداااااااف
والسليوليت هذا قصه ثاااااانيه معانااااااة ما بعدها معانااااااه :no:
يعني ما ادري كم يطلع علي الكورس ؟؟؟
وهل للميزو ثيرابي أعراض جانبيه ؟؟؟
وهل تؤثر على الإنجاب ؟؟؟
ودي أسويها وخاااااايفه