تجمع الشمالي الغربي الجديد تعالوا خلونا نفيد ونستفيد

[ربي يجمعني وياه]

انا بعد اوافقج فالرأي ام حمدان صح مايستوي تخلي بيتها بس انا قصدي لو تقدر تغير جو يومين يحس بغيابها وع لعموم صح ع قولتج خلها فالبيت وتحسسه بقوتها لان والله اصعب شيء يوم حد يهين المرأه وبالأخص ريلها حبيبها

ربي يهبه عليها ويحنن قلبه يارب

 

[@ام حمدان@]

امايه اتي تزورني بس ماتروم اتم عندي لن هب بيتي هذا عسب جذه زياره وتروح

جسد بلا روح يزاج الله خير عالتذكير بميزان حسناتج يارب

 

[ربي يجمعني وياه]

حسك بلا روح يزاج الله كل خير ، ان شاءالله أختي انا صَلَّيْتَ الحمدلله باقي الدعاء

بدعي لي ولكم

بسسسسسسكم سهر يلااااا نووووم

 

[@ام حمدان@]

صعبه وايد بعد بس ماعليه فالبدايه تصبر الين مايتعلق فيها خلاف تلعب لعبتها وتروح عند اهلها عسب يفتقدها فهمتي علي
بس جذه تروح وهو اوووريدي مب مسوي لها اي حساب ماراح يحس بغيابها اصلا ولا راح يسوي لها سالفه وبيتم عند الثانيه وبيحلا له الجو
انا يت علي فتره كنت اروح بيت اهلي وريلي ولا مسوي لي سالفه لن ماكان متعلق فيني عادي عنده عقبها قرررت اني اصبر وارد بيت زوجي واصبر عليه بس اعلقه فيني عسب اذا فيوم غبت عنه يحس بقيمتي بحياته

 

[ربي يجمعني وياه]

صح كلامج والله ترا انا قلت مليون مره اذا سطلت بكون فاشله فالتركيز

كونتيسا سا سمعي الكلام وردي علينا هب طاف هههههه ماعرف ليش ملفنا هدوء وحزن والله بطفشووووني مثل رياااايلكننننن هههههههه ربي يعينهم

اقولج حمدان كلووووش كلووووش لووووووووولي واخيرا استويت 50 هههههههههههههه عقبال وزني يكون 50

 

[@ام حمدان@]

هههههههههههعهههعههههههههههههه ويا راسج ظحكتيني

يلا سووو نووووم سهرتوني وياكن الكل راقد الا انا جلبن وجوهكن يلاااا هههههه

 

[ربي يجمعني وياه]

ههههههههه طع هاي بياااااااعه نفس الشمالي الغربي هههههههه انا بعد نفسج لاتزعلين هههههه

يلا نوم العواااااقي

تصبحووووو ع خير

فمان الله

 

[حميدة حمد]

صباحجن بالخير والسرور الغوالي
اشحالكن شالاخبار الله يكوون بعونج ام حمدان
كنت اخس عنج راسة يابس بزواره الاهل والحين الحمدلله الله هداه
لكن بعد شو من رحل نور عين. ابوية من الدنيا الله يرحمة ويجعله الجنة داره
حس انه كان مقصر فتوصيلتي للاهلي والحين اسبوعيا اروح عند اماية.

 

[ربي يجمعني وياه]

صباااااحكم الله بالخير والسعاده

حميده ربي يعينج انتي بعد ، حمدلله ربي هداه

ربي يرحمه ونحتسبه ف الجنه ان شالله

زين انج أسبوعيا وان شالله ام حمدان بعد بتروح بس يوم يكون رايج باله ربي يهديه ويحنن قلبه عليها

 

[كونتيسآ]

صباحكم خير وفرح وسرور ...

حبيباتي ربي يجمعني وياه
وام حمداااان

انا عندي ظروف ماقدر اروح لاهلي
وحتى لو رحت ان شاء الله اجلس سنه مايهمه
رغم انه يحبني بس زوجي من النوع اللي يكابر
سبق واشتكيت لاخواني منه تفاهموا معه عجزوا عنه
قالوا ي تتحملين ي تتطلقين وصابره عشان عيالي
مابي اشتتهم

فعلاً التغيير لازم يبدى من نفسي بس انا مجروحه لسى مانسيت اللي صار لي

 

[ربي يجمعني وياه]

حبيبتي نحن ماقلنا تطلعي من بيتج انا بس كنت مسطله ومب مركزه وعقب قلنا لج لازم تغيرين من نفسج واسلوبك لازم تكوني قويه

محد بيدواي جرحج الا بقوتج هي اللي ترد كرامتج وتغييرج هي اللي ترده لج

 

[كونتيسآ]

صدقتي هذا انا جالسه اشتغل ع نفسي من تطوير ووو واتابع التجمع استفيد منه لان زوجي نمطه شمالي غربي

 

[@ام حمدان@]

امين يارب حميده والله يرحم الوالد يارب
عقبال ما ريلي يحن علي ويفهم

كونتيسا انا ماقلت لج تركي بيتج قتلج لالعكس تمي عنده بالبيت وبعدين اذا تميتي تذكرين جرحج ماراح تتقدمين ولا خطوه للامام مثلي سوي اي شي المهم شغلي كيد النسا وخليه يتعلق فيج خلاف لعبي عكيفج وقتها ماراح يقدر اصلا يتخلا عنج

 

[حميدة حمد]

وووينج ربي يجمعني وياه دنيا واخره ان شاء الله ف جنة الخلد
قلتي بتعلميني شو اسوي وووياه عشان امور الطلعة وبعد البنات يستفيدن
ماشاء الله عليجن حكيمات ورزينات وتعرفن تتصرفن مع الشمالي الغربي
ويام حمدان خبرينا عن كيد النساء شوي خخخخخخخخ

 

[درة حياته]

تجمع حلوووو ماشاء الله ،،،

حبيت أسلم عليكم ،،،يعطيكم العافية ،،،،

 

[حميدة حمد]

تجمع حلوووو ماشاء الله ،،،

حبيت أسلم عليكم ،،،يعطيكم العافية ،،،،

الله يجمعنا بجنة عرضها السموات والارض باذن الله
وعليكم السلام
الله يعافيك ويحفظك من كل سوء جربي وويانا بتشربي قهوة العصر هههههه

 

[كونتيسآ]

امين يارب حميده والله يرحم الوالد يارب
عقبال ما ريلي يحن علي ويفهم

كونتيسا انا ماقلت لج تركي بيتج قتلج لالعكس تمي عنده بالبيت وبعدين اذا تميتي تذكرين جرحج ماراح تتقدمين ولا خطوه للامام مثلي سوي اي شي المهم شغلي كيد النسا وخليه يتعلق فيج خلاف لعبي عكيفج وقتها ماراح يقدر اصلا يتخلا عنج

عاد انا مالي بكيد النساء
ابد وكلن قالي اشتغلي بكيد النساء
ماقصر اذا جاني دلع واحترام اقوم بواجبي تجاهه

 

[@ام حمدان@]

ههههههههههه الكيد اللي هو ذكاء الحرمه

انا ريلي وايد عصبي ويعق كلام نفس السم بس بديت احاول اجذبه لي حتى اذا فشلت من اول وثاني وثالث مره بس بالاخير باذن الله راح انجح

شغلوا مخكم لين متئ بنتم جي نتشكا وبس بدون مانشغل عقولنا نحن وايد عاطفيات وها اكبر غلط لازم نشغل عقلنا شوي حتى لو مجروحات

خل يكون لنا هدف كل وحده تحط لها هدف ان تخلي هالرجال يعشقها وتحافظ على بيتها وهذا كله يباله مجهود كبير

 

[hanoo07007]

صادقه ام حمدان ﻻزم تغيرون انفسكم عشان تقدرو تخلو ازواجكم يعشقوكم الشمالي الغربي مايحب النكد فخليك فرفوشه ومبسوطه ودايم مبتسمه

 

[أحب حبك]

ما شاء الله عليكن
النت كان خربان معانا والحمدلله اليوم اتصلح

ام حمدان الحمدلله ماشاء الله عليك كثير تغيرتي والحمدلله صرتي فاهمه وعارفه شو تريدي وحاطه في بالك هدف وبإذن الله راح توصليين له
انا اجزم ان التغيير هذا له دور بالتغذية الروحية من كان مع الله كان الله معه وسورة البقرة اسميها السحر الحلال مع الدعاء والاستغفار والصدقة وانصح كل وحده تحس نفسها تايهه ومهمومه وبضيقه وغيرها انها تسوي هذا الجدول وتتقرب لله وراح تشوف كيف حياتها راح تتغير