مالي غيركم افضفض لكم ساعدوني بليز

[@ام حمدان@]

سامحوني بدخل بالموضوع على طول
قاعده ابكي من القهر
مريت بفتره الحمد لله استرجعت ثقتي بنفسي فيها
بس الحين ردت انتكست وانكسرت من اول وجديد
انا حاليا في زياره لاهلي لمدة اسبوع بتشجيع من زوجي عشان اغير جو وبنفس الوقت لانه مايقدر يجيبني بعدين فقالي هذي فرصتج
المهم دخلت حسابه الانستقرام فجاه حصلته ظايف وحده اجنبيه كله واشمه على جسمها وتعرض جسمها
ففكرت ادخل حسابه بالفيس بوك اللي هو واعدني انه مايدخله حصلت نفس هالحرمه الاجنبيه عنده وغيرهم كثييييير
بس هذي بذات دخل على صورها امس وكاتب لها على كل صوره بودي بيوتيفول يعني جسمج روعه وهي لابسه قطعتين بس وقاعده عالبحر وواشمه باكثر من مكان بجسمها
والله ان قلبي عورني وتميت ابكي بدون ما احس انا حامل وهو اللي حملني يبي عيال والحمد لله عالنعمه جسمي تغير وفوق هذا احاول اعدله بخلطات وغيره وهذا كله من الحمل مب مني
رحت قتله انه ماعاد يفيد الكلام وخلاص ماعندي اي كلام اقوله لك وان مهما سويت لك بتم عينك زايغه واللي اعرفه ان اللي يتقرب من ربه يخافه بالسر والعلن مب بس بالعلن والسر لا راح اتصل علي عشان يعرف شو الموضوع قتله مابتكلم معاك كثير بس راح اطرش لك صوره وطرشت له صورة المحادثه وللحين اتريا رده لنه ماشافها
تعبت بنات والله

 

[صعبة المراس]

الله يفرج همج ويريح قلبج ..

حبيبتي لا تضيقين خاطرج ، ولا تلقين اللوم على نفسج ولا تتخيلين ان تغير جسمج في الحمل هو السبب ، السبب هو نقص مراقبة الله سبحانه وتعالى ، اما انت مالج علاقة في الموضوع ، اذا بتلومين نفسج على شي واحد بس بعدج عنه ، لا تتركين زوجج باي عذر ، مهما كان الزمي بيتج ، وبعدين انت حامل شو ذنب جنينج أتصيحين وتعذبين عمرج ، ترا كل الموضوع ما يسوى ، ردي بيتج ولا تفقدين ثقتج بنفسج بسبة تفاهات الرجل ، كوني اكبر من هالسوالف ، لا تحملين نفسج ذنب غيرج . هدي نفسج واستغفري ، واذا كلمتي زوجج بيني له انه هو أرقى من هالعاهرات والمناظر الحرام ، وعززي عنده مراقبة الله سبحانه ، ولا تبينين ضعفج ونقصج ، لانه عقب بيتعلث بعيوبج .

 

[أحب حبك]

مسائك وصباحك ثقه خيتو
من فتره قريت استشاراتك
ومبين لي ان زوجك شمالي واغلب الاشياء اللي تسويها تبعد الشمالي عنك من كذا هو يعاملك كذا وانت السبب في هذا
خيتو انت كثير لاصقه في زوجك وهذا اكثر شي يبعد الرجل
انت تزوجتيه بس ما راح يكون لك نفس اللي تبيه انت هو له حياته وانت لك حياتك الزواج مامعناته نكون كتاب مفتوح للآخر ونراقب الآخر
خيتو انت فاهمه الزواج خطأ
انت تخليتي عن كل شي من تزوجتي هواياتك واللي تحبيهن الاشياء وثقتك بنفسك وتتازلتي كثير
لازم تقوين ثقتك في نفسك وتغيرين شخصيتك وتخليها قويه اللي تحبيه الشي سويه خليه يزعل شوي زوجك اذا زعل ما اخر الدنيا بالعكس اختلاف رائيك عنه في بعض الاشياء هو اللي يميزك ويخليك في عيونه غير عكس لما تمشي ع كلامه وتلغي ذاتك ونفسك
لا تتنازلي عن حقوقك اطلبيها بدلع ومره بعد مره لين يعطيك اللي تبيه
اذا مدح امرأه ما معناته انك ما ماليه عينه بثقتك راح تخليه يشوفك اجمل
مثلا الحين مدح هذي المفروض لا تبكين خصوصا عند الشمالي يكفي تمدحي جسمك وتقولي ولو انا حامل جسمي احلى من جسمها ومره بعد مره عقله ايشوف جسمك احلى
الشي احلو فيك انك مهتمه بنفسك من خلطات وغيرها وهذا يجذب الشمالي
اذا مدح شعر وصبغة امرأه غيرك انت تمدحي بشرعك ولا تسوي مثلها لان ما راح يطلع فيك حلو لان راح يبين ان ماعندك ثقه وتمشي ورا كلامه لكن الواثقه من نفسها تسوي اللي هي تحبه وتفتخر ولو ذمه الجميع هي ما تبين انها تأثرت بلعكس تفتخر وتدلع بعد

الحين لازم ما تبيني غيرتك من اللي قاله لها وقولي له مثل ما قالت اختي توقعتك ارقى من كذا الحين اللي يشوفك كاتب كذا في العام شو راح يقولوا عنك… .الشمالي يخاف ع سمعته
وقوليها بثقه ولا تذكري انت اللي تبغى اولاد وجسمي اخترب بسبتك لا افتخري بجسمك ولو هو ماحلو وتمدحي به


هذي نصيحتي لان اريدك تكون احسن وتنجحي وتعرفي اخطائك وتتغيري للأفضل
اقري عن الشمالي اكثر واقري في مواضيع المنتدى ولا تلاحقي زوجك اتركيه وانسيه وانشغلي عنه وعطيه الحب بالقطاره عشان هو يركض وراك

 

[@ام حمدان@]

الله يفرج همج ويريح قلبج ..

حبيبتي لا تضيقين خاطرج ، ولا تلقين اللوم على نفسج ولا تتخيلين ان تغير جسمج في الحمل هو السبب ، السبب هو نقص مراقبة الله سبحانه وتعالى ، اما انت مالج علاقة في الموضوع ، اذا بتلومين نفسج على شي واحد بس بعدج عنه ، لا تتركين زوجج باي عذر ، مهما كان الزمي بيتج ، وبعدين انت حامل شو ذنب جنينج أتصيحين وتعذبين عمرج ، ترا كل الموضوع ما يسوى ، ردي بيتج ولا تفقدين ثقتج بنفسج بسبة تفاهات الرجل ، كوني اكبر من هالسوالف ، لا تحملين نفسج ذنب غيرج . هدي نفسج واستغفري ، واذا كلمتي زوجج بيني له انه هو أرقى من هالعاهرات والمناظر الحرام ، وعززي عنده مراقبة الله سبحانه ، ولا تبينين ضعفج ونقصج ، لانه عقب بيتعلث بعيوبج .

انا ما تركته لحاله اختي هو عند اهله هو اللي شجعني اجي عند اهلي وانا رافضه ب هو قالي ان بعدين ماراح يجيبني عندهم لفتره طويله وقالي انه هالفتره بيتم مشغول وما بفضلج فالاحسن روحي

ولني انا اصلا محتاجه اغير جو صدق جيت

هو من فتره صار متقرب من الله وايد مافي فرض يروح عليه حتييييييييي القيام والضحي يصليهم
ماتوقعت ابد منه هالشي

المهم شاف الصوره وقام يضحك ويكابر ويقولي اذا عندج شي بعد طرشيه قتله مااح اعور راسي وقلت له كلام كثير بس مادافع على نفسه وايد شرات كل مره وقالي الواثق يمشي ملك

خلاف قتله زوجي فلان ابن فلان الللي يخاف ربه بكل شي المصلي والمسمي هالسوالف ماتليق فيه ولا تليق انه ينعجب فيها اصلا
زوجي اللي يخاف على بنته وزوجته واخواته ومتقي الله فيهم واللي اوه وامه تعبوا فيه وربوه احسن تربيه والكل يفتخر فيه
زوجي قدوتي ووسندي وظهري وابوي وابو عيالي واللي مايرضا على عياله هالسوالف مب جذي
زوجي الاب والقدوه الحسنه السباق لعمل الخير هذا زوجي اللي اعرفه واللي الكل يعرفه

قره ورد علي ان شاء الله خير

ومن بعدها ماصار بينا اي حوار

تتوقعون انه ندمان ماعرف كيف بتعامل معاه محروق قلبي والله اجنببييه وكلها وشم ومليون غيرك شافها

قلت له اللي منعجب فيهم مايجون ظفر من ظفور رجولي واللي مب مقدرني ماله قدر عندي
وبعده قلت له الكلام اللي كتبته لكم فوق

 

[@ام حمدان@]

مسائك وصباحك ثقه خيتو
من فتره قريت استشاراتك
ومبين لي ان زوجك شمالي واغلب الاشياء اللي تسويها تبعد الشمالي عنك من كذا هو يعاملك كذا وانت السبب في هذا
خيتو انت كثير لاصقه في زوجك وهذا اكثر شي يبعد الرجل
انت تزوجتيه بس ما راح يكون لك نفس اللي تبيه انت هو له حياته وانت لك حياتك الزواج مامعناته نكون كتاب مفتوح للآخر ونراقب الآخر
خيتو انت فاهمه الزواج خطأ
انت تخليتي عن كل شي من تزوجتي هواياتك واللي تحبيهن الاشياء وثقتك بنفسك وتتازلتي كثير
لازم تقوين ثقتك في نفسك وتغيرين شخصيتك وتخليها قويه اللي تحبيه الشي سويه خليه يزعل شوي زوجك اذا زعل ما اخر الدنيا بالعكس اختلاف رائيك عنه في بعض الاشياء هو اللي يميزك ويخليك في عيونه غير عكس لما تمشي ع كلامه وتلغي ذاتك ونفسك
لا تتنازلي عن حقوقك اطلبيها بدلع ومره بعد مره لين يعطيك اللي تبيه
اذا مدح امرأه ما معناته انك ما ماليه عينه بثقتك راح تخليه يشوفك اجمل
مثلا الحين مدح هذي المفروض لا تبكين خصوصا عند الشمالي يكفي تمدحي جسمك وتقولي ولو انا حامل جسمي احلى من جسمها ومره بعد مره عقله ايشوف جسمك احلى
الشي احلو فيك انك مهتمه بنفسك من خلطات وغيرها وهذا يجذب الشمالي
اذا مدح شعر وصبغة امرأه غيرك انت تمدحي بشرعك ولا تسوي مثلها لان ما راح يطلع فيك حلو لان راح يبين ان ماعندك ثقه وتمشي ورا كلامه لكن الواثقه من نفسها تسوي اللي هي تحبه وتفتخر ولو ذمه الجميع هي ما تبين انها تأثرت بلعكس تفتخر وتدلع بعد

الحين لازم ما تبيني غيرتك من اللي قاله لها وقولي له مثل ما قالت اختي توقعتك ارقى من كذا الحين اللي يشوفك كاتب كذا في العام شو راح يقولوا عنك… .الشمالي يخاف ع سمعته
وقوليها بثقه ولا تذكري انت اللي تبغى اولاد وجسمي اخترب بسبتك لا افتخري بجسمك ولو هو ماحلو وتمدحي به


هذي نصيحتي لان اريدك تكون احسن وتنجحي وتعرفي اخطائك وتتغيري للأفضل
اقري عن الشمالي اكثر واقري في مواضيع المنتدى ولا تلاحقي زوجك اتركيه وانسيه وانشغلي عنه وعطيه الحب بالقطاره عشان هو يركض وراك

هلا اختي وربي كلامج ريحني وعين الصح وانا اعترف بغلطاتي بس مشكلتي ان كنت اتحرا اغلب الاوقات ان زوجي جنوبي لان فيه شوي من صفات الجنوبي
والله اني بينت له ثقتي ولا بينت له ظعفي ولا بكيت قدامه بالعكس بينت قوتي وقلت له اللي معجب فيهم مايسوون ظفر من اظافر رجولي

وطرشت له الصوره وعرف اني شفت ومدامني شفت اكيد بيجي بعقلهان الكل بيشوفون غيري والصوره محتفظه فيها عندي

وقلت له الكلام اللي كتبته لكم فوق ان اللي اعره ان زوجي جي وجي وان هالمناظر ماتليق فيه ....................... الخ الخ


وبعدين وقف الحديث بينا

 

[انامتفائله]

ريحي حالك انتي حامل
اذا قمتي بالسﻼمه اشتركي في نادي
او ادخلي اليوتيوب واكتبي تمارين جيليان ماكيلز وشوفي الي سووها قبل وبعد كيف صارت اجسامهم حاولي تطبقي التمارين حقتها

 

[مشاعر حزينه ..]

الله يكون بعونك والله حاسه فيك صلي القيام واكثري الاستغار وراح تلقين راحه البال

 

[@ام حمدان@]

انا متفائله ومشاعر حزينه

مشكورين عالنصيحه ماقصرتوا