وش الحل مع بنتي حطت حاجز بيني وبين ابوها

[كيك وايسكريم]

السلام عليكم ورحمة الله

عزيزاتي ان اول مره استشير في بنتي ارجوووكم ردو علي

عندي بنت عمررها 4 سنوات ونص الله يحفظها
مشكلت بنتي تغاررررررررررررر مني على ابوها ماتخلينا لوحدنا ابد ابدا
اذا كنا جالسين تجي تجلس بيننا اذا مسكت يد ابوها تاخذها مني اذا كان يسولف معاي تقاطعنا وتلفت انتبهه لها
كأنها زوجته الثانيه حشى مو بنتنا
تخيلوا اذا قربت منه تجلس تبكي الا لازم ابعد عنه
انا تعبت منها خلاص مدري وش اسوي معاها
حتى في النوم ماترضى تنام على فراشها ماتنام الا في حضن ابوها وهو الاخ مايصدق على الله مايرتاح الا معاها صيطرت عليه
واذا شديت معاها احسها بتكرهني لانها تعلقت في ابوها كثير وانا بعدي عنها خلاص مايهمها مع اني احاول اني اكسبها بس خلاص
ذا الشي صيطر على تفكيرها
ولانها وحيده ماعندي غيرها عوضتها بكل شي مافي لعبه على وجه الدنياء ماشرينها لها وتلفزيون لها مخصوص وايباد وكل شي ابغاه يشغلها شوي
عن ابوها والتلزق فيه 24 ساعه بس ماينفع
هذا الشي خلانا بعيدين عن بعض ومو ماخذه راحتي مع زوجي احس انها تشاركني فيه ويحط طاقته وحبه ومرحه وحنانه فيها وانا افقده
وربي اني احزن لما اشوفه ينام في حضنها بدوني وكل يوم ليته فتره وبعدها تبعد لا يومين كل يوم على ذا الشي

 

[ام ريما وعبودي]

هههههه ياحليلك نفس بنتي بس انا اجلس معها بسلوب اقولها انتي كبيره لزم تنومي في سريرك واذا رحتي عند اهلك قولي بنتي صارت كبيره تونم بلحالها واكثري مدحها عند الناس وراح تتغير بأذن الله

 

[روحي مرحه]

هههههههههههههههههههههههههه الله يصلحها ويخليها لكم وتشوفونها انسانه نافعه لنفسها ومجتمعها

 

[لحن الجنوب]

نفس الحاله للدرجه اذا شافت ابوها مشغول عني بالنت ولا التلفزيون تبعد عنه واذا بدى يسولف لي تجي وتحاول تشغله وتسولف له وترقص وانواع الدلع صرت احس انها ضره مو بنتي واذا قلت له صار وقتك لبنتك قال تغارين منها كبري مخك هذي بنتي وانتي زوجتي هنا لحظتها ودي اعطيه كم كف فاهم الموضوع غلط الاخ

 

[دمعه مشتاق]

من جد الله يعينك اتمنى يفيدونك الأخوات

 

[كيك وايسكريم]

طيب وش الحل معاهم والله تتعبين نفسين من ذا الحاله

قلت لها انتي كبيرة وحرمة وعيب تسون كذا ماينفع معاها ابدااااااااا
وحدة قالت لي جيبي لها اخ او اخت >>> وهو بيدي طيب ربي ماكتب لي الحين اجيب
وبعدين عوضتها باشياء كثيرة ومو مقصرة معاها بشي

 

[زوجي غلا روحي]

حاولي لما ابوها ما يكون موجود
تلعبي معاها وتدخليها معاكي المطبخ تعملو كيكه مع بعض او جيلي او اي شي تحبه ولما يجي ابوها امدحيها قدامه لانها ساعدتك وسمعت كلامك
عوديها انتي تقراي لها قصص وترسمي وتلوني معاها
شاركيها العابها
صحيها من النوم معاكم وخليها تلعب وتخلص طاقتها ولا تخليها تنام قيلوله ابدا
عشان تنام بدري وتاخذي وقتك مع ابوها
ربي يحفظها

 

[طيبتي زياده]

انامع زوجي غلا روحي لاتخليها تنام عشان تنام بدري وبكذا تاخذي راااحتك انا عندي ولد عمره ثلاث سنين وشوي ويسوي هالحركات واذا قعدنا نسولف يقول بابا لاتكلمها هههههههه يجنن ويرفع الظغط في نفس الوقت،،،،،،،،،

 

[فرورلة]

*
*
الله يعينك حاولي تكسبيها بطرق اخرى غير الدلع
انا بنتي تغار علي اكثر بس لسا صغيرة سنة ونص
اكثر شي تطفش لما نكون عالسرير تضرب كل واحد على وجهه تخيلو.. عشان ما نقرب من بعض وابوها انواع التقريص وشد الشعر توريه شغلة وهو طبعا مبسوط

 

[hilalah]

نفس المشكله كانك تتكلمين عن بنتي
مو يقولون البنت شريكه امها

 

[بائعة الوررررد]

والله كانك تسولفين عن بنتي في البدايه كنت اطاوعها بس حسيت اني صرت بعيد عن زوجي فما لقيت حل غير اني اطنشها حتى لو بكت وصاحت اسوي نفسي ماسمعها واشغلها التلفزيون واعطيها العابها او نلعب كلنا سوا لحد ماصار عادي عندها ماعدا وقت النوم وفي السياره لازم في الوسط بس لازم نتحمل سنها باقي صغير وشوي شوي تفهم وتتعود

 

[والنعم فيني]

عمرها 4 سنوات وعندها آي باد وتلفزيون لحالها, وبعدك جاية تشكي من دلعها وعناده؟؟!!!!!
سمحيلي بس هاذي مب تربية
بنتك بعدها عجين وربيها زين قبل ما يصير لحمها عص وما تقدري عليها بعدين

ولازم ابوها يتعاون معك جلسي معاه جلسة وصارحيه وتناقشوا فتربتيها لانك اذا عصبتي عليها وراحت عند ابوها وحصلت حضن منه اكيد بتخسريها وبتتعلق فأبوها وبيقل احترامها لك
لازم تتشاركوا واذا تقدري حملي وجيبلها اخ أو اخت-الله يرزقك

 

[لااارا]

الله يهديها ويصلحها ويخليها لكم

 

[ورود جورية]

الله يكون في عونك ولدي لسا صغير والله يستر اذا كبر وش بيسوي

 

[توتي 10]

الله يهديه ويخليها لكم انشاء الله

 

[مشتاقه لأمي حيل]

الله يحفظها لك لكن كلام اختي والنعم فيني صحيح
وبالتفاهم كل شي له حل وأكثري من مدحها انها
كبيره والعبي معاها زي ماقالوا الاخوات والله يسعدك

 

[جنات النعيم]

عزيزتي

بنتي كانت كذيه بس أنا إستعملت معاها إسلوب ) الهدايا (

يعني كلما لعبت وإنشغلت عنا في وجود والدها عندي لما يطلع أعطيها هديه وأفهما لأنها خلتنا لوحدنا وتصرف مثل البنات الكبار



الله يسخر بنتك لكي ويرزقها الطاعه والبر لكما يا رب

 

[كيك وايسكريم]

الله يجزاكم كل خير
الله يسمع منكم دعواتكم ولكم مثلها بأذن الله
وانشاء الله رح ابداء معاها بنصايحكم واتمنى انها تجيب بفايده

انا لاحظت ان كثير عندهم نفس مشكلتي سبحان الله طيب هل هذا الشي طبيعي او انه حالة مرضيه
اختي والنعم فيني صح بس بنتي وحيده وتطفش لوحدها لازم شي يسليها وبعدين مو تربيه اني احرمها من كل شي
والايباد كل العاب انا نزلتها لها مافي شي ثاني مخل للآدب والتلفزيون على افلام كرتون فقط وانا ارقابها ماخليها تفتح شي غلط
بأذن الله اجيب لها اخ او اخت لاني تعالجت ولا حملت الله يرزقني ويرزق كل محرومه
وترى مو كل شي نوفره لها وندلعها خاصه انا بذات مااحب الدلع ولا ابغاها تستقوي علي بس في نفس الوقت مو حابه اعقدها

وبالنسبة لزوجي اننا نكون متفاهمين هذا بذات الي خرب بنتنا يرحمها كثير ويحبها وانا عذرته وحيددته وهو يحب الاطفال مايبغى يزعلها ابدا
ويدلعها وهو الي معطيها مجال تسوي كذا حاولت معاه مانفع عشان كذا ابغى احاول مع بنتي يمكن يكون في حل

 

[نديمه 000]

بنتي عكس بناتكم ههههههه
كانت متعلقه في ابوها قبل فتره
وذحين صارت متعلقه في عمره 4ونص لدرجه ابوها يتهمني اني احرض بنتي عليه واقولها لاتحبي ابوك
وله 4 ايام مايكلمني عشان بنتي رافضه تكلمه وهو مسافر
اعطوني حال زوجي فيه صفات الجنوبي

 

[فرحه عمري]

عمرها 4 سنوات وعندها آي باد وتلفزيون لحالها, وبعدك جاية تشكي من دلعها وعناده؟؟!!!!!
سمحيلي بس هاذي مب تربية
بنتك بعدها عجين وربيها زين قبل ما يصير لحمها عص وما تقدري عليها بعدين

ولازم ابوها يتعاون معك جلسي معاه جلسة وصارحيه وتناقشوا فتربتيها لانك اذا عصبتي عليها وراحت عند ابوها وحصلت حضن منه اكيد بتخسريها وبتتعلق فأبوها وبيقل احترامها لك
لازم تتشاركوا واذا تقدري حملي وجيبلها اخ أو اخت-الله يرزقك

انا معااااكي200%