أسأل الله العظيم رب العرش الكريم أن يرد حالمتنا سااالمه غاااانمه وان تحفظها من كل شر وسوء
وتقر عينها بكل ما تحب وتتمنى..وان تجعل لها من ضيق امرها فرجا ومخرجا
آآآآآآآآآآآآآآآآآآآآآآآه يا ياسمينه بيضا اقتباسك لكلام حالمتنا عوور قلبي من جد..خنقتني العبره وتمنيت من كل قلبي تكون بصحه وسعاده وخير حتى لو مارجعت لنا....
ربي وحده شاهد كيف قدرت تغير حياة كل وحده فينا من هم وضيق ونكد وبؤس وتشاؤم الى أمل وتفاؤل وعزيمه واصرار وفرفشه .آآآآآه كانت دااائما تقولنا خليكي فرفوشه..هذي الكلمه من كثر ماترددها علينا علقت بذهني...
حلت اصعب لغز واجهني بحياتي..بعد ماكنت ارى زوجي مجرد رجل مريض نفسيا ومعقد ومحب للمال وجامد مثل الحجر..صرت بفضل الله ثم بفضل الحالمه اكن له كل الحب والاحترام والتقدير برغم الاختلاف الكبير اللي بينا فأنا جنوبيه غربيه بدأت اكتسب كثيييييير من صفات الشرقي واحترمها لأني فهمت معناها....
أسأل الله العلي القدير ان يجعل لها بكل حرف خطته لأجلنا حسنه والحسنه بعشر امثالها وان يجعل كل ماقدمته لنا في ميزان حسناتها وان لا يحرمها الأجر والثواب...
ياحي ياقيوم..أسألك ان كانت اختنا الحالمه فعلت مافعلته لأجلنا خااالصا لوجهك ان تجعل لها من كل هم فرجا ومن كل ضيق مخرجا وان تجعل من عسر امرها يسرا انك سميع مجيب قريب...
برغم ان وحده من الاخوات طمنتنا عليها الا ان قلبي لازال مشغول عليها..ومتمنيه تطل علينا ب تطمنا بدون دروس ونصايح...لأن كل هذا ملحوق عليه..اهم شي نتطمن عليها
اختي الملكه الراقيه اشكر لك ثقتك..بصراحه اخجلتيني..انا مجرد تلميذه مبتدئه في مدرسة استاذتنا الحالمه والعين ماتعلى على الحاجب...الله يرفع قدرك ويجزيك كل خير...لا تحرمينا نصايحك وتجربتك مع الشرقي الغالي
الى الأبد...وشماليه شرقيه...طبيعي الاختلاف اللي بينكم وبين الشرقي...تدرون ليش؟؟؟ببساطه لأنه رجل..وانتي قمة الأنوثه...لذلك طبيعي جدا يكون فيه اختلاف في الحاجات والرغبات...اللهم ياحي ياقيوم اسألك باسمائك الحسنى وصفاتك العلى ان تجمع بينهم فيي خييييير عااجلا غير آآآجل وان تجعل بينهم مودة ورحمه..وأسألك برحمتك التي وسعت كل شيء ان تيسر لهن مااستعسر عليهن..
عزيزتي شماليه شرقيه طولي بالك يا أختي الغاليه ووسعي صدرك..أحسك شايله هم...هونيها وتهون..ترا الشرقي مو مسأله صعب تنحل..هو بسيط وقوانينه واضحه جدا..اذا اتبعتيها بسعة صدر وطولة بال بتسيطرين على قلبه وروحه..وعندك هالملف والملف السابق استوعبي كل كلمه فيه وخلي عقلك يتشربها..عشان اذا دخلتي بيته باذن الله تكونين عارفه وش بتسوين بالضبط وكيف بتتصرفين..انصحك حاليا انك ماتركزين على هالفتره اكثر من اللازم وتدخلين نفسك بمتاهات وتروحين له وتفكيرك مشوش...حاليا صعب نحدد طريقة تعامل مع الشرقي اثناء الملكه وهذا كلام الحالمه..لأن كل شخص يختلف عن الآخر في هذي المرحله..لكن بعد الزواج يصيرون كلهم تقريبا نفس بعض وتنطبق عليهم كل الدروس...لذلك طولي بالك ولاتستعجلي الأمور..وكوني هااادئه ورااايقه معه هذا اهم شي في هذي الفتره,,,الله يوفقك وييسر امرك
أختنا أنغام الشوق...أحس ان عندك الكثييييييير الكثيررر اللي ممكن تفيدينا فيه...ياليت ماتبخلين علينا بتجربتك...
أم طفشانه من ولدها..الف مليون شكر على الافاده وننتظر منك المزيد..لأن واضح ماشاءالله عليك انك صرتي خبره في الشرقي...الله يسعدك دنيا وآخره
miss gucce...ماشاءالله لاقوة الا بالله..ننتظر الملف بفااارغ الصبر...وأسأل الله العلي القدير بمنه وكرمه ان يجعلك قرة عين لزوجك ويجمع بينكما على الحب والموده وان يبارك لكما فيما رزقكما...ان شاءالله تكون رجعتك بدايه جديده لحياة كلها حب وخير..خصوصا انك بترجعين فااهمه وعااارفه الشرقي زين..الله يسعدك
اخواتي زوجات الشرقي...
ماتلاحظون شي مهم.....
فجأه صار الشرقي أحسن واحد في الدنيا..والمحظوظه اللي تتزوج شرقي....؟؟؟؟
ليش؟؟
وش الجديد؟؟...وش اللي صار في الشرقي عشان يوصل لهالمكانه؟؟؟....كنا نتكلم عن سلبيات ومشاكل وعقد والغاز وغموض ووجع قلب
وش اللي صار؟؟؟....
ملاحظين وش سوينا؟؟؟
بمجرد ماتكلمنا عن ايجابيات بسيطه في الشرقي تغيرت نظرتنا له وتغيرت مشاعرنا تجاهه وصار روميو بالنسبه لنا...
بمجرد ماجلسنا نستعرض نعم ربي علينا وبعدنا عن الشكوى والتذمر وكأن المشاكل انخلقت بلا حلول
كم صفه ايجابيه ذكرناها؟؟...تعتبر لاشيء بالنسبه للسلبيات اللي ذكرناها من الملف السابق لهالملف..ومع ذلك قدرت تغير نظرتنا وتغير جونا ونفسياتنا..كل وحده دخلت بعد ذكر الايجابيات تمدح وتتشكر..وتحس بالتفاؤل والأمل...
شفتوا العلاج بعيونكم..؟؟ولمستوه بارواحكم..؟؟؟
هذا هو الحل اذا ضاقت عليك الوسيعه بسبب الشرقي اللي للي مايعرفه حجررر صاااامت
تذكري الايجابيات..حولي نظرتك للجانب المشرق من شخصيته..وافعلي ذلك باستمراااار..فهذا يعتبر من استحضار النعم..واذا استحضرنا نعمه وجب علينا شكرها...ولئن شكرتم لأزيدنكم
ومثل مافي الشرقي جانب مظلم كئيب..تأكدي مهما كانت شخصيتك ونمطك أكييييد بيكون لك نفس الجانب..وهل فيه أحد كامل غيره سبحانه جل في علاه؟؟؟..
حسينا بايجابيه وتفاؤل ونشاط....هل لأن الشرقي تغير؟؟..صار مايدقق؟...صار مايحطم؟...صار يتغزل فيك ويمطرك بكلام الحب والعشق..؟؟
الشرقي هو مثل ماهو ماااتغير...نظرتنا له بس هي اللي تغيرت..ولأن نظرتنا تغيرت...تغيرت نفسياتنا واصرارنا على التغيير تجدد
اكيد ان الكلام هذا كله مو غريب عليكم..بس حبيت اذكر نفسي واذكركم ان حنا اللي نصنع حياتنا ونفسياتنا ومافيه احد بالدنيا مهما بلغت مكانته يقدر يسيطر علينا غصب عننا...
هذا علاج لكل من تمكن منها الاحباط والاحساس بالفشل معه والبرود والفتور..تذكري االايجابيات وانظري الى الجانب المشرق دااائما..
دعواتكن اخواتي بان يفرج الله همي.ويثبتني.انا حاليا بأمس الحاجه لها....
أسأل الله العظيم ان يجمعني بكن تحت ظل عرشه يوم لاظل الا ظله فاني والله أحبكن فيه
القاكم عل خير
