السلام عليكم
أنا مش مصدقة المنتدى الجميل ده.. أنا قريت كتاب بوصلة الشخصية من سنة تقريبا.. واستفدت منه في معرفة أنماط بعض أهلي وأصدقائي.. لكن فشلت في تحديد نمطي..
ولما ربنا كرمني بمنتداكم الجميل استفدت قوي في معرفة زوجي متتخيلوش قد ايه..
بس بردو مش عارفة احدد نمطي.. لأن فيه حاجات متناقضة، ياريت تساعدوني يا خبيرات عشان تكتمل الفائدة بالنسبة لي..
وهحاول أركز على الصفات الاصيلة اللي معايا من الطفولة ..
وجزاكن الله خيرا
أولا: الصفة البارزة مع المحيطين هي حسن إدارة الحوار والحديث الممتع، ملجأ لمن أراد المشورة.. لمن أراد الفضفضة والنصيحة، أما من يريد مجرد إمضاء الوقت ولا يريد حل أو توجيه فلا أضيع الوقت معه.
من زمان بكتب كويس .. حتى في المدرسة كان المدرسين يعجبون بمواضيع التعبير بتاعتي ويحتفظون بها.
فيه قدرة على الإقناع وتغيير وجهات النظر بالنقاش.. وفي نفس الوقت منفتحة على الاراء الأخرى وعندي استعداد للتغيير والاقتناع.
دي أهم صفة فيا.
ثانيا: بحب أعيش لهدف.. وألتزم بالمباديء.. الحياة عندي ما تسوى من غير كده وإن كنت أرفل في النعيم.
ثالثا: أحب الإنجاز وأكره عدم إتمام العمل أحس عندي صداع ولا استطيع صرف تفكيري عن الأمر، من صغري اعمل جدول مذاكرة ولازم أخلصه يوميا، وأعتمد على نفسي في الدراسة وان احتجت مساعدة فتكون محددة. "كنت مريحة ماما قوي عكس اخويا".:9:
رابعا: كنت مهملة زمان بس دلوقتي بقيت أركز.
خامسا: العاطفة شيء مهم بحياتي .. أحب أشعر بالحنان وأشعر الاخرين به، الحديث الصلب غير الودود أفر منه .. وفي نفس الوقت دموعي غالية وأستطيع الصلابة والتجلد وإخفاء مشاعري. ( محتارة في نفسي).
سادسا: أغضب بسرعة لكني اهذب هذا الطبع .. وأنا طفلة كنت عصبية بس العيال بيحبوني.. كنت رائدة الفصل دايما بس بخاف على مشاعر الناس بردو، ولو زعقت في حد وقلت كلام وحش اندم وعرفش انام. :27:
سابعا: أحب التخيل منذ الصغر وأحلام اليقظة، وفي نفس الوقت أتعمق جدا وأحلل الأمور.. وشكاكة وبشيل الهم. ( شرقي على غربي).:25:
ثامنا: اللعبة اللي كنت بموت فيها وانا صغيرة اعمل مشاريع في البيت وابيع لهم كل حاجة.. يعني الم الهدوم وابيعها لماما تاني هههههههههه.. وأعمل مشروع كافيتريا واخد فلوس على المساعدة.
تاسعا: احب المال لإنفاقه.. ايدي مخرومة وحياتي الشوبنج.
عاشرا: لا استطيع ان اعيش بدون خصوصية.. في صغري كنت العب مع نفسي لو ملقيتش حد عادي من غير مشكلة، وبكره الحياة الاجتماعية بدون ضوابط، لو لم أختلي بنفسي كل فترة بتعب.
اللي تساعدني الله يرزقها الجنة