عاد الدراما الي صارت لي متعبتني حيييييل
الله يسلمكم اخر رمضان قال زوجي امه بتجي تعيش عندنا وطبعا فرحت
لانه هو مستانس على جيتها ووكلت امري لله قلت عسى ماتصير لنا مشاكل
طبعا اهي طيبه بس تتعبى من بناتها وتجي تحن على روسنا جات ومن اول الايام وهي شغاله حنه
ابوك وابوك وتقول لي روحي اعتذري منه قلت لها انا ماغلطت على حد علشان اعتذر وكل يوم نقره
وكنت احاول اخذ الامور بضحك وبرود علشان زوجي طبعا شوي جابو عيالها اثنين عندنا
واحد صف ثاني وواحد صف رابع عفسو لي البيت فوق حدر وانا اصبر نفسي اقول اكيد عالعيد بيروحون
وزوجي يقول لي نفس الشي قبل العيد بيومين اتصل زوجي وقال لي بقول لج شي لاتتضايقين
قلت له بيتمون للعيد قال اي انا تخبلت قلت شلون بيكون عيدي مع هالعفسه وقعدت صليت ودعيت الله
الين هديت
ومن الصوب الثاني خواته مسوين له مشاكل ليش تجيب لزوجتك واحنا لا واحنا محرومين ومادري شنو
كل هذا لان وحده منهم دشت الصاله تحط شي وطلعت وشافت اثاثي جديد
الي من تزوجت عمري ماقعدت في اثاث جديد حسدوني عليه اخر شي علشان يسكتون زوجي
خذالهم اغراض العيد كامله عليه وهم 6 بنات وغير اغراض بناتي واغراضي سافرو البنات ويا ابوهم
وتمو الي عندي وعدا العيد على خير وانا في حاله نفسيه الله العالم فيها كل شي اعتفس في حياتي
وانا اكره العفسه وعدم النظام وتحملت واقول بتبدى المدارس بيروحون لما رجعو من سفرتهم عطو زوجي
الاوامر الجديده ان هالبزران بيكون هو المسؤول عنهم ويعيشون عندنا وطبعا مايحتاج اوصف لكم رده فعلي
وكم يوم وزادو عليهم اثنين بعد بنت صف سادس وولد صف ثاني اعدادي بكيت واستخفيت وش اسوي
مب عارفه وزوجي ساكت اهم شي ابوه مايزعل الله ياخذه ويفكني منه كل الي شافوني في العيد وعقبه
قالو انتي مريضه او فيج شي حالتي صارت حاله تخيلو بيتي 3 غرف وصاله بس ماعندي مجالس ولا حوش
ولا شي وكم شخص فيه ام زوجي وعيالها خمسه وانا وزوجي وبناتي خمسه والخدامه وشقه صغيره
ااااااااااااااه بس والحمل وتعبه يعني صارت حالتي حاله
وجا وقت المدارس وطبعا زوجي راتبه راح على العيد ودبر روحك وجيب اغراضهم للمدرسه وانا امشي روحي
مره اصبر ومره اعصب واصيح وزوجي يهدي فيني
تدرون اخر كل هذا شنو الصدمه الي كملت
سادس يوم في العيد كنت رايحه لدكتورتي صار لي شهرين مارحت نزلت عندها زحمه وزوجي برى
ينتظرني رديت له بدون ماعطيه خبر لما قربت من السياره شفته يشوف مقطع في الجوال اول ماشافني سكره
انا ذبحتني الحره لان انا كنت حاسه ومتاكده انه رد للافلام الحقيره الي كان يشوفها
نزل يصلي فتحت الجوال وشفت الي شافه ومت قهر وحره رد تميت ساكته وقلت له رجعني العياده
قال مب قلتي نخلص امورنا ونرد قلت رجعني عاد هو عرف اني شفت الي شافه لان مامداه يمسح
سكت شوي وانفجرت عليه وهاوشت وعصبت قلت له بالله انا ناقصتك هذا جزا صبري عليك وعلى اهلك
وهو ساكت نزلت الدكتوره وقبل مانزل قلت له مشكلتك ماتصدق ان الله يمهل ولايهمل
خلصت من دكتورتي ورجعت وياه وفي الطريق بدى يتكلم ويسب نفسه صرخت عليه قلت له اسكت
وصرخت وطلعت الي بخاطري وبكيييييييت حره وقهر وهو ساكت قلت له ابوك واهلك تحملتهم وصبرت عليهم وعلى مشاكلهم واخرتها قط عياله علينا وقلت اصبري وهذا جزاي وهو ساكت قام باع البلاك ماله قلت في خاطري شالفايده
رجعنا البيت على عفسه اهله انهرت مره ثانيه وقعد يهديني ورضخت وسمحت له يقرب مني
بعدها بكم يوم من زود التعب النفسي طلبت الطلاق وكنت لاول مره مقتنعه وارتحت حيييل لما قلت له
قلت بفتك من اهله هم وبينزاح عني حتى هو انصدم وتم ساكت قلت له تعبت خلاص مافيني
شوي هديت وتراجعت شوي بس للحين تعبانه
امس بعد ماسلمت عليكم قمت اشوف الهيستوري في الجهاز وبما اني من زمااااان عنه وشفته فاتح مواقع
وجاتني حاله من التبلد وماهتميت ابد لاول مره مات الاحساس فيني صرت عايشه وياه وانا ماثق فيه
متوقعه منه اي شي
احس باقي شوي وانهار من هالوضع البزارن وازعاجهم وعفستهم ومشاكلهم الي مب ملزومه فيها
يكفيني بناتي 3 وحامل وزوجي وعدم ثقتي فيه ومتاكده انه ماهتم ولا وقف عن الي يسويه
قولو لي شسوي كل مافضفضت عند حد سكت وماعرف شيقول زوجي سبب سعادتي وتعاستي في نفس الوقت
انحرمت من حريتي في بيتي طول اليوم بجلابيه
وشيله بما ان ولدهم في مرحله بلوغ
كل ماتذكر ان هذي بتكون حياتي انهار
زوجي يقول لاتذبحين نفسج بالتفكير طيب شسوي