ملف خاص لزوجات الجنوبي ((لمن ارادت تغيير حياتها )) لليوميات

[نجود1404]

.


انا كنت استخدم غسول سبياميد مرررره حلو وريحته حلوة
والحين بعد الولاده صرفت لي الدكتورة واحد طبي ريحته مره حلوة
راح اكتب لكم اسمه بعد ماينام ولدي (الله يصلحه يارب)

بس بجد بعد الولاده احس جسمي تغير
انا بيضاء بس احس بطني و المنطقه الحساسه تغير لونها بعد الولاده
وموب عارفه وش اسوي خلطه ترجع هاللون
مره ضاق خلقي اليوم

اللي عندها خلطه تكفون ترسلي اياهـآ او تكتبها هنا

 

[om.saarah]

صموته وينج

شوري علي الحين شاسوي وشتكون رده فعلي

 

[حنيني2010]

طبعا للحين ماحضني جا وتغديت واهو جنبي عالبي بي وشوي قام يراجع انا صليت وقعدت عالبي بي ابيه يجي صوبي مطنش
شوي وانا امشط بناتي جاني يدلك كتوفي قلت له اخيرا لمستني <<< لازم تعلق
ضحك وراح الصاله رحت عنده وجبت الحلا وناكل ونسولف جيت قلت له بمزح ودلع مادري شفيك اليوم مب حولي ولا حضنتني
قال انا مب حولج من لبستي وعيني ماشلتها عنج وانتي اصلا لاهيه عني شلون اجيج كله عالاب والبي بي قلت له انت دوم عالبي بي وانا الي اجيك
قال الله يعني الحين انا ماجي صوبج خلاص من اليوم بسجل كل حركاتي انا من الضيقه وزياده دلع غصب طلعت دموعي
قمت وخليته جاني قلت له انا بس اعاتبك وادلع عليك وادري انك مب مقصر والدموع اربع اربع سحبني وحضني وانا كني بزر امسح دموعي واهو مستخف
وكله يضحك ويملني حييييل (صموته برايج مصارحتي له وموقفي صح ولا غلط وغير جذي لاحضته كان متضايق من كلامه اني لاهيه عنه لكن تصرفاته كان يسوي مثل الي انا اسويه لاهيه لهى اهو طنشت طنش ولا كلمته طلع الي بخاطره)
بعدها طلعنا الحديقه نودي بناتي وردينا المغرب صلينا وقعد اهو عالنت وانا جنبه اقرى مواضيع الي يفتحها

والحين صلى العشا ونزل يجيب لنا اغراض وبيرد يتعشى وبرقد البنات وبنرقد ​

اييييييييييييييييييييييييييييييييييه
نفس مشكلتي معه،،

إذا هو لاهي لازم نيجيه ونحضن و نحب،
وإذا احنا لاهيات، الحق علينا !!
>>>>>> أنا قربت اصارحه كمان لأني بنفجر !<<<<<<<​

 

[om.saarah]

صادقه حنبيني

انا عن نفسي احس المصارحه احسن يمكن يكونون مب منتبهين لحالهم

مايحبون حد ينشغل عنهم لكن اهم عادي ينشغلون

 

[om.saarah]

start change

تسلمين ياقلبي عالرد

وانتي صادقه انا من الاحراج ماعرفت اتصرف بس بعد احس اني صرت مكشوفه عنده

يعني انتو لما تقرون يومياتي راح تفيدوني لو عندي غلط

مادري للحين شقول له

 

[الأمورالحلوه]

السلام
رجعت لبيتي بعدسفره لمده 10 ايام

ودي اسال صمت وخجل
انا قد انضميت لكم وسافرت وكتبت لكم اعتذرعن عدم كتابت اليوميات لاني مسافره
واللحين رجعنا هل ابدا في الانظمام لكم

 

[محتاجه وقفتكم]

امس يومي كان عادي جداا برضوا ملل وروتييييين
صحيت الصبح قعدت زوجي للعمل سويت فطوره
راح العمل
رجعت انام للساعه 10 ونص
قعدت فطرت وفتحت النت تصفحت
رتبت البيت اذن الظهر صليت وقريت وردي واستغفرت وسبحت
بعدها سويت حلا للعصر وسويت الغدا
جا زوجي قعدنا سولفنا وبعدها حطيت الغدا وتغدينا
كان في كم غرض ابغاه يساعدني فيه جهزت له كل شي وقلت همتك يابوا الشباب
وقعد يشتغل ويسوي الشغل وبعدها لبس وطلع وانا انسدحت اشوف تي في
وعلى الساعه 10 اتصل عليه قال انزلي انا تحت انتظرك لبست عبايتي وخرجت
رحنا السوبر ماركت نشتري اغراض البيت وشرينا الاغراض ورجعنا البيت سويت العشا
وتعشينا وشفنا فلم ونمنا على 12 ونص وبس ​

 

[محتاجه وقفتكم]

امبيه
ام ساره
والله موقف لاتحسدين عليه

انا لما يكون موجود ماافتح ملفنا هذا لا اليوميات ولا شي اخاف يقرا واتفشل
بس شوفي
تصرفي عادي وخليكي واثقه من نفسك
علما انه انتي اصلا ماقلتي ابدا شي غلط عنه بالعكس مداريه البنات والببيت وزوجك
بس خوفك يحفظ اسمك ويصير يدخل من لاب توبه
ماادري اسالي صموته وربي يعين ​

 

[om.saarah]

محتاجه وقفتكم انا مشكلتي انه قرى اسلوبي في التعامل وياه

واخاف يحط في باله ويتغير او شي يمكن اكون مبالغه بس احس اني صرت مكشوفه

مادري شلون اوصف احساسي وتسلمين ياقلبي على ردج وقفتج وياي اهئ اهئ
واهو مب من طبعه يدخل ويشوف من وراي
بس ممكن الفضول يخليه يعيدها :4:

وانا انتظر صموته عسى تاخيرها خير يارب ولو انه ماباقي شي على وصوله

ناويه احضنه بس مالي خاطر اناقشه الين اشوف صموته شترد علي واااااااء

 

[محتاجه وقفتكم]

طيب اسمعي
ام ساره
عادي خلي تصرف عادي
احضنيه وحبيه وهيك
بس قولي له لو جاب لك طاري
انا ادخل واكتب يومياتي عشان احسن من تصرفاتي معك ومعاملتي
واحنا مجتمعين في هالملف عشان كل وحده تسعد زوجها وتدور راحته
ومو معناه انه اكتب يومياتي انه اقول اسرار عشنا لا بس عشان في وحده ماشاء الله فاهمه
ولو سويت شي غلط تقولي الصح واحاول اتغير
وبعدها بسرعه قولي له
انا بصراحه زعلت شوي من اسلوبك
انته ترضى اقرا وراك او رد يخصك
انا كنت معتبرتها شي يخصني مثل دوره وكنت ابغى اتغير واحسن من سلوكي بدون ماتدري انه اسوي شي
وربي يوفقك ونسمع اخبار حلوه

 

[محتاجه وقفتكم]

حنيني
انا اشوف انك لاتصارحيه
لانه الجنوبي مايحب المصارحه بالنقد وانتي لما تصارحيه بتقولي ه انته ماتهتم فيني
وماتحضني وما وما يعني انتقاد وتعرفي هو يكره هالشي
تعالي له بالاحاسيس والمشاعر
مثلا قولي له حبيبتك اليوم تعبانه ومحتاجه مساج من يد حبيبها وهي تدري انه حبيبها يبي راحتها وماراح يقصر
مثلا تبين حضن قولي له محتاجه لحضنك محتاجه للمساتك وهيك يعني اي شي تبيه اطلبيه بدلع وحنيه وباسلوبك عاد
الانسان لو يبي شي يجذبه لنفسه
ومع الوقت راح يصير
بعدين دوم وانتي جنب التي في حاولي تعوديه تقعدي بحضنه او جنبه خليها عاده
مثلا قولي له احب اشوف تلفزيون انته تلعب بشعري
وان مافهم وصصار يسويها بنفسه بيسويها لانه صارت عاده انتي عودتيه عليها
وربي يسخر لك زوجك ويحنن قلبه عليكي
اتمنى اسمع اخبار حلوه

 

[حنيني2010]

حنيني
انا اشوف انك لاتصارحيه
لانه الجنوبي مايحب المصارحه بالنقد وانتي لما تصارحيه بتقولي ه انته ماتهتم فيني
وماتحضني وما وما يعني انتقاد وتعرفي هو يكره هالشي
تعالي له بالاحاسيس والمشاعر
مثلا قولي له حبيبتك اليوم تعبانه ومحتاجه مساج من يد حبيبها وهي تدري انه حبيبها يبي راحتها وماراح يقصر
مثلا تبين حضن قولي له محتاجه لحضنك محتاجه للمساتك وهيك يعني اي شي تبيه اطلبيه بدلع وحنيه وباسلوبك عاد
الانسان لو يبي شي يجذبه لنفسه
ومع الوقت راح يصير
بعدين دوم وانتي جنب التي في حاولي تعوديه تقعدي بحضنه او جنبه خليها عاده
مثلا قولي له احب اشوف تلفزيون انته تلعب بشعري
وان مافهم وصصار يسويها بنفسه بيسويها لانه صارت عاده انتي عودتيه عليها
وربي يسخر لك زوجك ويحنن قلبه عليكي
اتمنى اسمع اخبار حلوه

فديت الفهمان أنا،، بحاول معاه، و رح أعلمهــ

ويوم يبادر هو بعلمكم و بنسوي حفلة ​

 

[حنيني2010]

طيب اسمعي
ام ساره
عادي خلي تصرف عادي
احضنيه وحبيه وهيك
بس قولي له لو جاب لك طاري
انا ادخل واكتب يومياتي عشان احسن من تصرفاتي معك ومعاملتي
واحنا مجتمعين في هالملف عشان كل وحده تسعد زوجها وتدور راحته
ومو معناه انه اكتب يومياتي انه اقول اسرار عشنا لا بس عشان في وحده ماشاء الله فاهمه
ولو سويت شي غلط تقولي الصح واحاول اتغير
وبعدها بسرعه قولي له
انا بصراحه زعلت شوي من اسلوبك
انته ترضى اقرا وراك او رد يخصك
انا كنت معتبرتها شي يخصني مثل دوره وكنت ابغى اتغير واحسن من سلوكي بدون ماتدري انه اسوي شي
وربي يوفقك ونسمع اخبار حلوه

​

معك وبشدة إلا بهالجملة ​

لا بس عشان في وحده ماشاء الله فاهمه ​

​

أفضل تقولي نتبادل الخبرات، أو في كم مستشارة اجتماعية​

​

لا تجيب طاري وحدة فهمانة (بيقول بنفسه وش معنى زوجتي مو فهمانة !!)​

 

[محتاجه وقفتكم]

صدقتي
حنيني كويس نبهتيني بهذي النقطه لانه الجنوبي فضولي وراح يقعد يدور على الفهمانه هههههه ونسوي دعايه لصموته فديتها

نجود
بالنسبه للصلاه
انا كنت اعاني مثلكم بس والله عزمت النيه وقلت لازززززم يتغير علما انه الجنوبي سهل التعامل معه
وجيته بالمسايس تخيلي بايام الملكه كنت اقوله اذن روح صلي عادي يقولي بوجهي بعدين
قلت له معليش حبيبي هذا مو صلاة عشا تاخرها شوي هذا مغرب او عصر
وكان يتهرب وهيك وكنت اقفل منه وانا ابكي
بعدين قلت البكا ماراح يفيد صرت ادعي دوم ياارب حبب زوجي بالصلاه يارب تهديه وهيك
المهم لما مره قلت له حبيبي بكلمك بصراحه
والله انته حبوب وماشاء الله محترم وفيك كل الصفات الحلوه <<< لاحظي وصفته
قال شنو ناقصني <<<< لاحظي فضول الجنوبي وانه دوم يبي يكون كامل
قلت له الصلاه ياقلبي
قال والله اصلي بس مو دايم قلت له وليش مواديم انته تعرف انه هي الفرق بين المسلم والكافر
انته ترضى تكون كافر سكت
قلت له هي تنور لك قبرك واول شي تحااسب عليه قال اعرف
قلت تعرف ومخالف سكت شوي وياذن العشا
قلت اطلب منك طلب ماتردني
قال قولي امري
قلت لو تحبني روح صلي مولازم بالمسجد توضأ وصلي بالبيت
قال خلاص بتوظأ وبصلي بالمسجد بروح قلت روح ربي يتقبل منك ووصففففففته لما انتفخ
وصرت مضاربه انا وياه على الصلاه كل يوم اصحيه لانه كان يرجع ينام من دوامه اصحيه للمغرب
والعشا اكون معه بالتلفون
والفجر اقوله قبل لتروح للدوام صلي
المهم تزوجنا بما انه فترة ملكتي ماطولت وبعد الزواج حسيته بدا يتكاسل
صرت شنو اسوي
اتوظأ وافرش السجاده واصصلي وادعي واقول يارب اهديه وحببه بالصلاه
ربي اجعلني مقيما للصلاة ومن ذريتي وكنت اعلي صوتي واقول يارب اهدي زوجي وحببه بالصلاه بصوت عالي
ولما اخلص مااشيل السجاده اقوله خليت لك السجاده قوم توظا وصلي
يقولي شوي وانا ماغير معلقه على الاسطوانه حبيبي الصلاه وقام يصلي وصار يصلي بس بالبيت
لما مره كنا قاعدين نتغدا قلت له تعرف حببيبي ورجعت اوصفه انه كامل والكامل الله
وانه ماينقصه شي علما اننه كان يصلي بالبيت
قلت تدري ينقص انك تصلي بالمسجد اصلا الصلاه بالمسجد وااااااااااجبه للرجال وحرام تسمع ربي يناديك وتصلي بالبيت
انته لو انا او واحد تحبه حيل يناديك ترد عليه وانته جالس والا تقوم له قال اقوم
قلت هذا واهما بشر كيف برب العباد يناديك
المهم شوي وياذن المغرب مااشوفه الا توظأ وقال بروح اصلي انا عيوني مبققه قلت طيب حبيبي روح
وصار من وقتها يصلي بالمسجد صح اوقات يتكاسل وييصلي بالبيت بس ماشاء الله منتظم حتى طلعت له سجده بجبينه
قلت له انا اصلي من قبلك ماطلعت لي ليش انته طلعت لك
وكل شي احسده عليها
ومن فتره لفتره اوصفه السجده تجنن عليك
ياحظك السجده يوم القيامه بتنور جبينك وهو ينتفخخخخخ
والحمدللله صار والله اوقات يقولي يالله صلالالالالالالالالاه
والاذكار انا اسبح واستغفر بالسبحه واكون جنبه ولما اخلص اقوله تبغاها ياخذها مني
واوقات اقوله خذلك لفه بالسبحه تاخذ اجر وانته تتفرج تي في
وربي لك الحمد ماشيه معه

كتبت لكم قصة حياتي بس و الله عشان اوريكم اني عانيت مثلكم وبالصبر كل شي يجي
واذا على ولدك يانجود لما تجي تصلي اذا كان لسه بيبي نوميه على السجاده وبيشوفك وانتي تصلي وبيتعود انه في صلاه
واذا كان يتحرك شوي عوديه يالله قول الله واكبر وخليه يصلي مثلك قولي يالله حبيبي مين يصلي مع مامه اشتري له سجاده صغير ومع الوقت بيتعود صدقيني وبيرجع زوجك يستحي منك ومن ولده

 

[om.saarah]

محتاجه وقفتكم تسلمييييييين ياقلبي

وصدق راح اقوله الي كتبتيه

وانا مع حنيني انا ابي ابين اني انا الفاهمه ودوم كذ ابين له

لكن بقول له الي قلتيه وبفهمه ان كل وحده تفيد غيرها بيومياتها

وان شاء الله مافيه شي وزوجي حنون بس استغرب اني مابيه يشوف وانا ماعرفت ابرر

والحين جا وحضنته وهيك جا بيسال قلت له نو كمنت غدا وزين ليقت ردج

برجع له واسولف

 

[محتاجه وقفتكم]

الادعيه اللي دوم ادعيها
واحس والله انها جابت نتيجه:

اللهم اني اسالك رضاااااك
الله سخر لي زوجي وحنن قلبه عليه
الله وفقتنا لبعض وسخر قلوبنا لبعض
ربي جعلني مقيما للصلاة ومن ذريتي
اللهم اهدي زوجي وابعد عنه اولاد الحرام
اللهم اعني انا وزوجي على ذكرك وشكرك وحسن عبادتك
اللهم اجعله لي كما احب واجعلني له كما يحب واجعلنا لك كما تحب
ولاتنسون الاستغفار والصدقه بنية الاصلاح

 

[حنيني2010]

الادعيه اللي دوم ادعيها
واحس والله انها جابت نتيجه:

اللهم اني اسالك رضاااااك
الله سخر لي زوجي وحنن قلبه عليه
الله وفقتنا لبعض وسخر قلوبنا لبعض
ربي جعلني مقيما للصلاة ومن ذريتي
اللهم اهدي زوجي وابعد عنه اولاد الحرام
اللهم اعني انا وزوجي على ذكرك وشكرك وحسن عبادتك
اللهم اجعله لي كما احب واجعلني له كما يحب واجعلنا لك كما تحب
ولاتنسون الاستغفار والصدقه بنية الاصلاح

الله يجزاك كل خير حبيبتي،، تعبناكي معنا اليوم
صموته غايبة وانا طفشانة وانتي ما قصرتي
وكمان بتعملي كيك لأختك،، كيف طلعت؟؟ أكيد بتشهي !​

 

[محتاجه وقفتكم]

والله ياحننيني
طلعت تجنن شوي واصورها لك وبنزل كمان صور امس
اكتب واروح اسوي الغدا وشوي وارجع اشوف ردوكم
وارجع للمطبخ
بس اتسلى بدال ماانا قاعده
وبالنسبه لردودي والله مو قصدي اتفلسف بس اقول رائي وبخبرتي البسييييييييطه جدا بالجنوبي
ولسه نتعلم تعرفي الجنوبي بحررررررررر
وانا لسه على الشط
وان شاء الله يكون غياب صموته بخير
وانتي ربي يفتحها بوجهك ويزل همك وطفشك وترجعي لنا بضحكت وفرفشتك وكلامك الحلو

 

[الأستاذة نسيم]

شنو صاير ياحنيني مبين عليك الملل والطفش,,
وصموته ماهي مبينه ,
صراحة انا نفس نظامي وحيل طفشانة نفسي اسافر واغير جو قبل رمضان بس مابقدر جنوبيي مررررررة مشغول,
اليوم مافي شي جديد كلنا عندنا دورات.

 

[حنيني2010]

والله ياحننيني
طلعت تجنن شوي واصورها لك وبنزل كمان صور امس

يم يم ،، يعني بتعزمينا عالصور ؟؟
الله يسامحك​

اقول رائي وبخبرتي البسييييييييطه جدا بالجنوبي
ولسه نتعلم تعرفي الجنوبي بحررررررررر
وانا لسه على الشط

بس بلااااااش، هذا وانتي على الشط !!
لولاكي اليوم كان سكرنا موضوع الجنوبي
الله يبارك فيكي يا حلوة​

وان شاء الله يكون غياب صموته بخير

معها لحد بكرا، ما اجت لحالها، نروح نجيها ههههه​

وانتي ربي يفتحها بوجهك ويزل همك وطفشك وترجعي لنا بضحكت وفرفشتك وكلامك الحلو

الله يرضى عليكي ويبارك فيكي يا قمرة​