يمكن زوجك متضاايق على شئ يخصه حاولي تصنفين اغراضه وعودي نفسك حتى لو
بتموتين لان هالشئ مهم له حبيبتي ..
وانا ممكن اعطيك واعطي البنوتات تجربتي بالتفصيل ..
شوفي حبيبتي انا مره مره مره احب النظافه واحبها جدا ....
وبما اني شماليه شرقيه فأنا دقيقه ومرتبه ومنظمه وصرااااااااااحه
انا عندي خادمتين ولا اقوم بشغل البيت لكن ادقق عليهم اواحيانا اقوم بالشغله بنفسي واخليهم يساعدوني وتراهم مهملات يبيلك تتابعينهم ..
شوفي انا احب دايم اكنس البيت وامسحه باليوم مرتين ثلاث خصوصا المكان اللي احنا دايم نجلس فيه لان الكنس يوحي بالنظافه ويريح النفس..
وغالبا اول مايتغدى ويغسل يده اجهز له الشاي واحطه بمكان غير المكان اللي تغدا فيه بس يكون مرتب الكنبات مرتبه ومكنوسه ومنفظه بالريش ريش النعام والارض ممسوحه كل شئ مصنف في مكانه الخاص..
واحط بخور للبيت بعد الغدا واخليه هو والاولاد لين اظبط المكان اللي تغدا فيه..
بعدين اهتم للمطبخ اهم مكان بالبيت وعليك بتصنيف الاشياء لانها توحي بالنظام وتنظف وتسهل الشغل ..
اهم شي توزيع سلات المهملات ((الزباله)) الصغيره تتوزع بكل مكان بالبيت عشان الاطفال تكون قريبه منهم..
الالعاب لها سله الملابس الملبوسه حتى لو كانت نظيفه لها سله الكتب على رف الكتب الاقلام بعلب خاصه
التحف تكون من النوعيه سهلة التنظيف اللي لويتجمع عليها غبار بسرعه تمسحينها
اغراض الاطفال اللي مالها داعي واغراض البييت وكل شئ زايد ارميه فورا او تبرعي فيه للجمعيه الخيريه
غرف النوم حذاااااااااري من انها تكون غير مرتبه ..
البطانيات والفرش واغراض الضيوف بدولاب لحالهم الجزم لها درج خاص بكذا يكون كل شئ مرتب..
حمامكم الخاص يكون..
* منظم تنظيم دقيق يعني بس فرشة الاسنان والمعجون ومعجون الحلاقه وموس الحلاقه صابون الوجه والفوطه على المغسله ترتبينها بطريقتك بس لاتزيدين عليها شئ..
*الزباله تكون بمكان مثلا تحت المغسله ..
*تجيبين سله للحمام حطي فيها مفرش صغير وحطي داخلها ...
شامبو +بلسم+شامبو جسم+صابونه عاديه+ليفه للجسم+مقشر للوجه=
كلهم مع بعض على حوض الاستحمام ..
*فوطتين معلقه او ارواب ..
*سله صغيره فيها الغسول الانثوي مع المطهر للاماكن الحساسه مع كيس صغير للفوط النسائيه ومناديل هذي للمرحااض ..
*غرفة النوم يكفي مفرش انيق او فخم او مرتب اللي تبين....الطاولتين القريبتين عليها بس الابجورتين وتحف صغيره بسيطه او برواز صوره او شمووع او معطرات اللي تبين وعلبة مناديل وورقة اذكار الصباح والمساااء والريموت كنترول ..
*تسريحتك على ذوووقك بس صنفي يعني الدولاب الاول فيه المكياج بس وكل شي حطيه بعلبه عن الثاني ..
*بالثاني كل شي يخص الشعر ربطات امشاط استشوار بنس اكسسوار شعر وكل شي حطيه بعلبه عن الثاني..
*الثالث خليه للذهب بس والاكسسوار وكل شئ بعلبه..
*الرابع للشنط والاحزمه ..
*الخامس المقشرات والمرطبات والشمع اللي تزيلين فيه الشعر وكل شئ للجسم حطيه فيه..
*فوق التسريحه حطي على الجانب الايسر للمرايه سلة ورد ..
*الجانب الايمن صندوق مثل الكنز وحطي بداخله جرايد واظغطيها بفلين لين مايتبقى الاربع الصندوق العلوي وثبتي الفلين بصمغ بعدين حطي ليف وصمغيه وانثري على الجوانب ورد مجفف شكله حلو وعبيه بعطوراتك كلها سوي زحمه خليها على بعض مع البخور والمسك السايل والعنبر وكل شئ ..
*بوسط التسريحه حطي مجموعة عطورات الجسم الخفيفه من بدي شوب ..
مع علبة المنديل ..
*عطورات زوجك خلي له رف بدولاب الملابس فيه عطوراته واغراضه ساعاته كبكاته..الخ بطريقتك ..
وشوفي الترتيب وسهولة الوصول لاي شئ تبين و ان يبوس راسك زوجك ..