وايد مستحية من نفسي

[silent night]

:dunno:لحقوعلي زوجي من عصبيته قالي مدري من الوسخ في البيت انتي ولا الخدامة؟ انا صح شوية مهملة في البيت بس بحكم انشغالي فا يدوب الحق اقعدو هو من النوع الدقيق وايد. انجرحت وما ناقشته في الموضوع ليومكم هذا او كثير استحيت لانهااذا وصلت لدرجة انه يقول معناتها انه يعاني من هالموضوع. شوروا علي ايش اسوي عشان يغير هالنظرة معالعلم اني حامل.

 

[ضياء القمر]

اختي الغالية


الموضوع غير واضح

ويش الموقف الي خلاه ايقول هالكلام؟؟؟


بانتظارك

 

[سنديان]

??.

مادام عندك شغاله ليش ماتخليها تنظف؟ والحمل مو عذر لك بس شكلك تعودتي على الاهمال و اسفه لصراحتي حبيبتي

 

[ليل الشتا]

واضح من العنوان أنك فعلا مستحيه من زوجك لأن قالك هالشي بصريح العبارة
زوجك يهتم جدا بالنظافة والاهتمام وأنتي بنفسك ذكرتي بأنك مهمله بعض الشي..

عزيزتي أذا معك شغاله حاولي دايما تشرفي على النظافة والاماكن اللي تنظفيها وكل شي خليك دقيقة وزوجك لما قالك هذا دليل ضيجته وأحمدي الله أن ذكر هالشي..

من رأيي أنك ما تناقشيه لكن أبدي تتغيري حاولي كل يوم ترتبي شي ولا تنسي الورود للزينه ولا تنسي غرفة النوم ونظافتك الشخصية مهمة جدا الزوج مامكن يعذرك حتى لو كنتي حامل حاولي تتهتمي ومن اليوم ولا تأجلي وتعدلي له ومع الايام بغير نظرته لك..

تقبلي مروري
ليل الشتا

 

[طماطه]

هلا

مشغوله عن بيتك ؟؟ هذا الغريب
الاهم فالمهم
الاهم هو البيت والزوج
والباقي يعتبر مهم

يعني الله مكرم عليج بلخادمه شدي عليها شوي واضغطي على عمرك وايد لتغيرر ويصبح البيت اول اهتماماتج
لان الرجال بصفه عامه يشوف البيت مراية زوجته والله يوفقج الغلاااا

 

[lenh]

اختي الفاضلة ...

انصحك انك ترتبي نفسك ..عندك شغالة وش تسوي اللة يهديك..لازم تتابعينها في الترتيب

والنظافة .

سويلك جدول للطهي كل ايام الاسبوع حتى حلى العصرية اكتبية مثلا

بعدين تسوييت جدول لنظافة البيت كل يوم غرفة

واللة النظافة حلوة وريحة الديتول والكلوركس منعشة في البيت ..


ثانيا:
القومه بدري ..... لاااااااااااااازم نتعود عليها لانك بالفجريه بتكونين نشيطه وممكن تسوين البيت كامل من النشاط

ثالثا:
دوري بالبيت كله واي اغراض ملابس عفوش مالها داعي طلعيها اللي ما يصلح للزباله الله يكرمكم
واللي يصلح بس خلاص ما عاد تستخدمينه اتصدقي فيه واكسبي اجره

الخطة انج تنظمين ايام الاسبوع على حسب البيت والشغل اللي عندج يعني كل يوم تسوين شي مو لازم كله طقه وحده انا افهمج اكثر والكلام حق كل البنات والستات

يوم السبت: ترتيب البيت غرفة غرفة ترتيب خفيف بدون مسح غبار او ترتيب كبتات (خزائن)
يوم الاحد: مسح الغبار اللي بالبيت كله ولا تسوين شي ثاني
يوم الاثنين: تخمين البيت كله يعني تكنسين البيت وطبعا اهو الحين مافيه غبار فراح يظل نظيف
يوم الثلاثاء: يكون يوم الغسيل والأوتي (الكوي) مثلا اسبوع تغسلين واسبوع تسوين الكوي
يوم الاربعاء: تختارين غرفة او الصالة وترتبين الادراج اللي فيها عدل وتنظفينها او تسوين الكبتات (الخزائن) وترتبينها
يوم الخميس والجمعة راح يكونون ايام الراحة
انا والحمد لله اسوي جذي وما امل ابدا وريلي والحمد لله وايد مستانس من هالطريقة واخصص يوم بالاسبوع الخميس او الجمعة للأشغال اليدوية مع العلم ان انا تقريبا كل يوم اطلع من البيت وانا مرتاحة
ملاحظة:
اذا كانت العائلة كبيرة ما ينفع يوم واحد للغسيل والاوتي بالاسبوع ممكن انتي تظبطين هالشغلة من عندج
هم لا تنسين ان انا ماذكرت تكرمين الحمامات لان هذا شي لازم كل يوم تسوينه اكيد + المطبخ
ومشكورين وسامحوني على الاطاله
*_* والله ولي التوفيق *_* ​

 

[مرتع الغزلان]

هوني الأمر على نفسك حبيبتي
عليك الإهتمام بنظافة المنزل أولا عشانج مش عشان زوجج
صحيح إن الحمل تعب لكن حاولي إنج تخصصين وقت معين للإهتمام بالتنظيف والترتيب :msn-wink:
واضافة بعض اللمسات الخاصة من ايدج في الإبداع بطرق الترتيب والتنظيم
أنا نقس حالتج لما أحمل ما أقدر أسوي شي خصوصا في الشهور الأولى من الحمل لكن ماأخلي زوجي يلاحظ

 

[silent night]

اختي الغالية


الموضوع غير واضح

ويش الموقف الي خلاه ايقول هالكلام؟؟؟


بانتظارك

هو عنده هوس نظافة او دائما يقولي انتي ربة بيتاو لازم تهتمين بكل صغيرة وكبيرة مع العلم انه الموضوع ما يستاهل ابدا وهو انه شاف خبزمتعفن بسلة الخبز وهو طبعه لمن يكون متضايق يقوم ينبش بالبيت يدور عالي يعصب عشانه. جسمانيا انا جدا نضيفة حتى وانا حامل و يضرب بيا المثل دائما في الكشخة والترتيب. انا اشتغل بليوم ثمان ساعات وعندي ولد لازم اجابله بالاضافة انه دايما عندي ظيو ف في البيت

 

[nonoura]

اللة يحمل معك هيك الرجال لابيرحموا ولابيخلوا رحمة اللة تنزل

 

[الحُرّه]

خلاص حاولي تنتبهي اكثر.!

 

[دلوعه ممنوعه]

يمكن زوجك متضاايق على شئ يخصه حاولي تصنفين اغراضه وعودي نفسك حتى لو ​

بتموتين لان هالشئ مهم له حبيبتي ..​

وانا ممكن اعطيك واعطي البنوتات تجربتي بالتفصيل ..​

​

شوفي حبيبتي انا مره مره مره احب النظافه واحبها جدا ....
وبما اني شماليه شرقيه فأنا دقيقه ومرتبه ومنظمه وصرااااااااااحه ​

انا عندي خادمتين ولا اقوم بشغل البيت لكن ادقق عليهم اواحيانا اقوم بالشغله بنفسي واخليهم يساعدوني وتراهم مهملات يبيلك تتابعينهم ..​

شوفي انا احب دايم اكنس البيت وامسحه باليوم مرتين ثلاث خصوصا المكان اللي احنا دايم نجلس فيه لان الكنس يوحي بالنظافه ويريح النفس..​

وغالبا اول مايتغدى ويغسل يده اجهز له الشاي واحطه بمكان غير المكان اللي تغدا فيه بس يكون مرتب الكنبات مرتبه ومكنوسه ومنفظه بالريش ريش النعام والارض ممسوحه كل شئ مصنف في مكانه الخاص.. ​

واحط بخور للبيت بعد الغدا واخليه هو والاولاد لين اظبط المكان اللي تغدا فيه..​

بعدين اهتم للمطبخ اهم مكان بالبيت وعليك بتصنيف الاشياء لانها توحي بالنظام وتنظف وتسهل الشغل ..​

اهم شي توزيع سلات المهملات ((الزباله)) الصغيره تتوزع بكل مكان بالبيت عشان الاطفال تكون قريبه منهم.. ​

الالعاب لها سله الملابس الملبوسه حتى لو كانت نظيفه لها سله الكتب على رف الكتب الاقلام بعلب خاصه ​

التحف تكون من النوعيه سهلة التنظيف اللي لويتجمع عليها غبار بسرعه تمسحينها ​

اغراض الاطفال اللي مالها داعي واغراض البييت وكل شئ زايد ارميه فورا او تبرعي فيه للجمعيه الخيريه

غرف النوم حذاااااااااري من انها تكون غير مرتبه ..​

البطانيات والفرش واغراض الضيوف بدولاب لحالهم الجزم لها درج خاص بكذا يكون كل شئ مرتب..​

حمامكم الخاص يكون..​

* منظم تنظيم دقيق يعني بس فرشة الاسنان والمعجون ومعجون الحلاقه وموس الحلاقه صابون الوجه والفوطه على المغسله ترتبينها بطريقتك بس لاتزيدين عليها شئ..​

*الزباله تكون بمكان مثلا تحت المغسله ..​

*تجيبين سله للحمام حطي فيها مفرش صغير وحطي داخلها ...​

شامبو +بلسم+شامبو جسم+صابونه عاديه+ليفه للجسم+مقشر للوجه=​

كلهم مع بعض على حوض الاستحمام ..​

*فوطتين معلقه او ارواب ..​

*سله صغيره فيها الغسول الانثوي مع المطهر للاماكن الحساسه مع كيس صغير للفوط النسائيه ومناديل هذي للمرحااض ..​

*غرفة النوم يكفي مفرش انيق او فخم او مرتب اللي تبين....الطاولتين القريبتين عليها بس الابجورتين وتحف صغيره بسيطه او برواز صوره او شمووع او معطرات اللي تبين وعلبة مناديل وورقة اذكار الصباح والمساااء والريموت كنترول ..​

*تسريحتك على ذوووقك بس صنفي يعني الدولاب الاول فيه المكياج بس وكل شي حطيه بعلبه عن الثاني ..​

*بالثاني كل شي يخص الشعر ربطات امشاط استشوار بنس اكسسوار شعر وكل شي حطيه بعلبه عن الثاني..​

*الثالث خليه للذهب بس والاكسسوار وكل شئ بعلبه..​

*الرابع للشنط والاحزمه ..​

*الخامس المقشرات والمرطبات والشمع اللي تزيلين فيه الشعر وكل شئ للجسم حطيه فيه..​

*فوق التسريحه حطي على الجانب الايسر للمرايه سلة ورد ..​

*الجانب الايمن صندوق مثل الكنز وحطي بداخله جرايد واظغطيها بفلين لين مايتبقى الاربع الصندوق العلوي وثبتي الفلين بصمغ بعدين حطي ليف وصمغيه وانثري على الجوانب ورد مجفف شكله حلو وعبيه بعطوراتك كلها سوي زحمه خليها على بعض مع البخور والمسك السايل والعنبر وكل شئ ..​

*بوسط التسريحه حطي مجموعة عطورات الجسم الخفيفه من بدي شوب ..​

مع علبة المنديل ..

*عطورات زوجك خلي له رف بدولاب الملابس فيه عطوراته واغراضه ساعاته كبكاته..الخ بطريقتك ..​

وشوفي الترتيب وسهولة الوصول لاي شئ تبين و ان يبوس راسك زوجك ..​

​

 

[كلي دلع وانوثة]

الهمس الخجول كفيتي ووفيتي ...

 

[(أريج الورد)]

الهمس الخجول ماشالله ماقصرتي ياعمري افدتينا كلنا مو بس صاحبه الموضوع

 

[سفيرة السعداء]

عدي انا اليوم انهزبت خخخ

الهمس الخجول

يزاج الله خير الغالية نصايح ثمينة بارك الله فيج ​

 

[make up]

ماشاء الله عليج يالهمس الخجول
كلامج فادنا واااااااااااايد والله يهني زوجك فيك

وأهم شي النظافة ونفض الغبار ولاتنسووووووون تبخير دولاب ملابس زوجك مع التعطير مرتين بالاسبوع صدقيني راح يستانس والريحة راح تلصق بالدولاب خاصة اذا كان الدولاب من خشب
وشكرا

 

[silent night]

اشكر جميع الاخوات على ردودهم الرائعة وتفاعلهم معايا وعسى الله يغفرلي واياكم يا رب.

 

[دلوعه ممنوعه]

:cupidarrow:..الله يسعدكم وتستاهلون يابنات بلقيس الغاليات..:cupidarrow:

:cupidarrow:..والله تستاهلون اكثر واللي نقدمه لكم قليييييييييل ..:cupidarrow: