زوجي سنة اولى بالاستراحة ؟

[زوجة الناظر]

السلام عليكم

الموضوع باين من عنوانه

بقول نظامنا

يروح الدوام من الصبح وما يرجع الا المغرب ينام ساعتين صار 9 بالليل تعشى طلع للاستراحة رد البيت 12 آخر الليل حط راسه ونام

اتفقت انا وزوجي انو ما يمنع بين فترة وفترة يروح يرفه عن نفسه

يعني بالشهر مرة مرتين ثلاث ( متزوجة لي سنوات7 بدخل الثامنة ) ماشاء الله تبارك الله

بس المشكلة صارت متكررة كم مرة بالاسبوع وانا اقعد لحالي بالايام

والمصيبة الاعظم صار ما يطلعني الا بشرط انه يروح للاستراحة

او ينام معي ( سامحوني على هالكلمة ) يعني مافي طلعة الا بهالمقابل

انا انصدمت بالاسلوب الجديد صار ما يسوي لي شي الا بمقابل

ساعدوني مليت من هالاسلوب

خاصة وضعي الحين مرة ما يسمح لي مغتربة عن اهلي وحامل
وضغوطات مع الحمل

وطول الوقت لحالي ماعندي احد اكلمه او اسولف معه

وش تنصحوني فيه ؟

مع العلم اذا راح للاستراحة وجاء ما انكد عليه بس شكله استانس

انا قايمة بواجباته وحقوقه وهو مرتاح والحمدلله بشهادته

وانا فرفوشية ,

ما يمنع عندي يغير جو بس انا لي حق عليه مليييييييييت​

 

[نور زوجها]

الله يعين اعاني من موضوع الاستراحه بس الله يعين

 

[تشكرات]

زوجك سنه أولى استراحه !!!

أنا زوجي أتخرّج خلاص ..هههههه...ونال الشهاده العظمى

بالقعده في البيت .....

ايش رأيك يا زوجة الناظر ( نخلط زوجي وزوجك بخلاط واحد )

ونقسمهم بالنصيفه بيني وبينك ) حتى يكونوا أكثر اعتدالآ ههههه

آه لله الشكوى محد مرتاح ....

شـــوفي حبيبتي ....أعتقد هذه فتره بسيطه من العمر ( يمر بها

أغلب الرجال ..وسرعان ماتنتهي ) فأنتي أشغلي نفسك بأي شئ

تستفيدين منه : أخرجي ..أتفسحي ..أعزمي صديقاتك ..غيّري

ديكور بيتك ...وبدّلي أماكن الأثاث الخفيف لانك حامل ...أدخلي النت

أقرأئي ..أتثقفي ...أي شئ ( يشغلك ) ....ومع مرور الوقت والزمن

( زوجك راح يتغيّر معك ) ...باذن الله ....وربنا يوفقكم ويجمع بكم على

خير ....

 

[ميوره الاموره1]

ياقلبي عليكي الله يخليلكم لبعض يااارب بس يا اختي تلاقيه يتوحم خخخخ من جد في رجال زي كده حريمهم يحمل وهو يطفش مثلا مو منك من الروتين وانتي بامس حاجه ليه لانك حامل اصبري عليه وكلميه اتفاهمي معاه مضبوط زوجك ولك الحق اما مساله يبغى مقابل هدا يدلع عليكي وانتي طفشت عشانك حامل اتحمليه عنشان مايشوف غير شريكه حياته
يارب يسخر زوجك ويرجع زوجي بسلامه يارب

 

[ام علي بن محمد]

وسعي صدرك كل الرجاال مايلقون متنفس لهم الا بالطلعه في الاستراحه يجتمعون وكل واحد ياخذ علووم الثاني خليها على الله انا تقريبا نفسك لي سبع سنوات متزوجه تعبت وتمشكلت وفي الاخير سلمت امري الى الله ساعات ادعي عليها قدامه اقول جعله يخسف بها
يضحك ويقول عادي بناخذ ثااااااااااانيه يعني مافي فايده

 

[زوجة الناظر]

ما اقدر اطلع لحالي انا بمكان ما اعرف احد فيه وممنوع اطلع لحالي


غيرت الديكور وانا من النوع المثقفة ماشاء الله بشهادة الكثير حولي


ماعندي صديقات لان حياتي متقلبة وما استقريت بمكان واحد


وانا اربع وعشرين ساعة على النت ادرس


واطور نفسي واتثقف بس مليييييييييييييييييييييييت


ما اتصل عليه ابد بالنهار عشان الدوام

وبالليل نايم او بالاستراحة !!!!!!!!!!!!

البيت ناقصة اغراض ضرورية ومطنش


له كم يوم يماطل لاحظوا اغراض ضرورية مو كماليات

بس ما قلتوا لي كيف اخليه ما يربط اي شي بطلعته للاستراحة

لاني مليت احس حياتنا صارت اخذ وعطى

يعني خذ هالشي مقابل هذاك الشي​

 

[زوجة الناظر]

نور زوجها وتشكرات مشكوورات


​

 

[دمعة الغيمه]

ان شاء الله تحظري حفل تخرجه من الاستراحه ولا عاد يدرس فيها خخخخخخخخخخخخخخ


عيوني زوجك صار يساومك في طلعاتك بذلك الشيئين وان لم توفقي منعك
لاتجعلي حياتك كالمساومه افرضي رايك وشخصيتك وربما يصبح يستغلك
في اشياء كثيره ويطلب منك البدائل والمسااومه حتى يستجيب لرغباتك.....

لكن عليك ان تتفاهمي معه انك كيان وشخصيه لابد ان يحترمك...

 

[زوجة الناظر]

ام علي بن محمد


الله يصبرك ​

 

[خلآص...!]

اصبري عليه يمكن يكون موسم وينتهي لوووووووووووووووول
بقولك شي ترى الرجال وجوده نكد وغيابه نكد والا احيانا يكون غيابه فرج
لاتجعليه اكبر همك دامه مومقصر عليك بشي ... غيري موالك الى > ايوه روح الاستراحه غير جو عدل نفسيتك انت محتاج نقاهه اصلا يوم تروح الاستراحه ترجع عافيتك نشيطه ومتجدده ههههههههه
> جننونا ​

 

[زوجة الناظر]

ياقلبي عليكي الله يخليلكم لبعض يااارب بس يا اختي تلاقيه يتوحم خخخخ من جد في رجال زي كده حريمهم يحمل وهو يطفش مثلا مو منك من الروتين وانتي بامس حاجه ليه لانك حامل اصبري عليه وكلميه اتفاهمي معاه مضبوط زوجك ولك الحق اما مساله يبغى مقابل هدا يدلع عليكي وانتي طفشت عشانك حامل اتحمليه عنشان مايشوف غير شريكه حياته
يارب يسخر زوجك ويرجع زوجي بسلامه يارب

الله يرجع زوجك بالسلامة وتقر عينك فيه


انا ماعندي روتين وهو روتيني درجة اولى

صحيح انا نفسيتي الله اعلم فيها بسبب الحمل بس ما بينت له شي

وصايرة مبتسمة 24 ساعة

الله يصبرنا

 

[زوجة الناظر]

ان شاء الله تحظري حفل تخرجه من الاستراحه ولا عاد يدرس فيها خخخخخخخخخخخخخخ


عيوني زوجك صار يساومك في طلعاتك بذلك الشيئين وان لم توفقي منعك
لاتجعلي حياتك كالمساومه افرضي رايك وشخصيتك وربما يصبح يستغلك
في اشياء كثيره ويطلب منك البدائل والمسااومه حتى يستجيب لرغباتك.....

لكن عليك ان تتفاهمي معه انك كيان وشخصيه لابد ان يحترمك...

هو محترمني كثير بس مدري كيف اوقفه عند حده هالموضوع

لاني سبق وتكلمت معه كثير قلت له انا ما امنعك بس لاتربط اي شي بمقااابل


للأسف آخر فترة بديت اصير نسخة طبق الاصل منه

بس خايفة يكبر الموضوع اكثر

مشكورة حبيبتي على رأيك والله يجزاك خير

 

[زوجة الناظر]

اصبري عليه يمكن يكون موسم وينتهي لوووووووووووووووول

بقولك شي ترى الرجال وجوده نكد وغيابه نكد والا احيانا يكون غيابه فرج
لاتجعليه اكبر همك دامه مومقصر عليك بشي ... غيري موالك الى > ايوه روح الاستراحه غير جو عدل نفسيتك انت محتاج نقاهه اصلا يوم تروح الاستراحه ترجع عافيتك نشيطه ومتجدده ههههههههه

> جننونا ​

هههههههههههه الله يسمع منك ويخلص على خير

والله انا ما ارفض الاستراحة بس احس الموضوع تجاوز حده كثير

بالعكس يرجع من الاستراحة وفيه نوم

الله يهديهم يارب

جزاك الله خير والله يسخر لك زوجك

 

[مــــلاك :$:]

اكترو الاستغفار وان شاء الله بينعدل الحال
والله يسعدكم​

 

[نضوج أنثى]

انا والله اشوف موضوع السهر والإستراحات هذي مايبي لها غير الدعاء والصبر صح شي قهر ومتعب بس نسبيا الحمدلله مايسهر للفجر حاولي تتغاضين عنه هالفتره تعرفين الواحد أول مايجد شي عليه يشغله كثير انتي خليك مثل ماانتي لا تنكدين عليه لأنه ممكن مع الوقت يطنشك ويخليك زعلانه ويطلع هو يستآنس فإنتي خليك صبوره وحاولي تكسبينه بالنسبه لسالفة المقابل لو قالك لو سويتي هالشي بسوي لك الشي الفلاني قولي له ماابي هالشي حتى لو كنتي تبينه ضروري هو بينقهر ويحاول يضغط عليك أكثر طبعا انا اتكلم في الأمور الأساسيه وحقوقك لا تخلينها محل مفاوضات لا هو مجبور يجيبها لك واقلبي عليه الطاوله العبي انتي الدور لو اعطيتني اعطيك واهم شي والله الدعاء والاستغفار الله يبعده عن رفقة السوء يارب ويرده لبيته وعقله ويصلح حالكم

 

[البياض]

طنشي طنشي طنشي
انتي عشانك حامل والنفسيه مع الحمل تصير دمار
تفهمي هالشي وخليه ببالك ولايسيطر عليك موضوع الاستراحه طبيعي كل زوجه ماتحب هالشي ولا يعجبها ومرره طبيعي بس ماتوصل لمرحله الازمه عندك
يعني لاتخلي السالفه بتروح وياربي وغثيتنا ومن هالموااوييل سكري على النقطه هذي وحطي عليها اكس
بس عشان موضوع المقابل انتي مجرد يفتح معك سيره تخليني واسوي لك ولا امسكي لي واقطع لك قولي له معليش حبيبي
ترى عيب عليك هالتعامل مو حلو بيننا تبي تروح الاستراحه الله يهنيك كلل يوم روح مابقولك لا بس لاتعاملني بطريقه اسوي لك هالشي عشان تخليني اروح ولا مافيه ... قولي انت رجال كبير وعاقل وانفخي راسه مررره وقولي ماعاملك زي الطفل سوي لي هالشغله ولك جائزه ..!! انت ياحبيبي براحتك مررره خذ راحتك بس لاتصيرالاستراحه اكبر همك عشان انا اشتاق لك واحب قعدتك وماكرهتك عشان استغني عنك كل يوم ...
بس خلاص هالاسلوب غيره لاتصيري نكديه
يصير يرجع البيت عشان يفتك من المشاكل ويصير يتكي بالاستراحه هروب من جوك ..
لا خليه يرجع البيت مشتاق لك وشوي شوي بتتفركش هالاستراحه من عند الله ويمكن تنقلون والله من فوق يفكك من السالفه كلها...
اشغلي نفسك مستحيل يكون ماعندك شي يشغلك تقولي تدرسين ونت طيب اوجدي لك صديقات مو معقوله حتى لوجارات وبيني له انك مشغوله معاهم وزي ماهو لاقي له شله انتي لاقيه بعد وخليه .. بكره من نفسه يقولك خففي طلعاتك ووقتها يفهم..


وتذكري ودوام الحال من المحااااااااااااااال

 

[العفو منك ربي]

الله يسهلك ويفرجها عليك والله ما ادرى اش اقولك بس انصحك بالدعاء والاستغفار
ولاتنسين الدعاء اثناء الم الولاده الله يسهلك مستجاب

 

[مرت ولد الحموله]

اختى خلاص ردت برد مضحكـ اضحك الله سنها
شوفي انا عندي واحد لو عندي اشغال الدنيا ما ينفذها الا بطلعة الروح لكن عنده في نفس الوقت خيل لو ايش مايخليها كل يوم لوه مشغوووول لحد راسه لازم يمر عليها ويتونس بها تبين الصدق صرت اغار منها ههههه
وبعدين انتى استعملي اسلوب المساومه معه علشان يحس بدمه

 

[لولو2211]

انا نففففس مشكلتك ونزلت موضوع قبل كم يووم وماقصرو الصبايا

الاستراحه شي طبيعي
اشغلي نفسك استمتعي بوقتك
اذا رجع قولي له اشتقتلك و خلييك مبسوووطه لا تعاتبينه وللا تزعلين
سوووي اشيا يحبها و خلي جوكم داايم حلو

وا

 

[لولو2211]

واذا عن المساومات زي ما قالو البنات كلميه بهدوووء

بالتوفيق حبيبتي