أول اسبوع من زواجنا .. اكتشف ريلي كم معاشي وانه اضعاف اضعاف معاشه ( واكيد انا اللي قلتله هالشي من غبائي )
قال لي : " لو أدري انه معاشج هالكثر ما كنت تزوجتج " .
وعرفت انها (وحده بوحده) لاني كنت قايلة حق اخته " لو أخوج اصغر مني ما بوافق آخذه .. لاني مابا آخذ واحد أصغر مني" لانه ذكرلي هالموضوع ومقهور من كلامي ..
وبعدها بيوم وحنا يالسين نسولف قام قال لي
" انتي وايد تسرفين وتصرفين عالفاضي والمليان .. شرايج تجمعين مبلغ عشان تستفيدين منه عقب " ..
قلتله " اوكي فكرة حلوه بس كيف " ..
قال " لا تصرفين على اهلج خلاص وخليهم يعتمدون على نفسهم اخوانج لين متى بتعطينهم ..والبطاقة لازم ما تكون عندج عسب ما تسحبين " ..
قلت " خلاص بخليها عندك عيل " ( وانا كان قصدي انه ما في فرق بيني وبينك وانا وانت واحد وفلوسنا واحد غباء مستفحل فيني )
قال " خلاص ييبيها ألحين .. وكل شهر بعطيج مبلغ اللي تبينه والباقي بنخليه وبنجمعه للمستقبل وللمشروع اللي تبين تسوينه"
وسلمته بطاقتي البنك .. وعقبها باسبوع دق علي وهو بالشغل فليل " شرايج تغيرني البنك "..
"وليش أغيره .. الاسلامي أحسن " ..
" انتي تبين تسوين مشروع والبنك الاسلامي ما بيعطيج المبلغ اللي تبينه ..وهالبنك بيعطيج "
بعد ما فكرت قلتله " اوكي .."
قال " عيل حبيبتي بالمره سويلي توكيل بنكي "
قلت " ليش اسويلك " ( هني صراحة مارتحت حق الموضوع )
قال " حبيبتي انتي تبين تسوين مشروع وتبين تستلفين مبلغ ومب فاضية كل يوم بتستأذنين من المدرسة ..وانا بخلصلج أمورج كلها "
قلتله " صح كلامك من هالناحية.. خلاص بشوف "
قال " لا ييبي ألحين ورقة قلم وكتبي شو بقولج .."
ويلس يمليني وين اسير في البنك وشو أطلب وقال لي خذي جواز سفري واخوي بيمر عليج وبيوصلج البنك الصبح كوني جاهزة "
صكيت التلفون وانا متضايقة .. ما عيبني الموضوع بديت احس انه في شي غلط ومو مقتنعه اسويله التوكيل أبداً "
المهم اليوم الثاني الصبح مر علي اخوه ووصلني البنك .. فتحت حساب يديد وعقبها طلبت اسوي توكيل بنكي لريلي لكني سألت الموظفة اذا كنت اقدر ألغي التوكيل عن طريق التلفون قالتلي " لا .. لازم تكونين انتي موجودة"
الموظفة لاحظت ترددي واني مابي اسوي التوكيل .. فسألتني هذا ريلج واشرت على اخوه .. قلتها " لا هذا اخو ريلي " قالتلي " هو وينه " قلتلها "هو محد الحين في الشغل وبيرد عقب اسبوع " .. ردت علي " عيل ماقدر اسويله التوكيل لازم يكون هو موجود وثنين شهود ومدير البنك " .. ابتسمت لي وابتسمت لها .. فديتها تبا تساعدني ..
طلعت من البنك وانا متشققة لاني ما سويتله التوكيل .. دق علي يسألني قلتله ببراءة "ما طاعو وطلع الموضوع صعب لازم انت تكون موجود وشهود وغيره " .. قال لي " تزهبي السبت الصبح انا ياي بمر عليج وبنسير البنك"
قال لي : " لو أدري انه معاشج هالكثر ما كنت تزوجتج " .
وعرفت انها (وحده بوحده) لاني كنت قايلة حق اخته " لو أخوج اصغر مني ما بوافق آخذه .. لاني مابا آخذ واحد أصغر مني" لانه ذكرلي هالموضوع ومقهور من كلامي ..
وبعدها بيوم وحنا يالسين نسولف قام قال لي
" انتي وايد تسرفين وتصرفين عالفاضي والمليان .. شرايج تجمعين مبلغ عشان تستفيدين منه عقب " ..
قلتله " اوكي فكرة حلوه بس كيف " ..
قال " لا تصرفين على اهلج خلاص وخليهم يعتمدون على نفسهم اخوانج لين متى بتعطينهم ..والبطاقة لازم ما تكون عندج عسب ما تسحبين " ..
قلت " خلاص بخليها عندك عيل " ( وانا كان قصدي انه ما في فرق بيني وبينك وانا وانت واحد وفلوسنا واحد غباء مستفحل فيني )
قال " خلاص ييبيها ألحين .. وكل شهر بعطيج مبلغ اللي تبينه والباقي بنخليه وبنجمعه للمستقبل وللمشروع اللي تبين تسوينه"
وسلمته بطاقتي البنك .. وعقبها باسبوع دق علي وهو بالشغل فليل " شرايج تغيرني البنك "..
"وليش أغيره .. الاسلامي أحسن " ..
" انتي تبين تسوين مشروع والبنك الاسلامي ما بيعطيج المبلغ اللي تبينه ..وهالبنك بيعطيج "
بعد ما فكرت قلتله " اوكي .."
قال " عيل حبيبتي بالمره سويلي توكيل بنكي "
قلت " ليش اسويلك " ( هني صراحة مارتحت حق الموضوع )
قال " حبيبتي انتي تبين تسوين مشروع وتبين تستلفين مبلغ ومب فاضية كل يوم بتستأذنين من المدرسة ..وانا بخلصلج أمورج كلها "
قلتله " صح كلامك من هالناحية.. خلاص بشوف "
قال " لا ييبي ألحين ورقة قلم وكتبي شو بقولج .."
ويلس يمليني وين اسير في البنك وشو أطلب وقال لي خذي جواز سفري واخوي بيمر عليج وبيوصلج البنك الصبح كوني جاهزة "
صكيت التلفون وانا متضايقة .. ما عيبني الموضوع بديت احس انه في شي غلط ومو مقتنعه اسويله التوكيل أبداً "
المهم اليوم الثاني الصبح مر علي اخوه ووصلني البنك .. فتحت حساب يديد وعقبها طلبت اسوي توكيل بنكي لريلي لكني سألت الموظفة اذا كنت اقدر ألغي التوكيل عن طريق التلفون قالتلي " لا .. لازم تكونين انتي موجودة"
الموظفة لاحظت ترددي واني مابي اسوي التوكيل .. فسألتني هذا ريلج واشرت على اخوه .. قلتها " لا هذا اخو ريلي " قالتلي " هو وينه " قلتلها "هو محد الحين في الشغل وبيرد عقب اسبوع " .. ردت علي " عيل ماقدر اسويله التوكيل لازم يكون هو موجود وثنين شهود ومدير البنك " .. ابتسمت لي وابتسمت لها .. فديتها تبا تساعدني ..
طلعت من البنك وانا متشققة لاني ما سويتله التوكيل .. دق علي يسألني قلتله ببراءة "ما طاعو وطلع الموضوع صعب لازم انت تكون موجود وشهود وغيره " .. قال لي " تزهبي السبت الصبح انا ياي بمر عليج وبنسير البنك"
