هذا رأيي
بلقيسية مميزة وعمدة استفسارات الأنماط
- إنضم
- 14 يونيو 2009
- المشاركات
- 2,694
ممكن تقولي لي ايش نمطي ونمط خطيبي يا ابله ؟
انا -
كسولة ولكن لو قمت اعمل شي احب اخليه مميز وغير ما يتوقعوه مني الناس
احب الترتيب والنظافه ولكن فعليا غرفتي مقربعه شوي ولكن اعرف مكان كل شي
بطيئه الغضب وبطيئه الرضا
لي صديقات ولكن افضل ان هما الي يبادرو بالتعرف عليا مو انا , ونادرا ما ابادر انا بالتعرف
فرفوشة والكل يحب كلامي ويضحكو < فكاهيه
احب التقنيه والاشياء الحديثه
احب القرائه والتفكير والتخيل
احب الفت الناس لي واشوف اني مميزة بذوقي وغالبا الناس تعجبهم ملابسي
اوقات اكون جالسه واتخيل شي ممكن يصير واعيشه وووو الى ان ابكي وينحرق قلبي من جد خخخخخخخ هههه
احب اشوف اللون الاصفر احسو مهم
-
جنوبيه غربيه
خطيبي -
بطيئ , له اصحاب معدودين , يقول ما يخرج كتير يحب جلسه البيت
يحب ابوه ومتعلق بشخصيته , ويشوف امه مميزة
مايحب الثوب . يحب الجنزات والتييشيرت
ماهو بخيل على نفسه , ويحب السفر ويحب امريكا ومعجب بيها
يحب التحليل والمناقشة بالامور , وكلامه مرتب ومنظم جدا ويقنع ,
يتأخر ويحب النوم
احسو فيه شي من الجنوبية مدري بقولك وانتي شوفي , يمكن قلت لك معلومات ناقصة
رومانسي , ودايما يمدح نفسو وانو رومنسي وانو الشب البطل , والجميل , والذوق
يحب النووووم وممكن ينام - ما شاء الله تبارك الله - اوقات طويله الى 10 ساعات
كسول ويتأخر عن العمل , احسو يعرف يملك قلب المرأة , واحسو لازم يعيش وهو يحب وينحب
تعجبه المرأه الي لها كبرياء في مشيتها وفي نفس الوقت يحب البنت انها تكون صغيره وفي اعمار 16- 18 - ويحب وجهها كيوت وفيها براءه -
كثير يتكلم انو عندنا عادات غلط لا تسمن ولا تغني من جوع وانو ماهي عاجبته الاوضاع والناس في البلد وانهم حسودين وهمج وما يقدروا العلم والابداع
يشوف نفسو مبدع
دايما يقولي راح اعمل لك واسوي لك واخليك اسعد انسانه وانتي مراح تندمي >> مدري تطبيل وزبرقه ولا من جد هههههه
لمن يزعل يبغاني اراضيه ويتغلى كثير
جاته فتره يتكلم في الفلوس وانو لو اشتغلت هل راح اعطيه من مالي ولا لأ
حنون , ويراضيني لو زعلت , ولو يوم ما كلمته يتصل عليا فينك وفين رسايلك - ما شاء الله تبارك الله -
واوقات امزح معاه انو ببطل من الزواج يقول ( افا) وكدا ,,
جنوبي غربي
وبالتوفييييييييق ياعروس