ميته قهر من زوجي

[عذبة الروح1]

السلام عليكم ورحمة الله وبركاته


بنات انا كثير مضايقه
يوم ميلادي مر وزوجي ماهداني شي

قاهرني امي اهدتني طقم ذهب زحظرته خبر خير لاتقولون يمكن نسى عارف التاريخ زين
وقالي كم عام وانتي بخير حاف وايده فاضيه

دوم احسه يستكثر علي مع انه عنده ومعاشه زين بس هو بخيل
واعنده ذوق والله كرهته بصراحه

لو هو يحبني وشاريني كان مابيقصر معاي


الحين السالفه اني طرشتله مسج وقلتله اني زعلانه لامه ما اهداني وامي اهدتني

تتوقعون هالاسلوب مو اوكي اني اقارن

 

[رازيا]

الله يهديكي والله حسيتك وحدة فاضية شغل انصحك تروحي تقرئي سورة البقرة على الاقل تاخذي اجر بدل تضيع الوقت والشكوى من زوجك المسكين لانه نسي يهديكي صارلي متزوجة سنين عمره ما اهداني شي ولا متت ولا صار فيني شي الزوج مو ضروري يهدي زوجته هدايا يكفي انه ما يقصر عليكي في البيت ويعطيكي حقك في الفراش كتعبير عن الحب لك ويهتم باولادك ويراعي مشاعرك ويحترمك اهم شي
اقدم لك دعوة تروحي هنا على قسم الاستشارات الزوجية وتشوفيه مشاكل البنات والخيانات والزواج الثاني على الزوجة وضرب الزوجة وبعدين راح على طول تحمدين الله وتشوفين مشكلتك ولا شي جمب هذي المشاكل
انصحك روحي صلي ركعتين شكر لله واشكري الله على هذا الزوج وبعدين يكفي انه امك اهدتك خلاص مو ضروري زوجك يهديكي وخليكي انضج واعقل من هذا التفكير وحاولي تزيدي قراتك وثقافتك لانه الحياة الزوجية ما توقف على الهدايا نعم حلو انه الزوج يهدي زوجته والعكس لاكن مرات يمر الواحد بضروف ينسى اسمه مو عيد زواج او عيد ميلاد
ممكن توصليها له باسلوب هادي بدون ما تكبري الموضوع وتنكدي على حالك

 

[كحولة]

يا اختي الله يهديج، الحين راح تقيسين حب زوجج لج بالهدايا ؟؟!! افرضي ماعنده ، افرضي نسى ، افرضي انه ذاكر التاريخ بس ما يبغي يشتري وشو المشكله ؟؟!! لا تشغلين نفسج بتوافه الامور واحمدي ربج على النعمة اللي انتي فيها غيرج عنده بلااااوي وصابر ويقول اللهم لك الحمد والشكر .

 

[ابي اسجل وبسس]

لا تهتمين
الحياه الزوجيه الاساس في نجاحها هو التغاضي عن الامور التافهه
يعني تبين تعيشين مرتاحه ؟؟؟ اجل طنشي بعض الاشياء ...

موفقه

 

[أحبج يالكويت]

عذبه اهم شي الافعال تسبق الاقوال

 

[زمـزم]

الله يهديكي والله حسيتك وحدة فاضية شغل انصحك تروحي تقرئي سورة البقرة على الاقل تاخذي اجر بدل تضيع الوقت والشكوى من زوجك المسكين لانه نسي يهديكي صارلي متزوجة سنين عمره ما اهداني شي ولا متت ولا صار فيني شي الزوج مو ضروري يهدي زوجته هدايا يكفي انه ما يقصر عليكي في البيت ويعطيكي حقك في الفراش كتعبير عن الحب لك ويهتم باولادك ويراعي مشاعرك ويحترمك اهم شي
اقدم لك دعوة تروحي هنا على قسم الاستشارات الزوجية وتشوفيه مشاكل البنات والخيانات والزواج الثاني على الزوجة وضرب الزوجة وبعدين راح على طول تحمدين الله وتشوفين مشكلتك ولا شي جمب هذي المشاكل
انصحك روحي صلي ركعتين شكر لله واشكري الله على هذا الزوج وبعدين يكفي انه امك اهدتك خلاص مو ضروري زوجك يهديكي وخليكي انضج واعقل من هذا التفكير وحاولي تزيدي قراتك وثقافتك لانه الحياة الزوجية ما توقف على الهدايا نعم حلو انه الزوج يهدي زوجته والعكس لاكن مرات يمر الواحد بضروف ينسى اسمه مو عيد زواج او عيد ميلاد
ممكن توصليها له باسلوب هادي بدون ما تكبري الموضوع وتنكدي على حالك

انا مع الاخت رازيا
وربي ردودك في الصميم
جزاك الله خيراً​

 

[غدا نلقى الآحبة]

مااخذنا من الغرب وغير المسلمين الا توافه الامور ,,

يااختي شو يعني يوم ميلادك ويوم الحب ويوم الزواج وووو

هل فرض فيه الهدية ؟؟ وهل يستحق تكرهين زوجك من اجل ذلك ؟؟

احمدي ربك اعطاك اغلى هدية الي هو زوجك ,, هل شكرتي الله عليها وحمدتيه ,,

غيرك محروم من نعمة الزوج ,, وانتي انكرتي فضله من اعطاءك المتعة وكافيك مؤونة الاكل والشرب ووو
وحاسبتيه على الهدية ,,

للمسلمين عيدين فقط ,, واكيد زوجك بيعطيك عيدية فيهم .. وباقي الايام غير مجبور يهديك الا من طيب خاطره ..

لاتدعي فرصة للشيطان يحرش بينكم على المشاكل والحب والهدايا لاتقف على يوم معين يكفي المحبة القلبية والكلمة الحانية ,,

 

[نضوج أنثى]

ياقلبي الرجال ماتهمهم هالأمور مثلنا ولا تقولين مايحبني بسبب هديه لا تجيبين لنفسك المشاكل طالما يعاملك زين ويلبي طلباتك هذي اكبر هديه احمدي ربي عليها الباقي يهوون لا تصيرين حساسه وتشغلي نفسك بأمور سطحيه

 

[عذبة الروح1]

الحمد الله رب العالمين

ويسلمووو اختي عالرد

 

[-موج-]

حبيبتي كان قلتيها باسلوب مزح وبشكل مو صريح وبدلع...وبالتدريج تعرفين اطباع زوجك فقد يكون من النوع التقليدي مايحب هدايا وغيره وهذا شئ عادي ان كان غير بخيل....وانصحك لا تصارحين زوجك ولا تصرين على امور جانبيه في حياتكم لانه سيتبع اسلوب العناد معك بعدها الا ان كان الشئ ضروري..

 

[بهيره الموسى]

احمدي ربك شوفي مصائب غيرك والاحتفال بيوم الميلاد مو شي اساسي

 

[@ميموالسوله@]

هههههههههه زوجي يدري وقالي كل عام وانتي الحب وبسسسسسس وماقلت له ليش ماجبت هدية وهو بنفسه بعد اسبوع جاب لي لاب توب يعني كان صبرتي وهي مو مشكله احمدي ربك واللع عاطيك وجهه زيادة زوجك

 

[حلم احلامي]

زوجك اكبر هديه لكي ...حافظي عليه

 

[دانية الحلوة]

عادي كل الرجال مثل بعض طولي بالك

 

[لمن يجرؤ]

حبيبتي العقل زينه والحمكه مطلوبه

انا زوجي بعيد ميلادي ما اخذلي شي

مع انه اخذ لزوجته عطور

وجا وخبرني ان الفلوس ما تكفي اجيبلك هديه قلت له بعد عمري والله مابي الا شوفة عيونك
ولا كبرت السالفه مع اني اكيد حز في نفسي
بس والله هالامور ترى عاديه تصير
وانا وزنتها بعقلي وقلت ليه اضيق نفسي عشان هديه وهو ما مخلني محتاجه اي شي ويحبني
وترى الرجال ما يتذكرون هالمناسبات واحيانا ما تجي على بالهم

كبري عقلك والله ترى الموضوع خير شر ما يسوى
​

 

[جرحني حبيبي]

ربي يعينك ويهديلك الماس

 

[لمن يجرؤ]

والله ميمو ضحكتيني

انا زوجي هم قالي حاف كل عام وانتي بخير وقالي ابشري بالهديه بس مو هديه بفلوس قلت له عيل هديه شو

قال انا كلي لك اليوم هديه وضحك والله قلت هالريال سياسي نمبر ون

مع اني توقعت يجيبلي ذهب او اي شي

 

[السندرله]

يابنات اعياد الميلاد لاااااااااايجووووووز الاحتفال بها

 

[ғ α η т ά s ч ♥]

غدآ نلقى آلأحبة ؛ رازايا ~{ يسسسلمو غ ـــآإليآتي

عن جد أبدعتو بالردووود

و أنا أقول لك > من شاف مصيبة غيره هانت عليه مصيبته

في القسم ذا بالذات اقري المواضيع كويس و بعقلك مو بقلبك

و احمدي ربك عالنعمة

مدري بس أحس زوجك أخذ فكرة عنك إنك تافهه < اعذريني عالكلمة بس هذا المتوقع من أي رجال

=(

الله يهديك قلبو

​

 

[دلوعةزوجي]

رازيا سلمت اناملك ياعسل