مايسوى علي جبت خدامه

[وبشر الصابريـن]

السلام عليكم ورحمه الله وبركاته​

حاولت اكتم بقلبي ولاقدرت قلت افضفض لكم شوي​

الموضووع مافيه انا تزوجت واحد على قد حاله ولماتزوجت صار ياخذ راتبي ويعطيني مصروفي​

تقريبا اخذ نص الراتب طبعا غلطت واكثر من مرة حاولت اعدل الوضع ماقدرت وبصراحه ريلي ماعنده ولا ريال يعني صج محتاج والصراحه مومقصر معاي كل شي ابيه اشتريه​

المهم​

من سنه طلبت خدامه لاني موضفه ولاالحق على ولدي والبيت وللعلم انا اسكن عند اهل ريلي​

وكل مرة يماااطل ولاشفت شي وياما تهاوشت معاه على هالسالفه حسيت طاح من عيني لانه كذب علي في هالسالفه​

والحين قال باجيب لج وحده لاني افكر احمل فصعب وضيفه ويااهل وحماال وانا نص حملي اترقد في المستشفى​

وصار له شهر ولا قدم حتى طلب لخدامه​

اهلي عندهم وحده لكن ماتبي تشتغل لان البيت كبير فقالت ابي اساافر لكن انا خذتها لانها مااشاء الله عليها شااطرة وهي اثيوبيه​

لكن شرطت الخدامه ماتشتغل الاعندي مب للبيت كله وقلت لها اوكيه ​

الحين اهل ريلي ماعجبتهم الخدامه ويحنون يبون يطفشونها ولانها ماتشتغل لهم بس لي تضايقوا صاروا يحطون فيها الف عيب​

والخدامه والله يابنات نضيفه وشغلها ماشاء الله عليه تمام​

لكن الغيره وماتسوي​

وامس تهاوشت معاه وقلت له ترا انا ماقصرت معااك غرقتك فلوووس والحين على خدامه تناشب لي حاول يتفااهم معااي بس كل كلامه مامنه فايده​

انا باجيب ل احسن منها اهي ماتعرف تشتغل اهي مو نضيفه نفس كلام اهله​

وتهاوشت معاه ومن امس مايكلمني واحس شايله بقلبي كثير​

والخدامه ياتني تبجي تقول ماما عود يصارخ علي
​

بصراحه انا ماابي اتنازل عن الخدامه وعن حقي​

حتى لواادخل ابوي بالسالفه ​

فشنو تنصحووني اسوووي​

 

[نــور عـيـونـه]

قوليله من عيوني اسفر الخدامة بس بشرط اشوف خدامتي الجديدة داخلة علي

يعني خليه يقدم لك على خادمة واذا جات لعندك وشفتيها بعينك سفري اللي عندك..

بس حطي ببالك لو صار هالشيء يعني بتصير الشغالة للبيت كله وممكن تجيك مشاكل من وراها

إذا شايفة ان الوضع يحتاج تدخل من ابوك دخليه بس والله ماتسوى على شغالة..

لكن بيني وبينك زوجك محتاج شدة شوي يعني مدري وشلون راضي يصرف عليكم من راتبك ومع ذلك مايدلك

ويجادلك في حقك اللي جبتيه بنفسك لنفسك..

استهدي بالله واعرفي كيف تتصرفين مع هذا الوضع صعبة كل هذه المشاكل بسبب خادمة

الله يصلح أحوالكم وينور بصيرتك يارب



نـــور عــيــونــه

​

 

[وبشر الصابريـن]

اخت نور اولا مشكورة على ردج

وانا عارفه ومتاكده انه لو جاب خدامه بيشغلها للبيت كله عشان مايجب لاهله خدامه

انا فاهمه زوجي وعارفه حركاته

عشان جذيه انا مصرة على خدامتي

 

[تشكرات]

الله يعينك حبيبتي >>أمسكيه من ايده اللي تعوره ..وأشرطي عليه >>اذا سافرت الشغاله الاثيوبيه >> يجيب شغّاله ( أغلى منها بالاستقدام والراتب ....ولمّحي له أن ( راتبك يغطّي ) لأغلى منها ..وخلّيكي قويّه ولاتضعفي ..( هذا حلالك وانتي حرّه فيه ) ....بعدين انتي الله يهديكي كان المفروض من البدايه ماتعطيه كل راتبك يتصرف فيه على كيفه ..بتصرفك هذا >>خلّيتيه يتحكم في كل أمورك ..الآن >> هددّيه بس بطريقه ملتويه وغير مباشره >> بأنك راح تتصرفي براتبك على كيفك ..وبعد فتره أسحبي حلالك شويّه .شويّه ..ورجّعي الامور لنصابها ولوضعها الطبيعي .....حتى تصيري انتي المتحكمه في الوضع مو زوجك واهله ....وربنا يفرج همك وينصرك عليهم يارب

 

[وبشر الصابريـن]

مشكورة اختي تشكرات لكن انا عجزت عنه صراحه ومليون مرة اخذ بطاقتي وعقب يومين ياخذهالانه ماعنده

وان صراحه ماراتاح لكل خدامه هذي اعرفها من قبل لااتزوج وفاهمتها فليش اجيب لي وحده صعب اثق فيها

وغير جذيه بتشتغل للبيت كله

 

[رازيا]

الله يعينك حبيبتي >>أمسكيه من ايده اللي تعوره ..وأشرطي عليه >>اذا سافرت الشغاله الاثيوبيه >> يجيب شغّاله ( أغلى منها بالاستقدام والراتب ....ولمّحي له أن ( راتبك يغطّي ) لأغلى منها ..وخلّيكي قويّه ولاتضعفي ..( هذا حلالك وانتي حرّه فيه ) ....بعدين انتي الله يهديكي كان المفروض من البدايه ماتعطيه كل راتبك يتصرف فيه على كيفه ..بتصرفك هذا >>خلّيتيه يتحكم في كل أمورك ..الآن >> هددّيه بس بطريقه ملتويه وغير مباشره >> بأنك راح تتصرفي براتبك على كيفك ..وبعد فتره أسحبي حلالك شويّه .شويّه ..ورجّعي الامور لنصابها ولوضعها الطبيعي .....حتى تصيري انتي المتحكمه في الوضع مو زوجك واهله ....وربنا يفرج همك وينصرك عليهم يارب

مع هذا الرد ومع رد نور عيونه

 

[رازيا]

عزيزتي شوي شوي وبالصبر والتفاهم ان شاء الله يصير اللي تريديه استعيني بالله وتوكلي عليه واهل زوجك اكسبيهم بالهدايا والمعاملة الطيبة وموضوع الخدامة بس يكون رايق وهادي زوجك كلميه بهدوء ووصليله وجهة نظرك

 

[وبشر الصابريـن]

مشكورة اختي رازيا والله يعطيج العافيه

لكن ريلي من النوع الي كلامه غير فعله يعني كله يعطيني على قد عقلي وعقب يسوي الي يبيه

انا صبرت سنه واكثر ولاحصلت منه شي صراحه الصبر ماعاد ينفع بهزمن

 

[ايمي الدلوعـــه]

تفاهمو بهدوء على انك من حقك انك تطلبين لنفسك شغاله ولو بغى يجيب

لاهله يجيب لهم وحده نظيفه

على قولتهم وقولي له لازم تفصل بين حياتي وياك وحياتك مع اهلك حتى لو

كنا بنفس البيت

وهذا مو يعني اني مااحبهم بس انا لي حريتي انت ماتبغى راحتي؟؟

وحاولي تهدين النقاش وان حسيتي ان الانفجار قرب قفلي الموضوع صعبه

تصرفين على اهله بعد

الا ان بتعطينهم احسان منك وانتي راضيه طبعا ....

الله يعينك استخيري واستشيري وبتلاقين حل انشالله...

 

[الاميرة ريمي]

ياكره اهل الزوج اذا يبغوا شي مو لهم وياكره الزوج اذا عاطينهم وجه
قول هم عايشين بدون خدامة الحين صاروا يبغوا خدامتي
وثانيا المسكينة عندها طاقة ما تقدر تغطي
يبغوا يجبوا من فلووسهم

 

[منه]

خبريه خلاص اذا ما تريد الشغالة استقيل من الشغل واجلس بالبيت ارتاح واربي عيالي لأنه ما أتحمل شغلين مرة وحدة
شوفي ايش ردة فعله طبعا هو متعود على راتبك ما يقدر يستغنى عنه
فخليه هذا شرطك تسفر الشغالة أستقيل

 

[**سجىالاسحار]

شوفي حبيبتي انتبهي تسفرينها اولآلانك تعرفينها ومرتاحه لها ثانيآ لانهالوسافرت مارح يجيب لك شغاله واذاجاب رح يطلعون اهله نفس العيوب لانهم يبونها تشتغل عندهم وبعدين مو من حقه ياخذ راتبك انتبهي لان من اسباب زواج الزوج على زوجته او خيانته لها تضحيتها بمالها له تذكرين قصة الاخت وله وعتاب الدكتوره ناعمه لها لتخليها عن راتبها لان زوجها محتاج خذي البطاقه منه وعطيه انتي مصروف هذامالك انت

 

[الخط الفاصل]

إذا أنت ساكنة مع أهله ببيت واحد استقلي بحياتك وكل شي بيصير تمام

 

[دلوعة عمرو]

البنات ما قصرو

رفع

رفع

 

[شفت كثير]

تمسكي بها وزوجك باين عليه ضعيف شخصيه واذا اهله ودهم في شغاله يقدمون لهم وحده وقولي له شرعا انت ملزم لي بشغاله وانا كفيتك لاني اعرف ضروفك بس في النهايه انت ادرى بحياتك وضروفك بس ادعي الله يجعل لك مخرج وراتبك ماله حق فيه انت حاولي تسحبينه منه على دعوه انك داخله في جمعيه او انك تساعدين اهلك حتى يتعود انه مافيه شئ ويلقى حل

 

[مييسو]

دام انك تعطين زوجك نص الراتب استأجري بالنص الي تعطيه بيت لك لحالك افضل وعيشي مرتاحة

 

[راما فلسطين]

تفاهمي معهم لتصلي لحل يرضيكم سوا وربي يسر امورك​

 

[وبشر الصابريـن]

الله يجزاكم خير يابنات صج خففتوا علي

اخر التطورات رضا يخلي الخدامه بس قدم على خدامه ثانيه

انا عارفه ممكن باي لحظه يحطني قدام الامر الوقع ويطير الي عندي ويجيب االخدامه الجديده عشان تكرف للكل مب لي انا

واذا على السكن اهو في امكانيه نستقل بالسكن لكن هو يقول مستحيل يطلع من اهله

والقهر اهله ياخذون الخدامه وشغلونها كانها خدامتهم ومسكينه اتيني تبجي تقول كله يصارخون علي

 

[LALA2008]

شوفي ياقلبي إذا جاب شغاله وانتِ اللي تدفعين راتبها وقاعده تكرف هنا وهناك قووووووووووولي ما راح ادفع لها ولا ريال وخليها عندهم وهو يتصرف

 

[الماسة ذهبيه]

مادمتي ساكنه مع اهل زوجك يعني ماراح يكون عندك ذاك الشغل الكثير

جناحك بس وباقي البيت لست مسؤله عنه ولاباس من المساعدة

وولدك اذا رحتي الدوام راح يكون عند ام زوجك

يعني واعذريني من رايي ان الشغاله مالها داعي

ولاتزعلين مني

هذه وجه نظر

تحيااااااااااااااااااااااااااااتي​