يارب صبرني عليه

[شامخه في عزابوي]

اخواتي البلقيسات ارجوكن ساعدني احس نفسي ضايعه
وانتن الي بترشدني وتدلني لطريق الصحيح
مشكلتي زوجي ...
قبل لاتكلم عنه هو كان متزوج قبلي ومطلق وعنده بنت يوم خطبني انجن لين وافقت عليه وقدملي مهر وشبكه غاااااليه من كثر مو متشبث انه ياخذني
تزوجنا وكنت الاحظ انه يتلفظ علي وكنت اهاوشه في بدايت الامر لين ماصرت ارد عليه بالمثل المهم هو طيب وحنون انا منكر الشي هذا بس عليه تصرفات واساليب تقهر اذا شاف شي حلو عندي قال اعطيه امي وانا اعطيك حقه او اهديه لسلفاتك وانا اجيب بداله تعبت معه
حملت منه وولدت عند اهلي الي كانو رافضين ولادتي عندهم ويوم جاني بالمستشفي يزورني كان متضايق من المبلغ زودوه شوي قام عصب وقال الله لايعيده من حماله جرحني
وسكت المهم الحين صار يطري الزواج كثير بوجهي وصارت مشاكلنا كثيرة يخلي البيت فندق يجي ينام وياكل ويطلع تعبت احيان يقول وهو معصب يله لمي عفشك اوديك لهلك واحيان يهددني اذا حصل لبنتي شي اني لوديك لهلك
في البدايه اذا علت علية يجي يترجاني لين ارضا اما الحين يطنشني
وانا بصراحه مو قليلت شر معه لانه مو ذوق ولايعرف يتعامل معي برومنسيه
تعبت من جد احيان اقول اروح لهلي بس افكر اهم مايبوني وكيف اشتت بنتي وانا حامل بعد مادري كيف اتعامل او اتفاهم معه وبعدين لاتقولون تفاهمي معه كل مرة احاول اتكلم معه يحط الموضوع بشكل مزح تعبت معه باختصاااااااار
وش الحل بوجهة نظركم خواتي

 

[احب اكون مبسوطة]

اقرأي سورة البقرة وعندك موضوع عن فضلها
كاتبته الاخت (اصدق احساس )الله يجزاها الجنة واحنا معاها ياااااارب........




بنية انو الله يسخر لك زوجك و الاستغفار
والله يصبرك

 

[ام صفاء]

هلا الغاليه
ماذكرتي اسباب طلاقه الاول .... ولم نعرف فارق السن بينكم ولا مدى الثقافه بينكم
ثانيا زوجك من الشباب اللي تربوا على امتلاك كل شي بسهوله والتفريط فيه بسرعه
وايضا من الشباب اللي تربوا بدلع وهذا واضح من حبه لامه بالطريقة اللي كتبتيها
بالنسبة لمشكلتك هي بسيطه جدا ... حاولي تتجاهلي الموضوع بطريقة ما
حتى لا تترسخ في ذهنك بأنها كبيره ,,,, خاصة وان زوجك في نهاية الموضوع يقول لك انها مزحه
افرضي عليه حبك للاشياء ورفضك لبعضها
وترها الحياة الزوجة شراكه وليست حياة كامله .. بمعنى انتي لك اسلوبك وهو له شخصيته واسلوبه
تحياتي لك يا الطيبه وربي يزرع في بيتك السعاده وراحة البال

 

[كاتياباسل]

والله دام أهلك مايبونك شتسوين بعد الشكوى لله مالك غير الله وزوجك
مع أني أستغرب تصرفات بعض الأهل،،،ليش يرخصون بنتهم؟؟؟
الشي الثاني أنتبهيييييييي تبينين له أن أهلك ماراح يتقبلوك لو رحتي لهم،،،كذا راح يستهين بك،،،دائما اللي يحسون لها ظهر وسند يهابونها ويهابون أهلها
وزوجك دامه طيب وحنون معك لا تدققين بتصرفاته الثانية،،،لأن بصراحة مافيه رجل كامل لااااابد تحصلي عيوب
وأنتي معترفه أنك مو قليلة شر>> يعني كليكما غلطانين

 

[*..الحلوة..*]

هلا وغلا اولا جمعة مباركة للجميع ........
ما اعرف احس المشكلة بسييييييييطة وحلها ابسط
غاليتي انا اقول انه الاحترام المتبادل اساس الحياة الزوجية وما يأتي الاحترام الا لما نحنا نحترم انفسنا اولا ثم يحترمنا الاخرون مثال
بدا هو بالغلط عليكي اسكتي ولا تقولين شي لييييييييييش لانه ما عندك لسان لا ولا لانك ما تعرفين تردين لا تعرفين ليش لانه القوي اللي يملك نفسه عند الغضب ولانك مستحيل تنزلين مستاوكي مستوى الكلام البذي بالعكس اذا قال مثال يا حمارة قوليلها وانتي تضحكين الحمار في قفص حديقة الحيوانات ههههههه اما انا دلوعة فلان خليه يعرف انج واثقة من نفسك وانك تحبين انه يحترمك بطريقة راااااااااقية وبيصير لا شعوريا هادي ابتعدي عن الصريييييييييييييخ والصوت العالي تكلمي بصوت منخفض لانه الصوت العالي يدل على انج مش واثقة في نفسك وتريدين تغلبينه بالصوت اما الهدوء دليل الثقة دايما اطلبي كل شي بدلع مثلا حبيبي ممكن تجيبلي انا وامك هالشي يعني عشان يتشجع يجيب وحسسيه انج تحبين امه وااايد اذا قالج اعطي امي هالشي قوليله والله ما اعطيها ايها امك تستهال جديد عيل اعطيها هذا المستخدم عليه اروح معاك واشتريلها بنفسي ردي عليه باسلوب حلو وحازم وخلاص انتهى الموضوع انشا الله اكون افتدك تحياتي :
*..الحلوة..*

 

[قمر بلامنازع]

الله كان في عونك​

 

[شامخه في عزابوي]

اخواتي الغاليات الله يخليكن لي وعلى رددودكن الي اثلجت صدري

احب اكون مبسوطة
ام صفاء
كاتيا باسل
الحلوة
قمر بلا منازع
باتشي وقهوه
كل الشكر والامتنان لكن

 

[بـ*ـرق]

نفس التفكير رعاها الله

 

[بـ*ـرق]

أقصد ان الاحترام اساس الحياة الزوجيه

 

[hadifa]

والله دام أهلك مايبونك شتسوين بعد الشكوى لله مالك غير الله وزوجك
مع أني أستغرب تصرفات بعض الأهل،،،ليش يرخصون بنتهم؟؟؟
الشي الثاني أنتبهيييييييي تبينين له أن أهلك ماراح يتقبلوك لو رحتي لهم،،،كذا راح يستهين بك،،،دائما اللي يحسون لها ظهر وسند يهابونها ويهابون أهلها
وزوجك دامه طيب وحنون معك لا تدققين بتصرفاته الثانية،،،لأن بصراحة مافيه رجل كامل لااااابد تحصلي عيوب
وأنتي معترفه أنك مو قليلة شر>> يعني كليكما غلطانين

هذا ما كنت أود قوله جزاك الله خيرا