احساس انا زوجي شمالي غربي مايحب الحوار ولا النقاش بس يبي هو اللي يتكلم
وينفذ كلمته علي
واذا بقيت الشي مايجيبه لي الا لازم حنه وهواش وصراخ ؟
نفسي مره اطلب حاجه ويجيبها لي بهدوء ويكون مبسوط ومستانس
بس مدري ليه اسلوبه كذا ومعاملته مره جاف معاي
يعني نقعد مع بعض فوق 3 ساعات مانتكلم ولا كلمه << الحوار معدوم بينا
.
.
وش الحل معه ؟
شوفي عزيزتي أنا زوجي شمالي غربي مثل زوجك وأنا جنوبية شرقية بس أعتقد إنت غربية
المهم الشمالي الغربي عشان يتحاور معاج لازم يشوفك مثقفة واعية يثق في آرائك وكلامك وإلا للأسف يتمسخر عليج وعلى أرائك ويجرحك .
إنت عزيزتي محتاجة تعززين ثقتك بنفسك وذلك من خلال القراءة نعم حبيبتي اقري الكتب اللي تساعد في هذا الجانب اختاري الكتب اللي تحسينها مفهومة بالنسبة لك
وأنا أنصحك بالكتب أكثر من الإنترنت لأن الكتب تكون بتوسع أكثر وفيها أمثلة وتمارين وشوي شوي بإذن الله بتبدأين تطبقين
في كتب تعلمك كيف تقولين كلمة لا لأن الجنوبي ما يعرف يقول لا كل همه رضاء الآخرين ما يحب يزعل أحد عليه.
فيه كتب كثيرة إذا عجبك الموضوع خبريني وأنا بإذن الله بطرشلك أسماء كتب أعرفها .
إنت اشتغلي على شخصيتك وبعدين بإذن الله بتشوفين أمور كثيره في حياتك مع زوجك صارت أسهل.
الله يوفقك
الله يوفقك
