انقذوا صديقتي..

[حلاتــ بسموذاتي]

:tears::tears:السلام عليكم :
أخواااااتي أنا أبي أستشيركم بشي محتااااااره شو أسوي بخصوصه بقولكم المشكله.... أنا سويت لصديقتي أيميل عشان تدش فيه المسن هذا الشي كان قبل أكثر من سنه المهم قبل فتره قالت ضيعت الرقم السري الخاص بأيميلها وسألتني أنا أتذكره وأنا قعدت أتذكره وجربت أفتح أيميلها وفتحته _هنا المشكله شفتها مضيفه شباااااب كثير عندها وأنصدمت من هالشي _للمعلوميه أنا وصديقتي هذي أفترقنا قبل سنه بدون سبب هي كانت تبي هالشي وصارت علاقتنا عادي مجرد سلام بينا_وأنا اللي دايم أروح لها طول هذي السنه وأدق وأرسل هي مستحيل تجي تسلم أو تدق_وأنا قعدت أحاول معاها طول سنه كامله عشان نرجع لبعض بس هي رافضه بدون سبب أسألها ليش تقول بس كذا_ المهم أنا قررت أطنشها زي ماسوت وأريح نفسي من جرحها لي الدايم_المشكله هنا أنا محتاره أخاف أكسب أثم عشان سويت لها الأيميل وصار وسيله تتصل فيه مع الشباب_أنا محتاره هل أنصحها أو أطنش الموضوع_أو شو أسوي تكفوووووووووون دلوني شو أسوي _لو أنصحها راح تتنرفز وتعصب علي أنا أعرف طبعها_لا تقولون يمكن من اهلها لالا كانت زمان تحكي لي انها تعرفت على شباااب بالشاااات
بس ماتوقعت ان علاقتها تطور معاهم للمسنجر واعرف اسمائهم وانا شفت نفس الاسماء الايميلات المضاااافه عندها..
تكفووووون ساااااااااعدووني

 

[عاشقة البحرzhd]

في طريقة اتوقع انها تكون سليمة :
بما انك تعرفي الباسورد تبع ايميلها ادخلي على ايميلها وغيري الباسورد واذا سألتك قولي لها ماادري نسيته ..
واذا قالت لك سوي لي واحد ثاني حطي تركها لك عذراً انها ماتستاهل انك تسوي لها ..
وان شاء الله تكون هالطريقة مفييده وخبريني ماذا يحدث معك .
؟
تقبلي مروري واتمنى اكون افدتك

 

[القايدة]

غيري باسورد وريحي بالج
واذ سالتج قوليها انا سويت لك وخلاص مب مشكلتي اذ نستي
واذ قالتلج سويلي ايميل ثاني قوليها مشغوله مب فاضيه
و موضوع انج تاخذين اثمها لنج سوتلها لا تخافين من هالشي لنه مب نيتج يوم سوتلها ايميل انها تتعرف على شباب
ومب ذنبك اذ هي راحت سوت جي
وبعدين ولا تزر وازرة وزرا الاخرى
يعني مايخصج في موضوع ذنب
وهي خسرانه ثاني شي يوم قالتلج نبتعد
تدرين ليش لنه يمكن تسحبج وياها بنفس درب
سبحان الله يمكن خير حقج تتبتعدين عنها
وعلى موضوع نصيحه كل واحد عقله براسه يعرف خلاصه
واذ تبين لها خير حاولي وياها بطريقه غير مباشره
يعني مره سولفي لها و قوليها قصه بنت تعرفت على واحد بالشات وسوا كذا كذا وياها
مره انتي تتسولفين وياها بس مب بنفس فتره الايميل
عشان ماتشك انج عرفتي باسورد وكذا
عسى ربي يهدي ربيعتج ويوفقج

 

[حلاتــ بسموذاتي]

عاشقة البحر.....القايده
مشكوووووورين حبيباتي على ردكم وباذن الله راااااح اسوي زي ماقلتم واغير الباسورد واشوف شوراح يصير.....

 

[يابعدها سماي]

مااتوقع انها تعجز لا تسوي ايميل ثاني
لو ما طلبت من احد اقلها تسأل قوقل !!

ليه ماتواجهينها باللي عرفتيه وتنصحينها
وصارحيها بدون حجج قولي الايميل غيرت رقمه
لاني ماارضى اساعدك في المعصية

عليك فقط النصيحة
ماتدرين يمكن تتأثر بكلامك وتستجيب
ان ما تغيرت البعد عن هذي النوعية غنيمه

 

[المتجدده37]

مااتوقع انها تعجز لا تسوي ايميل ثاني
لو ما طلبت من احد اقلها تسأل قوقل !!

ليه ماتواجهينها باللي عرفتيه وتنصحينها
وصارحيها بدون حجج قولي الايميل غيرت رقمه
لاني ماارضى اساعدك في المعصية

عليك فقط النصيحة
ماتدرين يمكن تتأثر بكلامك وتستجيب
ان ما تغيرت البعد عن هذي النوعية غنيمه

هذا الحل السليم

وإن قالت:ليش تدخلي في خصوصياتي
قولي:أنا كذا رضيتي ولا مارضيتي وأكملي مشوارك لوحدك
وللا بقول لأهلك

 

[انسه طفشانه]

دام علاقتكم ماهي زي اول خلاص قولي نسيت الباسوورد وطنشي الموضوع
وهي حره

 

[سوسو الصغيرة]

ايووون
انا رأيي من رأي الاخوات اللي قالو غيري الباااس ورد وقولي ماتذكرته وهيك
والله يهدي الجميع

 

[bado0our]

شوفي قلبي اهي صديقتك اولا لاتسكتي انصحيها لو تعصب عليك لو ايش يصير
تحملي لان صديقتك ع منكر لازم تغيرينه لاتيأسي الكلام الطيب بينفع معاها بس انتي انصحيها ولاتخلينها تغلط وحاولي تتقربي لها يمكن اهي تحتاج وجودك وانتي بعيده عنها وتروح تلجا لناس ماتخاااف ربها
صح زي ماقالوا الاخوات غيري الباسورد بس حتى لو ايش لاتتخلي عنها هاذي صديقتك وانتي انصحيها وادعي لها ..
اسال الله ان يهديها ويهدي بنات المسلمين يارب
ويساعدك على فعل الخير

 

[لبيهـ يالغلا]

انا اوافق الاخت المتجدده
الله يكون بعوووووووونك

 

[حكاية فن]

كوني واثقه في نفسك
ومثل ما هي كانت واثقه كثير لما تركتك سنه كامله
وبعدها جاتك تبغى منك تفتحيلها الايميل
انتي لازم تكوني واثقه
انتي ثقتك في الحق وهي في الباطل

مثل ما قالوا الاخوات
غيري الباسوورد ولا تخبريها عنه وقوليلها نسيتيه وخلاص

 

[*أميرة الورد*]

حبيبتي قولي لها انك نسيتي الرقم السري
او غيريه
لاتاخذين ذنبها
وماراح يجي بالها انك غيرتيه

 

[عاشقة البحرzhd]

عاشقة البحر.....القايده
مشكوووووورين حبيباتي على ردكم وباذن الله راااااح اسوي زي ماقلتم واغير الباسورد واشوف شوراح يصير.....

قولي لنا ماذا حدث معك ؟؟
والله يعطيك كل خير .. ويرزقك على قد نيتك