شوروا علي حياتي ع المحك!!!

[غربيه شماليه]

مسا الخير
بنات !!!!!!!!!!!!!!!!!!!!!!!!!
الرجال سحب علي كني انا الغلطانه
جا وعطا اخوي المصروف وساااااااافر
وش اسوي؟؟؟؟؟؟

 

[غربيه شماليه]

وينكم؟
ردوا علي
نوروني

 

[غربيه شماليه]

معقوله
ولا رد!!!!!!!!!!!!!!

 

[مييسو]

الله يصلح مابينكم .. سؤال اهلك عندهم خبر بالضرب ولا ؟؟؟

 

[غربيه شماليه]

ايه
امي علمتها ع طوووووووول
بس ابوي ما علمته الا لما الرجااااااااااااال سافر

 

[الحنونة 1]

الله يكون بعونك ويفرجها عليك بس لاتسكتين على مدة اليد

 

[Layoola]

الضرب ما ينسكت عليه عزيزتي لا ديننا ولا نبينا يرضاها علينا !!

 

[مييسو]

ايه
امي علمتها ع طوووووووول
بس ابوي ما علمته الا لما الرجااااااااااااال سافر

خلاص دام اهلك عرفوا بالموضوع وهذا هو الصح انك علمتيهم مدت اليد مو سهله الموضوع الحين بيد ابوك وامك لاتسوين شيء من وراهم ولاتكلمينه من وراهم عشان يحسب لك حساب المره الثانيه ويحس ان وراك رجال ان كان يبي الصلح يجي لابوك وحطي شروطك وبالنسبة لنا اذا الزوج ضرب الزوجه ماترجع له الا برضاوه وغالبا ماتكون درزن غوايش واذا حالته الماديه تعبانه تكون ست غوايش >> بناجر .. مجاول

 

[شاي بالحبك]

بيرجع لك ان شاء الله
بس اذا ضربه لك مبرح ربيه
واذا عادي انسي الموضوع..
وبالنسبه لما هزئك قدام اخواته افضل لك<<<بستغربين صح؟؟!!
تعالي اقول لك ليه؟؟
لانهم كانوا يحسدونك عليه
بس يوم يهزئك قدامهم افضل
لانهم بياخذون فكره انك مو مرتاحه مع اخوهم ودايمآ يخاصمك وبيرتاحون من هالناحيه
وبيبطلون حسد
ويستحسن انك تطلعي مع امك للسوق عشان ماعاد تروحين معاهم
واذا حسيتي انهم راح يروحوا معاك كنسلي الروحه وبالاخير انتي كسبانه
بس بقول لك على شي لاتجيبي اسمهم على لسانك لابخير ولا بشر
واذا قال لك بروح باخواتي السوق قولي الله يوفقكم
ومن كيد النساء
قولي تعبانه او مصدعه بعيد الشر عنك
بس مره ثانيه ووقت اكون فيه نشيطه
او بيزورني احد..واذا محد زارك قولي اعتذروا الناس جاهم ضيوف هههههههه ؟؟
او جاني خمول كذاونامي .............وكملي من عندك
واذا سمعتي انهم طالعين لمكان او معزومين فرصتك انك تروحي لحالك
واش رايك؟؟
لاضرر ولا ضرار
؟؟​

 

[غربيه شماليه]

شاي بالحبك
الله يسعدك وينولك مرادك
بصراحه ردك يبرد القلب ((خصوصاً))
من ناحية التهزيء

بس انا اللي قاهرني وابي اعرفه
متى بيطري عليه يكلم او يسال؟؟

والله شككني بعمري ((انا)) الزعلانه ولا ((هو))

من جد عرفت اني مالي داعي

لو اني من البدايه حاطه حدود بيني وبينهم
وبيني وبينه ((كان)) ما صار اللي صار

كنت اسعى انه تكوووون بيني وبينه مياااانه
عشان اعرف علومه

واكتشفت اني اخر من يعلم باخباره واخبار اهله

زي اللي يقول مالك دخل فيني
الناس اقربله في السواليف مني

الله يعين

 

[اخت أخوها]

اختي الفاضله شماليه غربيه اسعد الله مسائك ..لا تتكدري ولاتعطي الأمر اكثر من حجمه وريحي اعصابك فهو مخطيء ويعرف انه مخطيء ولكن لم يواجه ولم يتصل لأنه يخشى ردة فعلك لأنك لم تردي على إتصالاته فظن انك كبرتي الموضوع عند اهلك ففضل الصدود على المواجهه ..نصيحتي لك عيشي يومك واسعدي ابنائك ومن حولك فكثرت تفكيرك فيه وفيما حصل سيجعلك تشعرين بالذنب ولا تحسنين التصرف

 

[غربيه شماليه]

مشكوره ياخت اخوها ع المرور
انا الحمدلله عايشه يومي
عندي الدواااام و عيالي (اكبر همي )

بس يعني انا مو ملك ولا جماد
انا بشر
لازم احس واتسآءل
لانه بجد موقف يقهر

الله يعين

 

[شاي بالحبك]

هو الحين يخاف من المواجهه
بس خلي اولاده يكلمونه انهم محتاجينه
وبكذا بيحس انه ماصاير شي قوي
ويمكن يرسل لك رساله..اعتبريها اعتذار منه
بس لاتردين عليه بسرعه خليه ربع ساعه ..
ترى اذا سأل عن الاولاد او ارسل رساله يعتبرها اعتذار اقبليه
وبعدها حلي الامور بينك وبينه ببساطه
وحطي بينك وبينه حدود
اسأل الله ان يصلح ذات بينكم ​

 

[الــحــائــرة]

والله ثم والله ان سكتي عن اول ضربه بتصيرين رخيصه عنده عالطالعه ونازله بيصير يرفع يده من الحييييييييييييين وقفيه عند حده وعلمي احد عاقل بالاهل وهو يتصرف
واعرف وحده يوم ضربها زوجها راحت لاهالها وخذا وعد من اهلها مايضربها ودفعته فلوووووووووس تعويض على ضربها يعني رضاوه
وحررررررررررم بعدها يمد يده عارف ان وراها فلووووس خخخخخ

 

[غربيه شماليه]

خلوكم معي

شاي بالحبك
الله يوسعها عليك
البارح نغمت له ع جوااااااله
(بعد ثقل 2دقيقتين)
الاخ رجع دق
ع طووووووول عطيت الجوال بنته تكلمه
اكذب عليك اذا قلت لك اتصاله ما حرك فيني شي
احس اني مشتاقتله:e136:

بعد اللي سواااه وافكر فيه
:e052:

الحااائره
الرضاااوه فكرت فيها بس الاخ مو معطيني فرصهمخليني زي هالصوره (مهبوله)
اخاف بمجرد انه يكلم او يدورني بطش نفسي عليه

الاخ متثيقل
ضربني وبكى سبقني واشتكى:sly:

احس ان الرجااااااااال عندهم قوة صبر و طوووووووول نفس مب عند الحريم


متى بس يطيح بيدي:a115:
والله لاطلع حرتي فيه بس هو يجي:a043::a049:

خلوووكم معي
آزرووووني
وقفو معي والله اني زهقااانه حتى اخوااني يسألوني
ما كلمك ما أرسل ؟؟؟؟؟

وقفوا معي

 

[غربيه شماليه]

وينكم يا بنات

 

[الجده الصغيره]

تكبير السالفه عند اهلك مو من صالحك..كبريها بينك وبينه...حااسبيه على مدة إيده...بس ابقول لك شي..كلش ولا تهزين رجولته عند اهله..انتبهي...

 

[غربيه شماليه]

كلامك يالجده الصغيره
ذكرني بشي بقوله لك
لما كنا في السوق كان يصارخ ويهزئني
وانا ما ابغى اتكلم واقول شي يزعجه
اقدر اوصل له ردة فعلي بدون كلام
فكنت اوصلها له بالنظرااااااات
بس
بيني و بينه ما ابغى صورته تهتز قدااااام قطيع اخواااته
بعكسه هو هزئني قدامهم
لا مره ولا مرتين

 

[غربيه شماليه]

بنات وينكم ؟
لو وحده عندها مشكله تتمنى ان فيه حد يعبرها ويرد عليها

اكييد ما تتمنى ان الناس تجي تقرا وبس !!!!!!!!!!
انا ما كتبت الموضوع زيادة ثقااااافه للعضوااااااات
انا كتبته ابغى خبرة العضوااااااااااات

اعتقد الفرق واااااضح!!!!!!