محتاره وش السوات

[قويه بايماني]

مساء الخير

وعيدكم مبارك

ملخص حكايتي .. متزوجه من 19 سنه
وعندي 5 اولاد وبعد هالعمر طلقني بدون مااعرف لمدة ثلاث اسابيع وبعدين بلغني
هو متزوج من 8 سنوات عنده 4 بنات من الثانيه وانا متضايقه من زواجه لكن تحملت عشاني احبه كنا ساكنين ببيت ملك وباعه لانه انفصل من عمله بعد زواجه بسبب سفراته الكثيره لزوجته لانها كانت في بلد ثاني
بعد ماجابها لبلدنا قلت له لا تسكنها بنفس الشارع لاني انسانه اجتماعيه وماابغى اشوفها بين الجيران
وماابغى اشوف سيارتك عندها ولاتشوف سيارتك عندي تجنب للغيره

طبعا راح سكننا مع بعض
كانت تحاول تغيضني بدخولها قسمي وكنت اطلب منه انها تحترم نفسها
ماحاولت اكلمها احترام له
وهي بالعكس تصرخ بصوت عالي عليه عشان نسمعها

واهله بالمقابل يحبوني اكثر ومفضليني عليها لانها ماتحترم احد
وهذا شي قاهره

( علما بانه طلقها مرتين ورجعها )
الشعره اللي قصمت ظهر البعير هي ان بنت اخته تزوجت وعزموني اهله وماعزموها
طبعا هو ما جا للفرح مؤازرة لها

بعدين رحت لاهلي كم يوم عشان اريح اعصابي
لما رجعت لقيت البيت مكركب واغراضنا مكسره
ماتكلمت معاه بناتي صارو يسالون ابوهم ليش كذا قال اخواتكم الصغار سوو كذا معليش( يقصد بناتها)
قالو هذول مش اخواتنا احنا ما نحبهم
صار يصرخ عليهم بصوت عالي عشان تسمع زوجته انتو ماتسمعوا الكلام انا مفضلكم عليها بس انتم ماتقتنعون
مسكت كتفه احاول اهدئه وقلت وطي صوتك ( بصوت هادي) صرخ علي قال هذا كله بسببك انت خربت الاولاد علي وكرهتيهم فيني عاجبتك عيشتك معاي والا انقلعي بيت اهلك

دخلت غرفتي وما كلمته

بعد ثلاث اسابيع كان جالسها عندها ناداني وقال انا طلقتك ذاك اليوم ولا تجيبين طاري لاي احد
ولا حرجعك الا اذا كتبتي لي ايميل عن الاشياء اللي احبها واللي اكرهها لانك صرتي ماتسمعين كلامي وغيركذا مالك رجعه

قلت مابين الازواج ايميلات بيننا غرفة نوم تكلم ونحل مشاكلنا
قال انا انسان مو فاضي لك ولخرابيطك
وبهذي الفتره توفى زوج اختي الكبيره ولا عزاني ولا كلمني
...
انا عارفه ان طلاقي عشان شي واحد عشان يرضيها وانها هي افضل مني وعشان يعوضها انها ماراحت الفرح

ولما قال لاتقولي لاحد عن الطلاق عشان مااحد يتوسط بيننا عشان ينتشر خبر طلاقي وتنبسط ويحبوها اهله
لكن اهله قالو له حنا مارح نستقبلها وفعلا ما شافوها من ذاك اليوم ولا كلموها بالتلفون
الحين صار لي سنه من اتطلقت وانا عند اهلي واولادي عند ابوهم


الحين الاخ طالب انه يرجعني
وانا محتاره ودي ارجع عشان اولادي تعبوا من المرمطه بيننا
بنتي الكبيره صار يجيها خطاب وترفض عشان انا موعنها
بناتي الصغار انحط مستواهم بالمدرسه لانه مااحد يتابعهم
وانتقل لهم قمل من المدرسه لا نه مافيه اهتمام بهم
ولدي سقط بالمدرسه مع العلم انه كان متفوق

لكن كيف اهلي رافضين لانه مافيه سبب لطلاقي وع قولتهم اللي خلاه يرضيها بطلاقك ممكن يرضيها بشي اعظم انت مو لعبه عنده


والله محتاره ودي ارجع عشان بناتي وانا بصراحه عاتبه عليه وشرهانه عليه

ساعدوني بحل ارجوكم

وادعوا لي بظهر الغيب ان الله يلم شملي باولادي بغير ضراء مضره ولا فتنة مضله

 

[كل دنيتي اسرتي]

الله يكون بعونك اختي والله مشكلتك كبيره انتي استخيري الله وسوي الاي انتي شايفه انه يناسبك ما احد يقدر يعطيك حل وانتي الاي عايشه الازمه فيه مشاكل يكون حلها الطلاق هو انسب شي في حالتك هذي انتي جربتي انك تجلسين معاه وشفتي كيف يهينك وانتي ام عياله عشان وحده الله العالم وش مسويتله وضع زوجك ما هو طبيعي واضح انه مسحور بس انا من راي انك تشرطين عليه بيت لك انتي وعيالك مستقل وبعد قوليله تجي تشوف عيالك وما ابي منك الا مصروف وانا خلني اربي عيالي حسسيه انه مالك رغبه فيه ترى الرجال اذا شاف ان الحرمه بايعته يركض وراها لا ويتعدل بس اهم شي قوليله شرطي بالرجعه بيت لي انا وعيالي حتى لو كان شقه وخليك قويه وربي يسهل امورك​

 

[ام غلاوي2]

الله يعينك اختي والله حالتك صعبة الله يفرجها عليكي اذا بترجعي ارجعي له عشان خاطر اولادك ولا هو مايستاهل انك ترجعي له

 

[اميرة وردية]

الله يعينك ويفرج عنك
استغفري كثير واستخيري
انا اشوف ان كلام كل دنيتي سليم وعين الصواب ان شاء الله
استخيري واعزمي واهلك فهميهم وضع اولادك
الله يلم شملكم ويقر عينك
امين

 

[بنت دادي*_^]

أستخيري الله .

وقولي له :
انا لو افكر ارجـــع برجــع عشان بناتي..!
{وماتدري يمكن يتغير حالو ويكون افظل من اول}

الله يسهل امورك ويفرج همك دنيا واخـــرهـ .

 

[الزوجه الاولى]

حبيبتي الله يكون في عونج والله يجمعكم ويلم شملكم والله قادر يبدل حزنج ابسرور وانه فرج الله قريب حبيبتي استخيري وبعدين خذي القرار الي يريحج ويناسبج انتي وعيالج والله ييسر امرج

 

[قهررر]

حسبي الله عليهاا وعليه

الله يهديهم لك ولاياخذ اعماارهم << مقهووورة



استخيري وسوي اللي يريحك

ولا دقي على استشاري وشاوريه وهو يدلك على الصوواب


حنا تقريبا مثل حالتكم بس امي مارجعت له


الله يكون بالعوون بس ويفرجها علينا وعليكم

 

[قويه بايماني]

الله يجزاكم خير

مشكوره ع ردودكم اللي تبرد القلب

كل دنيتي اسرتي

ام علاوي 2

اميره ورديه

بنت دادي

الزوجة الاولى

الله يجعلها في ميزان حسناتكم
بس كيف اقنع اهلي لانه هو في مدينه واهلي في مدينه ثانيه
ما ودي اعصيهم عشان انا محتاجه لهم
وماودي ارجع لمدينتنا لان الوالده تعبانه من بعدطلاقي جت لها جلطه وهي بالعنايه المركزه وخايفه اسافر مااشوفها لاني الحين يوميا اروح لها واقرى عليها

الله يرفعها ويجمع لها بين الاجر والعافيه

 

[ام اسامة وابي]

الله يفرج همك اختي ويخير لك ويختار عليك بباب الرحمان استخيري وان شاء الله ربي يكتب لك الخير

 

[قويه بايماني]

حبيبتي قهر يسرني مرورك ع صفحتي

انا رحت لمركز النخبه بس المشكله كل زياره ب 200 وماتجلسين تتكلمين الا ويقول الوقت انتهى اقل من ساعه
ولاحسيت ان عندهم حل لان المشكله في شخصية الرجل
الحل اللي عطوني اياه طنشيه خلي اهلك يوفرون لك بيت مستقل وياثثونه واستقبليه كضيف
انا صرت اوفر الاشياء الضروريه مثل المكوى والغلايه وهذا قهره زود وقال كلشي دخل بيتي من دون اذني يطلع بسرعه وقلت هاي اشياء ضروريه مااقدر استغني عنها قال انا مااسمح هاي الاشياء تدخل بيتي طلعيها والا اطلعي معها ..وطلعتها ومع ذلك طلقني
ومالقيت استشاري عن طريق الهاتف

وكيف حالكم انتم بعد طلاق امك ووين انتم ساكنين عندها والا عند الوالد؟؟

 

[قويه بايماني]

الله يفرج همك اختي ويخير لك ويختار عليك بباب الرحمان استخيري وان شاء الله ربي يكتب لك الخير

الله يجزاك كل خير

 

[دلوعة بآبي]

الله يفرج همك يااااااااااااااااارب,,

 

[رهومــا]

اشرطي بيت الحالك وارضاااااااااااااااااوة ولا تهينين نفسك

 

[فجروغروب]

الله يفرج همك ويعوض صبرك خير

 

[دلوعة عمرو]

والله ما ادري ايش اقلك مالك الا الصبر والدعاء

قولي حسبي الله ونعم الوكيل اللهم اجرني في مصيبتي واخلفني خيرا منها والله يعوضك في عيالك خيرر

 

[كل الاسامي فيه]

طيب ليش ما تشترطين بيت بمنطقة اهلك وخوذي عيالك عندك وقولي له ما ابغى شيئ منك غير مصروف عيالك

 

[قطـــــريه]

اختي شلون تبين ترجعين حق انسان ما يبي يرجعج اصلا ؟ معليه عيالج و و ادري مصلحتهم قبل اي شي ثاني والله كاسرين خاطري هاليهال بس اختي لازم الحل يجي من اهلج تفاهمي معاهم اذا تقدرين تفتحين بيت في نفس المدينه عند اهلج وتجيبين عيالج وخلي اي حد يتوسط ويكلم مرته عن هالموضوع لانها ماتصدق تفتك منهم وقولي لها ماتبين مصروف منه وكل همج العيال والله يجيب اللي فيه الخير بس كلام هلج صح للاسف وعين العقل ..

 

[لون الربيع]

حلوة فكرة انك تشرطي بيت قريب من اهلك وتاخدي عيالك يمك وتعوضيهم
ولو حسيتي تحقيق الفكرة صعب مو مشكلة ترجعي بس بشروط تحفظ لك كرامتك
وهم لو انك شفتي ان الخيرة برجوعك ماراح تضرك وانه بيعشك معاه معززة مكرمة
لاتتردي عشان خاطر الاولاد بس لاترجعين الا مرتبة امورك كلها ومرتاحة لقرارك

 

[سكن قلبه]

الله يكون في عونك

 

[S.smsm]

اشرطي لك بيت بعيد عنها
او هوه يطلع ببيت بعيد عنك

اشرطي مااااااااااااال رد اعتبار
وخليه يجيك ويستسمح منك قدام اهلك

وخليك قريبه من امك وصدقيني الله بيعوضك ع روحتك لامك ووقوفك جنبها..

الله يفرج همك ويردلك عيالك.