بنات اللي تبي تجيب طوييل الشنب من اي نمط على وجهه تدخل

[ياعمري ابيك]

انتظر ردك حبيبتي الله يوفقك

بالعيد كيف اتصرف

احنا مو متزاعلين

وكيف الغي طبعه القذر بتطنيش المناسبات

ممكن اعرف ليه تبي تتصلي عليه او ليه تبيه يتصل عليك وليه تبي ترسلي له مسج ؟؟؟؟؟

 

[نحو السعاده.]

ممكن اعرف ليه تبي تتصلي عليه او ليه تبيه يتصل عليك وليه تبي ترسلي له مسج ؟؟؟؟؟

عشان العيد وعشان لايحس اني مطنشته متعمده

بس اكيد ابي يتصل احد يكره يتدلع بالعيد:32:

 

[ياعمري ابيك]

عشان العيد وعشان لايحس اني مطنشته متعمده

بس اكيد ابي يتصل احد يكره يتدلع بالعيد:32:

طيب ليه ما تتركيه هو يتصل ويعايدك ؟؟؟؟؟

 

[نحو السعاده.]

مااااااااايتصل

ولامره سواها

وانا زهقت بغير هالعاده

 

[ياعمري ابيك]

طيب يعني من شان هو ما يبادر انتي تبادري صح ...... لذا بقول لك الحل من الاخر لا تدقي عليه مررره مره مره اذا دق ردي وبس اذا تبي تغير طبعه كيف تغيري طبعه وانتي للان تبادري لازم ما تتصلي من هنا ورايح وبقول لك ترا بيطول معاك الوضع سنين لانك انتي اللي خربتي على نفسك بالمبادره المستمره ........... وطنشي كلام البنات يحسبك انك مطنشته طيب هذا انتي ترسلي له كم سنه ما قلتي مطنشني عموما اقري فوق عن الاتصالات وافهمي وشكراااا

 

[نحو السعاده.]

طيب يعني من شان هو ما يبادر انتي تبادري صح ...... لذا بقول لك الحل من الاخر لا تدقي عليه مررره مره مره اذا دق ردي وبس اذا تبي تغير طبعه كيف تغيري طبعه وانتي للان تبادري لازم ما تتصلي من هنا ورايح وبقول لك ترا بيطول معاك الوضع سنين لانك انتي اللي خربتي على نفسك بالمبادره المستمره ........... وطنشي كلام البنات يحسبك انك مطنشته طيب هذا انتي ترسلي له كم سنه ما قلتي مطنشني عموما اقري فوق عن الاتصالات وافهمي وشكراااا

بعد ماكتبت لك الرد قلت في نفسي لو هو تصرفه مو صحيح ماكان شغلني

وقررت طنااااااااش

ومعاك حق بكل حرف

اشكرك حبيبتي الله يوفقك

حتى لو قال

اهو يعرف ان هذا مو طبعي وان رده فعل من تصرفاته فأنا معذوره مقدما

الله يسعدك يااارب

 

[ميمونة3]

ما شاء الله عليك حبيبتي """" يا عمري ابيك """""
استفدت كثيـــــــــــــــــــــــــــر منك ياغالية

اجا دوري هسة

انا متملكة صارلي فترة وكاعدة اشتري جهاز العروسة وغيره والفلوس مو مكفيتني وكلما افاتح خطيبي بالموضوع يقولي ما عندي فلوس ولما يصير عندي ما اقصر عليك واغرقك بالفلوس والذهب واللبس (( كذبة كل الشباب ))
لان خطيبي عنده مصلحة (( بزنس مشترك )) وينقط الفلوس علي بالقطارة بحيث والله العظيم تجي علي ايام اكرهه لاني ما اطيق الانسان البخيل مع العلم معروف عنه بالكرم !!!!!
تخيلو اشترى لبنت اخوه لعبة بـ 70 دولار بنفس اليوم اللي طلبت فيه بس 20 قلت له محتاجه هالمبلغ ضروري .. للعلم انا بالعادة اخذ اكثر بس مر علي ظرف طارئ محتاجه فيه هالمبلغ البسيط
ولا حياة لمن تنادي

واكثر من مرة اكعد معاه يا ابن الناس انا محتاجه فلوس اجهز والسوق غالي واللي تعطيني مو مكفيني وطلبت زيادة ويظل يقولي بس الله يرزقني مع اني لما قلت له اريد زيادة قالي من عيوني ولما اجيت اريد استلم مصروفي قلت له وين الزيادة قال من الله يرزقني

وقلت له العيد جاي واريد ملابس العيد قالي من يجي العيد الله كريم !! ادري رب العالمين كريم مافي اكرم منه بس متى بلحق اشتري انا اشتري ملابس العيد ؟؟!!!

يعني حسيت نفسي كاعدة اتشحد منه !!! وكرهت نفسي من ورا هالاحساس
ومرة من المرات طنشت وقلت خليني ما اطلب اشوف شو يسوي

طلع الوضع عاجبه ومتناسي سالفة المصروف !!!!!!!!!!!!

يعني اذا اطلب ينقط علي واذا ما اطلب واثقل يتناسى الموضوع من اساسه

حتى مفكرة بهذا العيد ما اروح واعايد اهله ولا ازورهم لاني عن جد ما في فرحة بقلبي واذا سألوني راح اقولهم ما اشتريت لبس العيد وما الي نفس اطلع

مع اني انا مشترية ملابس جديدة بس مخبيتها لبعد العرس ان شاء الله يكون عندي شغلات جديدة البسها
بس والله العظيم مقهورة على نفسي ليش لحتى اطلع من ملابس شنطة الجهاز والبس بالعيد مع انو سي السيد مو معايدني ولا مشتريلي شي ؟؟


ما ادري شسوي !

ساعدوني

 

[دلـــوعـــة]

شكراً عالموضوع اللي فيه أشياء أتفق معك فيها
الثقل حلو .. بس مو لدرجة إن زوجي ما يحس بمكانته عندي وغلاته
ويحس إني كتلة جامده ما عندي مشاعر وأحاسيس
وأنانيه جدا ما يهمني إلا نفسي
ولا أسمعه بحياتي كلمه حلوه
صحيح المفروض الوحده تهتم بنفسها أولاً ثم زوجها
لاكن مو تهتم بنفسها وتهمل زوجها وتخليه مجرد وسيلة راحه ورفاهيه
الوسطيه حلوه بكل شي



والبنات اللي تقولين عنهم مخفات وتستهزئين فيهم ..
هم خلقوا عاطفيات وولدوا عاطفيات
إن كنتي ماقريتي مسبقاً عن بوصلة الشخصيه اقري عنها
- ولو إني متأكده إنك مطلعه عليها -
بتعرفين إن كل هالبنات اللي مسميتهم مخفات هم إناث جنوبيات بحتات يفيضون مشاعر وأحاسيس
وسيلتهم للتواصل مع الطرف الثاني واكتساب حبه الكلام الحلو والليالي الرومانسيه
ووسيلتهم للتعبير عن حبهم وشوقهم وعتابهم وزعلهم
برظو بالكلام الحلو والرومانسيه
وشكرهم للطرف الآخر برظو بهالطريقه

زي ما إنتي - كما يبدو -
شماليه بحته آخر شي يطري على بالك بالحياه
- هذا إن طرى -
العواطف والمشاعر والرومانسيه
ومن كلامك .. أحس إن فيك حب لذاتك لدرجة الأنانية
يعني أهم شي إنتي والباقي بالطقاق

إنتي خلقتي كذا وهم خلقوا كذا
وهذا ما يخليك تستهزئين فيهم وتهينينهم

ولو كان الجفاسه طبيعتك وطبيعة ردودك كذا
هم بعد هاذي طبيعتهم وطبيعة تعاملهم كذا
و تستغربين

اختي
اسمحيلي ادخل عرض وارد على كلامك باعتبار اني جنووووووبية شرقية بالقووووو
وحاسة ومقدرة تماما كلامك عن العاطفيات ومشاعرهم واحاسيسهم ... بس مو دايما تكون تصرفاتنا صح
لازم الواحد يعيد حساباته
بقول لك شي
انا كان لي تجربة حب سابقة ... ما اقولها للمفاخرة او المجاهرة .. والحمدلله تبت من زماااان وانتهت بفضل الله
بس راح اعطيك تجربة واقعية
كنت تماااااااما مثل اللي معترضة اننا نقول عنهم مخفات
لاصقة فيه 24 ساعه .. اذا تزاعلنا عشان مايطول الزعل لاني احس بضيق كل مامر يوم زيادة
فتلقيني انا اللي دوم ابادر بالمصالحه
المسجات وما ادراكي ما المسجات واذا ارسلت مرة ومارد علي بتكون ليلتنا سودا وزعل ونكد وهذا غير ان دموعي على طول تنزل ويسميني البزر

وياما نبهني لهالشي وانا اوعده وامشي على وعدي يوم واثنين وارجع لطبيعتي
هذا غير الغيرة القاتلة اللي ادت الى الشك والتفتيش والتنبيش
رغم اني ما القى عليه شي بس صار مرض
وهو يقول لي ترا انتي راح تنهي اللي بينا بايدك وانا اطنش
كنت شايفته ومو مصدقه
ما اقعد مع اهلي عشان ابقى 24 ساعه اكلمه
طلعات مع صاحباتي بالمرررة قاطعت الناس عشان ابقى معاه
حتى السوق اخلص بسرعه عشان ارجع واكلمه
اذا متزاعلين تسود الدنيا بوجهي وماالقى ولا شي يسعدني
دوم اقول له انت اللي تسعدني وانت اللي تعذبني الله يخليك ما ابي تكون تعاستي بسببك
احمله مسؤولية سعادتي دوم واذا ضايقني لازم احسسه بالذنب
وياما ياما ياما تزاعلنا على اشياء تااااافهة وكبرت بيننا واااايد ... واغلبها كنت انا السبب فيها
وهذا غير متعمد بل لاشعوريا
كان هو مصدر الامان والسعادة عندي
وياما ياما ياما نتهاوش ويكون هو الغلطان واتراجع بكلامي وواصالحه ... ماكنت قد كلامي وعشان جذي ماصار لزعلي معنى
ومن كثر ما ازعل صار لقبي عنده النكدية
وانا والله العظيم ان هذا كله نابع من حبي له ( ما اتخيل حياتي بدونه ) ... بس هل هالطريقة بالحب كانت صحيحة ؟؟
انتي تدافعين عن الجنوبيات وانهم عاطفيات وانا معك لاني مازلت جنوبية بس غيرت كثييييييير من تفكيري والحمدلله
يعني اذا الجنوبيات عاطفيات زيادة ويعبرون عن المشاعر بزيادة هذا شي مو زين لان في شي اسمه الذكاء العاطفي
وابشرك بالاخير فعلا تركنا بعض لهالسبب لانه ماقام يتحمل ... مستحيل يمر يوم مانتهاوش ( مع انه كان يموت فيني واتحمل مني كثيييير وياما اشتكى لربيعتي عني وانه يحبني واني كثير انكد عليه بس شو فادني حبه لي مع هالخفة واللصقة اللي انا فيها ؟؟ الحين اتذكر كيف كنت واكره نفسي اقول صدق لصقة حشى شو يي بوحدة مثلك)
وحتى لو اقول له اموت فيك وهذا كله نابع من حبي يقول ترا هذا مو مبرر
انتي خنقتيني يقول صرت حتى اذا بروح مع ربعي اروح وانا متكدر بسببك لان ولا مرة خليته يروح وهو مبسوط
كله اقول له الحين ربعك احسن مني ؟؟ ماتمل معاهم ؟؟ ليش ماتهتم فيني اكثرمنهم ؟؟ وغيره من هالاسئلة اللي فعلا لقيت انها غبية
تدرين اذا كنا نتكلم في الماسنجر وقال يالله بطلع انام لازم لازم لازم تصير هوشة لمدة ساعه على هالشي
ولامرة قال لي بطلع وقلت اوكي مع السلامه
الا لازم هواش وانت ماتحب تقعد معي وانت وانت وانت حتى صار يقول لي نفسي مرة اقول بنام وتخليني اطلع واحنا مبسوطين
وغير اني دوم اسأله انت مبسوط معاي ؟ مرتاح ؟؟ تحبني ؟ ليش متغير طيب ؟ وهو بنفسه دوم يقول لي انتي ماعندك ثقة بنفسك
وعلى فكرة العاطفة الزايدة خلتني افكر فيه طوووول الوقت وكثر التفكير والنكد خلاني ما اشوف الايجابيات ابدا مع انه كان مدللني واللي ابيه يصير بس لاني شاغله نفسي بهالامور ماكنت اشوف الايجابيات وما اقدر قيمتها الا لما يحرمني منها كعقوبة او لانه مل ويبي يتغير ( يعني مغيشة نفسي بنكد )
يعني هاللصقة تخلي تفكير الوحده محدود وماتشوف السعادة والايجابية وماتفرح باللي عندها
لين توقع الفاس بالراس ووقتها تندم ..
وازيدك من الشعر بيت دوم افكر شو راح اهديه ؟؟ مع انه ولا مرة اهداني
وشو راح اسوي له اليوم مفاجأة عشان افرحه ؟ وشو راح اقول له ؟ وكل تفكيري فيه ولا مرة فكرت في نفسي
وصلت لك الفكرة حببيبتي ؟
والحين لما قريت المشاكل وترا ماقريت مشكلة او مشكلتين
انا متابعة المنتدى من ثلاث سنوات تقريبا والحمدلله صار عندي شوية خبرة ولقيت كل البنات اللي يعانون كانوا يتصرفون بالضبط مثل ما انا اتصرف
وتدرين اني حتى قبل لا عرف المنتدى
كنت دوم اقول لربيعتي ليش احنا اللي نحب من قلب يعذبونا ومايهتمون فينا
واللي عندها عشرين واحد تكلمه تلقين الكل متعلقين فيها ويبونها بس ترضى ؟؟
هذا قبل لا اعرف الانماط وهالاشياء
ولما دخلت المنتدى وشفت كلام الدكتورة ناعمه عن الخفيفة والثقيلة وشفت الكتب اللي عن القوية والحبوبة وفهمت ان كل تصرفاتي كانت غلط
قررت اتغير والحمدلله من كثر ماقريت اقتنع عقلي الباطن بالتغيير لدرجة حتى تخيلاتي وافكاري تغيرت
بس ماتخليت عن مشاعري ابدا لان هذي نعمة من الله كل مافي الامر اني ان شاء الله بوظفها بالطريقة الصحيحة
العاطفة الزايدة والدلال الزايد صدقيني يخرب حتى الطفل اللي هو ابنك يقولون لك لاتدللينه زيادة بعدين ترا مابيسمع كلامك صح او لا ؟؟ ومرات الوحده تقسى على ابنها .. هل معنى هذا انها ماتحبه ؟؟
واحنا ماقلنا ابد اهملي زوجك وطنشيه ولاتبيني حبك لا بالعكس
حبيه من كل قلبك واستمتعي معاه وعبري له عن حبك
هو بشر بعد ويبي وحده تحبه وتتغزل فيه
بس اعرفي شو تقولين ومتى
وعادي مرات تكونين بعفوية تعاتبيه او تتصلي كثير وجذي
بس مو دووووووووم على مدار السنه ويوميا لااا يعني بين فترة وفترة
لما نتكلم عن الثقل مو معناه التطنيششششش وهذا هو هدف الموضوع ( التفريق بينهم )
الثقل معناه حسن التصرف وتزيع العاطفة وتقدير النفس وعدم اذلالها
وربي وربي وربي اني لما كنت احبه كنت احس اني ذليلة
احس حبه مربطني وخانقني وماعندي كرامة ولا شي لانه كان شغلي الشاغل
والحمدلله الحمدلله اني عرفت هالمنتدى قبل لا اتزوج عشان اتغير وما امر بنفس المعاناة والاهانات

 

[ألينا]

كل عام وانتم بخير ياحلوت

اليوم زوجي ارسل لي مسج ثاني تهتنئه للعيد ومارديت عليه

وبعدها بشوي اتصل وهم بعد مارديت عليه


اول مره يحصل بينا هالشي

 

[قصور]

الله يسعدك

 

[ياعمري ابيك]

كل عام وانتم بخير ياحلوت

اليوم زوجي ارسل لي مسج ثاني تهتنئه للعيد ومارديت عليه

وبعدها بشوي اتصل وهم بعد مارديت عليه


اول مره يحصل بينا هالشي

الحمدلله والشكر لله .... هاه شفتي اتصل لانه حس انك ما رح تتصلي انا قلت لك والله راح يتصل ويصير اللي تبي بس اثقلي حسسيه بقيمتك ... والله الرجال زي الطير خليه ترا اذا حس فيه قفص طار ولا رجع واذا حس انه على كيفه يروح ويجي بيجيك كثير ...... عموما اذا دق بكره كلميه بعد كذا اتصال وردي برسميه من شان يفهم ان السالفه ماخذه بخاطرك وقفلي بسرعه تحججي باي شي وبالتوفيق​

 

[نحو السعاده.]

عيدكم مبارك

دلوعه

كلام حلو بس صار فيني حوول

لووول

كبري الخط بليز

يا عمري ابيك

كيف الحال خيتوو

قوليلي

انا سكرت موبايلي تحسبا ان يرسل رساله في العيد وودي اصده شوي وراح يبين عنده اني لم استلم الرساله

بقوله مشغوله

مفكره يومين بعدها افتحه

لان انامثل دلوعه قبل التغيير

اشرايك؟؟

 

[مدام يحيى]

اثاريني مخفففففففففففففه وانا ماادري بس كنت شاكه وحاسه ههههههههه
الله ينور قلوبكم بحاول اعدل من نفسي بدايه من اليوم وانا واثقه باذن الله اني بقدر
ومشكورين على الموضوع الحلو

 

[رقة خزامى]

ياعمري ابيك .. أنتي بطله أقوى شي .. تفكيرك قريييب من تفكيري انا كذا اتعامل مع خطيبي .. اللي تبي توصل لدرجة العشق تثقققققققل ..

مو الرجال دايم يحبون المستحيل ..

 

[قصور]

كل عام وانتم بخير ..
بقولك مشكلتي بشكل مختصر انا جنوبيه شرقيه وزوجي شمالي شرقي الله يهداه ويصلحه لي ان شاء الله مزعلن من ثالث يوم في رمضان جلس يسب ويتلفظ علي بالفاظ والموضوع ماسيتاهل المهم انا هينا طفح الكيل قلتله ودني بيت اهلي متى ما احترمتني تعال خذني مالك بالطويله الرجال جالس يقول انا ماسويتلك شي ومن هالحكي اول مادخلت بيت اهلي جلس يدق علي وانا ما ارد استمر اول يومين يدق وانا مطنشه المهم بعدها ولا افتكر يدق فوق شينه قوات عينه مابقى احد مادخله في الموضوع عشان ارجع للبيت قال ايش انا مازعلتها مثل ماراحت تجي انا ولا كانو المهم قام يرسل مسجات تهديد بيطلق ومدري ايش ولا كاني اشوف الين سحب الخط من شركه الاتصالات يبي يقهرني صار مافي وسيله اتصال الا المسنجر من يشوفني ادخل بدا بكلامه وتهديداته المهم رديت عليه وبينت له موقفي من كلامه وهو مصر على رايه قلتله براحتك اوكي وطلعت صار من يشوفني ادخل المسنجر يبدا يكتب كلام ويعيد ويزيد انو بيطلق ومدري ايش ومن الكلام الي يغث رديت عليه وقلتله عندك كلام قوله لهلي وترا من عافني عفته لو كان غالي قال انتي الي خليتي الموضوع يوصل الى كذا جالسه المده كلها ولا سالتي فيني يعني انا ما اهمك المهم قلتله الله يعلم وش بالقلوب ومكانتك في قلبي ماتغيرت بس انت غلطت بحقي يقول ماسويت لك شي قلتله اسالك بالله ماتذكر وش قلت وش تلفظت علي قال لا والله المهم قام يقول انا مو غلطان قلتله براحتك ولا كانو موجود صار هاليومين يكتب لي انت ماعاد تهميني انا اكرهك وكل يوم كرهي لك يزيد تعالي خذي ملابسك ومن هالكلام اممممم الي سويته ثقل ولا ايش لاانو غلطان بحقي وانا ماخذه بخاطري مرررره وهو مو راضي يعترف يقول ماسويت لك شي لا واليوم طالعي بموضوع جديد انتي مثلتيها صح ومن هالكلام الله يصلحه

 

[نحو السعاده.]

اب

اب

 

[spring Roll]

(ياعمري ابيك) قريبتي تقريبا نفس مشكلة الاخت (قصور) ، مزعلها زوجها من ثاني يوم برمضان ، زوجها مزاجي ويقلب عليها فجأه ويبدأ ينتقدها وينتقد اهلها ويصير مايجلس معاها ولا ياكل طبخها ولاينام معها ، طبعا هذا كله بدون مايكون فيه سبب واضح ، وهي ياعمري تحملت هالطبع فيه كثير ، بس يبدو انه طفح الكيل عندها ، ولما قلب عليها هالمره قالت له ودني بيت اهلي ولا راح تشوفني بعد كذا ، ومن يومها مادق عليها ولا ارسل ولا شي ، وهي بالمقابل مطنشته لأنها قالت انها ناويه تأدبه هالمره ، مع العلم انها كثير لما يطفشها تجي لبيت اهلها مده تريح اعصابها وبعدين تبادر هي بالصلح وهو يقدر لها المبادره ويعتذر بس بعد كم يوم يرجع يقلب عليها من جديد .
انا ودي اساعدها بس مادري كيف مع العلم انها جنوبية شرقية وزوجها شمالي غربي .​

 

[شوشو قلبه]

اي والله صادقين يابنات والله الثقل زين حتى لو مالقالها بال بس تنفع بعدين

 

[ام الآء]

الله لا يحرمنا ..

وجزيتي خير ختي على النقاش الرائــــع

 

[التحفةالممنوعه]

أي والله الثقل صنعه:24::24:
وتوني عرفتالفرق بين الثقل والتطنيش
شكرا على الموضوع الحلو
تحيااااااااااااااااااااتي ياقلبي:18: