ليليان :$
New member
- إنضم
- 24 ديسمبر 2009
- المشاركات
- 89
السلام عليكم
من الصدمه ماني عارفه من وين ابدا
خطيبي خانني مع بنت خالتي الي عمرها 15 سنه مراهقه
وهوا عمره 24
اول مره رسل لها ورقه للبيت كاتب فيها كلام غزل وجاتني بنت خالتي وعلمتني
وواجهته وقال اسف واعتذر وقال هذا الشيطان والخ
ومشيتها قلت يمكن يتعدل ..
ثاني مره بنت خالتي دقت عليه ، وجات اعتذرت مني وقالت والله مدري ليه دقيت بس بجد انا اسفه .. قلت لها طيب واقول في نفسي دامها جات وقالت لي اكيد انها ندمانه وما بتسويها مره ثانيه
اليوم الثاني قالت لي ترى خطيبك يدق ع جوالي وردت عليه قدامي وجلس يقول لها " وش اخبارك يا بعدي ، ممكن نتعرف " ؟؟؟؟!
انا انصصصصدمت وواجهته بالموضوع وقال هي الي تدور ورايه وتدق وانا ما دقيت عليها وقلت لها الكلام الي سمعتيه الا لاني كنت ابغى اسحبها فالكلام وجلس يبكي ويقول كل شيء انقلب علياا وانه انظلـم ، وانا الغبيه صصصصدقته / وحقدت على بنت خالتي وكرهتهااا وهزئتها الين ما بكت قدددامي ومشي الموضوع عااادي وجاب لي هديه خطيبي ورجعت المياه لمجاريها ، هذا الكلام كله كآن في بدايه رمضان
وقبل شوي جاتني بنت خالتي والله مالها ساعه طالعه من عندي جاتني وقالت بططططق من الفرحه وقالت خذي جوالي وشوفي الرسايل .. طلع الاخ مطلع رقم جديد
ويدق عليها
ويقول لها انا احبك من زمـاان
وحشني صوتك !!
وامانه لاحد يدري اني دقيت عليك وانتي فاهمه قصدي < يقصصصدني !!!
المهم بنت خالتي قالت قلت له ابشر وسكرت بوجهه والحين رمت الجوال عندي وقالت خليه عندك
وش اسوي الحيييين ؟
والمشكله اني مو شينه عشان يطالع بغيري بلعكس مملوحه مررررره ومهتمه بنفسي كثييير وحتى اني احلا من بنت خالتي هذي
وطول ما انا مخطوبه جوني خطااب وناس تسأل عني
الي قااهرني ليييييش يخوووووووون وش ناقصني اناااا
بدااخلي نااااااااااار احس جسمي كله يرجف من القهر
شورو علي / افسخ خطوبتي ولا وش اسووي احس نفسي عااافته بعد ذا كله
يآرب يآرب فك ضيقتي ويسر لي امري