الله يكرمكم زوجي تفل بوجهي

[بطة والحب شطة]

السلام عليكم ورحمة الله


يابلقيسيات والله مقهورة مررره متعبة نفسي ومسويه الفطور وطبعآ الفطور غرفة المعيشه


والغرفة هذي بعيدةشوي عن المطبخ المهم اروح افرش السفره وارجع واشيل الصحون وعلى

هالحال لحد مااذن المغرب وانا راجعه راده


ويوم قعدت افطر بنتي عمرها سنة و3 شهور عطيتها سمبوسه لينه بس لقمه كبيرة


زوجي قعد يخاصم يقول بتغصصين البنت قلتله البنت طلعتلها ظروس وتقدر تآكل زي الكبار


والحاجه الثانية نسيت المكرونة بالفرن وحتررقت بس تنوكل قام يتشمت ويخااصم


وقمت اجادله على الفطور لاني ماتحملته قام تفٌل بوجهي والله انقهرت وش اسوي


ودي اشرد منه ومن وجهه والله حبه قل بقلبي خلاص لانه ماعاد الاحترام بينا


واحس اني اكرهه وش اسوي طفشني بس ينتقد ودمه ثقيل مررره
​

 

[ام جومانا]

اختي اللّه يفرج همك وحاولي انك ماتجادلينةكثيرعلشان بنتك :11:

 

[القمر الخجول]

خلاص مادامتي تهاوشتي معه ونتهت السالفه
سكتي عنه

 

[جنى الأناهيد]

وكلي أمرك لله

وحسبي الله عليهم ونعم الوكيل

خليك مع ربي ماراح يضيعك أبد,,,,,

كل حاجة فوق روسنا يالحريم وهم مايتحملون شئ

 

[متزوجه ولكن]

وسعي صدرك واتركي العصبيه عنك
اذا عاندتيهم تحملي الي بيجيك
مانسلم وحنا متكافين شرهم كيف لو عاندناهم

 

[Pink Dreams]

ويييييييييين تشردين
وهالعسوله بنتك وين تقعد
مع ذا الدب؟؟
لا والله
الله فوق بس انتي شغلي كيد النساء
وبالنسبه لثقالة الدم الله يعينك عليها
اصلا صارت وباء متفشي بين هالرجال
خذي موقف بالنسبه للتفله ولا تعديها له
عشان ما يتهاون ويكررها
والله يسخرلك زوجك يااااااااااااااااااااااااااااااااااارب

 

[عصفورة مكة]

كبري عقلك غيرك ينضرب ويصبر اكثري الاستغفار وبتشوفين النتيجه

 

[لبى اللباليب]

لاتعدينها له بكره يتقل عليك قدام عيالك

خذي موقف لاتعودينه يهينك ابد

 

[حناني متعبني]

وكلي أمرك لله

وحسبي الله عليهم ونعم الوكيل

خليك مع ربي ماراح يضيعك أبد,,,,,

 

[بردوود الثلج]

حسبي الله ونعم الوكيل وربي اعرف واحد كذا

الله يعين المتزوجااات بس يارب

 

[مجنونه زعلاته]

ليه ماتروحين تغيرين جو عند اهلك ثلاث ايام؟​

 

[الوردوالياسمن]

ويييييييييين تشردين
وهالعسوله بنتك وين تقعد
مع ذا الدب؟؟
لا والله
الله فوق بس انتي شغلي كيد النساء
وبالنسبه لثقالة الدم الله يعينك عليها
اصلا صارت وباء متفشي بين هالرجال
خذي موقف بالنسبه للتفله ولا تعديها له
عشان ما يتهاون ويكررها
والله يسخرلك زوجك يااااااااااااااااااااااااااااااااااارب

نفس الراي

 

[قلب مجرح]

حسبي الله عليه
صج مايستاهل تعبك يدور الزله اقوول حبوبه لاتعبين نفسك في الطبخ وقومي بواجباتج كزوجه ولا تهتمين فيه
يعني قومي باكله بلبسه في بيته فى بنته وووووبس وواكشخى وولا تعبرينه بنظره ولا كلمه
مو انتى اللى يتفل عليج عشان توكلين بنت ولا عشان نسيتي الطبخه فى الفرن

 

[قطـــــريه]

اختي مرات احنا ما ننتبه لتصرفاتنا لمن قالج البنت بتغص ما قالج فرض راي قاله لج عشان البنت وانتي عارفه ان احيانا الصيام يخليهم معصبين واسمحي لي كان الصح انج تسكتين عنه وماتراددينه صح انتي تعبتي وتسوين الفطور وبنت صغيره الله يكون بعونج بس صدقيني السكوت ارقى بكثير ويحفظ لج كرامتج الحين من حقج تعاتبينه بس اختاري وقت يكون هادي وعاتبيه انج تدرين انه عصب عشان البنت وانج مقدره هالشي بس ماتعودتك وانت الراقي بتصرفاتك حتى انا اتعلم منك انك تتفل بويهي وحز هالشي بخاطري .. والله يوفقج يارب **

 

[ريانه*]

هلا حبيبتي
بداية هو غلط انه تفل بوجهك
بس معليش خليها عجنب
احتمال نفسيته تعبانه..احتمال حاصل له ظغط من كم جانب
احتمال كان شايف فيك شيئ مظايقه او انتي كنتي معاندته بشي
الرجال ماينسا ..
وعشان كذا حط حرته فيك بالسمبوسه والمعكرونه
والله يهديك تحرقين المكرونه ليش هههه تحسفت فيها انا
وبعدين اتوقع بعد ماتفل بوجهك طاح الي بباله حس انه طلع الي بقلبه
انتي لاتتضايقين وتعدلي وادعي ربك واستغفري
بس انتبهي .. اذا مره ثانيه تفل بوجهك هنا لازم تشوفين لك السالفه وتكلمينه
بس شوووفي مو يتفل بوجهك وانتي مضاايقته بأمور كثيره
خليك سنعه وحاولي تعرفي اساسياته واحتياجاته
وبعدين اغلب الرجال نقادين وثقيلين دم .. لايهمك ياختي
انتي وربي باسلوبك مع الوقت تقدرين تغيرين في زوجك هوايل
لاتقولي الا زوجي .. (كثر الدق يفك اللحام)
ياما رجال يروعون وصاروا احسن ناس ..
وربي خلك بأملك كبير .. بس اهم شيئ
هذه حياتك..مثل ماتبينها راح تصير..لكن لازم تضحين بأمور كثيره بزواجك
ولاتنتظرين النجاح علطول .. الصبر الصبر الصبر
ودايم فكري ببنوتك ..

وربي يوفقك وييسر امرك ويفرج لك كربتك ياااااااارب

 

[الزين ولدي]

]حبيبتي كبري عقلج وطوفي ولا جنج تشوفين والحقران يقطع المصران وعليج بالدعاء وسورة البقره سلاح فعال[/]

 

[فقاعات]

تصدقوووووون احس ذا الرجال وكان مستشفى مجانين انفتح بابه وهم انحاشوا منه ..

وحنا هههههه حدث ولا حرج متحملينهم لا بعد نسوي ليالي حمراء وخضراء وصفراء عشان ننسيهم جلسات الكهرباء اللي كانوا ياخذونها ..علينا جبروت من جد قوي..

 

[وهم79]

اختي الغاليه
لا تشيلي هم وانسيه اول هو صايم ودائما الرجال وهم صايمين موب متجملين كلمه من احد
(انا صار معي موقف كذا صار يخانق على ولدي وقت الفطور والولد صايم قلت له خلاص خلي الكلام بعدين قام يسب ويخانق سكت ولا رديت وبما انه شمالي اكيد بيجرح بالكلام وبعدها يوم راق عاتبته بشكل هادي وبدون خناق )
عاتبيه انه جرحك وانك صايمه وتتعبي باسلوب هادي ويكون هو رايق
ادري انه جرحك لي سواه والمك لكن لو هو شمالي ترى يكون نسى هو وش سوى
والرجال اجمال كذا طبعهم صعب
هونيها وتهون ولا تسوي مشكله لكن كمان لا تسكتي عاتبيه وهو رايق وعتاب هادي ولو ما قدرتي ارسليله رساله على الجواله انه جرحك وقولي الي في خاطرك بدون تجريح بالكلام

 

[غرام انسانه]

مشي موضوع الهواش
بس لاتعدين شالفة التفله لازم تحطين حد لهالشي
لايتهاون وياخذها عاد
والله يسخره لك يارب ويهديه ويصلحه

 

[لون الربيع]

شوفي حبيبتي
لاتخلي ياخد غليك مأخد
يعني جهزي بعض الاطباق تجهيز مسبق
ورتبي السفرة قبلها بوقت
خلي المكان يفتح النفس ويهدي الاعصاب
والبنت وكليها قبل الافطار وروشيها ولبسيها واتركيها تلعب في مكان امين
لاتوكليها قدامه
زوجك يتعلل بس لاتعطيه فرصة
يعني لايرجع البيت الاانتي مخلصة ومتروشة ولابسة
وجالسة تغرفين الشوربة اوتحطين آخر طبق
تعلمي فن .. كيف تمتصي غضب اللي قدامك
يعني هو قال لاتوكليها قطعة السبوبوسة انتي قولي له وربي صادق كأن القطعة كبيرة شوي نعطيها فاكة احسن واتركي السمبوسة وانتي مبتسمة مو بالظرورة افهمه وهو عالسفرة انه بنته طلع لها سنون ولازم تاكل يمكن متوتر وهالاسلوب ينرفزه اكثر
ولاتبين انك متلخبطة وحايسة الدنيا وانتي تجهزين فطاره ولا قالك المعكرونة احترقت قولي له قدر الله وما شاء فعل اخدت مني وقت وانا اجهزها ماكان ودي اقدمها لك وبيها طعم الحرق
لاتتركي له ثغرة
يبي لك تقسمين وقتك وخففي من الاطباق يعني 3 اطباق مرتبة ومزبوطة افضل من اربعة وماتزبط معك
وبعدين احكي معاه وبيني لي انك ماتحبي انه يتصرف معاك بهالشكل حتى لو حدث تقصير وخلي الحوار بينكم ياخد مجراة وتنحل اموركم ان شاء الله