بسـم الله الرحمـن الرحـيم
السلآم عليكم ورحمة الله وبركآته ,,
عزيزاتي اتمنى منك المشوره والمساعده
::
::
ابووي تزوج على امي بعد فتره طويله من زواجه بأمي ,,
كانت علاقتنا في زوجة ابوي الثانيه مضطربه ,,
كانت جدتي ابدا ماتحبها ودايم تسب فيها عند ابوي
عاد مره رآح ابوي قال لجدتي خلاص انا بتزوج الثالثه
قالت له جدتي رووح تزوج عادي ,, قام قال لها تراني يمه اتكلم جد ,,
قالت ماعلي تزوج
طبعا بعد فتره ابوي تزوج الثالثه ,, امي راحت مع ابوي يوم الملكه
لما خلصت الحفله ورجعو جدتي تسألها تفول لها كيف كانت الحفله
قالت لها امي ,, زييينه ,,
رجعت جدتي تدعي ,, تقول ’’ جعلها مااتزييين ::
صارت الحين ضد فكرة زواج ابوي
والسبب ان ابوي جهز شقه لزوجته الثالثه ,,
كانت هذي الشقه من ورث جدي الله يرحمه ,, وكان موصي انها تكون للبنات اللي هم عماااتي
لكن عماتي تنازلوو عنها ,, وصارت تابعه لقسمة ابوي من الورث
بعد ماصار اللي صار وتزوج ابوي ,, صارت جدتي تعارض وتقول لا هذي الشقه خاصه لبناتي
ليه يجي يحط زوجته فيها ,,
صااارت دايم تدعي عليه وعلى زوجته الثالثه
تقول ,, الله لا يسامحك ولآ يسآمح اللي جابكـ ,,<<< تقصد زوجة ابوي الثالثه وابوي
بس المشكله انها ماتدعي على ابوي قدامه
ابوي يعطف عليها ويهتم فيها ومو مقصر عليها بشي ,,
لكن هو بس يقوم من عندها تجلس تدعي
والا بس تسمع صوت زوجة ابوي والا ولدها ,, تدعي عليها وعلى ابوي ,,
الحين احنا في حيره نفاتح ابوي في الموضوع والا لا
على ابوي اثم في شي واللي يعافيكم اللي تعرف رقم مفتي ع الاقل بس ترسل لي الرقم ع الخاص او تحطه هنا ,, عشان اسأله اذا عليه اثم او لا
علما بأن ابوي حاليا مايقدر يستأجر لها بيت ثاني ,, ولا يبني لها ,, لأن اخواني الحين اثنين ,, واحد لازم يجيبله سياره ,, ولازم يجمع عشان زواجهم ان شاء الله ,,
الله يعافيكم شوروو علينا نقول حق ابوي باللي قاعد يصير ,, وش الحل بنظركم ؟