.
.
اعتذر عن التأخير اختي فنن
عزيزتي.. نبرة مهزوزه واستسلام قريته في سطورك ..
ماأنصحك تروحين مع اهلك لأنك بتكوني متوتره ولا قادره تركزي وبتخلقي لنفسك جو انتي مو مجبوره عليه
بالعكس واجهي واقعك وزوجك وتذكري ثمرة الربط بينكم وهو البيبي
اكسري كل القيود الي تمنعك من قول الي في داخلك انسي مين الي قدامك واستشعري انه رجل فقط لا تنتقصي من رجولته شي ولا تستفزيه فيها
واجهيه بمواجهة مليانه استفسار وتحديد موقف
لا تتهربين من عالمك الواقعي.. اليوم ولا بكرا بينتظرك .. اقطي حبل المشكله وهي لسى طازجه
قبل لا تجمد وتكبر الفجوة!
يمكن تقولين ماعندي جرئه .. ماعندي قدرة.. يخوني الموقف لحظتها ..قوته وهيمنة رجولته تخليني اتنازل ..اكسري كل ايحائات القمع السلبيه وتمكني من الموقف وتكلمي بدون خوف ولا صراخ و استفزاز وتقليل احترام
في البدايه واجهي بكل حب وكل احترام بنبرة مليانه ثقه حتى لو انتي كارهته وفي قلبك عليه الكثير
النبره والله وقوة خروجها مفعولها مؤثر لكن انتبهي تخرج برفع صوت وصراخ ..
اقصد حدتها المليانه ثقه
انطقي اسمه بنبره قويه وناعمه وبعدها اصمتي شوي لما تحسي تسمعين نبض قلبه من ردة فعل هالصمت
((اسمحي لي بالتطبيق بس عشان تتمكنين من الموقف وتعرفين كيف تحاورين النوع الشمالي من الرجال))
العيون ارفعيها بعيونه حتى لو ماتقدرين .. امسكي يدينه بعد هالصمت بطريقه عفويه وعيونك في عيونه
وابدي تكلمي ..مثل ((تدري ايش ضريبة الحب ؟ بيبي يجمعنا ولا يدري ايش ينتظره! واضغطي على يده بقوة توصل اللغه الصامته))
ابدي بأستفهام يحسسه ان الي بينكم شي كبير عشان يعرف حجم المعاناة
لماتحسي بتفاعل ايجابي مثل ضغطة يده عليك ..نظرة عيونه تنتظر منك تكملي
قولي الي بخاطرك كله حتى لو بكيتي حتى لو انهرتي ..يبقى هالرجل زوجك اب لطفلك ..اول فرحتك.. سندك بعد الله في هالدنيا ..
ليه نبني كبرياء ماله داعي واحنا نحتاج ونبي؟
ماأقولك اتشبتي فيه وهو يهين كرامتك لكن وقفي الأمر عند حده ولا تعطي مجال لتمادي .. وبنفس الوقت لا تخسري حياتك الي بديتي فيها
واذا تبي استشارة من شخص موثوق فيه وبإذن الله راح يعينك بعد الله في محنتك ارسلي ايميلك ارسل لك رقمه لأن خدمة الرسائل الخاصه عندي ماتعمل ولا اقدر اتجاوب معك هنا لقلة دخولي..
وربي يوفقك وتذكري ان كل الأمور صغائر..