مب قادرة أفهم ريلي..احترت وياه

[miss_it]

أنا متزوجة من سنتين و نص .
و عندي بنت و ولد ..

بداية زواجنا .. اكتشفت أنه ريلي يدور دواره على البنات ..
خاطره يسوي علاقات نفس ربعه .. جي حسيت من شخصيته ..
يقعد على النت .. محرك البحث بنات .. صورهن أو إيميلاتهن ..
يقعد بالشات .. يرقمهن ..
و ربعه كلهم .. ربع سوووووووووء .. الله يهديه و يهديهم ..
هو آخر العنقود .. بس مب مدلل وايد .. يعني تحمل المسؤولية من هو صغير ..
البداية .. كنت أنغزه نغزات ..
و أفتش وراه .. من أكتشف شي أواجهه و أزعل ..
أدور بالمكالمات .. أشوف اتصالات .. و مسجات عادية جدااا .. لأرقام معينه ..
أدق عليها .. أكتشف أنها لبنات .. 3 أو 4 أرقام ..
أول ماعرف أني أفتش وراه .. قفل موبايله برقم سري .. طبعا هو عنده 3 موبايلات ..
بعد شهر فتحه .. يوم شافني نسيت السالفة ..
صرت أفتش وراه بهدوووووووووووء بدون ما أيحس ..
أشوف المكالمات متى .. بأي وقت ..
اسجلها عندي ..
اتصل به بنفس الوقت .. و اشغله بالمكالمه معاي ..
قبل شهر تقريبا ..
حس فيني أني أفتش ..
قام .. وقفل موبايله برقم سري .. مرة ثانية ..
الحين أطالعه زين مازين علشان أعرف الرقم السري كم ..أموووت بحركات التحريات و التجسس ..
أنا الموضوع مامسبب لي أزمه و نكد ..
لأني تجاوزت ها النقطه .. ليش أفتش ؟؟
ليش أدور ؟؟
أريد أعرف ليش هالخيانه ؟؟ و لأي مدى بتوووصل ؟؟ عن شو يدور ريلي ..؟
ها اللي أحاول أعرفه من سنتين و نص .. و للحين مب عارفة عن شو يدور بالبنات اللي يكلمهن

أنا انسانه فري .. متجددة .. مالي خص بالتقليدية .. دلوووعه .. بكل شي ..
حتى يسموني الدلوووعه .. مع الكل أدلع .. و أخذ حقي من الدلال و الدلع ..
بعلاقتنا الزوجية .. يمووووت فيني .. أبدع له ابداع الحمدلله يارب ..
و أدور عن أي شي يديد يخص هالعلاقة بالذات .. و مب محسستنه طول أني أسوي هالشي علشانه .. لاااا
أقوووله أنا أبا .. أنا أريد .. ريلي لازم تشبعني و تريحني .. و أنا أحبك و ماشبع منك طووول .. من هالكلام اللي متزوجات يعرفنه ..
بالمكالمات كله أوكي معاه .. و يتصل بي دوووم مايقطع مكالماته عني ..
و ربيعاته مدة المكالمات ماتزيد عن ربع ساعه.
و مسجاتي حقه دوم .. حتى أصور له صور حقي .. و أطرشهن له ..
أي شي ممكن تسويه العشيقة لحبيبها .. أسويه له ..
حياتنا ماشيه أوووكي و لله الحمد ...
هو يشتغل بنفس المكان اللي ساكنين فيه ..


بس دايما أفكر .............. ليش يخووووني ؟؟ شو السبب .....

 

[اهات الصمت]

هالسؤال اللي دورت انا فيه قبلج ومالقيت اجااابه

حاولت بكل الطرق اني ارده عن الحرااام
اخر شي

اخر شي


اتوكلت على الله وقلت ما بفتش
لاني يوم كنت افتش وراه ما اخذ غير التعب والدمووع
ليالي تمر هو نايم ومرتاح انا اكل في نفسي
ابكي بدون حد يواسيني
لاني ما احب اتكلم عن مشاكلي للغير

وقفت مع نفسي وقفه جديه
وقلت ليش انتي تفتشين وراه

الجواب كان مني انا بعد

ابا اعرف هل هو يخوني

طيب عرفتي وين تريدين توصلين

ما اعرف

طيب ليش هو يخونج
نظرت لنفسي مب مقصره فيه ابدا

انزين ليش عيل يخون ؟؟؟

هذا السؤال هو نقطة النهايه والبدايه لتساؤلاتي
ابتدي فيه وانتهي فيه

ومافي اجابه


قلت يابنت لين متى بتعيشين تركضين وراااه وهو ما يتعب وبيتعبج وياااه


فقرررت

وقمت ونفذت

اهتميت بنفسي
وبسسسسسسسسسسسسس


راح زمن الاهتمام عنه
صار مجرد ذكرياتتت
التهييييييت عنه
ومستحيل افتش وراااه

حتى لو احس انه وراه شي

خلاص من عشرتي وياه صرت اعرف متى هو عنده حد ومتى ما عنده

كنت يوم احس انه حد عنده اضحك ...ويوم يمر من قربي اطالعه باحتقار واضحك
وكان يموت ويعرف ليش انا اتصرف جيه


ويقولي ليش

واقوله عبارتي الشهيره



انا فوق ياحبيبي عند الثريا

واللي تلعب معاهن تحت عن المزابل الله يعزكم
وانته تريد تنزل مستواك لين عندهن

كيفك حر


بس انا مو مظطره انزل مستواي لين مستواكم الواطي
الله خلقني وخلق لي عزة نفس لايمكن اذلها عشان خاطرك ولا خاطر اللي تركض وراهن
خلك وراهن وانا لي حياتي


وتعرف مكاني يوم تشبع

تغير ريلي تغير كبير بعد تغيري


صار هو يحاول يثبت لي بشتى الطرق انه ما يسوي شي
اقوله ما يهمني تسوي ولا ما تسوى ما يهمني

ماريد اعرف

بعد ما كنت اترجاااه عشان اعرف شو يسوي



حبيبتي اتركيه لين يشبع اهتمي بنفسج ويعالج
خليه هو يتقرب لج ويفتش وراج مب انتي
خليه هو اللي تتعب نفسيته هب انتي
خليه يتمنى نظرتج واغليها عليييييييييييييييييييه بعد


ما يادب الرياييل غير تخلينهم في حالهم ويم يملون بيردون
اكيد وين بيسرون يعني


فهدي نفسج وخليه وادعيله الله يهديه لج انتي وعيالج
خوفيه من الامراض بس كل ما تلقين مناسبه


والله يهديه لججج
يااارب الله يسعدج

 

[بنت المحيربي]

اكتشفت شي انه المواجهه ماتنفع مع الرجال بلعكس يتمادون اكثر...
وانا اوافق اختي اهات الصمت في رايها

 

[ام الحلوين]

وانا راي من راي اهات الصمت اللة يكون في عونك

 

[عاشقة الفردوس]

:msn-wink: والله بعض الرييايل تطنشيهم ويتمادون اكثر وبالعكس يستانسون وياخذون راحتهم الرييايل مومثل بعض
بس الله يكون في عونك حبيبتي واستمري على دلعك وقولي له ايش اللي ناقصك ايش اللي ماعملتلك ؟:schmoll: وانا بسوويه لك وذكرية دايما انك تسويين له اي شيء اللي يريد علشان كمان ما يطالع حد غيرج:icon26: والله معاج حبيبتي هذا رائيى انا واللي انتي مقتنعه فيه سوويه والله يسخر لج قلب زوجج ياااااااااااااااااارب:shiny:

 

[البسمه]

فعلا كل ما الوحده تواجه زوجها يتمادى اكثر واكثر يقول خلاص اصلا هيه تعرف اني اكلم بناتعادي تعودت, بس الاحسن تسوي نفسها ماتعرف عشان يحترمها
بيدس سوالفه برع البيت
في رياييل عااااااااااادي عيني عينك بيقول هي اصلا تعرف اني اكلم

 

[مثل الورد]

مشالله عليج من كلامج ماعليج زود..

بس المشكله في ريلج.. شكله مريض بالبنات

وهاي روحها اتكون مشكله يعني مايقدر يهد عنه هالسوالف

بس انتي ادعيله بالهداية والله بيهديه..

بس يختي اتحملي على عمرج من هالامراض المنتشره بسمالله عليكم

الله يعينج..

[/url][/IMG]

 

[عنقود عنب]

اختي مس ات

العيب مو فيك .. العيب في زوجك

دائما نظن ان الزوج اللي يدور علاقات خارجية يكون عنده نقص في البيت

لكن لا .. كثير من الاحيان يكون هو اللي عنده مشكلة نقص ثقة في نفسة ..دائما يود ان يشعر انه جذاب وان البنات تتعلق به
لا تواجهينه ... لمحي له

خلية على اعصابة ...

واستمري على طريقتك

ولو اني افضل انك ما تفتشين وراه ... عشان بس ما تتعبين نفسك

ربي ييسر لك امرك

 

[نبراس الخير]

الله يكون في عونك و ييسرلك زوجك

 

[miss_it]

أشكر جميع من رد علي ..

بس أنا وايد اتبعت وياه ..
جربت أتهاوش وياه ........... زاد الطين بلة ..
جربت أطنشه .. ألقاه يزيد زيادة و يبتعد ..
و كل ماطنشته و ابتعدت عنه أو زعلت عليه .. قام يدور على غيري دواره ..
و ان قطعت اتصالاتي و مسجاتي و حركاتي بسبب الانشغال أو التعب .. ألقاه يبتعد ..
بس صراحه .......... تعب ..

 

[جـود]

الله يهديه ويكون في عونك00

لكن انتبهي كلش لاتواجهينه او تعايرينه بهذا الشئ لانه الخوف انه يجاهر بعدها00

لكن بنفس الوقت لاتيرين ضعيفه وتستسلمين له وتخلينه يتمادى00

اقولك نومي العيال بدري واتكشخي على الاخر كأنك رايحه عرس مهم عليك والبسي لك روب نوم جديد ومثير وشغلي الشموع00

روحي وقفي بوجهه وانتي غضبانه وطلعي قهرك بسؤالك له:

ايش رايك فيـني؟؟؟؟ناقصني شئ؟؟؟

انت تحبني وتحب عيالك؟؟؟؟اوعدني انك ماتفكر بغيري00واذا قالك شايفه علي شئ؟؟قول لي له بس ابي اطمئن

لحياتي معاك واخاف بيوم انصدم واشوفك تطالع غيري00

خليكي صارمه وحاولي تقللين من طلعاته مع ربع السوء ويروح يقضي وقته يقرء قرآن 00او يسهر بصلاة الليل00

انا اعتقد وبشده انه ناقصه توعيه دينيه هو في غفله عنها 00ابتدئي انت وصدقيني من تمسك بالله ماضاع00

 

[غاليه]

كان الله في عونك اختي

مدام انتي قايمه بكل واجبتك تجاه زوجك ماعليك من شي يعني لاتحطين السبب عليك وزوجك مبين انه يحبك ويمكن يسوي كذا عشان بس يتسلى

نصيحه لاتفتشين وراه والله انا كنت مثلك
صارت نفسيتي تعبانه وهو ولاعلى باله بالعكس اذا تهاوشنا طلع من البيت وراح يكلم بنات
يعني مااستفدت شي وضريت نفسي
خليك زي منتي واهتمي في زوجك ولاتقصرين معه عشان مايجي يوم وتلومين نفسك

 

[miss_it]

الله يهديه ويكون في عونك00

لكن انتبهي كلش لاتواجهينه او تعايرينه بهذا الشئ لانه الخوف انه يجاهر بعدها00

لكن بنفس الوقت لاتيرين ضعيفه وتستسلمين له وتخلينه يتمادى00

اقولك نومي العيال بدري واتكشخي على الاخر كأنك رايحه عرس مهم عليك والبسي لك روب نوم جديد ومثير وشغلي الشموع00

روحي وقفي بوجهه وانتي غضبانه وطلعي قهرك بسؤالك له:

ايش رايك فيـني؟؟؟؟ناقصني شئ؟؟؟

انت تحبني وتحب عيالك؟؟؟؟اوعدني انك ماتفكر بغيري00واذا قالك شايفه علي شئ؟؟قول لي له بس ابي اطمئن

لحياتي معاك واخاف بيوم انصدم واشوفك تطالع غيري00

خليكي صارمه وحاولي تقللين من طلعاته مع ربع السوء ويروح يقضي وقته يقرء قرآن 00او يسهر بصلاة الليل00

انا اعتقد وبشده انه ناقصه توعيه دينيه هو في غفله عنها 00ابتدئي انت وصدقيني من تمسك بالله ماضاع00

الغالية ، هالحركة سويتها .. و قالي مب ناقصني شي و أنه مرتاح وياي وايد ..

و بالنسبه للتوعيه الدينيه .. صدقتي .. ناقصنه توعيه دينيه و أنا بديت فيها من مدة ..

 

[miss_it]

كان الله في عونك اختي

مدام انتي قايمه بكل واجبتك تجاه زوجك ماعليك من شي يعني لاتحطين السبب عليك وزوجك مبين انه يحبك ويمكن يسوي كذا عشان بس يتسلى

نصيحه لاتفتشين وراه والله انا كنت مثلك
صارت نفسيتي تعبانه وهو ولاعلى باله بالعكس اذا تهاوشنا طلع من البيت وراح يكلم بنات
يعني مااستفدت شي وضريت نفسي
خليك زي منتي واهتمي في زوجك ولاتقصرين معه عشان مايجي يوم وتلومين نفسك

أنا ليش أفتش وراه ...؟؟
لسبب واحد ... أريد أعرف عن شو يدور و مب لاقنه فيني ..
شو اللي ناقصني يخليه يدور عنه عند بنات غيري ...

البداية كانت نفسيتي تتعب وااااايد ...
بس بعدها صرت متماااااااسكه جدااااا.. أقلمت نفسي أني أتوقع أسوأشي ...

 

[نبراس الخير]

الله يكون في عونك و يسخر لك زوجك

 

[ألوان]

الله يعينج ويصبرج

وادعي له بالهدايه بكل صلاه ..


وان الله يسخره لج ...

ويصرف قلبه عن البنات ...


​

 

[تفاؤل6]

الله يصبرك يا أختي وينزل السكينة على قلبك
كيف رفقت زوجك اكيد لها تاثير
انت غيري من نفسك كيف ؟
قوي صلتك بربنا عز وجل وخليه يلاحظ ا حرصك على الالتزام
وصيري ناقشيه في مواضيع دينيه متنوعة
وانت كوني عشيقته
ابتعدي عنه بس بدلع
خليه هو اللي يركض وراك
وسلامه تسلمك