اللي خايفة من الولادة وخاصة البكريية تدخل ,,,,

[رقة المشاعر]

السلام عليكم ورحمة الله وبركاته


اليوم نزلت موضوع منقول من وحده على لسان صاحبة القصة وحبيت تشاركوني فيه لان بصراحه استفدت منه كثير <<<كلامي رقة المشاعر


صباحكم الله ومساكم بالخيرات

طبعا هذا الموضوع مو أنا كتبته .. سبحان قبل فتره ماهي بسيطه يعني قبل ماأحمل قرأته وأرسلته لصديقتي واستفادت منه بالحيل ودعت لي

ماشاءالله كلام صاحبة الموضوع يفتح النفس الله يفتح نفسها دووووم ويسهل عليها يارب تربية بنتها ويرزقها بذريه صالحه لاختها يارب

أمانه عليكم

اذا عجبكم الموضوع أدعو لصاحبة الموضوع وأدعولي أنا اللي نقلته لكم

أنا نزلته بنية ان الله يكتب لي شفاء من عنده

ويسهل ولادتي

ويوفقني

ويسخر لي زوجي

وللأمانه ماعدلت في موضوعها ولا حرف

بسم الله نبدأ



أخوااتي الحواامل (واخص بالذكر كل بكريه حامل)

أول شي أفرحي لأنك حامل وغيرك الكثير الكثير يتمنى يمووت بس انه يحمل ويشيل ضنااااه بين يده


والحمدلله يااااربي لأنتي أول ولا أخر وحده بتحمل وتولد ..


والله يااابناااااااااااااات انها تساااهيل من رب العباد

وربي عمره ماخلى عباااده ونسااهم ..


وربي ارحم الراحمين بخلقه ..


يمكن اللي يوتر الا الاكيد ان اللي يوتر اي حامل وخااااااااااااااصه البكريات هو كلااام النااااااااااااس


حبيبااااتي .. ونصيحه من أخت بكريه ولدت قبل30 يوووووم بس

والله اني متكله على ربي100%

وكنت في كل صلاااه ادعي ربي


(يااارب سهل عليّ الحمل والولاده وعلى كل مسلمه)


ومن دخلت الشهر التاسع كل يووووم7حبات تمر اول ماأقوم الصباح وكانت هذي نصيحة دكتوره قالتها لي


بس عاد انتبهوا اذا كان عندكم سكر استشيروا الدكتوره

طبعاً هالشي مذكور بالقرآن لما مريم جاها المخاض(اعراض الولاده) انها تهز جزع النخله وتاكل


ثاني شي المشي حبيبتي لأنها يساعدك بس لااااا ترهقين نفسك أبد أول ماتتعبين ارتاااحي

على طووووووووووووووول..

طبعا أنا وعشاان اني بكريه أخذت يومين من العاااشر وفي بكريات اسبووع وهذا شي طبيعي جداً جداً جداً ..


انتبهي تاخذين قرررررررفه واعشاااب ومدري ايش مع الولاده..

لأن مو الكل ينااسبهم ..


ترى في نااس يقفل الرحم عندها وهالشي صار مع وحده من قريبااااتي


لكن انتي من تدخلين التاسع خذي لك مويه واقري فيهااا ..

واشربي وامسحي على بطنك

سوي بحث بقوقل واكتبي ادعيه لتسهيل الولاده

كماااان سووورة الزلزله <=وربي ياابنااات قالتها لنااا استاذه واحنا ثالث ثانوي يعني قبل5 سنين


وبالفعل حتى وانا اولد كنت اقراها بيني وبين نفسي


وبعدين يالبكريه ماااعليك من الناااس اللي تصيح وقت الولاده

ترى البكا ياخذ جهد منك زيااااده


تدرين ليه الوحده تصيح وتصاارخ بصووت عااااااااالي؟؟؟؟

لأنها تقوم بجهدين (الولاده+الصياااااااااااااح) فيزيد التعب

لكن لو كان جهد واحد( الولاده) تعب أقل بكثييييييييييير<=وعن تجربه شخصيه


وأهم شي بعد حبيبتي طريقة التنفس أثناء الولاده تسهل عليك مره


طبعاً ماأعرف أصيغ كتابة الطريق صح لكن ابحثي بقوقل عن طريقة التنفس اثناء الولاده



وعلى فكره حبيباااتي الحمدلله تراني ماأخذت ابرة الظهر مع اني من دخلت وانا بس اقوول عطووني اياهاا عطووني اياااها

قبل يجي الألم اللي مره من كثر مااسمع كلام النااااس والقيل والقااااااااااال

بس وربي ياابنااات رحمه لي من رب العباااد ان ربي ماأردا اني أخذهاااا ابد

صح انهااا راحه وقت الولاده لكن تعبهااا بعدين

انا شفت أختي اللي اكبر مني وقعدنا نقارن بين ولادتي وولادتهاا وكلنا بكريات

هي أخذتها وأنا لا

فـ هي حست بأثارها بعد الولاده يعني ظهرها عورها راسهااا<=وهالشي طبيعي للي تاخذ الابره

انا لا ماأخذتهااا والسبب


طبعاً جيت المتشفى بعد مانزل علي مويه وماكنت حاسه بأي ألم بس مويه

طعاً يعني بحكم اني بكريه حسيت بإرتبااك يوم شفت المويه بس أول شي سويته سميت على نفسي

والحمدلله كان شي عااادي ماأنفجعت ولاشي جداً عادي

رحت أخذت لي حمام دافي ودقيت على زوجي ( لأني ذاك اليوم سهرانه عند اهلي) وجا وأخذت أمي ورحت للمستشفى

دخلت غرفة الكشف شفت عااالم تصيح توترت شووي بعدين قلت وش عليّ في صياااحهم وطنشت وقعدت أدعي ربي

يسهل علي وعلى كل حامل .. اي وحده تدخل يعطونها لبس تلبسه


لبست اللبس عاادي وانسدحت على سرير .. قاسوا الضغط وشافوا نبض الجنين الحمدلله تماااام


و بعدها جت ممرضه بتشوف كم فتح الرحم؟

طبعاً ماكنت أعرف كيف يكشفون؟


الطريقه / تلبس قلافز(جونتي) وتحط فيه ماده لزجه تساعدها تدخل يدها من تحت

طبعاً مو شي جديد يدخل شي من تحت

هي بتدخل اصبعين بسسسسسسسسسس


عاااد ماااشاء الله يالحاامل دخل اللي أكبر من الاصبعين فـ عادي مو شي جديد عليك^_^


المهم أنا كان فاتح تقريباً 2ونص


وانا من عرفت انه فتح وانا اطلب الابره قالت مو هنا تاخذينهااا فوووق غرفة الولاده

المهم قالوا انتظري لين يفتح الرحم اكثر انتظرت

بعدها كشفت وصلت لين 5 سم طلعت غرفة الولاده

وبدى مغص عندي اسف البطن صح يعور بس مو مره

زي مغص البرد

على فكره بغرفة الكشف بيعطونك مغذي


طلعت الغرفه فوق عادي


سرير لك واشياء لأستقبال النونو سرير ومدري ايش


قعدت فوق بغرفة الولاده(ومعاي الوالده الله لايحرمني منهاااااااااا امين يارب العالمين)


و جات تكشف كم فتح الرحم قالت صااار 9ونص ومابقى شي على 10سم

لأن اذا وصل10سم خلاص ولاده


قلت والابره حقة الظهر قالت الممرضه خلاص فتح الرحم9ونص احمدي ربك ماتحتاجينهااا

وما انصحك فيهاااا

طبعاً يوم يوم طلعت فوق غرفة الولاده عطتني اكسجين تقول هذا عشان البيبي

واكسجين ثاني قالت اذا شد المغص معك مره وماتحملتي الألم خذي من الاكجسن الثاني بيخدرك شوي

طبعاً بتحسين زي الدايخه عاااااااااااااااااااااااااادي

حطوا لي جهاز يقيس الضغط جهاز نبض الجنين


بعدهااا قلت ياااااااادكتووووووووره ابغى الحماااااااااااااااااااااااااا ااااااام مرررررررررررررررررررررررره

تحسين انك ودك بالحماااام

قالت الدكتوره هذي الولاده


تحسين انك غصب ودك تتبولين (الله يكرمكم) شي يدفع مو بكيفك

قالت يالله ادفعي الحين هذا الطفل يدفع وادفع بكل قوتي


قالت كل ماحسيت بهالشي(انك تبغين الحمام يعني الله يكرمكم)ادفعي


بس انتبهي خلي رجلك مفتووحه عشان راس البيبي



طبعاً قبل كل مره بتحسين فيها انك تبغين الحمام(يعني قصدي البيبي يدفع) بيجيك مغص


وكل ماحسيتي بدفع البيبي ادفعي


بعدين بيجيك وقت راحه لامغص ولادفع طفل

هنا فرررصه لك تخذين نفس عشان ترتااحين


يعي بتصير ..


مغص(الطلق)=> =>دفع البيبي (كأنك تبغين الحمام) مع دفعك معاااه=>خذي لك نفس


طبعاً هاللحظه حاولي ماتصرخين عشان جهدك مايضيع خليه للدفع مع البيبي عشان تولدين بسررررررررررعه


وحاااولي تدعين ربي باللي نفسك فيه وانه يسهل عليك ولاتنسين سورة الزلزله


على فكره نسيت اقول لك حبيبتي البكريه) ترى فيه تخدير موضعي بيعطونه لك من تحت وبيسون توسعه يساعدونك عشان راس البيبي طبعاً وهم يفتحون عشان يوسعون ماتحسين بشي أبد أبد لأنك مخدره موضعي

المهم بعد كذا بتشوفين الدكتوره تقووول لك ( مبروووووووووووك طلع البيبي) ^_^
يتبع ​

 

[رقة المشاعر]

ولدتي والحمدلله شفتي النونو بخير وعاافيه

الحين الدكتوره بتسوي مساج لبطنك عشان تطلع المشيميه والـ و و و .. يعني البواقي الله يعزكم ويكرمكم


وترتاااحين شوووي.. بعدين دور الخيااطه عشان التوسعه وانتي طبعاً مخدره من قبل


وهنا في شي بيرفعون رجلك عليه تصير زي شكل ثمانيه عشان يخيطون صح

بس وقت الولاده انتي ترفعينها شكل ثمانيه
راح يعطونك قبل الخياطه تخدير مره ثانيه ويخيطوون .. طبعاً بتقول لك الدكتوره لازم تتشطفين بمويه دافيه وملح الايام القادمه


الحين أحلى وأجمل اللحظــآآت ..

تنزلين من على السرير وتقعدين على كرسي متحرك ويحطون طفلك عليك وينزلونك على غرفتك وترتااااااااااااااحين

تحسين قسمن بالله انك اكشخ وحده وانتي تمشين طالعه من قسم الولاده وطفلك بين يدك


احسااااااااااااااااااس غييييييييييييييير ورب البيت

تحسين انك شاايله ألمااااس وذهب بين يدك

ودك تقووولين لكل اللي تشوفينهم ياناااااااااااااااس ترى هذا طفلي


يعني احسااااااااس مستحيل اوووصفه


ولدتي ونزلتي تحت .. بياخذون طفلك يروشوونه ويجيبونه لك ..

بتقول لك الدكتوره بعد ماتروحين غرفتك بعد الولاده ادخلي الحمااام عشان تفرغين المثانه



طبعاً لاتخاافين بينزل عليك دم كثير أثناء دخولك الحمام شي طبيعي لأن هذي بقااياااا

طبعاً هم بيشيكون عليك هل كمية الدم زاايده عن المعقووول عشان يتأكدون انه مو نزيف


طبعاً الايام الأول الدم بيكون كثير شي طبيعي وعااادي جداً ..


وبعد اسبوع والا اسبوعين تبدى تقل كمية الدم

وشي ثاااني كماااان ياحبيباااااااااااااااااتي مهم مررررررررررررررررررررررررررره مررررررررررررررررره

جهزي شنطتك قبل توليدين بفتره كاافيه


حطي فيهاا

ملابس لك(داخليه وخارجيه ،فوط مابعد الولاده ،حفاظات للصدر عشان اذا نزل حليب ماتنحاس ملابسك،أدوات النظافه شامبو وصاابون فرشه معجون مشط ..الخ)


ومرهم اسمه (ريالوكين) ركزي على كلمة مرهم لأن فيه من جلي وبخاااخ خذي الكريم أنتي


وأدهني الفوطه قبل تلبسينهاااا تخدرك عشان ألم الخياطه بعد مايروح تأثير البنج..

خذي لك 3 والا 4 علب مرهم عشان مايخلص عليك

كل ماغيرتي الفوطه حطي فيه من المرهم

عشان يخدرك ويخفف الألم عليك

وكمااان لاتجلسين أبد خليك منسدحه والا منسحه ورافعه ظهرك شوي

وامشي امشي امشي .. بس مو بعد الولاده على طوووول بعدهااا بسااعااات


امشي بغرفتك و بشويش مرررررررررره لاتسرعين بس عشان يتحرك الدم بجسمك

وهالشي زين للخياااطه

يكفي تمشين 5دقااايق


ولدتي بالسلامه .. صار عندك نونو زي العسل ربي يخليه لك يارب ..

في بنات ماشاء الله على طوووووول ينزل حليب منهاااا وبنات لااا ..


طيب كيف ..؟ وليه مانزل حليب؟؟؟


أول شي لازم تحاولين ترضعين طفلك حتى لو مافي حليب

وانت ساعديه يرضع


في البدايه مابينزل حليب معااااه ..

لكن مع التكرار سبحان الله ينزل


خلال فترااااااااااات حملك راح تسمعين الكثير من القيل والقال واللي بعضها ممكن يوتر لك اعصااااااابك ..
ومنها على سبيل المثااااااااال


@ ياللــــــــــــــه .. وش ذاااااااا؟ بطنك صغيييييييييير؟؟

@ ما انصحك بإبرة الظهر ترى تجيب الشلل .. <= والحقيقه انه ليس لها علاقه بالشلل لأني قبل ماأولد بحثت بالموضوع كثثثثثثثثثير ومالقيت اللي يثبت ذلك غير بربرة وهذرة الحريم


@ الله يعينك لو انا مكااانك أولد قيصري

@اشرربي قرفه كثيييييييييير


@فلااانه ولدت وانتي لسى؟


@ كل شوي يسألونك أنتي في اي شهر ومتى بتوليدن؟


وغيررررره هالأمور والبربره كثير اللي توتر الحاامل زهي خلقه مو نااقصه توتر


شووفي حبيبتي .. بقوول لك شي ..

حطي اذن من طين واذا من عجين ودخلي من هالاذن وطلعي من الثاانيه


ترى الحريم مو سوى وفيه ناااس تباالغ بالحكي خصوصاً بسالفة الولاده


يعني بالله عليكم لو هم صاادقين ليه الوحده تحمل مره واثنين وثلاااثه؟؟؟؟؟؟

انا ماأقول بتولدين وانتي تضحكين . بس ترى في نااااس تبااااااالغ مرررره


اتكلي على ربك ..واستاااانسي ترااااااااااااااااااك بتصرين أم من قدك ياهوووووووووووووووووووو


أهم شي بالحياه عشان الانسان يحقق نجاحاته ويعيش بسعاده لازم يكون تفكيره ايجاابي


ومايصير سلبي حتى لو بكلامه ..

مثاال ..

واحد قال ..( أنا بإذن الله راح أنجح في هذا الاختبــآر .. وسأبذل كل مابوسعي.. أنا عندي ثقه بالله وبقدراتي)


والثاني قال( اوووف .. يالله .. اناا رااسب رااسب المنهج صعب.. ماأقدر أذكر مو فاهم)



لاحظوا الفرق بين العبااارتين .. نفس الكلام ينطبق على الحامل ..


لا تقعد تقوول الوحده يالله الولاده صعبه.. ياااربي خاايفه من الطلق ..

يالله لايصير كذا وكذا ..


لازم الوحده ترفع من معنويات نفسه ويكون عندها ثقه بنفسهااا ..

يعني أنا مثال سمعت قصص وكلام لين قلت بسسسسس ..

ووحده من صديقاتي ولدت قبلي بثلاث شهوووور فسمعت منهااا كلام يطير العقل ويخوووف


طنشة كل الكلام اللي سمعته وكلام صديقتي وكل العالم ..


حطيت في بالي شيئين ..

1/ أنا متكله على الله الحي القيوم الرحمن الرحيم

2/ انا قد الولاده بكل مراحلهاااااا .. أنا قد الطلق .. أنا أقدر على الألم ..


هذا تكفير لذنووووبي .. يالله بصير أم .. وش يعني بأحس بمغص مو شي جديد المغص


صح بيكون أكثر من المعتاد بس يظل مغص يعني ش جربته من قبل مو جديد علي

وبعدها أضغط عل نفسي عشان أدفع البيبي برى وبسسسسسسسسس

أنا شجاااااااااااااااعه .. أنا مو أول ولاأخر وحده بتولد .. الموضوع عاااادي ..


أنــــــــــــا بطلع من هـ الغرفه وأنا أم و شايله ضناااااي ولأول مره بين يدي


والله يااابناااااااااااااااااات ماشاء الله تبارك الرحمن.. حسيت الوقت يمشي

يعني أنا بغرفة الولاده من الساعه6ونص وولدت الساعه 10ونص


وربي يابنات ماشاء الله تبارك الرحمن والحمدلله ماحسيت اني قعدت هالوقت كله

صح مرت لحظات شوي صعبه من المغص والدفع ..


بس والله ربي رحمن رحيم بعباااااااااده .. ترى ربي يحبنااااا والله

وان تعبنااااا شوي تررراه تكفير لذنووبنا ربي يبغى يغفر ذنووبنا ..


تخيلووووا يابناااات ان دعوة اللي تولد مستجاااابه .. أكثر من كذا نعمه الحمدلله

تدرون من الفرحه أول ماشفت بنتي بعيني .. جتني العبره وأدعلي لها وابكي

يارب خلهاا لي يااارب لاتحرمني منهااا ياااارب دخلنا الجنه


جد وربي لعيوون بنتي هااان كل شي ..

يعني كيف أوصف لكم الموقف مدري ..!!!!!!


بس بيكون أحلى وأجمل وأروووع موووووووووووقف بعمرك كله

أحسن من لو انك أخذتي نسبة 100% بالثانوي..

واحسن من لو ان جاااااك أطلق معرس


وأحسسسسسن من كل شي كل شي كل شي


لدرجة اني متقطعه من الوناسه بعد ماطلعت لغرفتي فوق .. امشي واسوولف مع امي


واطااالع ببنتي وقمت اصوورها ارسلها لأخواتي بالبيت جد يووووووووووووووووم شي


هذا اللي يقوولن عليهااا ليله من الف ليله الا عن الكل الليااااااااااالي


سبحاان الله في زي السداده تقووم على اغلاق الرحم حمااايه للجنين ..


وهي عبااره عن ماده لزجه مخاااطيه .. تعمل على حفظ الجنين ..


حتى أثنااء الجماااع .. في بناااات يخافون عل النونو وأنا كنت منكم


طبعاً بحكم ااننا بكرياااات نخااف على الجنين .. والله مسخر له كل سبل الحماايه


اهم شي الوحده مايكون عندهاا مشااكل بحملهااا تمنعهااا عن الجماااع

لكن اذا وضعك طبيعي عاااادي لين الشهر التااسع تقدرين ..


المهم نرجع للولاده شوي حبيباااتي .. بخصوص هالماده اللزجه (السداده)


أنا ولدت يوم الخميس الصبااح الحمدلله يو وم الأربعاء اللي قبل ..

وتحديداً وقت صلاة العصر .. شفت ماده لزجه الله يكرمكم وكانت تقريباً الكميه قد نص من فنجال القهوه

يعني تعتبر شي ملحووظ مو افرازات عااديه فتوقعت ان هالسداده بدت تنزل ..


بصلاة العشاااء شفت نفس الافرازات كمان وبنفس الكميه ..

الموضوع عاادي .. حتى بنفس اليوم قلت لزوجي تخيل أولد عليك اليوم وأخرب ههههههههههههههههههه

بإستهباال قلتهاا وصاار الموضوع جد ههههههههههه

وعلى الساعه 12ونص تقريباً كنت منسدحه بالصاله عند اهلي واهلي ناايمين مافي غير امي واختي الكبيره قايمين ومحد عندي بالصاله


وحسيت بمويه تنزل مني .. يعني بمقدار كاسه مويه قمت سميت على نفسي وأخذت لي شور ورحت المستشفى


طبعاً لامغص ولاااا شي بس نزل مويه ..


وبعدهاا مثل مااقلت لكم من قبل تكملة الساالفه ..

أقوول لك ان الحريم مو سوى ..

وأعراض الولاده مو شرط تجيك بنفس الترتيب اللي جا غيرك ..


ممكن الطلق (المغص) أول الاعرااض ..

ممكن المويه قبل ..


عااد الناااس تختلف ..

لكن بقووول لك 3 أشيااء اذا شفتيهاا اتكلي على الله و روحي المستشفى ..

1/إفرازات مهبلية مخاطية ممزوجة بخيوط دم رفيعة تخرج من عنق الرحم(المقصود السداده يعني)

طبعاً ممكن تشوفينهاا قبل الولاده بأيام أو ساعات و دقااائق على ماقريت وبحثت


بس أنا شفتهااا العصر اليوم الثاني الصبح ولدت

2/يبدى الطلق(يعني المغص) المتواصل يعني يجيك ويروح والفاصل بين كل طلق وطلق متقااارب

بالدقاايق يعني .. بس انتي بمجرد ماتحسين المغص غير عن المعتاد يعني شااد عليك روحي


3/ مويه تنزل عليك .. وهذا اهم شي انك تنطلقين للمستشفى عشان ماتنقص المويه على الجنين ..


ومعلومه سبحاان الله يابنااات المويه تسااعد على دفع الجنين للخاارج


حبيبتي .. اذا صرتي بتروحين توليدين مايحتااج كل خلق الله يدرون ..


يكفي زوجك وامك اذا حبيتها تجي معك

لأن سبحااان الله كثير لاحظت هالشي .. اللي تتكلم يبرد الطلق عندهاااا


فيه وحده من قريبااتي خلاص دخلت غرفة الولاده على اساااس بتولد والرحم فاتح ..

بس سبحااان الله قفل وماولدت إلا قيصري ..


طبعاً الخبر وصل للشرقيه وهي بالرياااض ..


غير انهااا كاانت تشرب قرفه ..

وطبعاً الاتصاالات ماااوقفت عليهاا هي وزوجهاااا


ويمكن كل السببين مالهاا علاقه بهالشي ..


وبغض النظر عنهااا .. الاتصاالات توووتر الوحده وهي مو ناااقصه


أنااا يابنااات تخيلووا طلعت من البيت وأخوااتي ماادروا اني محركه على المستشفى قلت برووح بيتي

مااعدا اختي الكبيره المتزوجه وامي وابوووي عشاان اختي الكبيره نامت عند اخواني الصغار وامي جت معي .. وزوجي طبعاً


والحمدلله ربي يسر لي يااربي لك الحمد ..

فـ أنتي وصي على زوجك لاصرتي راايحه ماايحتاااج يعلم احد لأنكم مو نااقصين قلق وتوتر ..

لأن مكالمااات العالم وكلاهم يوتر خصوووصا اذا قعدوا يدقون كل شوووي عليكم


هاااااااااااااااااه ولدت ..؟ تقولون لابااقي

وعلى هالموااال ..


فـ ريحي بااالك وعمرك .. واذا ولدتي ترى النونو مابيطير ..

علميهم اذا ربي يسر لك وولدتي بالسلامه


حبيبــآآآآتي الحـــوآمل ..

من المهم بهالفتره انك تهتمين بخيااطتك عشان تطلع تمام ان شااء الله ..

اولاً / تحركي بشويش مررررررره لاتسوين حركااات مفاجأه زي تقومين بسرعه تنسدحين سرعه

يعني على أقل من مهلك .. وكمااان لا تجلسين بهالفتره ابد

خليك منسدحه او منسدحه ورافعه ظهرك شوووووي

او منسدحه على جنبك

وامشي كماااااااااان بس بخطوااات خفيفه ومتقااربه


ثاانياً/ انتبهي لاااااااا تستخدمين الرشااااش عشااان تتشطفين لأن دفعه قوي وممكن يضر بخيااطتك

استخدمي الابريق وتكون المويه داافيه

ثالثاً / تشطفي بمويه وملح


رابعاً / احرصي انك تنشفين المنطقه زين وادهني الفوطه بالمرهم (انا استخدمت مرهم ريالوكين)


هذا اللي انا سويته والحمدلله احس اني تمااااااااااااام


حبيبتي الحامل وخصووصاًالبكريه ..

عشاان تحسين بالنعمه اللي فيهاااا نااااظري حوولك وشووووفي غيرك كيف يتمنى ان ربي يرزقه ..

كثير يتمنون انهم يكوونون مكااانك مستعدين يسوون لمستحيل عشااان يكونون مثلك ..

مستعدين يتحملوون المتاااااااااااااااااعب بس يكوون عندهم ضنااااااااااااااااا ..


كثييييييير ربي ما أراد لهم ان ربي يتم حملهم ربي يعووضهم خير ..

شفتي النعمه ؟؟؟؟؟


حبيباااتي يوم كنت حااامل صح كنت احب بنتي ومرره متشووقه اشوووفهاااااااا

كنت استاانس اذا بدت تتحرك بطني واستاانس اكثر اذا شفتهاا بالاشعه


تخيلوا كيف كنت احبهاا قبل مااشووفهااا


بس وش اقوول لكم يوووم صااارت قداااااااااااااااااام عيووني الحمدلله
يوووووووووووووووووووووووووه يالاحساااااااااااااااااااااااا ااس

احسااااااااااااااااااااس من روعته يجيب الصيحه والبكاااااااااااااااااا

بجد مااتوقعت كذا الام تستااااااااااااااااانس اذا شافت طفلهااااااااااااااااااا

والا اذا شلتيه وضميتيه شررررررررررررررررررررررط تقطعينه تبويس

براسه وخده ويده ورجلهااااااااااااااااااااا



تخيلووووا انكم بهالموقف





مدري عااد اذا قلت لكم عن الأجهزه اللي بتكون معك بغرفة الولاده أو لا . لكن بكتبهااا لكم ..


لأن التكرار يعلم الحوامل الشطاار هههههههههههههه


أولاً جهازي الضغط طول الوقت عليك عشان يتأكدون ان ضغطك تمااام طول وقت الولاده ..

جهاز نبض الجنين على بطنك عباره عن حزام يحط على بطنك

مغذي

جهاز يقيس قوة الطلق عندك ويكون فيه جهااز يبان عليه قوة الطلق لأن الطلق مستويات

تحطه على فخذك الجهااز عااادي مررره زي السلك وتثبته بزي الشطرطون<= طبعاً هذا اللي لاحظته

مدري وصفي لجهاز الطلق صح او لا.. لأني اذا حسيت بألم أخذ اكسجين يخليني زي الدايخه شوووي

هذي هي الأجهزه اللي بتكون معاك وقت الولاده وبس .

حبيبااتي بخصوص الاكسجين فيه 2 اكسجين

واحد استنشقيه عشان البيبي محتاج زيادة أكسجين<=شي طبيعي

والاكسجين الثاني بمثابة مخدر خفيف اذا حسيتي الالم زاد يخيليك زي الدايخه شووي

ونصيحه مني حبيبتي .. الاكسجين المخدر استخدمه اذا حسيتي المغص ماتتحملينه

طول ما انتي متحمله المغص لاتستنشقينه عشاان ماينومك


واذا نمتي مين بيسااعد البيبي ويدفع معاااااااااه ؟؟؟

واذا أخذتي لاتاخذينه بشكل متوااصل

خذيه اذا شد المغص وماتحملتيه ولاتطولين تستنشقين

يعني الشي اللي يخليك شوي تتخدرين مو تروحين بالنووم


طبعاً شي طبيعي بتحسين انك بتدوخين لأن هذا تأثير الاكسجين المخدر

بس توقفين عن الاستنشااق بعده بفتره صغيره ترجعين لوعيك بالكااااااااااااااااامل


بس من تبدأ الولاده الفعليه( كأنك تبغين الحمااام مررره بتتبولين أو تتبرزين) يعني وقت دفع البيبي ..

هنا ابعدي عن الاكسجين لأنك محتااجه تكونين بوعيك الكااامل عشان تساعدين البيبي وهو يدفع


وانتبهــــــــــــي .. لاتدفعين الا اذا دفع البيبي بــــس


طيب كيف تعرفين ان البيبي يدفع ؟


تحسين شي يدفع لتحت شي كأنه بيطلع

كأنك تبغين تتبرزين أو تتبولين الله يكرمكم


طبعاً كل وحده بتحس انها فعلاً تبرزت وإلا تبولت الله يكرمكم وهي مااسوت شي ابـــــــــــــــــــد

هذا دفع البيبي​

ادعوولي ان الله يهووووون علينا ويسهل الطلق واالولادة :11:

 

[غراابيل]

من جد تمنيت اني قاريته قبل مااااااااجيب ولدي

شي يجنننننننننننن الله يعطيك العافيه ويعطيها العافيه

الله وش كثر خفت على الفااضي وربي سهلها

 

[رقة المشاعر]

غراابيل... ياهلابك والحمدالله ان ربي يسر امرك
والله يحفظلك ولدك يارب

 

[عضووووده]

مشكوووووووره رقه ... حبيبتي الله يجزيج خير ..ويسخر لج زوجج..ويسهل ولادتج ويهوووووون عليج ...وربي يقر عينج بشوفت ضنااااااج... وربي يوفقج في الدنيااا والاخره

 

[رقة المشاعر]

عضووودة فديت قلبك على هالدعوه الطيبه ربي يسلمك من كل شر والله يسعدككك دووووم
نورتيني

 

[ليدي إلهام]

تسلمين ومعني معلمه الأن بس فعلا السرد الكلام سهولة الوصف والطرح كلها ممتازه وصحيحه من خبره


الله يساعدكم وتراها سهله الولاده


عشان كذا كل بيت 3_4_5_ وأكثر من الاولاد ولا كان وقفنا مكان أحسن


وترى على فكره والله أعلم في ملك جنبك وإنتي تولدين ويقولك إنسي وأعيدي


عقبال ما يطفشونكم الاولاد ههههههههههه داخله عرض بس أبغاكم تنبسطون لالالا للخوف طول ماعندنا رب رحيم

 

[همسـ(أنثى)ـات]

موضوووووووووووووووع رووووووووووعة .. تسلم ايد صاحبته ويسلموووو رقة ع النقل ..

 

[نبضآت ~]

يااالبووو ..
دمووعي نزلت والله من الشوق للبيبي حقي وما قدرت أكمل وصلت للحظة خروج البيبي ووقفت ..!

الله يفرحني يااارب بشوووفت أول بيبي ^^

حرجع أكمل بعتين ^.^

 

[ام فيصل و دانه]

يسلموووو الله يسهل عليك

 

[مسرعه بشويش]

كلامك يريح البال ربي يريحك

 

[رقة المشاعر]

تسلمين ومعني معلمه الأن بس فعلا السرد الكلام سهولة الوصف والطرح كلها ممتازه وصحيحه من خبره


الله يساعدكم وتراها سهله الولاده


عشان كذا كل بيت 3_4_5_ وأكثر من الاولاد ولا كان وقفنا مكان أحسن


وترى على فكره والله أعلم في ملك جنبك وإنتي تولدين ويقولك إنسي وأعيدي


عقبال ما يطفشونكم الاولاد ههههههههههه داخله عرض بس أبغاكم تنبسطون لالالا للخوف طول ماعندنا رب رحيم

هلابك يالغلا ربي يسعدك وحياك الله نورتي موضوعي

 

[رقة المشاعر]

موضوووووووووووووووع رووووووووووعة .. تسلم ايد صاحبته ويسلموووو رقة ع النقل ..

الاروع مرورك الطيب يالغاليه ويسلمك ربي

 

[رقة المشاعر]

يااالبووو ..
دمووعي نزلت والله من الشوق للبيبي حقي وما قدرت أكمل وصلت للحظة خروج البيبي ووقفت ..!

الله يفرحني يااارب بشوووفت أول بيبي ^^

حرجع أكمل بعتين ^.^

الله يفرحنا بشوووفة عيالنا يارب سليمين معافين ويسهل على الجميع

حياك ربي

 

[رقة المشاعر]

يسلموووو الله يسهل عليك

الله يسلم قلبك ويسهل على الجميييع يارب

 

[رقة المشاعر]

كلامك يريح البال ربي يريحك

الله يريح بالك ويرزقك بالذريه الصالحه نورتي يالغلا .....

 

[كادنة]

تسلمين ياعسل اللة يحققلك كل امانيك يارب ياكريم

 

[رقة المشاعر]

حياك الله كادنة منوووره

 

[عال العال]

الله يجزاك خير انتي وصاحبة الموضوع

 

[اجمل انسانة@]

أنا لسى في الشهر الثالث وبكر وشايله هم الولادة من الآن من كثر اللي سمعت
مشكورة على الكلام الحلو الله يرزقك ماتمنين